Pañcaviṃśa (Tāṇḍya) Brāhmaṇa of the Sāmaveda (in part) 12.9

पवस्व दक्षसाधन इति गायत्री भवति सिद्ध्यै

pavasva dakṣasādhana iti gāyatrī bhavati siddhyai

Sanskrit only: no published translation is held for this verse.

यत् पवस्वेति तद् बृहतो रूपं बार्हतं ह्य् एतद् अहः

yat pavasveti tad bṛhato rūpaṃ bārhataṃ hy etad ahaḥ

Sanskrit only: no published translation is held for this verse.

तवाहं सोम रराण सख्य इन्दो दिवे दिवे पुरूणि बभ्रो नि चरन्ति मामव परिधींर् अति ताꣳ इहीति

tavāhaṃ soma rarāṇa sakhya indo dive dive purūṇi babhro ni caranti māmava paridhīṃr ati tāṁ ihīti

Sanskrit only: no published translation is held for this verse.

अति ह्य् आयञ्छकुना इव पप्तिमेत्य् अति ह्य् अपतत्

ati hy āyañchakunā iva paptimety ati hy apatat

Sanskrit only: no published translation is held for this verse.

पुनानो अक्रमीद् अभीति

punāno akramīd abhīti

Sanskrit only: no published translation is held for this verse.

गायत्र्यः सत्यस् त्रिष्टुभो रूपेण तस्मात् त्रिष्टुभां लोके क्रियन्ते

gāyatryaḥ satyas triṣṭubho rūpeṇa tasmāt triṣṭubhāṃ loke kriyante

Sanskrit only: no published translation is held for this verse.

गायत्रं भवति यद् एव गायत्रस्य ब्राह्मणम्

gāyatraṃ bhavati yad eva gāyatrasya brāhmaṇam

Sanskrit only: no published translation is held for this verse.

चतुर्णिधनम् आथर्वणं भवति चतूरात्रस्य धृत्यै

caturṇidhanam ātharvaṇaṃ bhavati catūrātrasya dhṛtyai

Sanskrit only: no published translation is held for this verse.

चतुष्पदानुष्टुब् आनुष्टुभम् एतद् अहर् यच्चतुर्थम्

catuṣpadānuṣṭub ānuṣṭubham etad ahar yaccaturtham

Sanskrit only: no published translation is held for this verse.

भेषजं वा आथर्वणानि भेषजम् एव तत् करोति

bheṣajaṃ vā ātharvaṇāni bheṣajam eva tat karoti

Sanskrit only: no published translation is held for this verse.

निधनकामं भवति

nidhanakāmaṃ bhavati

Sanskrit only: no published translation is held for this verse.

एकं वा अन्येन निरुक्तेन निधनेन कामं सनोत्य् अथैतन् निधनकामं सर्वेषां कामानाम् अवरुद्ध्यै

ekaṃ vā anyena niruktena nidhanena kāmaṃ sanoty athaitan nidhanakāmaṃ sarveṣāṃ kāmānām avaruddhyai

Sanskrit only: no published translation is held for this verse.

आष्टादंष्ट्रं भवति

āṣṭādaṃṣṭraṃ bhavati

Sanskrit only: no published translation is held for this verse.

यद् एवाष्टादंष्ट्रस्य ब्राह्मणम्

yad evāṣṭādaṃṣṭrasya brāhmaṇam

Sanskrit only: no published translation is held for this verse.

आभीशवं भवत्य् अह्नो धृत्यै

ābhīśavaṃ bhavaty ahno dhṛtyai

Sanskrit only: no published translation is held for this verse.

यद् वा अधृतम् अभीशुना तद् दाधार

yad vā adhṛtam abhīśunā tad dādhāra

Sanskrit only: no published translation is held for this verse.

अनुतुन्नं गायति तथा ह्य् एतस्याह्नो रूपम्

anutunnaṃ gāyati tathā hy etasyāhno rūpam

Sanskrit only: no published translation is held for this verse.

चतुर्णिधनम् आङ्गिरसं भवति चतूरात्रस्य धृत्यै

caturṇidhanam āṅgirasaṃ bhavati catūrātrasya dhṛtyai

Sanskrit only: no published translation is held for this verse.

स्वःपृष्ठं तथा ह्य् एतस्याह्नो रूपम्

svaḥpṛṣṭhaṃ tathā hy etasyāhno rūpam

Sanskrit only: no published translation is held for this verse.

सत्त्रासाहीयं भवति

sattrāsāhīyaṃ bhavati

Sanskrit only: no published translation is held for this verse.

यद् वा असुराणाम् असोढम् आसीत् तद् देवाः सत्त्रासाहीयेनासहन्त सत्रैनान् असक्ष्महीति तत् सत्त्रासाहीयस्य सत्त्रासाहीयत्वम्

yad vā asurāṇām asoḍham āsīt tad devāḥ sattrāsāhīyenāsahanta satrainān asakṣmahīti tat sattrāsāhīyasya sattrāsāhīyatvam

Sanskrit only: no published translation is held for this verse.

सत्रा भ्रातृव्यं सहते सत्त्रासाहीयेन तुष्टुवानः

satrā bhrātṛvyaṃ sahate sattrāsāhīyena tuṣṭuvānaḥ

Sanskrit only: no published translation is held for this verse.

गायत्रीषु स्तुवन्ति प्रतिष्ठायै ब्रह्मवर्चसाय येनैव प्राणेन प्रयन्ति तम् अभ्युद्यन्ति

gāyatrīṣu stuvanti pratiṣṭhāyai brahmavarcasāya yenaiva prāṇena prayanti tam abhyudyanti

Sanskrit only: no published translation is held for this verse.

वृषण्वत्यो गायत्रयो भवन्ति तद् उ त्रैष्टुभाद् रूपान् न यन्ति स्तोमः

vṛṣaṇvatyo gāyatrayo bhavanti tad u traiṣṭubhād rūpān na yanti stomaḥ

Sanskrit only: no published translation is held for this verse.