Pañcaviṃśa (Tāṇḍya) Brāhmaṇa of the Sāmaveda (in part) 2.7

पञ्चभ्यो हिंकरोति स तिसृभिः स एकया स एकया पञ्चभ्यो हिंकरोति स एकया स तिसृभिः स एकया सप्तभ्यो हिंकरोति स एकया स तिसृभिः स तिसृभिर् दशसप्ता सप्तदशस्य विष्टुतिः

pañcabhyo hiṃkaroti sa tisṛbhiḥ sa ekayā sa ekayā pañcabhyo hiṃkaroti sa ekayā sa tisṛbhiḥ sa ekayā saptabhyo hiṃkaroti sa ekayā sa tisṛbhiḥ sa tisṛbhir daśasaptā saptadaśasya viṣṭutiḥ

Sanskrit only: no published translation is held for this verse.

एतया वै देवा असुरान् अत्यक्रामन्न् अति पाप्मानं भ्रातृव्यं क्रामति य एतया स्तुते

etayā vai devā asurān atyakrāmann ati pāpmānaṃ bhrātṛvyaṃ krāmati ya etayā stute

Sanskrit only: no published translation is held for this verse.

अभिक्रामन्ती विष्टुतिर् अभिक्रामन्त्या एवाभिक्रान्तेन हि यज्ञस्यर्ध्नोति तस्माद् एतया स्तोतव्यम् ऋद्ध्या एव

abhikrāmantī viṣṭutir abhikrāmantyā evābhikrāntena hi yajñasyardhnoti tasmād etayā stotavyam ṛddhyā eva

Sanskrit only: no published translation is held for this verse.

गर्भिणी विष्टुतिः प्र प्रजया प्र पशुभिर् जायते य एतया स्तुते

garbhiṇī viṣṭutiḥ pra prajayā pra paśubhir jāyate ya etayā stute

Sanskrit only: no published translation is held for this verse.

विड् वै सप्तदशस् तस्या राजा गर्भो विश एव तद् राजानं गर्भं करोति

viḍ vai saptadaśas tasyā rājā garbho viśa eva tad rājānaṃ garbhaṃ karoti

Sanskrit only: no published translation is held for this verse.

नावगतो ऽपरुध्यते नापरुद्धो ऽवगच्छति

nāvagato 'parudhyate nāparuddho 'vagacchati

Sanskrit only: no published translation is held for this verse.

अन्नं वै सप्तदशो यत् सप्त मध्ये भवन्ति पञ्च पञ्चाभितो ऽन्नम् एव तन् मध्यतो धीयते ऽनशनायुको यजमानो भवत्य् अनशनायुकाः प्रजाः

annaṃ vai saptadaśo yat sapta madhye bhavanti pañca pañcābhito 'nnam eva tan madhyato dhīyate 'naśanāyuko yajamāno bhavaty anaśanāyukāḥ prajāḥ

Sanskrit only: no published translation is held for this verse.

वैराजो वै पुरुषः सप्त ग्राम्याः पशवो यद् दश पूर्वा भवन्ति सप्तोत्तमा यजमानम् एव तत् पशुषु प्रतिष्ठापयति

vairājo vai puruṣaḥ sapta grāmyāḥ paśavo yad daśa pūrvā bhavanti saptottamā yajamānam eva tat paśuṣu pratiṣṭhāpayati

Sanskrit only: no published translation is held for this verse.

एषा वै प्रतिष्ठिता सप्तदशस्य विष्टुतिः प्रतितिष्ठति य एतया स्तुते

eṣā vai pratiṣṭhitā saptadaśasya viṣṭutiḥ pratitiṣṭhati ya etayā stute

Sanskrit only: no published translation is held for this verse.