Pañcaviṃśa (Tāṇḍya) Brāhmaṇa of the Sāmaveda (in part) 2.9

सप्तभ्यो हिंकरोति स तिसृभिः स तिसृभिः स एकया तिसृभ्यो हिंकरोति पराचीभिः सप्तभ्यो हिंकरोति स एकया स तिसृभिः स तिसृभिः सप्तास्थिता

saptabhyo hiṃkaroti sa tisṛbhiḥ sa tisṛbhiḥ sa ekayā tisṛbhyo hiṃkaroti parācībhiḥ saptabhyo hiṃkaroti sa ekayā sa tisṛbhiḥ sa tisṛbhiḥ saptāsthitā

Sanskrit only: no published translation is held for this verse.

भ्रातृव्यवाꣳ स्तुवीत यथा सप्तास्थितेन मत्येन समीकरोत्य् एवं पाप्मानं भ्रातृव्यं प्ररुजति

bhrātṛvyavāṁ stuvīta yathā saptāsthitena matyena samīkaroty evaṃ pāpmānaṃ bhrātṛvyaṃ prarujati

Sanskrit only: no published translation is held for this verse.

एताम् एव बहुभ्यो यजमानेभ्यः कुर्याद् यः प्रथमो हिङ्कारः स प्रथमाया यत् तां सप्तभ्यो हिंकरोति तेन सा सप्त भजते यत् सप्तैव मध्ये सम्पद्यन्ते तेन सा सप्त भजते य उत्तमो हिङ्कारः स उत्तमया यत् तां सप्तभ्यो हिंकरोति तेन सा सप्त भजते सर्वान् एवैनान् समावद्भाजः करोति नान्योन्यम् अपघ्नते समावदिन्द्रिया भवन्ति

etām eva bahubhyo yajamānebhyaḥ kuryād yaḥ prathamo hiṅkāraḥ sa prathamāyā yat tāṃ saptabhyo hiṃkaroti tena sā sapta bhajate yat saptaiva madhye sampadyante tena sā sapta bhajate ya uttamo hiṅkāraḥ sa uttamayā yat tāṃ saptabhyo hiṃkaroti tena sā sapta bhajate sarvān evainān samāvadbhājaḥ karoti nānyonyam apaghnate samāvadindriyā bhavanti

Sanskrit only: no published translation is held for this verse.

ताम् एताम् अभिप्रतारिण उपासते तस्मात् त ओजिष्ठा स्वानाम्

tām etām abhipratāriṇa upāsate tasmāt ta ojiṣṭhā svānām

Sanskrit only: no published translation is held for this verse.