Pañcaviṃśa (Tāṇḍya) Brāhmaṇa of the Sāmaveda (in part) 8.2

आष्कारणिधनं काण्वं प्रतिष्ठाकामाय ब्रह्मसाम कुर्यात्

āṣkāraṇidhanaṃ kāṇvaṃ pratiṣṭhākāmāya brahmasāma kuryāt

Sanskrit only: no published translation is held for this verse.

कण्वो वा एतत् सामर्ते निधनम् अपश्यत् स न प्रत्यतिष्ठत् स वृषदंशस्याष् इति क्षुवत उपाशृणोत् स तद् एव निधनम् अपश्यत् ततो वै स प्रत्यतिष्ठद् यद् एतत् साम भवति प्रतिष्ठित्यै

kaṇvo vā etat sāmarte nidhanam apaśyat sa na pratyatiṣṭhat sa vṛṣadaṃśasyāṣ iti kṣuvata upāśṛṇot sa tad eva nidhanam apaśyat tato vai sa pratyatiṣṭhad yad etat sāma bhavati pratiṣṭhityai

Sanskrit only: no published translation is held for this verse.

वसिष्ठस्य जनित्रं प्रजाकामाय ब्रह्मसाम कुर्यात्

vasiṣṭhasya janitraṃ prajākāmāya brahmasāma kuryāt

Sanskrit only: no published translation is held for this verse.

वसिष्ठो वा एतत् पुत्रहतः सामापश्यत् स प्रजया पशुभिः प्राजायत यद् एतत् साम भवति प्रजात्यै

vasiṣṭho vā etat putrahataḥ sāmāpaśyat sa prajayā paśubhiḥ prājāyata yad etat sāma bhavati prajātyai

Sanskrit only: no published translation is held for this verse.

आथर्वणं लोककामाय ब्रह्मसाम कुर्यात्

ātharvaṇaṃ lokakāmāya brahmasāma kuryāt

Sanskrit only: no published translation is held for this verse.

अथर्वाणो वा एतल् लोककामाः सामापश्यंस् तेनामर्त्यं लोकम् अपश्यन् यद् एतत् साम भवति स्वर्गस्य लोकस्य प्रजात्यै

atharvāṇo vā etal lokakāmāḥ sāmāpaśyaṃs tenāmartyaṃ lokam apaśyan yad etat sāma bhavati svargasya lokasya prajātyai

Sanskrit only: no published translation is held for this verse.

अभीवर्तं भ्रातृव्यवते ब्रह्मसाम कुर्यात्

abhīvartaṃ bhrātṛvyavate brahmasāma kuryāt

Sanskrit only: no published translation is held for this verse.

अभीवर्तेन वै देवा असुरान् अभ्यवर्तन्त यद् अभीवर्तो ब्रह्मसाम भवति भ्रातृव्यस्याभिवृत्यै

abhīvartena vai devā asurān abhyavartanta yad abhīvarto brahmasāma bhavati bhrātṛvyasyābhivṛtyai

Sanskrit only: no published translation is held for this verse.

श्रायन्तीयं यज्ञविभ्रष्टाय ब्रह्मसाम कुर्यात्

śrāyantīyaṃ yajñavibhraṣṭāya brahmasāma kuryāt

Sanskrit only: no published translation is held for this verse.

प्रजापतिर् उषसम् अध्यैत् स्वां दुहितरं तस्य रेतः परापतत् तद् अस्यां न्यषिच्यत तद् अश्रीणाद् इदं मे मा दुषद् इति तत् सद् अकरोत् पशून् एव

prajāpatir uṣasam adhyait svāṃ duhitaraṃ tasya retaḥ parāpatat tad asyāṃ nyaṣicyata tad aśrīṇād idaṃ me mā duṣad iti tat sad akarot paśūn eva

Sanskrit only: no published translation is held for this verse.

यच्छ्रायन्तीयं ब्रह्मसाम भवति श्रीणाति चैवैनं सच् च करोति

yacchrāyantīyaṃ brahmasāma bhavati śrīṇāti caivainaṃ sac ca karoti

Sanskrit only: no published translation is held for this verse.