Pañcaviṃśa (Tāṇḍya) Brāhmaṇa of the Sāmaveda (in part) 3.1

नवभ्यो हिंकरोति स तिसृभिः स पञ्चभिः स एकया नवभ्यो हिंकरोति स एकया स तिसृभिः स पञ्चभिर् नवभ्यो हिंकरोति स पञ्चभिः स एकया स तिसृभिः

navabhyo hiṃkaroti sa tisṛbhiḥ sa pañcabhiḥ sa ekayā navabhyo hiṃkaroti sa ekayā sa tisṛbhiḥ sa pañcabhir navabhyo hiṃkaroti sa pañcabhiḥ sa ekayā sa tisṛbhiḥ

Sanskrit only: no published translation is held for this verse.

वज्रो वै त्रिणवो वज्रम् एव तद् व्यूहति शान्त्यै

vajro vai triṇavo vajram eva tad vyūhati śāntyai

Sanskrit only: no published translation is held for this verse.

पञ्चभिर् विहितैका परिचरा पाङ्क्ताः पशवो यजमानः परिचरा यत् पञ्चभिर् विदधात्य् एका परिचरा भवति यजमानम् एव तत् पशुषु प्रतिष्ठापयत्य् एषा वै प्रतिष्ठिता त्रिणवस्य विष्टुतिः प्रतितिष्ठति य एतया स्तुते

pañcabhir vihitaikā paricarā pāṅktāḥ paśavo yajamānaḥ paricarā yat pañcabhir vidadhāty ekā paricarā bhavati yajamānam eva tat paśuṣu pratiṣṭhāpayaty eṣā vai pratiṣṭhitā triṇavasya viṣṭutiḥ pratitiṣṭhati ya etayā stute

Sanskrit only: no published translation is held for this verse.