ध्वस्रे वै पुरुषन्ती तरन्तपुरुमीढाभ्यां वैददश्विभ्यां सहस्राण्य् अदित्सतां ताव् ऐक्षेतां कथं नाव् इदम् आत्तम् अप्रतिगृहीतं स्याद् इति तौ प्रत्य् एतां ध्वस्रयोः पुरुषन्त्योर् आ सहस्राणि दद्महे तरत् स मन्दी धावतीति ततो वै तत् तयोर् आत्तम् अप्रतिगृहीतम् अभवत्
dhvasre vai puruṣantī tarantapurumīḍhābhyāṃ vaidadaśvibhyāṃ sahasrāṇy aditsatāṃ tāv aikṣetāṃ kathaṃ nāv idam āttam apratigṛhītaṃ syād iti tau praty etāṃ dhvasrayoḥ puruṣantyor ā sahasrāṇi dadmahe tarat sa mandī dhāvatīti tato vai tat tayor āttam apratigṛhītam abhavat
Sanskrit only: no published translation is held for this verse.
आत्तम् अस्याप्रतिगृहीतं भवति य एवं वेद
āttam asyāpratigṛhītaṃ bhavati ya evaṃ veda
Sanskrit only: no published translation is held for this verse.
विनाराशंसो भवत्य् उभयस्यान्नाद्यस्यावरुद्ध्यै मानुषस्य च दैवस्य च
vinārāśaṃso bhavaty ubhayasyānnādyasyāvaruddhyai mānuṣasya ca daivasya ca
Sanskrit only: no published translation is held for this verse.
तृच उत्तमो भवति येनैव प्राणेन प्रयन्ति तम् अभ्युद्यन्ति
tṛca uttamo bhavati yenaiva prāṇena prayanti tam abhyudyanti
Sanskrit only: no published translation is held for this verse.
त्रयस्त्रिंश एव स्तोमो भवति प्रतिष्ठायै देवतासु वा एष प्रतिष्ठितः
trayastriṃśa eva stomo bhavati pratiṣṭhāyai devatāsu vā eṣa pratiṣṭhitaḥ
Sanskrit only: no published translation is held for this verse.
इमं स्तोमम् अर्हते जातवेदस इत्य् आग्नेयम् आज्यं भवति सोदर्कम् इन्द्रियस्य वीर्यस्य रसस्यानतिक्षाराय यत्र वै देवा इन्द्रियं वीर्यं रसम् अपश्यंस् तद् अनुन्यतुदन्
imaṃ stomam arhate jātavedasa ity āgneyam ājyaṃ bhavati sodarkam indriyasya vīryasya rasasyānatikṣārāya yatra vai devā indriyaṃ vīryaṃ rasam apaśyaṃs tad anunyatudan
Sanskrit only: no published translation is held for this verse.
प्रति वां सूर उदित इति सूरवन् मैत्रावरुणम्
prati vāṃ sūra udita iti sūravan maitrāvaruṇam
Sanskrit only: no published translation is held for this verse.
अन्तो वै सूरो ऽन्त एतत् षष्ठम् अहर् अह्नाम् अन्त एव तद् अन्तेन स्तुवते प्रतिष्ठायै
anto vai sūro 'nta etat ṣaṣṭham ahar ahnām anta eva tad antena stuvate pratiṣṭhāyai
Sanskrit only: no published translation is held for this verse.
भिन्द्धि विश्वा अप द्विष इत्य् ऐन्द्रं सोदर्कम् इन्द्रियस्य वीर्यस्य रसस्यानतिक्षाराय यत्र वै देवा इन्द्रियं वीर्यं रसम् अपश्यंस् तद् अनुन्यतुदन्
bhinddhi viśvā apa dviṣa ity aindraṃ sodarkam indriyasya vīryasya rasasyānatikṣārāya yatra vai devā indriyaṃ vīryaṃ rasam apaśyaṃs tad anunyatudan
Sanskrit only: no published translation is held for this verse.
यज्ञस्य हि स्थ ऋत्विज इत्य् ऐन्द्राग्नं सोदर्कम् इन्द्रियस्य वीर्यस्य रसस्यानतिक्षाराय यत्र वै देवा इन्द्रियं वीर्यं रसम् अपश्यंस् तद् अनुन्यतुदन् स्तोमः
yajñasya hi stha ṛtvija ity aindrāgnaṃ sodarkam indriyasya vīryasya rasasyānatikṣārāya yatra vai devā indriyaṃ vīryaṃ rasam apaśyaṃs tad anunyatudan stomaḥ
Sanskrit only: no published translation is held for this verse.
इन्द्रायेन्दो मरुत्वत इति मरुत्वत्यो गायत्र्यो भवन्ति
indrāyendo marutvata iti marutvatyo gāyatryo bhavanti
Sanskrit only: no published translation is held for this verse.
मरुत्वद्धि माध्यन्दिनं सवनम्
marutvaddhi mādhyandinaṃ savanam
Sanskrit only: no published translation is held for this verse.
मृज्यमानः सुहस्त्य इति सिमानां रूपम्
mṛjyamānaḥ suhastya iti simānāṃ rūpam
Sanskrit only: no published translation is held for this verse.
समानं वै सिमानां रूपं रेवतीनां च सिमाभ्यो ह्य् अधि रेवत्यः प्रजायन्ते
samānaṃ vai simānāṃ rūpaṃ revatīnāṃ ca simābhyo hy adhi revatyaḥ prajāyante
Sanskrit only: no published translation is held for this verse.
एतम् उ त्यं दश क्षिप इत्य् आदित्या आदित्या वा इमाः प्रजास् तासाम् एव मध्यतः प्रतितिष्ठति
etam u tyaṃ daśa kṣipa ity ādityā ādityā vā imāḥ prajās tāsām eva madhyataḥ pratitiṣṭhati
Sanskrit only: no published translation is held for this verse.
गायत्र्यः सत्यस् त्रिष्टुभो रूपेण तस्मात् त्रिष्टुभां लोके क्रियन्ते
gāyatryaḥ satyas triṣṭubho rūpeṇa tasmāt triṣṭubhāṃ loke kriyante
Sanskrit only: no published translation is held for this verse.
गायत्रं भवति यद् एव गायत्रस्य ब्राह्मणम्
gāyatraṃ bhavati yad eva gāyatrasya brāhmaṇam
Sanskrit only: no published translation is held for this verse.
इषोवृधीयं भवति
iṣovṛdhīyaṃ bhavati
Sanskrit only: no published translation is held for this verse.
पशवो वा इषोवृधीयं पशूनाम् अवरुद्ध्या इषे वै पञ्चमम् अहर् वृधे षष्ठम् अवर्धन्त ह्य् एतर्हि यजमानम् एवैतेन वर्धयन्ति
paśavo vā iṣovṛdhīyaṃ paśūnām avaruddhyā iṣe vai pañcamam ahar vṛdhe ṣaṣṭham avardhanta hy etarhi yajamānam evaitena vardhayanti
Sanskrit only: no published translation is held for this verse.
क्रौञ्चं भवति
krauñcaṃ bhavati
Sanskrit only: no published translation is held for this verse.
क्रुङ्ङ् एष्यम् अहर् अविन्दद् एष्यम् इव वै षष्ठम् अहर् अहर् एवैतेन विन्दन्ति
kruṅṅ eṣyam ahar avindad eṣyam iva vai ṣaṣṭham ahar ahar evaitena vindanti
Sanskrit only: no published translation is held for this verse.
वाजदावर्यो भवन्ति
vājadāvaryo bhavanti
Sanskrit only: no published translation is held for this verse.
अन्नं वै वाजो ऽन्नाद्यस्यावरुद्ध्यै यदा हि वा अन्नम् अथ गौर् अथाश्वो ऽथ पुरुषो वाजी
annaṃ vai vājo 'nnādyasyāvaruddhyai yadā hi vā annam atha gaur athāśvo 'tha puruṣo vājī
Sanskrit only: no published translation is held for this verse.
रेवत्यो भवन्ति प्रतिष्ठायै
revatyo bhavanti pratiṣṭhāyai
Sanskrit only: no published translation is held for this verse.
षण्णिधनी षड्रात्रस्य धृत्यै
ṣaṇṇidhanī ṣaḍrātrasya dhṛtyai
Sanskrit only: no published translation is held for this verse.
आपो वै रेवत्यस् ता यत् पृष्ठं कुर्युर् अपशुर् यजमानः स्यात् पशून् अस्य निर्दहेयुर् यत्र वा आपो विवर्तन्ते तद् ओषधयो जायन्ते ऽथ यत्रावतिष्ठन्ते निर्मृतुकास् तत्र भवन्ति तस्मात् पवमाने कुर्वन्ति पराचा हि पवमानेन स्तुवते
āpo vai revatyas tā yat pṛṣṭhaṃ kuryur apaśur yajamānaḥ syāt paśūn asya nirdaheyur yatra vā āpo vivartante tad oṣadhayo jāyante 'tha yatrāvatiṣṭhante nirmṛtukās tatra bhavanti tasmāt pavamāne kurvanti parācā hi pavamānena stuvate
Sanskrit only: no published translation is held for this verse.
मेथी वा इषोवृधीयं रज्जुः क्रौञ्चं वत्सो वाजदावर्यो रेवत्यो मातरो यद् एतान्य् एवं सामानि क्रियन्त एवम् एव प्रत्तां दुग्धे
methī vā iṣovṛdhīyaṃ rajjuḥ krauñcaṃ vatso vājadāvaryo revatyo mātaro yad etāny evaṃ sāmāni kriyanta evam eva prattāṃ dugdhe
Sanskrit only: no published translation is held for this verse.
औक्ष्णोरन्ध्रे भवतः
aukṣṇorandhre bhavataḥ
Sanskrit only: no published translation is held for this verse.
उक्ष्णोरन्ध्रो वा एताभ्यां काव्यो ऽञ्जसा स्वर्गं लोकम् अपश्यत् स्वर्गस्य लोकस्यानुख्यात्यै स्वर्गाल्लोकान् न च्यवते तुष्टुवानः
ukṣṇorandhro vā etābhyāṃ kāvyo 'ñjasā svargaṃ lokam apaśyat svargasya lokasyānukhyātyai svargāllokān na cyavate tuṣṭuvānaḥ
Sanskrit only: no published translation is held for this verse.
वाजजिद् भवति सर्वस्याप्त्यै सर्वस्य जित्यै सर्वं वा एते वाजं जयन्ति ये षष्ठम् अहर् आगच्छन्ति
vājajid bhavati sarvasyāptyai sarvasya jityai sarvaṃ vā ete vājaṃ jayanti ye ṣaṣṭham ahar āgacchanti
Sanskrit only: no published translation is held for this verse.
अन्नं वै वाजो ऽन्नाद्यस्यावरुद्ध्यै
annaṃ vai vājo 'nnādyasyāvaruddhyai
Sanskrit only: no published translation is held for this verse.
वरुणसाम भवति
varuṇasāma bhavati
Sanskrit only: no published translation is held for this verse.
एतेन वै वरुणो राज्यम् आधिपत्यम् अगच्छद् राज्यम् आधिपत्यं गच्छति वरुणसाम्ना तुष्टुवानः
etena vai varuṇo rājyam ādhipatyam agacchad rājyam ādhipatyaṃ gacchati varuṇasāmnā tuṣṭuvānaḥ
Sanskrit only: no published translation is held for this verse.
अङ्गिरसां गोष्ठो भवति
aṅgirasāṃ goṣṭho bhavati
Sanskrit only: no published translation is held for this verse.
पशवो वै रेवत्यो गोष्ठम् एव तत् पशुभ्यः पर्यस्यन्ति तम् एवैनान् प्रवर्तयन्त्य् अविस्रंसाय
paśavo vai revatyo goṣṭham eva tat paśubhyaḥ paryasyanti tam evainān pravartayanty avisraṃsāya
Sanskrit only: no published translation is held for this verse.
इहवद् वामदेव्यं भवति
ihavad vāmadevyaṃ bhavati
Sanskrit only: no published translation is held for this verse.
एतेन वै वामदेवो ऽन्नस्य पुरोधाम् अगच्छद् अन्नं वै ब्रह्मणः पुरोधान्नस्यावरुद्ध्यै
etena vai vāmadevo 'nnasya purodhām agacchad annaṃ vai brahmaṇaḥ purodhānnasyāvaruddhyai
Sanskrit only: no published translation is held for this verse.
गायत्रीषु स्तुवन्ति प्रतिष्ठायै ब्रह्मवर्चसाय येनैव प्राणेन प्रयन्ति तम् अभ्युद्यन्ति
gāyatrīṣu stuvanti pratiṣṭhāyai brahmavarcasāya yenaiva prāṇena prayanti tam abhyudyanti
Sanskrit only: no published translation is held for this verse.
मरुत्वत्यो गायत्र्यो भवन्ति तद् उ त्रैष्टुभाद् रूपान् न यन्ति स्तोमः
marutvatyo gāyatryo bhavanti tad u traiṣṭubhād rūpān na yanti stomaḥ
Sanskrit only: no published translation is held for this verse.
यातयामान्य् अन्यानि छन्दांस्य् अयातयामा गायत्री तस्माद् गायत्रीषु स्तुवन्ति
yātayāmāny anyāni chandāṃsy ayātayāmā gāyatrī tasmād gāyatrīṣu stuvanti
Sanskrit only: no published translation is held for this verse.
सुरूपकृत्नुम् ऊतय इत्य् अभ्यारम्भेण षट्पदाः षष्ठस्याह्नो रूपं तेन षष्ठम् अहर् आरभन्ते सन्तत्यै
surūpakṛtnum ūtaya ity abhyārambheṇa ṣaṭpadāḥ ṣaṣṭhasyāhno rūpaṃ tena ṣaṣṭham ahar ārabhante santatyai
Sanskrit only: no published translation is held for this verse.
उभे यद् इन्द्र रोदसी इति षट्पदाः षष्ठस्याह्नो रूपं तेन षष्ठम् अहर् आरभन्ते सन्तत्यै
ubhe yad indra rodasī iti ṣaṭpadāḥ ṣaṣṭhasyāhno rūpaṃ tena ṣaṣṭham ahar ārabhante santatyai
Sanskrit only: no published translation is held for this verse.
रेवतीषु वारवन्तीयं पृष्ठं भवति
revatīṣu vāravantīyaṃ pṛṣṭhaṃ bhavati
Sanskrit only: no published translation is held for this verse.
अपां वा एष रसो यद् रेवत्यो रेवतीनां रसो यद् वारवन्तीयं सरसा एव तद् रेवतीः प्रयुङ्क्ते यद् वारवन्तीयेन पृष्ठेन स्तुवते
apāṃ vā eṣa raso yad revatyo revatīnāṃ raso yad vāravantīyaṃ sarasā eva tad revatīḥ prayuṅkte yad vāravantīyena pṛṣṭhena stuvate
Sanskrit only: no published translation is held for this verse.
रेवद् वा एतद् रैवत्यं यद् वारवन्तीयम् अस्य रेवान् रैवत्यो जायते
revad vā etad raivatyaṃ yad vāravantīyam asya revān raivatyo jāyate
Sanskrit only: no published translation is held for this verse.
रेवान् भवति य एवं वेद
revān bhavati ya evaṃ veda
Sanskrit only: no published translation is held for this verse.
केशिने वा एतद् दाल्भ्याय सामाविरभवत् तद् एनम् अब्रवीद् अगातारो मा गायन्ति मा मयोद्गासिषुर् इति कथं त आगा भगव इत्य् अब्रवीद् आगेयम् एवास्म्य् आगायन्न् इव गायेत् प्रतिष्ठायै तद् अलम्मं पारिजानतं पश्चादक्षं शयानम् एताम् आगां गायन्तम् अजानात् तम् अब्रवीत् पुरस् त्वा दधा इति तम् अब्रुवन् को न्व् अयं कस्मा अलम् इत्य् अलं नु वै मह्यम् इति तद् अलम्मस्यालम्मत्वम्
keśine vā etad dālbhyāya sāmāvirabhavat tad enam abravīd agātāro mā gāyanti mā mayodgāsiṣur iti kathaṃ ta āgā bhagava ity abravīd āgeyam evāsmy āgāyann iva gāyet pratiṣṭhāyai tad alammaṃ pārijānataṃ paścādakṣaṃ śayānam etām āgāṃ gāyantam ajānāt tam abravīt puras tvā dadhā iti tam abruvan ko nv ayaṃ kasmā alam ity alaṃ nu vai mahyam iti tad alammasyālammatvam
Sanskrit only: no published translation is held for this verse.
इहेहेति गायेत् प्रतिष्ठायै
iheheti gāyet pratiṣṭhāyai
Sanskrit only: no published translation is held for this verse.
ऋषभो रैवतो भवति
ṛṣabho raivato bhavati
Sanskrit only: no published translation is held for this verse.
पशवो वै रैवत्यः पशुष्व् एव तन् मिथुनम् अप्यर्जति प्रजात्यै न ह वा अनृषभाः पशवः प्रजायन्ते
paśavo vai raivatyaḥ paśuṣv eva tan mithunam apyarjati prajātyai na ha vā anṛṣabhāḥ paśavaḥ prajāyante
Sanskrit only: no published translation is held for this verse.
श्येनो भवति
śyeno bhavati
Sanskrit only: no published translation is held for this verse.
श्येनो ह वै पूर्वप्रेतानि वयांस्य् आप्नोति पूर्वप्रेतानीव वै पूर्वाण्य् अहानि तेषाम् आप्त्यै श्येनः क्रियते
śyeno ha vai pūrvapretāni vayāṃsy āpnoti pūrvapretānīva vai pūrvāṇy ahāni teṣām āptyai śyenaḥ kriyate
Sanskrit only: no published translation is held for this verse.
श्येनो वा एतद् अहः संपारयितुम् अर्हति स हि वयसाम् आशिष्ठस् तस्यानपहननाय सम्पारणायैतत् क्रियते ऽन्तो हि षष्ठं चाहः सप्तमं च
śyeno vā etad ahaḥ saṃpārayitum arhati sa hi vayasām āśiṣṭhas tasyānapahananāya sampāraṇāyaitat kriyate 'nto hi ṣaṣṭhaṃ cāhaḥ saptamaṃ ca
Sanskrit only: no published translation is held for this verse.
ब्रह्मवादिनो वदन्ति यद् बृहदायतनानि पृष्ठान्य् अथैते द्वे गायत्र्यौ द्वे जगत्यौ क्व तर्हि बृहत्यो भवन्तीति
brahmavādino vadanti yad bṛhadāyatanāni pṛṣṭhāny athaite dve gāyatryau dve jagatyau kva tarhi bṛhatyo bhavantīti
Sanskrit only: no published translation is held for this verse.
ये द्वे जगत्योः पदे ते गायत्र्या उपसंपद्येते तत् सर्वा बृहत्यो भवन्त्य् आयतने पृष्ठानि यातयत्यायतनवान् भवति
ye dve jagatyoḥ pade te gāyatryā upasaṃpadyete tat sarvā bṛhatyo bhavanty āyatane pṛṣṭhāni yātayatyāyatanavān bhavati
Sanskrit only: no published translation is held for this verse.
षट्पदासु स्तुवन्ति षड्रात्रस्य धृत्यै
ṣaṭpadāsu stuvanti ṣaḍrātrasya dhṛtyai
Sanskrit only: no published translation is held for this verse.
सप्तपदया यजति सप्तमस्याह्नः सन्तत्यै स्तोमः
saptapadayā yajati saptamasyāhnaḥ santatyai stomaḥ
Sanskrit only: no published translation is held for this verse.
परिस्वानो गिरिष्ठा इति परिवत्यो गायत्र्यो भवन्ति सर्वस्य पर्याप्त्यै
parisvāno giriṣṭhā iti parivatyo gāyatryo bhavanti sarvasya paryāptyai
Sanskrit only: no published translation is held for this verse.
समुन्वेयो वसूनाम् इति पशवो वै वसु पशूनाम् अवरुद्ध्यै
samunveyo vasūnām iti paśavo vai vasu paśūnām avaruddhyai
Sanskrit only: no published translation is held for this verse.
तं वः सखायो मदायेति वालखिल्याः
taṃ vaḥ sakhāyo madāyeti vālakhilyāḥ
Sanskrit only: no published translation is held for this verse.
वालखिल्याव् एतौ तृचौ षष्ठे चाहनि सप्तमे च
vālakhilyāv etau tṛcau ṣaṣṭhe cāhani saptame ca
Sanskrit only: no published translation is held for this verse.
यद् एतौ वालखिल्यौ तृचौ भवतो ऽह्नोर् एव व्यतिषङ्गायाव्यवस्रंसाय सन्तत्यै
yad etau vālakhilyau tṛcau bhavato 'hnor eva vyatiṣaṅgāyāvyavasraṃsāya santatyai
Sanskrit only: no published translation is held for this verse.
सोमाः पवन्त इन्दव इत्य् अनुष्टुभो निभसदो भवन्ति प्रतिष्ठायै
somāḥ pavanta indava ity anuṣṭubho nibhasado bhavanti pratiṣṭhāyai
Sanskrit only: no published translation is held for this verse.
अया पवा पवस्वैना वसूनीति त्रिष्टुभस् सत्यो जगत्यो रूपेण तस्माज्जगतीनां लोके क्रियन्ते
ayā pavā pavasvainā vasūnīti triṣṭubhas satyo jagatyo rūpeṇa tasmājjagatīnāṃ loke kriyante
Sanskrit only: no published translation is held for this verse.
गायत्रं भवति यद् एव गायत्रस्य ब्राह्मणम्
gāyatraṃ bhavati yad eva gāyatrasya brāhmaṇam
Sanskrit only: no published translation is held for this verse.
वैदन्वतानि भवन्ति
vaidanvatāni bhavanti
Sanskrit only: no published translation is held for this verse.
विदन्वान् वै भार्गव इन्द्रस्य प्रत्यहंस् तं शुग् आर्छत् स तपो ऽतप्यत स एतानि वैदन्वतान्य् अपश्यत् तैः शुचम् अपाहताप शुचं हते वैदन्वतैस् तुष्टुवानः
vidanvān vai bhārgava indrasya pratyahaṃs taṃ śug ārchat sa tapo 'tapyata sa etāni vaidanvatāny apaśyat taiḥ śucam apāhatāpa śucaṃ hate vaidanvatais tuṣṭuvānaḥ
Sanskrit only: no published translation is held for this verse.
भरद्वाजस्य लोम भवति पशवो वै लोम पशूनाम् अवरुद्ध्यै
bharadvājasya loma bhavati paśavo vai loma paśūnām avaruddhyai
Sanskrit only: no published translation is held for this verse.
तद् उ दीर्घम् इत्य् आहुर् आयुर् वै दीर्घम् आयुषो ऽवरुद्ध्यै
tad u dīrgham ity āhur āyur vai dīrgham āyuṣo 'varuddhyai
Sanskrit only: no published translation is held for this verse.
कार्णश्रवसं भवति शृण्वन्ति तुष्टुवानम्
kārṇaśravasaṃ bhavati śṛṇvanti tuṣṭuvānam
Sanskrit only: no published translation is held for this verse.
कर्णश्रवा वा एतद् आङ्गिरसः पशुकामः सामापश्यत् तेन सहस्रं पशून् असृजत यद् एतत् साम भवति पशूनां पुष्ट्यै
karṇaśravā vā etad āṅgirasaḥ paśukāmaḥ sāmāpaśyat tena sahasraṃ paśūn asṛjata yad etat sāma bhavati paśūnāṃ puṣṭyai
Sanskrit only: no published translation is held for this verse.
गौरीवितं भवति गौरीवितस्य ब्राह्मणम्
gaurīvitaṃ bhavati gaurīvitasya brāhmaṇam
Sanskrit only: no published translation is held for this verse.
मधुश्च्युन्निधनं भवति
madhuścyunnidhanaṃ bhavati
Sanskrit only: no published translation is held for this verse.
परमस्यान्नाद्यस्यावरुद्ध्यै परमं वा एतद् अन्नाद्यं यन् मधु
paramasyānnādyasyāvaruddhyai paramaṃ vā etad annādyaṃ yan madhu
Sanskrit only: no published translation is held for this verse.
प्रजापतेर् वा एतौ स्तनौ यद् घृतश्च्युन्निधनं च मधुश्च्युन्निधनं च यज्ञो वै प्रजापतिस् तम् एताभ्यां दुग्धे यं कामं कामयते तं दुग्धे
prajāpater vā etau stanau yad ghṛtaścyunnidhanaṃ ca madhuścyunnidhanaṃ ca yajño vai prajāpatis tam etābhyāṃ dugdhe yaṃ kāmaṃ kāmayate taṃ dugdhe
Sanskrit only: no published translation is held for this verse.
क्रौञ्चे भवतः
krauñce bhavataḥ
Sanskrit only: no published translation is held for this verse.
क्रुङ्ङ् एष्यम् अहर् अविन्दद् एष्यमिव वै षष्ठम् अहर् अहरेवैताभ्याम् विन्दति
kruṅṅ eṣyam ahar avindad eṣyamiva vai ṣaṣṭham ahar aharevaitābhyām vindati
Sanskrit only: no published translation is held for this verse.
श्नौष्टं भवति
śnauṣṭaṃ bhavati
Sanskrit only: no published translation is held for this verse.
श्नुष्टिर् वा एतेनाङ्गिरसो ऽञ्जसा स्वर्गं लोकम् अपश्यत् स्वर्गस्य लोकस्यानुख्यात्यै स्वर्गात् लोकान्न च्यवते तुष्टुवानः
śnuṣṭir vā etenāṅgiraso 'ñjasā svargaṃ lokam apaśyat svargasya lokasyānukhyātyai svargāt lokānna cyavate tuṣṭuvānaḥ
Sanskrit only: no published translation is held for this verse.
अग्नेर् वा एतद् वैश्वानरस्य साम दीदिहीति निधनम् उपयन्ति दीदायेव ह्य् अग्निर् वैश्वानरः
agner vā etad vaiśvānarasya sāma dīdihīti nidhanam upayanti dīdāyeva hy agnir vaiśvānaraḥ
Sanskrit only: no published translation is held for this verse.
निधनान्ताः पवमाना भवन्त्य् अह्नो धृत्यै स्तोमः
nidhanāntāḥ pavamānā bhavanty ahno dhṛtyai stomaḥ
Sanskrit only: no published translation is held for this verse.
ब्रह्मवादिनो वदन्ति प्रायणतो द्विपदाः कार्या उदयनता३ इति
brahmavādino vadanti prāyaṇato dvipadāḥ kāryā udayanatā3 iti
Sanskrit only: no published translation is held for this verse.
उदयनत एव कार्याः पुरुषो वै द्विपदाः प्रतिष्ठायै
udayanata eva kāryāḥ puruṣo vai dvipadāḥ pratiṣṭhāyai
Sanskrit only: no published translation is held for this verse.
वाचा वै सर्वं यज्ञं तन्वते तस्मात् सर्वां वाचं पुरुषो वदति सर्वा ह्य् अस्मिन् संस्तुता प्रतितिष्ठति
vācā vai sarvaṃ yajñaṃ tanvate tasmāt sarvāṃ vācaṃ puruṣo vadati sarvā hy asmin saṃstutā pratitiṣṭhati
Sanskrit only: no published translation is held for this verse.
गूर्दो भवति
gūrdo bhavati
Sanskrit only: no published translation is held for this verse.
गौपायनानां वै सत्त्रम् आसीनानां किरातकुल्याव् असुरमाये अन्तःपरिध्य् असून् प्राकिरतां ते अग्ने त्वं नो अन्तम इत्य् अग्निम् उपासीदंस् तेनासून् अस्पृण्वंस् तद् वाव ते तर्ह्य् अकामयन्त कामसनि साम गूर्दः कामम् एवैतेनावरुन्द्धे
gaupāyanānāṃ vai sattram āsīnānāṃ kirātakulyāv asuramāye antaḥparidhy asūn prākiratāṃ te agne tvaṃ no antama ity agnim upāsīdaṃs tenāsūn aspṛṇvaṃs tad vāva te tarhy akāmayanta kāmasani sāma gūrdaḥ kāmam evaitenāvarunddhe
Sanskrit only: no published translation is held for this verse.
गोतमस्य भद्रं भवति
gotamasya bhadraṃ bhavati
Sanskrit only: no published translation is held for this verse.
आशिषम् एवास्मा एतेनाशास्ते साम हि सत्याशीः
āśiṣam evāsmā etenāśāste sāma hi satyāśīḥ
Sanskrit only: no published translation is held for this verse.
एतेन वै गोतमो जेमानं महिमानम् अगच्छत् तस्माद् ये च पराञ्चो गोतमाद् ये चार्वाञ्चस् त उभये गोतमा ऋषयो ब्रुवते
etena vai gotamo jemānaṃ mahimānam agacchat tasmād ye ca parāñco gotamād ye cārvāñcas ta ubhaye gotamā ṛṣayo bruvate
Sanskrit only: no published translation is held for this verse.
उद्वंशपुत्रो भवति
udvaṃśaputro bhavati
Sanskrit only: no published translation is held for this verse.
यद् वा उद्वंशीयं तद् उद्वंशपुत्रः
yad vā udvaṃśīyaṃ tad udvaṃśaputraḥ
Sanskrit only: no published translation is held for this verse.
अर्धेडाम् अतिस्वरति
ardheḍām atisvarati
Sanskrit only: no published translation is held for this verse.
तस्माद् ऊधर् धारा अतिक्षरन्तीडायाम् अन्ततः पशुषु प्रतितिष्ठति
tasmād ūdhar dhārā atikṣarantīḍāyām antataḥ paśuṣu pratitiṣṭhati
Sanskrit only: no published translation is held for this verse.
क्ﾱप्त उपरिष्टाद् ऋक् साम च विमुच्येते अभ्य् उ स्वरेण सप्तमम् अहः स्वरति सन्तत्यै
kﾱpta upariṣṭād ṛk sāma ca vimucyete abhy u svareṇa saptamam ahaḥ svarati santatyai
Sanskrit only: no published translation is held for this verse.
ऊहुषीव वा एतर्हि वाग् यदा षडहः संतिष्ठते न बहु वदेन् नान्यं पृच्छेन् नान्यस्मै प्रब्रूयात्
ūhuṣīva vā etarhi vāg yadā ṣaḍahaḥ saṃtiṣṭhate na bahu vaden nānyaṃ pṛcchen nānyasmai prabrūyāt
Sanskrit only: no published translation is held for this verse.
मधु वाशयेद् घृतं वा यथोहुषो वहं प्रत्यनक्ति तथा तत्
madhu vāśayed ghṛtaṃ vā yathohuṣo vahaṃ pratyanakti tathā tat
Sanskrit only: no published translation is held for this verse.
त्रयस्त्रिंश एव स्तोमो भवति प्रतिष्ठायै देवतासु वा एष प्रतिष्ठितः
trayastriṃśa eva stomo bhavati pratiṣṭhāyai devatāsu vā eṣa pratiṣṭhitaḥ
Sanskrit only: no published translation is held for this verse.
A library of Sanskrit texts, held as their editions give them, with a search and a study companion that quote only what is held.
532 texts, 7,62,517 verses.
© 2026 HREEM. Sanskrit from GRETIL (CC BY-NC-SA 4.0, or the terms of the individual file), Sanskrit Wikisource (public-domain texts; page markup CC BY-SA 4.0) and the Digital Corpus of Sanskrit (CC BY 4.0). Translations are public domain unless a verse says otherwise.