तस्य प्राची दिक् शिरस् तच् छन्दोभिः सहस्रम् असाव् अन्यतरः पक्षः स नक्षत्रैः साहस्रो ऽयम् अन्यतरः पक्षः स ओषधिभिश् च वनस्पतिभिश् च साहस्रो ऽन्तरिक्षम् आत्मा तद् वयोभिः साहस्रं प्रतीची दिक् पुच्छं तद् अग्निभिश् च रश्मिभिश् च साहस्रं प्र सहस्रं पशून् आप्नोति य एवं वेद

tasya prācī dik śiras tac chandobhiḥ sahasram asāv anyataraḥ pakṣaḥ sa nakṣatraiḥ sāhasro 'yam anyataraḥ pakṣaḥ sa oṣadhibhiś ca vanaspatibhiś ca sāhasro 'ntarikṣam ātmā tad vayobhiḥ sāhasraṃ pratīcī dik pucchaṃ tad agnibhiś ca raśmibhiś ca sāhasraṃ pra sahasraṃ paśūn āpnoti ya evaṃ veda

Sanskrit only: no published translation is held for this verse.

PB 5.2.4

तद् आहुर् अपृष्ठं वै वामदेव्यम् अनिधनं हीति

tad āhur apṛṣṭhaṃ vai vāmadevyam anidhanaṃ hīti

Sanskrit only: no published translation is held for this verse.

PB 5.2.5

अनायतनं वा एतत् साम यद् अनिधनम्

anāyatanaṃ vā etat sāma yad anidhanam

Sanskrit only: no published translation is held for this verse.

PB 5.2.6

राजनं महाव्रतं कार्यम्

rājanaṃ mahāvrataṃ kāryam

Sanskrit only: no published translation is held for this verse.

PB 5.2.7

एतद् वै साक्षाद् अन्नं यद् राजनं पञ्चविधं भवति पाङ्क्तं ह्य् अन्नम्

etad vai sākṣād annaṃ yad rājanaṃ pañcavidhaṃ bhavati pāṅktaṃ hy annam

Sanskrit only: no published translation is held for this verse.

PB 5.2.8

हिङ्कारवद् भवति तेन वामदेव्यस्य रूपम्

hiṅkāravad bhavati tena vāmadevyasya rūpam

Sanskrit only: no published translation is held for this verse.

PB 5.2.9

निधनवद् भवति तेन पृष्ठस्य रूपम्

nidhanavad bhavati tena pṛṣṭhasya rūpam

Sanskrit only: no published translation is held for this verse.

PB 5.2.10

अतिच्छन्दःसु पञ्चनिधनं वामदेव्यं ब्रह्मसाम कार्यम्

aticchandaḥsu pañcanidhanaṃ vāmadevyaṃ brahmasāma kāryam

Sanskrit only: no published translation is held for this verse.

PB 5.2.11

अति वा एषान्यानि छन्दांसि यद् अतिच्छन्दा अत्य् एतद् अन्यान्य् अहान्य् अहर् यन् महाव्रतम्

ati vā eṣānyāni chandāṃsi yad aticchandā aty etad anyāny ahāny ahar yan mahāvratam

Sanskrit only: no published translation is held for this verse.

PB 5.2.12

ब्रह्मसाम्नैव तद् अन्यान्य् अहान्य् अतिमेदयति

brahmasāmnaiva tad anyāny ahāny atimedayati

Sanskrit only: no published translation is held for this verse.

PB 5.2.13

पञ्चनिधनं भवति पाङ्क्तं ह्य् अन्नम्

pañcanidhanaṃ bhavati pāṅktaṃ hy annam

Sanskrit only: no published translation is held for this verse.

PB 5.3.1

इलान्दम् अग्निष्टोमसाम कार्यम्

ilāndam agniṣṭomasāma kāryam

Sanskrit only: no published translation is held for this verse.

PB 5.3.2

एतद् वै साक्षाद् अन्नं यद् इलान्दम् इरान्नं एतद् इरायाम् एवान्नाद्ये ऽन्ततः प्रतितिष्ठन्ति

etad vai sākṣād annaṃ yad ilāndam irānnaṃ etad irāyām evānnādye 'ntataḥ pratitiṣṭhanti

Sanskrit only: no published translation is held for this verse.

PB 5.3.3

समुद्रो वा एतच् छन्दः सलिलं लोमशं समुद्र इव खलु वै स भवति सलिल इव लोमश इव यो भवति

samudro vā etac chandaḥ salilaṃ lomaśaṃ samudra iva khalu vai sa bhavati salila iva lomaśa iva yo bhavati

Sanskrit only: no published translation is held for this verse.

PB 5.3.4

तस्माद् एतासु कार्यं समृद्ध्यै

tasmād etāsu kāryaṃ samṛddhyai

Sanskrit only: no published translation is held for this verse.

PB 5.3.5

व्रतम् इति निधनं भवति महाव्रतस्यैव तद् रूपं क्रियते स्वर् इति भवति स्वर्गस्य लोकस्य समष्ट्यै शकुन इति भवति शकुन इव वै यजमानो वयो भूत्वा स्वर्गं लोकम् एति

vratam iti nidhanaṃ bhavati mahāvratasyaiva tad rūpaṃ kriyate svar iti bhavati svargasya lokasya samaṣṭyai śakuna iti bhavati śakuna iva vai yajamāno vayo bhūtvā svargaṃ lokam eti

Sanskrit only: no published translation is held for this verse.

PB 5.3.6

यज्ञायज्ञीयम् अग्निष्टोमसाम कार्यम्

yajñāyajñīyam agniṣṭomasāma kāryam

Sanskrit only: no published translation is held for this verse.

PB 5.3.7

यद् वा अन्या वाङ् नातिवदेत् तद् अग्निष्टोमसाम कार्यं न वै वाग् वाचम् अतिवदति वाग् यज्ञायज्ञीयं वाच्य् एवान्ततः प्रतितिष्ठन्ति

yad vā anyā vāṅ nātivadet tad agniṣṭomasāma kāryaṃ na vai vāg vācam ativadati vāg yajñāyajñīyaṃ vācy evāntataḥ pratitiṣṭhanti

Sanskrit only: no published translation is held for this verse.

PB 5.3.8

वारवन्तीयम् अग्निष्टोमसाम कार्यम्

vāravantīyam agniṣṭomasāma kāryam

Sanskrit only: no published translation is held for this verse.

PB 5.3.9

अग्निर् वा इदं वैश्वानरो दहन्नैत् तस्माद् देवा अबिभयुस् तं वरणशाखयावारयन्त यद् अवारयन्त तस्माद् वारवन्तीयम्

agnir vā idaṃ vaiśvānaro dahannait tasmād devā abibhayus taṃ varaṇaśākhayāvārayanta yad avārayanta tasmād vāravantīyam

Sanskrit only: no published translation is held for this verse.

PB 5.3.10

तस्माद् वरणो भिषज्य एतेन हि देवा आत्मानम् अत्रायन्त

tasmād varaṇo bhiṣajya etena hi devā ātmānam atrāyanta

Sanskrit only: no published translation is held for this verse.

PB 5.3.11

तस्माद् ब्राह्मणो वारणेन न पिबेद् वैश्वानरं नेच्छमया इति

tasmād brāhmaṇo vāraṇena na pibed vaiśvānaraṃ necchamayā iti

Sanskrit only: no published translation is held for this verse.

PB 5.3.12

पशवो वै वारवन्तीयं शान्तिः पशवः शान्ताद् एव तत् संव्वत्सराद् उत्तिष्ठन्ति

paśavo vai vāravantīyaṃ śāntiḥ paśavaḥ śāntād eva tat saṃvvatsarād uttiṣṭhanti

Sanskrit only: no published translation is held for this verse.

PB 5.4.1

प्राणेन पुरस्ताद् आहवनीयम् उपतिष्ठन्ते प्राणम् एव तज् जयन्ति

prāṇena purastād āhavanīyam upatiṣṭhante prāṇam eva taj jayanti

Sanskrit only: no published translation is held for this verse.

PB 5.4.2

अपानेन पश्चात् पुच्छम् उपतिष्ठन्ते अपानम् एव तज् जयन्ति

apānena paścāt puccham upatiṣṭhante apānam eva taj jayanti

Sanskrit only: no published translation is held for this verse.

PB 5.4.3

व्रतपक्षाभ्यां पक्षाव् उपतिष्ठन्ते दिश एव तज् जयन्ति

vratapakṣābhyāṃ pakṣāv upatiṣṭhante diśa eva taj jayanti

Sanskrit only: no published translation is held for this verse.

PB 5.4.4

प्रजापतेर् हृदयेनापिकक्षम् उपतिष्ठन्ते ज्यैष्ठ्यम् एव तज् जयन्ति

prajāpater hṛdayenāpikakṣam upatiṣṭhante jyaiṣṭhyam eva taj jayanti

Sanskrit only: no published translation is held for this verse.

PB 5.4.5

वसिष्ठस्य निहवेन चात्वालम् उपतिष्ठन्ते स्वर्गम् एव तल्लोकम् आप्त्वा श्रियं वदन्ते

vasiṣṭhasya nihavena cātvālam upatiṣṭhante svargam eva tallokam āptvā śriyaṃ vadante

Sanskrit only: no published translation is held for this verse.

PB 5.4.6

वैश्वदेव्याम् ऋचि भवति विश्वरूपं वै पशूनां रूपं पशून् एव तज् जयन्ति

vaiśvadevyām ṛci bhavati viśvarūpaṃ vai paśūnāṃ rūpaṃ paśūn eva taj jayanti

Sanskrit only: no published translation is held for this verse.

PB 5.4.7

सत्त्रस्यर्द्ध्याग्नीध्रम् उपतिष्ठन्त ऋद्धाव् एव प्रतितिष्ठन्ति

sattrasyarddhyāgnīdhram upatiṣṭhanta ṛddhāv eva pratitiṣṭhanti

Sanskrit only: no published translation is held for this verse.

PB 5.4.8

चतुरक्षरणिधनं भवति चतुष्पादाः पशवः पशुष्व् एव प्रतितिष्ठन्ति

caturakṣaraṇidhanaṃ bhavati catuṣpādāḥ paśavaḥ paśuṣv eva pratitiṣṭhanti

Sanskrit only: no published translation is held for this verse.

PB 5.4.9

आ तमितोर् निधनम् उपयन्त्य् आयुर् एव सर्वम् आप्नुवन्ति

ā tamitor nidhanam upayanty āyur eva sarvam āpnuvanti

Sanskrit only: no published translation is held for this verse.

PB 5.4.10

श्लोकानुश्लोकाभ्यां हविर्धाने उपतिष्ठन्ते कीर्तिम् एव तज् जयन्ति

ślokānuślokābhyāṃ havirdhāne upatiṣṭhante kīrtim eva taj jayanti

Sanskrit only: no published translation is held for this verse.

PB 5.4.11

यामेन मार्जालीयम् उपतिष्ठन्ते पितृलोकम् एव तज् जयन्ति

yāmena mārjālīyam upatiṣṭhante pitṛlokam eva taj jayanti

Sanskrit only: no published translation is held for this verse.

PB 5.4.12

आयुर्णवस्तोभाभ्यां सद उपतिष्ठन्ते ब्रह्म चैव तत् क्षत्रं च जयन्ति

āyurṇavastobhābhyāṃ sada upatiṣṭhante brahma caiva tat kṣatraṃ ca jayanti

Sanskrit only: no published translation is held for this verse.

PB 5.4.13

ऋश्यस्य साम्ना गार्हपत्यम् उपतिष्ठन्ते

ṛśyasya sāmnā gārhapatyam upatiṣṭhante

Sanskrit only: no published translation is held for this verse.

PB 5.4.14

इन्द्रं सर्वाणि भूतान्य् अस्तुवंस् तस्यर्श्य एकम् अङ्गम् अस्तुतम् अचायत् तद् अस्यैतेनास्तौत् तेनास्य प्रियं धामोपागच्छत् प्रियम् एवास्यैतेन धामोपगच्छन्ति

indraṃ sarvāṇi bhūtāny astuvaṃs tasyarśya ekam aṅgam astutam acāyat tad asyaitenāstaut tenāsya priyaṃ dhāmopāgacchat priyam evāsyaitena dhāmopagacchanti

Sanskrit only: no published translation is held for this verse.

PB 5.4.15

यत् परोक्षं निधनम् उपेयुर् ह्रीतमुखं प्रतिमुञ्चेरन् प्रत्यक्षम् उपयन्ति ह्रीतमुखम् एवापजयन्ति

yat parokṣaṃ nidhanam upeyur hrītamukhaṃ pratimuñceran pratyakṣam upayanti hrītamukham evāpajayanti

Sanskrit only: no published translation is held for this verse.

PB 5.5.1

आसन्दीम् आरुह्योद्गायति देवसाक्ष्य एव तद् उपरिषद्यं जयति

āsandīm āruhyodgāyati devasākṣya eva tad upariṣadyaṃ jayati

Sanskrit only: no published translation is held for this verse.

PB 5.5.2

औदुम्बरी भवत्य् ऊर्ग् उदुम्बर ऊर्जम् एवावरुन्द्धे

audumbarī bhavaty ūrg udumbara ūrjam evāvarunddhe

Sanskrit only: no published translation is held for this verse.

PB 5.5.3

प्रादेशमात्री भवत्य् अस्य लोकस्यानुद्धानाय

prādeśamātrī bhavaty asya lokasyānuddhānāya

Sanskrit only: no published translation is held for this verse.

PB 5.5.4

छन्दोभिर् आरोहति स्वर्गम् एव तल् लोकम् आरोहति

chandobhir ārohati svargam eva tal lokam ārohati

Sanskrit only: no published translation is held for this verse.

PB 5.5.5

छन्दोभिर् उपावरोहत्य् अस्मिंल्लोके प्रतितिष्ठति

chandobhir upāvarohaty asmiṃlloke pratitiṣṭhati

Sanskrit only: no published translation is held for this verse.

PB 5.5.6

सर्वेणात्मना समुद्धृत्योद्गेयम् एषु लोकेषु नेद् व्याहितो ऽसानीति

sarveṇātmanā samuddhṛtyodgeyam eṣu lokeṣu ned vyāhito 'sānīti

Sanskrit only: no published translation is held for this verse.

PB 5.5.7

एकस्यां स्तोत्रीयायाम् अस्तुतायां पादाव् उपाहरति

ekasyāṃ stotrīyāyām astutāyāṃ pādāv upāharati

Sanskrit only: no published translation is held for this verse.

PB 5.5.8

सह निधनेन प्रतिष्ठाम् उपयन्त्य् एष्वेव लोकेषु प्रतितिष्ठन्ते

saha nidhanena pratiṣṭhām upayanty eṣveva lokeṣu pratitiṣṭhante

Sanskrit only: no published translation is held for this verse.

PB 5.5.9

प्रेङ्खाम् आरुह्य होता शंसति महस एव तद् रूपं क्रियते

preṅkhām āruhya hotā śaṃsati mahasa eva tad rūpaṃ kriyate

Sanskrit only: no published translation is held for this verse.

PB 5.5.10

यदा वै प्रजा मह आविशति प्रेङ्खास् तर्ह्य् आरोहन्ति

yadā vai prajā maha āviśati preṅkhās tarhy ārohanti

Sanskrit only: no published translation is held for this verse.

PB 5.5.11

फलकम् आरुह्याध्वर्युः प्रतिगृणाति

phalakam āruhyādhvaryuḥ pratigṛṇāti

Sanskrit only: no published translation is held for this verse.

PB 5.5.12

कूर्चान् इतरे ऽध्यासत ऊर्ध्वा एव तद् उत्क्रामन्तो यन्ति

kūrcān itare 'dhyāsata ūrdhvā eva tad utkrāmanto yanti

Sanskrit only: no published translation is held for this verse.

PB 5.5.13

अभिगरापगरौ भवतो निन्दत्य् एनान् अन्यः प्रान्यः शंसति य एनान् निन्दति पाप्मानम् एषां सो ऽपहन्ति यः प्रशंसति यद् एवैषां सुष्टुतं सुशस्तं तत् सो ऽभिगृणाति

abhigarāpagarau bhavato nindaty enān anyaḥ prānyaḥ śaṃsati ya enān nindati pāpmānam eṣāṃ so 'pahanti yaḥ praśaṃsati yad evaiṣāṃ suṣṭutaṃ suśastaṃ tat so 'bhigṛṇāti

Sanskrit only: no published translation is held for this verse.

PB 5.5.14

शूद्रार्यौ चर्मणि व्यायच्छेते तयोर् आर्यं वर्णम् उज्जापयन्ति

śūdrāryau carmaṇi vyāyacchete tayor āryaṃ varṇam ujjāpayanti

Sanskrit only: no published translation is held for this verse.

PB 5.5.15

देवाश् च वा असुराश् चादित्ये व्यायच्छन्त तं देवा अभ्यजयंस् ततो देवा अभवन् परासुरा अभवन्न् आत्मना परास्य भ्रातृव्यो भवति य एवं वेद

devāś ca vā asurāś cāditye vyāyacchanta taṃ devā abhyajayaṃs tato devā abhavan parāsurā abhavann ātmanā parāsya bhrātṛvyo bhavati ya evaṃ veda

Sanskrit only: no published translation is held for this verse.

PB 5.5.16

यदार्यं वर्णम् उज्जापयन्त्य् आत्मानम् एव तद् उज्जापयन्ति

yadāryaṃ varṇam ujjāpayanty ātmānam eva tad ujjāpayanti

Sanskrit only: no published translation is held for this verse.

PB 5.5.17

परिमण्डलं चर्म भवत्य् आदित्यस्यैव तद् रूपं क्रियते

parimaṇḍalaṃ carma bhavaty ādityasyaiva tad rūpaṃ kriyate

Sanskrit only: no published translation is held for this verse.

PB 5.5.18

सर्वासु स्रक्तिषु दुन्दुभयो वदन्ति या वनस्पतिषु वाक् ताम् एव तज् जयन्ति

sarvāsu sraktiṣu dundubhayo vadanti yā vanaspatiṣu vāk tām eva taj jayanti

Sanskrit only: no published translation is held for this verse.

PB 5.5.19

भूमिदुन्दुभिर् भवति या पृथिव्यां वाक् ताम् एव तज् जयन्ति

bhūmidundubhir bhavati yā pṛthivyāṃ vāk tām eva taj jayanti

Sanskrit only: no published translation is held for this verse.

PB 5.5.20

सर्वा वाचो वदन्ति येषु लोकेषु वाक् ताम् एव तज् जयन्ति

sarvā vāco vadanti yeṣu lokeṣu vāk tām eva taj jayanti

Sanskrit only: no published translation is held for this verse.

PB 5.5.21

संनद्धाः कवचिनः परियन्तीन्द्रियस्यैव तद् रूपं क्रियते ऽथो महाव्रतम् एव महयन्ति

saṃnaddhāḥ kavacinaḥ pariyantīndriyasyaiva tad rūpaṃ kriyate 'tho mahāvratam eva mahayanti

Sanskrit only: no published translation is held for this verse.

PB 5.6.1

सर्वे सहर्त्विजो महाव्रतेन स्तुवीरन्

sarve sahartvijo mahāvratena stuvīran

Sanskrit only: no published translation is held for this verse.

PB 5.6.2

अध्वर्युः शिरसोद्गायन् मैत्रावरुणो दक्षिणेन पक्षेण ब्राह्मणाच्छंस्य् उत्तरेण गृहपतिः पुच्छेनोद्गातात्मना

adhvaryuḥ śirasodgāyan maitrāvaruṇo dakṣiṇena pakṣeṇa brāhmaṇācchaṃsy uttareṇa gṛhapatiḥ pucchenodgātātmanā

Sanskrit only: no published translation is held for this verse.

PB 5.6.3

तद् यद्य् एवं कुर्युर् एकैकया स्तोत्रीययास्तुतयोद्गातारम् अभिसमेयुः

tad yady evaṃ kuryur ekaikayā stotrīyayāstutayodgātāram abhisameyuḥ

Sanskrit only: no published translation is held for this verse.

PB 5.6.4

तिसृभिर् उद्गातात्मन उद्गीयाथ या शिरसः स्तोत्रीया तां दध्याद् अपराभिस् तिसृभिर् उद्गीयाथ या दक्षिणस्य पक्षस्य स्तोत्रीया तां दध्याद् अपराभिस् तिसृभिर् उद्गीयाथ योत्तरस्य पक्षस्य स्तोत्रीया तां दध्यात् तिसृभिर् वैकया वा स्तुतं स्याद् अथ या पुच्छस्य स्तोत्रीया तां दध्यात्

tisṛbhir udgātātmana udgīyātha yā śirasaḥ stotrīyā tāṃ dadhyād aparābhis tisṛbhir udgīyātha yā dakṣiṇasya pakṣasya stotrīyā tāṃ dadhyād aparābhis tisṛbhir udgīyātha yottarasya pakṣasya stotrīyā tāṃ dadhyāt tisṛbhir vaikayā vā stutaṃ syād atha yā pucchasya stotrīyā tāṃ dadhyāt

Sanskrit only: no published translation is held for this verse.

PB 5.6.5

आत्मन्य् एव तद् अङ्गानि प्रतिदधति स्वर्गस्य लोकस्य समष्ट्यै

ātmany eva tad aṅgāni pratidadhati svargasya lokasya samaṣṭyai

Sanskrit only: no published translation is held for this verse.

PB 5.6.6

अथो खल्व् आहुः कथम् अध्वर्युर् बह्वृचः साम गायेद् इत्य् उद्गातैव सर्वेणोद्गायेत् तद् एव समृद्धं समृद्धाव् एव प्रतितिष्ठन्ति

atho khalv āhuḥ katham adhvaryur bahvṛcaḥ sāma gāyed ity udgātaiva sarveṇodgāyet tad eva samṛddhaṃ samṛddhāv eva pratitiṣṭhanti

Sanskrit only: no published translation is held for this verse.

PB 5.6.7

हविर्धाने शिरसा स्तुत्वा संरब्धाः प्रत्यञ्च एयुस् ते दक्षिणेन धिष्ण्यान् परीत्य पश्चान् मैत्रावरुणस्य धिष्ण्यस्योपविश्य रथन्तरेण पञ्चदशेन स्तुवीरंस् त उदञ्चः संसर्पेयुर् जघनेन होतुर् धिष्ण्यं पश्चाद् ब्राह्मणाच्छंसिनो धिष्ण्यस्योपविश्य बृहता सप्तदशेन स्तुवीरंस् ते येनैव प्रसर्पेयुस् तेन पुनर् निःसृप्योत्तरेणाग्नीध्रं परीत्य पश्चाद् गार्हपत्यस्योपविश्य पुच्छेनैकविंशेन स्तुवीरंस् ते येनैव निःसर्पेयुस् तेन पुनः प्रसृप्य यथायतनम् उपविश्यासन्दीम् आरुह्योद्गातात्मनोद्गायति

havirdhāne śirasā stutvā saṃrabdhāḥ pratyañca eyus te dakṣiṇena dhiṣṇyān parītya paścān maitrāvaruṇasya dhiṣṇyasyopaviśya rathantareṇa pañcadaśena stuvīraṃs ta udañcaḥ saṃsarpeyur jaghanena hotur dhiṣṇyaṃ paścād brāhmaṇācchaṃsino dhiṣṇyasyopaviśya bṛhatā saptadaśena stuvīraṃs te yenaiva prasarpeyus tena punar niḥsṛpyottareṇāgnīdhraṃ parītya paścād gārhapatyasyopaviśya pucchenaikaviṃśena stuvīraṃs te yenaiva niḥsarpeyus tena punaḥ prasṛpya yathāyatanam upaviśyāsandīm āruhyodgātātmanodgāyati

Sanskrit only: no published translation is held for this verse.

PB 5.6.8

तं पत्न्यो ऽपघाटिलाभिर् उपगायन्त्य् आर्त्विज्यम् एव तत् पत्न्यः कुर्वन्ति सह स्वर्गं लोकम् अयामेति

taṃ patnyo 'paghāṭilābhir upagāyanty ārtvijyam eva tat patnyaḥ kurvanti saha svargaṃ lokam ayāmeti

Sanskrit only: no published translation is held for this verse.

PB 5.6.9

कुले कुले ऽन्नं क्रियते तद् यत् पृच्छेयुः किम् इदं कुर्वन्तीतीमे यजमाना अन्नम् अत्स्यन्तीति ब्रूयुः

kule kule 'nnaṃ kriyate tad yat pṛccheyuḥ kim idaṃ kurvantītīme yajamānā annam atsyantīti brūyuḥ

Sanskrit only: no published translation is held for this verse.

PB 5.6.10

यो वै दीक्षितानां पापं कीर्तयति तृतीयम् एवांशं पाप्मनो हरत्य् अन्नादस् तृतीयं पिपीलिकास् तृतीयम्

yo vai dīkṣitānāṃ pāpaṃ kīrtayati tṛtīyam evāṃśaṃ pāpmano haraty annādas tṛtīyaṃ pipīlikās tṛtīyam

Sanskrit only: no published translation is held for this verse.

PB 5.6.11

परिमाद्भिश् चरन्ति त्वक् च वा एतल् लोम च महाव्रतस्य यत् परिमादस् त्वचं चैव तल् लोम च महाव्रतस्याप्त्वावरुन्धते

parimādbhiś caranti tvak ca vā etal loma ca mahāvratasya yat parimādas tvacaṃ caiva tal loma ca mahāvratasyāptvāvarundhate

Sanskrit only: no published translation is held for this verse.

PB 5.6.12

वाणं वितन्वन्त्य् अन्तो वै वाणो ऽन्तो महाव्रतम् अन्तेनैव तद् अन्तम् अभिवादयन्ति

vāṇaṃ vitanvanty anto vai vāṇo 'nto mahāvratam antenaiva tad antam abhivādayanti

Sanskrit only: no published translation is held for this verse.

PB 5.6.13

शततन्त्रीको भवति शतायुर् वै पुरुषः शतवीर्यः

śatatantrīko bhavati śatāyur vai puruṣaḥ śatavīryaḥ

Sanskrit only: no published translation is held for this verse.

PB 5.6.14

तम् उल्लिखेत् प्राणाय त्वापानाय त्वा व्यानाय त्वेति प्राणापानव्यानान् एव तद् आप्त्वावरुन्धते

tam ullikhet prāṇāya tvāpānāya tvā vyānāya tveti prāṇāpānavyānān eva tad āptvāvarundhate

Sanskrit only: no published translation is held for this verse.

PB 5.6.15

परि कुम्भिन्यो मार्जालीयं यन्तीदं मध्व् इदं मध्व् इति सघोषा एव तद् वयो भूत्वा सह स्वर्गं लोकं यन्ति

pari kumbhinyo mārjālīyaṃ yantīdaṃ madhv idaṃ madhv iti saghoṣā eva tad vayo bhūtvā saha svargaṃ lokaṃ yanti

Sanskrit only: no published translation is held for this verse.

PB 5.7.1

देवा वै वाचं व्यभजन्त तस्या यो रसो ऽत्यरिच्यत तद् गौरीवितम् अभवद् अनुष्टुभम् अनु परिप्लवते वाग् अनुष्टुब् वाचो रसो गौरीवितम्

devā vai vācaṃ vyabhajanta tasyā yo raso 'tyaricyata tad gaurīvitam abhavad anuṣṭubham anu pariplavate vāg anuṣṭub vāco raso gaurīvitam

Sanskrit only: no published translation is held for this verse.

PB 5.7.2

यद् गौरीवितेनान्वहं स्तुवते वाच्य् एव तद् वाचा रसं दधति

yad gaurīvitenānvahaṃ stuvate vācy eva tad vācā rasaṃ dadhati

Sanskrit only: no published translation is held for this verse.

PB 5.7.3

रसवद् वाचा वदति य एवं वेदेति

rasavad vācā vadati ya evaṃ vedeti

Sanskrit only: no published translation is held for this verse.

PB 5.7.4

द्व्युदासं भवति स्वर्गस्य वा एतौ लोकस्यावसानदेशौ पूर्वेणैव पूर्वम् अहः संस्थापयन्त्य् उत्तरेणोत्तरम् अहर् अभ्यतिवदन्ति

dvyudāsaṃ bhavati svargasya vā etau lokasyāvasānadeśau pūrveṇaiva pūrvam ahaḥ saṃsthāpayanty uttareṇottaram ahar abhyativadanti

Sanskrit only: no published translation is held for this verse.

PB 5.7.5

एतद् वै यज्ञस्य श्वस्तनं यद् गौरीवितं यद् गौरीवितम् अनुसृजेयुर् अश्वस्तना अप्रजसः स्युः

etad vai yajñasya śvastanaṃ yad gaurīvitaṃ yad gaurīvitam anusṛjeyur aśvastanā aprajasaḥ syuḥ

Sanskrit only: no published translation is held for this verse.

PB 5.7.6

सं वा अन्यो यज्ञस् तिष्ठत इत्य् आहुर् वाग् एव न संतिष्ठत इति यद् गौरीवितम् अन्वहं भवति वाचम् एव तत् पुनः प्रयुञ्जते

saṃ vā anyo yajñas tiṣṭhata ity āhur vāg eva na saṃtiṣṭhata iti yad gaurīvitam anvahaṃ bhavati vācam eva tat punaḥ prayuñjate

Sanskrit only: no published translation is held for this verse.

PB 5.7.7

स्वर्णिधनम् अन्वहं भवति

svarṇidhanam anvahaṃ bhavati

Sanskrit only: no published translation is held for this verse.

PB 5.7.8

देवक्षेत्रं वा एते ऽभ्यारोहन्ति ये स्वर्णिधनम् उपयन्ति स उ वै सत्त्रिणः सत्त्रम् उपनयेद् इत्य् आहुर् य एनान् देवक्षेत्रम् अभ्यारोहयेद् इति न वै देवक्षेत्र आसीन आर्तिम् आर्छति यत् स्वर्णिधनम् अन्वहं भवति नैव कांचनार्तिम् आर्छन्ति

devakṣetraṃ vā ete 'bhyārohanti ye svarṇidhanam upayanti sa u vai sattriṇaḥ sattram upanayed ity āhur ya enān devakṣetram abhyārohayed iti na vai devakṣetra āsīna ārtim ārchati yat svarṇidhanam anvahaṃ bhavati naiva kāṃcanārtim ārchanti

Sanskrit only: no published translation is held for this verse.

PB 5.7.9

च्यवन्ते वा एते ऽस्माल्लोकाद् इत्य् आहुर् ये स्वर्णिधनम् उपयन्तीति यद् ऋचा स्वरूपं यन्त्य् अस्मिंल्लोके प्रतितिष्ठन्ति यद् एकारो ऽन्तरिक्षे यत् साम्नामुष्मिन् सर्वेषु लोकेषु प्रतितिष्ठन्ति स्वर्णिधनेन तुष्टुवानाः

cyavante vā ete 'smāllokād ity āhur ye svarṇidhanam upayantīti yad ṛcā svarūpaṃ yanty asmiṃlloke pratitiṣṭhanti yad ekāro 'ntarikṣe yat sāmnāmuṣmin sarveṣu lokeṣu pratitiṣṭhanti svarṇidhanena tuṣṭuvānāḥ

Sanskrit only: no published translation is held for this verse.

PB 5.7.10

सुज्ञानं भवति

sujñānaṃ bhavati

Sanskrit only: no published translation is held for this verse.

PB 5.7.11

देवा वै स्वर्गं लोकं यन्तो ऽज्ञानाद् अबिभयुस् त एतत् सुज्ञानम् अपश्यंस् तेन ज्ञात्रम् अगच्छन् यत् सुज्ञानम् अन्वहं भवति ज्ञात्रम् एव गच्छन्ति

devā vai svargaṃ lokaṃ yanto 'jñānād abibhayus ta etat sujñānam apaśyaṃs tena jñātram agacchan yat sujñānam anvahaṃ bhavati jñātram eva gacchanti

Sanskrit only: no published translation is held for this verse.

PB 5.8.1

ये वै वाचम् अन्नम् आदयन्त्य् अन्नादा भवन्ति ये वितर्षयन्ति रूक्षा भवन्ति

ye vai vācam annam ādayanty annādā bhavanti ye vitarṣayanti rūkṣā bhavanti

Sanskrit only: no published translation is held for this verse.

PB 5.8.2

गौरीवितं श्यावाश्वं निहव एतानि वै सामानि वाचो ऽन्नम् एतेषां वाग् अन्नं यद् एतानि न च्यवन्ते वाचम् एव तद् अन्नम् आदयन्ति तेन सर्वे ऽन्नादा भवन्ति

gaurīvitaṃ śyāvāśvaṃ nihava etāni vai sāmāni vāco 'nnam eteṣāṃ vāg annaṃ yad etāni na cyavante vācam eva tad annam ādayanti tena sarve 'nnādā bhavanti

Sanskrit only: no published translation is held for this verse.

PB 5.8.3

अभिक्रान्तापक्रान्तानि भवन्त्य् अभिक्रान्तापक्रान्तं वै वाचो रूपम्

abhikrāntāpakrāntāni bhavanty abhikrāntāpakrāntaṃ vai vāco rūpam

Sanskrit only: no published translation is held for this verse.

PB 5.8.4

प्लवो ऽन्वहं भवति

plavo 'nvahaṃ bhavati

Sanskrit only: no published translation is held for this verse.

PB 5.8.5

समुद्रं वा एते प्रस्नान्ति ये संव्वत्सरम् उपयन्ति यो वा अप्लवः समुद्रं प्रस्नाति न स तत उदेति यत् प्लवो भवति स्वर्गस्य लोकस्य समष्ट्यै

samudraṃ vā ete prasnānti ye saṃvvatsaram upayanti yo vā aplavaḥ samudraṃ prasnāti na sa tata udeti yat plavo bhavati svargasya lokasya samaṣṭyai

Sanskrit only: no published translation is held for this verse.

PB 5.8.6

अति विश्वानि दुरिता तरेमेति यद् एवैषां दुष्टुतं दुःशस्तं तद् एतेन तरन्ति

ati viśvāni duritā taremeti yad evaiṣāṃ duṣṭutaṃ duḥśastaṃ tad etena taranti

Sanskrit only: no published translation is held for this verse.

PB 5.8.7

ओकोनिधनं षडहमुखे भवति

okonidhanaṃ ṣaḍahamukhe bhavati

Sanskrit only: no published translation is held for this verse.

PB 5.8.8

परां वा एते परावतं गच्छन्ति ये षडहस्यान्तं गच्छन्ति यद् ओकोनिधनं षडहमुखे भवति प्रज्ञात्यै

parāṃ vā ete parāvataṃ gacchanti ye ṣaḍahasyāntaṃ gacchanti yad okonidhanaṃ ṣaḍahamukhe bhavati prajñātyai

Sanskrit only: no published translation is held for this verse.

PB 5.8.9

यदा वै पुरुषः स्वम् ओक आगच्छति सर्वं तर्हि प्रजानाति सर्वम् अस्मै दिवा भवति

yadā vai puruṣaḥ svam oka āgacchati sarvaṃ tarhi prajānāti sarvam asmai divā bhavati

Sanskrit only: no published translation is held for this verse.

PB 5.9.1

एकाष्टकायां दीक्षेरन्

ekāṣṭakāyāṃ dīkṣeran

Sanskrit only: no published translation is held for this verse.

PB 5.9.2

एषा वै संव्वत्सरस्य पत्नी यद् एकाष्टकैतस्यां वा एतां रात्रिं वसति साक्षाद् एव तत् संव्वत्सरम् आरभ्य दीक्षन्ते

eṣā vai saṃvvatsarasya patnī yad ekāṣṭakaitasyāṃ vā etāṃ rātriṃ vasati sākṣād eva tat saṃvvatsaram ārabhya dīkṣante

Sanskrit only: no published translation is held for this verse.

PB 5.9.3

तस्य सा निर्या यद् अपो ऽनभिनन्दन्तो ऽभ्यवयन्ति

tasya sā niryā yad apo 'nabhinandanto 'bhyavayanti

Sanskrit only: no published translation is held for this verse.

PB 5.9.4

विच्छिन्नं वा एते संव्वत्सरस्याभिदीक्षन्ते य एकाष्टकायां दीक्षन्ते ऽन्तनामानाव् ऋतू भवेते

vicchinnaṃ vā ete saṃvvatsarasyābhidīkṣante ya ekāṣṭakāyāṃ dīkṣante 'ntanāmānāv ṛtū bhavete

Sanskrit only: no published translation is held for this verse.

PB 5.9.5

आर्तं वा एते संव्वत्सरस्याभिदीक्षन्ते ये ऽन्तनामानाव् ऋतू अभिदीक्षन्ते

ārtaṃ vā ete saṃvvatsarasyābhidīkṣante ye 'ntanāmānāv ṛtū abhidīkṣante

Sanskrit only: no published translation is held for this verse.