Pañcaviṃśa (Tāṇḍya) Brāhmaṇa of the Sāmaveda (in part) 3.8

अष्टाभ्यो हिंकरोति स तिसृभिः स चतसृभिः स एकयाष्टाभ्यो हिंकरोति स एकया स तिसृभिः स चतसृभिर् अष्टाभ्यो हिंकरोति स चतसृभिः स एकया स तिसृभिः

aṣṭābhyo hiṃkaroti sa tisṛbhiḥ sa catasṛbhiḥ sa ekayāṣṭābhyo hiṃkaroti sa ekayā sa tisṛbhiḥ sa catasṛbhir aṣṭābhyo hiṃkaroti sa catasṛbhiḥ sa ekayā sa tisṛbhiḥ

Sanskrit only: no published translation is held for this verse.

पशवो वै छन्दोमा यद् अष्टाभ्यो ऽष्टाभ्यो हिंकरोति अष्टाशफाः पशवः शफशस् तत् पशून् आप्नोति

paśavo vai chandomā yad aṣṭābhyo 'ṣṭābhyo hiṃkaroti aṣṭāśaphāḥ paśavaḥ śaphaśas tat paśūn āpnoti

Sanskrit only: no published translation is held for this verse.

चतसृभिर् विहितैका परिचरा चतुष्पादाः पशवो यजमानः परिचरा यच्चतसृभिर् विदधात्येका परिचरा भवति यजमानम् एव तत् पशुषु प्रतिष्ठापयत्य् एषा वै प्रतिष्ठिता चतुर्विंशस्य विष्टुतिः प्रतितिष्ठति य एतया स्तुते

catasṛbhir vihitaikā paricarā catuṣpādāḥ paśavo yajamānaḥ paricarā yaccatasṛbhir vidadhātyekā paricarā bhavati yajamānam eva tat paśuṣu pratiṣṭhāpayaty eṣā vai pratiṣṭhitā caturviṃśasya viṣṭutiḥ pratitiṣṭhati ya etayā stute

Sanskrit only: no published translation is held for this verse.