Pañcaviṃśa (Tāṇḍya) Brāhmaṇa of the Sāmaveda (in part) 3.4

एकादशभ्यो हिंकरोति स तिसृभिः स पञ्चभिः स तिसृभिर् एकादशभ्यो हिंकरोति स तिसृभिः स तिसृभिः स पञ्चभिर् एकादशभ्यो हिंकरोति स पञ्चभिः स तिसृभिः स तिसृभिर् नेदीयःसंक्रमा

ekādaśabhyo hiṃkaroti sa tisṛbhiḥ sa pañcabhiḥ sa tisṛbhir ekādaśabhyo hiṃkaroti sa tisṛbhiḥ sa tisṛbhiḥ sa pañcabhir ekādaśabhyo hiṃkaroti sa pañcabhiḥ sa tisṛbhiḥ sa tisṛbhir nedīyaḥsaṃkramā

Sanskrit only: no published translation is held for this verse.

अन्तो वै त्रयस्त्रिंशो यथा महावृक्षस्याग्रं सृप्त्वा नेदीयःसंक्रमात् संक्रामत्य् एवम् एतन् नेदीयःसंक्रमया नेदीयःसंक्रमात् संक्रामति

anto vai trayastriṃśo yathā mahāvṛkṣasyāgraṃ sṛptvā nedīyaḥsaṃkramāt saṃkrāmaty evam etan nedīyaḥsaṃkramayā nedīyaḥsaṃkramāt saṃkrāmati

Sanskrit only: no published translation is held for this verse.

पञ्चभिर् विहितास् तिस्रः परिचराः पाङ्क्ताः पशव एतावान् पुरुषो यदात्मा प्रजा जाया यत् पञ्चभिर् विदधाति तिस्रः परिचरा भवन्ति यजमानम् एव तत् पशुषु प्रतिष्ठापयति पशुमान् भवति य एतया स्तुते

pañcabhir vihitās tisraḥ paricarāḥ pāṅktāḥ paśava etāvān puruṣo yadātmā prajā jāyā yat pañcabhir vidadhāti tisraḥ paricarā bhavanti yajamānam eva tat paśuṣu pratiṣṭhāpayati paśumān bhavati ya etayā stute

Sanskrit only: no published translation is held for this verse.