Pañcaviṃśa (Tāṇḍya) Brāhmaṇa of the Sāmaveda (in part) 8.8

देवा वा अग्निष्टोमम् अभिजित्योक्थानि नाशक्नुवन्न् अभिजेतुं ते ऽग्निम् अब्रुवंस् त्वया मुखेनेदं जयामेति सो ऽब्रवीत् किं मे ततः स्याद् इति यत् कामयस इत्य् अब्रुवन् सो ऽब्रवीन् मद्देवत्यासूक्थानि प्रणयान् इति

devā vā agniṣṭomam abhijityokthāni nāśaknuvann abhijetuṃ te 'gnim abruvaṃs tvayā mukhenedaṃ jayāmeti so 'bravīt kiṃ me tataḥ syād iti yat kāmayasa ity abruvan so 'bravīn maddevatyāsūkthāni praṇayān iti

Sanskrit only: no published translation is held for this verse.

तस्माद् आग्नेयीषूक्थानि प्रणयन्ति

tasmād āgneyīṣūkthāni praṇayanti

Sanskrit only: no published translation is held for this verse.

तस्माद् उ गायत्रीषु गायत्रच्छन्दा ह्य् अग्निः

tasmād u gāyatrīṣu gāyatracchandā hy agniḥ

Sanskrit only: no published translation is held for this verse.

ते ऽग्निं मुखं कृत्वा साकम् अश्वेनाभ्यक्रामन् यत् साकम् अश्वेनाभ्यक्रामंस् तस्मात् साकमश्वम्

te 'gniṃ mukhaṃ kṛtvā sākam aśvenābhyakrāman yat sākam aśvenābhyakrāmaṃs tasmāt sākamaśvam

Sanskrit only: no published translation is held for this verse.

तस्मात् साकमश्वेनोक्थानि प्रणयन्त्य् एतेन हि तान्य् अग्रे ऽभ्यजयन्

tasmāt sākamaśvenokthāni praṇayanty etena hi tāny agre 'bhyajayan

Sanskrit only: no published translation is held for this verse.

स इन्द्रो ऽब्रवीत् कश् चाहं चेदम् अन्ववैष्याव इत्य् अहं चेति वरुणस् तं वरुणो ऽन्वतिष्ठद् इन्द्र आहरत् तस्माद् ऐन्द्रावरुणम् अनुशस्यते

sa indro 'bravīt kaś cāhaṃ cedam anvavaiṣyāva ity ahaṃ ceti varuṇas taṃ varuṇo 'nvatiṣṭhad indra āharat tasmād aindrāvaruṇam anuśasyate

Sanskrit only: no published translation is held for this verse.

स एवाब्रवीत् कश् चाहं चेदम् अन्ववैष्याव इत्य् अहं चेति बृहस्पतिस् तं बृहस्पतिर् अन्वतिष्ठद् इन्द्र आहरत् तस्माद् ऐन्द्राबार्हस्पत्यम् अनुशस्यते स एवाब्रवीत् कश् चाहं चेदम् अन्ववैष्याव इत्य् अहं चेति विष्णुस् तं विष्णुर् अन्वतिष्ठद् इन्द्र आहरत् तस्माद् ऐन्द्रावैष्णवम् अनुशस्यते

sa evābravīt kaś cāhaṃ cedam anvavaiṣyāva ity ahaṃ ceti bṛhaspatis taṃ bṛhaspatir anvatiṣṭhad indra āharat tasmād aindrābārhaspatyam anuśasyate sa evābravīt kaś cāhaṃ cedam anvavaiṣyāva ity ahaṃ ceti viṣṇus taṃ viṣṇur anvatiṣṭhad indra āharat tasmād aindrāvaiṣṇavam anuśasyate

Sanskrit only: no published translation is held for this verse.

पशून् वा एभ्यस् तान् आहरत् पशवो वा उक्थानि पशुकाम उक्थेन स्तुवीत पशुमान् भवति

paśūn vā ebhyas tān āharat paśavo vā ukthāni paśukāma ukthena stuvīta paśumān bhavati

Sanskrit only: no published translation is held for this verse.

बृहता वा इन्द्रो वृत्राय वज्रं प्राहरत् तस्य तेजः परापतत् तत् सौभरम् अभवत्

bṛhatā vā indro vṛtrāya vajraṃ prāharat tasya tejaḥ parāpatat tat saubharam abhavat

Sanskrit only: no published translation is held for this verse.

जामि वा एतद् यज्ञे क्रियत इत्य् आहुर् यद् रथन्तरं पृष्ठं रथन्तरं संधिर् नान्तरा बृहता स्तुवन्तीति यत् सौभरेण स्तुवन्ति बृहतैव तद् अन्तरा स्तुवन्ति बृहतो ह्य् एतत् तेजो यत् सौभरम्

jāmi vā etad yajñe kriyata ity āhur yad rathantaraṃ pṛṣṭhaṃ rathantaraṃ saṃdhir nāntarā bṛhatā stuvantīti yat saubhareṇa stuvanti bṛhataiva tad antarā stuvanti bṛhato hy etat tejo yat saubharam

Sanskrit only: no published translation is held for this verse.

यदि बृहत्सामातिरात्रः स्यात् सौभरम् उक्थानां ब्रह्मसाम कार्यं बृहद् एव तत् तेजसा समर्धयति

yadi bṛhatsāmātirātraḥ syāt saubharam ukthānāṃ brahmasāma kāryaṃ bṛhad eva tat tejasā samardhayati

Sanskrit only: no published translation is held for this verse.

यदि रथन्तरसाम्ना सौभरं कुर्याद् अजामितायै

yadi rathantarasāmnā saubharaṃ kuryād ajāmitāyai

Sanskrit only: no published translation is held for this verse.

देवानां वै स्वर्गं लोकं यतां दिशो ऽव्लीयन्त ताः सौभरेणो इत्य् उदस्तभ्नुवंस् ततो वै ता अदृंहन्त ततः प्रत्यतिष्ठंस् ततः स्वर्गं लोकं प्राजानन् यः स्वर्गकामः स्याद् यः प्रतिष्ठाकामः सौभरेण स्तुवीत प्र स्वर्गं लोकं जानाति प्रतितिष्ठति

devānāṃ vai svargaṃ lokaṃ yatāṃ diśo 'vlīyanta tāḥ saubhareṇo ity udastabhnuvaṃs tato vai tā adṛṃhanta tataḥ pratyatiṣṭhaṃs tataḥ svargaṃ lokaṃ prājānan yaḥ svargakāmaḥ syād yaḥ pratiṣṭhākāmaḥ saubhareṇa stuvīta pra svargaṃ lokaṃ jānāti pratitiṣṭhati

Sanskrit only: no published translation is held for this verse.

प्रजापतिः प्रजा असृजत ताः सृष्टा आशनायंस् ताभ्यः सौभरेणोर्ग् इत्य् अन्नं प्रायच्छत् ततो वै ताः समैधन्त

prajāpatiḥ prajā asṛjata tāḥ sṛṣṭā āśanāyaṃs tābhyaḥ saubhareṇorg ity annaṃ prāyacchat tato vai tāḥ samaidhanta

Sanskrit only: no published translation is held for this verse.

समेधन्ते तां समां प्रजा यत्रैवं विद्वान् सौभरेणोद्गायति

samedhante tāṃ samāṃ prajā yatraivaṃ vidvān saubhareṇodgāyati

Sanskrit only: no published translation is held for this verse.

ता अब्रुवन् सुभृतं नो ऽभार्षीर् इति तस्मात् सौभरम्

tā abruvan subhṛtaṃ no 'bhārṣīr iti tasmāt saubharam

Sanskrit only: no published translation is held for this verse.

वृष्टिं वा अभ्यस्तां प्रायच्छद् अन्नम् एव

vṛṣṭiṃ vā abhyastāṃ prāyacchad annam eva

Sanskrit only: no published translation is held for this verse.

यो वृष्टिकामः स्याद् यो ऽन्नाद्यकामो यः स्वर्गकामः सौभरेण स्तुवीत

yo vṛṣṭikāmaḥ syād yo 'nnādyakāmo yaḥ svargakāmaḥ saubhareṇa stuvīta

Sanskrit only: no published translation is held for this verse.

हीषिति वृष्टिकामाय निधनं कुर्याद् ऊर्ग् इत्य् अन्नाद्यकामायो इति स्वर्गकामाय

hīṣiti vṛṣṭikāmāya nidhanaṃ kuryād ūrg ity annādyakāmāyo iti svargakāmāya

Sanskrit only: no published translation is held for this verse.

सर्वे वै कामाः सौभरं सर्वेष्व् एव कामेषु प्रतितिष्ठति

sarve vai kāmāḥ saubharaṃ sarveṣv eva kāmeṣu pratitiṣṭhati

Sanskrit only: no published translation is held for this verse.

अथैतन् नार्मेधम्

athaitan nārmedham

Sanskrit only: no published translation is held for this verse.

नृमेधसम् आङ्गिरसं सत्त्रम् आसीनं श्वभिर् अभ्याह्वयन् सो ऽग्निम् उपाधावत् पाहि नो अग्न एकयेति तं वैश्वानरः पर्युदतिष्ठत् ततो वै स प्रत्यतिष्ठत् ततो गातुम् अविन्दत

nṛmedhasam āṅgirasaṃ sattram āsīnaṃ śvabhir abhyāhvayan so 'gnim upādhāvat pāhi no agna ekayeti taṃ vaiśvānaraḥ paryudatiṣṭhat tato vai sa pratyatiṣṭhat tato gātum avindata

Sanskrit only: no published translation is held for this verse.

गातुविद् वा एतत् साम विन्दते गातुं प्रतितिष्ठत्य् एतेन तुष्टुवानः

gātuvid vā etat sāma vindate gātuṃ pratitiṣṭhaty etena tuṣṭuvānaḥ

Sanskrit only: no published translation is held for this verse.

नैव ह्य् एतद् अह्नो रूपं न रात्रेर् यद् उक्थानाम्

naiva hy etad ahno rūpaṃ na rātrer yad ukthānām

Sanskrit only: no published translation is held for this verse.

ककुप् प्रथमाथोष्णिग् अथ पुरौष्णिग् अनुष्टुप् तेनानुष्टुभो न यन्त्य् अच्छावाकसाम्नः

kakup prathamāthoṣṇig atha purauṣṇig anuṣṭup tenānuṣṭubho na yanty acchāvākasāmnaḥ

Sanskrit only: no published translation is held for this verse.