Pañcaviṃśa (Tāṇḍya) Brāhmaṇa of the Sāmaveda (in part) 8.9

हारिवर्णं भवति

hārivarṇaṃ bhavati

Sanskrit only: no published translation is held for this verse.

असुरा वा एषु लोकेष्व् आसंस् तान् देवा हरिश्रियम् इत्य् अस्माल् लोकात् प्राणुदन्त विराजसीत्य् अन्तरिक्षाद् दिवो दिव इत्य् अमुष्मात्

asurā vā eṣu lokeṣv āsaṃs tān devā hariśriyam ity asmāl lokāt prāṇudanta virājasīty antarikṣād divo diva ity amuṣmāt

Sanskrit only: no published translation is held for this verse.

तद् य एवं वेदैभ्यो लोकेभ्यो भ्रातृव्यं प्रणुद्येमांल् लोकान् अभ्यारोहति

tad ya evaṃ vedaibhyo lokebhyo bhrātṛvyaṃ praṇudyemāṃl lokān abhyārohati

Sanskrit only: no published translation is held for this verse.

हरिवर्णो वा एतत् पशुकामः सामापश्यत् तेन सहस्रं पशून् असृजत यद् एतत् साम भवति पशूनां पुष्ट्यै

harivarṇo vā etat paśukāmaḥ sāmāpaśyat tena sahasraṃ paśūn asṛjata yad etat sāma bhavati paśūnāṃ puṣṭyai

Sanskrit only: no published translation is held for this verse.

अङ्गिरसः स्वर्गं लोकं यतो रक्षांस्य् अन्वसचन्त तान्य् एतेन हरिवर्णो ऽपाहन्त यद् एतत् साम भवति रक्षसाम् अपहत्यै

aṅgirasaḥ svargaṃ lokaṃ yato rakṣāṃsy anvasacanta tāny etena harivarṇo 'pāhanta yad etat sāma bhavati rakṣasām apahatyai

Sanskrit only: no published translation is held for this verse.

पृष्ठानि वा असृज्यन्त तेषां यत् तेजो रसो ऽत्यरिच्यत तद् देवाः समभरंस् तद् उद्वंशीयम् अभवत्

pṛṣṭhāni vā asṛjyanta teṣāṃ yat tejo raso 'tyaricyata tad devāḥ samabharaṃs tad udvaṃśīyam abhavat

Sanskrit only: no published translation is held for this verse.

सर्वेषां वा एतत् पृष्ठानां तेजो यद् उद्वंशीयं तस्माद् वा एतत् पुरा सजाताय नाक्रन् पापवसीयसो विधृत्यै

sarveṣāṃ vā etat pṛṣṭhānāṃ tejo yad udvaṃśīyaṃ tasmād vā etat purā sajātāya nākran pāpavasīyaso vidhṛtyai

Sanskrit only: no published translation is held for this verse.

एष ह्य् एव पृष्ठैस् तुष्टुवानो य उद्वंशीयेन स्तुवते

eṣa hy eva pṛṣṭhais tuṣṭuvāno ya udvaṃśīyena stuvate

Sanskrit only: no published translation is held for this verse.

सर्वाणि वै रूपाण्य् उद्वंशीयम्

sarvāṇi vai rūpāṇy udvaṃśīyam

Sanskrit only: no published translation is held for this verse.

गायन्ति त्वा गायत्रिण एति रथन्तरस्य रूपम् एति हि रथन्तरम्

gāyanti tvā gāyatriṇa eti rathantarasya rūpam eti hi rathantaram

Sanskrit only: no published translation is held for this verse.

आदिर् बृहत ऊर्ध्वम् इव हि बृहत्

ādir bṛhata ūrdhvam iva hi bṛhat

Sanskrit only: no published translation is held for this verse.

परिष्टोभो वैरूपस्य परिष्टुभं हि वैरूपम्

pariṣṭobho vairūpasya pariṣṭubhaṃ hi vairūpam

Sanskrit only: no published translation is held for this verse.

अनुतोदो वैराजस्यानुतुन्नं हि वैराजम्

anutodo vairājasyānutunnaṃ hi vairājam

Sanskrit only: no published translation is held for this verse.

अर्धेडा शक्वरीणाम् अतिस्वारो रेवतीनाम्

ardheḍā śakvarīṇām atisvāro revatīnām

Sanskrit only: no published translation is held for this verse.

अर्धेडया वै देवा असुरान् अवहत्यातिस्वारेण स्वर्गं लोकम् आरोहन्

ardheḍayā vai devā asurān avahatyātisvāreṇa svargaṃ lokam ārohan

Sanskrit only: no published translation is held for this verse.

तद् य एवं वेदार्धेडयैव भ्रातृव्यम् अवहत्यातिस्वारेण स्वर्गं लोकम् आरोहति

tad ya evaṃ vedārdheḍayaiva bhrātṛvyam avahatyātisvāreṇa svargaṃ lokam ārohati

Sanskrit only: no published translation is held for this verse.

अर्धेडया वै पूर्वं यज्ञं संस्थापयन्त्य् अतिस्वारेणोत्तरम् आरभन्ते

ardheḍayā vai pūrvaṃ yajñaṃ saṃsthāpayanty atisvāreṇottaram ārabhante

Sanskrit only: no published translation is held for this verse.

उपैनम् उत्तरो यज्ञो नमति य एवं वेद

upainam uttaro yajño namati ya evaṃ veda

Sanskrit only: no published translation is held for this verse.

पाङ्क्तं वा एतत् साम पाङ्क्तो यज्ञः पाङ्क्ताः पशवो यज्ञ एव पशुषु प्रतितिष्ठति

pāṅktaṃ vā etat sāma pāṅkto yajñaḥ pāṅktāḥ paśavo yajña eva paśuṣu pratitiṣṭhati

Sanskrit only: no published translation is held for this verse.

आष्टादंष्ट्रे ऋद्धिकामाय कुर्यात्

āṣṭādaṃṣṭre ṛddhikāmāya kuryāt

Sanskrit only: no published translation is held for this verse.

अष्टादंष्ट्रो वैरूपो ऽपुत्रो ऽप्रजा अजीर्यत् स इमां लोकान् विचिछिदिवान् अमन्यत स एते जरसि सामनी अपश्यत् तयोर् अप्रयोगाद् अबिभेत् सो ऽब्रवीद् ऋध्नवद् योभे सामभ्यां स्तवाता इति

aṣṭādaṃṣṭro vairūpo 'putro 'prajā ajīryat sa imāṃ lokān vicichidivān amanyata sa ete jarasi sāmanī apaśyat tayor aprayogād abibhet so 'bravīd ṛdhnavad yobhe sāmabhyāṃ stavātā iti

Sanskrit only: no published translation is held for this verse.

ऋषेर् वा एतत् प्राशोद्भूतं यद् आष्टादंष्ट्रे भवत ऋद्ध्या एव

ṛṣer vā etat prāśodbhūtaṃ yad āṣṭādaṃṣṭre bhavata ṛddhyā eva

Sanskrit only: no published translation is held for this verse.