Pañcaviṃśa (Tāṇḍya) Brāhmaṇa of the Sāmaveda (in part) 2.12

तिसृभ्यो हिंकरोति स पराचीभिः पञ्चभ्यो हिंकरोति स एकया स तिसृभिः स एकया नवभ्यो हिंकरोति स तिसृभिः स तिसृभिः स तिसृभिर् उद्यती सप्तदशस्य विष्टुतिः

tisṛbhyo hiṃkaroti sa parācībhiḥ pañcabhyo hiṃkaroti sa ekayā sa tisṛbhiḥ sa ekayā navabhyo hiṃkaroti sa tisṛbhiḥ sa tisṛbhiḥ sa tisṛbhir udyatī saptadaśasya viṣṭutiḥ

Sanskrit only: no published translation is held for this verse.

एतया वै देवाः स्वर्गं लोकम् आयन् स्वर्गकामः स्तुवीत स्वर्गस्य लोकस्य समष्ट्यै स्वर्गाल्लोकान्न च्यवते तुष्टुवानो ऽभिक्रामन्ती विष्टुतिर् अभिक्रान्त्या एवाभिक्रान्तेन हि यज्ञस्यर्ध्नोति तस्माद् एतया स्तोतव्यम् ऋद्ध्या एव

etayā vai devāḥ svargaṃ lokam āyan svargakāmaḥ stuvīta svargasya lokasya samaṣṭyai svargāllokānna cyavate tuṣṭuvāno 'bhikrāmantī viṣṭutir abhikrāntyā evābhikrāntena hi yajñasyardhnoti tasmād etayā stotavyam ṛddhyā eva

Sanskrit only: no published translation is held for this verse.