Pañcaviṃśa (Tāṇḍya) Brāhmaṇa of the Sāmaveda (in part) 9.8

यदि दीक्षितानां प्रमीयते दग्ध्वास्थीन्य् उपनह्य यो नेदिष्ठी स्यात् तं दीक्षयित्वा सह यजेरन्

yadi dīkṣitānāṃ pramīyate dagdhvāsthīny upanahya yo nediṣṭhī syāt taṃ dīkṣayitvā saha yajeran

Sanskrit only: no published translation is held for this verse.

एतद् अन्यत् कुर्युर् अभिषुत्यान्यत् सोमम् अगृहीत्वा ग्रहान् यासौ दक्षिणा स्रक्तिस् तद् वा स्तुयुर् मार्जालीये वा

etad anyat kuryur abhiṣutyānyat somam agṛhītvā grahān yāsau dakṣiṇā sraktis tad vā stuyur mārjālīye vā

Sanskrit only: no published translation is held for this verse.

अपि वा एतस्य यज्ञे यो दीक्षितः प्रमीयते तम् एतेन निरवदयन्ते

api vā etasya yajñe yo dīkṣitaḥ pramīyate tam etena niravadayante

Sanskrit only: no published translation is held for this verse.

यामेन स्तुवन्ति यमलोकम् एवैनं गमयन्ति

yāmena stuvanti yamalokam evainaṃ gamayanti

Sanskrit only: no published translation is held for this verse.

तिसृभिः स्तुवन्ति तृतीये हि लोके पितरः

tisṛbhiḥ stuvanti tṛtīye hi loke pitaraḥ

Sanskrit only: no published translation is held for this verse.

पराचीभिः स्तुवन्ति पराङ् हीतो ऽसौ लोकः

parācībhiḥ stuvanti parāṅ hīto 'sau lokaḥ

Sanskrit only: no published translation is held for this verse.

सर्पराज्ञ्या ऋग्भिः स्तुवन्ति

sarparājñyā ṛgbhiḥ stuvanti

Sanskrit only: no published translation is held for this verse.

अर्बुदः सर्प एताभिर् मृतां त्वचम् अपाहत मृताम् एवैताभिस् त्वचम् अपघ्नते

arbudaḥ sarpa etābhir mṛtāṃ tvacam apāhata mṛtām evaitābhis tvacam apaghnate

Sanskrit only: no published translation is held for this verse.

ता ऋचो ऽनुब्रुवन्तस् त्रिर् मार्जालीयं परियन्ति सव्यान् ऊरून् आघ्नानाः

tā ṛco 'nubruvantas trir mārjālīyaṃ pariyanti savyān ūrūn āghnānāḥ

Sanskrit only: no published translation is held for this verse.

स्तुतम् अनुशंसत्य् अमुष्मिन्न् एवैनं लोके निधुन्वन्ति

stutam anuśaṃsaty amuṣminn evainaṃ loke nidhunvanti

Sanskrit only: no published translation is held for this verse.

यन्ति वा एते पथ इत्य् आहुर् ये मृताय कुर्वन्तीत्य् ऐन्द्रवायवाग्रान् ग्रहान् गृह्णते पुनः पन्थानम् अपियन्ति

yanti vā ete patha ity āhur ye mṛtāya kurvantīty aindravāyavāgrān grahān gṛhṇate punaḥ panthānam apiyanti

Sanskrit only: no published translation is held for this verse.

अग्न आयूंषि पवस इति प्रतिपत्कार्या य एव जीवन्ति तेष्व् आयुर् दधाति

agna āyūṃṣi pavasa iti pratipatkāryā ya eva jīvanti teṣv āyur dadhāti

Sanskrit only: no published translation is held for this verse.

संवत्सरे ऽस्थीनि याजयेयुः संव्वत्सरो वै सर्वस्य शान्तिर् यत् पुरा संव्वत्सराद् याजयेयुर् वाचम् अरुष्कृतां क्रूराम् ऋच्छेयुः

saṃvatsare 'sthīni yājayeyuḥ saṃvvatsaro vai sarvasya śāntir yat purā saṃvvatsarād yājayeyur vācam aruṣkṛtāṃ krūrām ṛccheyuḥ

Sanskrit only: no published translation is held for this verse.

असंमितं स्तोत्रं स्याद् असंमितो ह्यसौ लोकस् त्रिवृतः पवमानाः स्युः सप्तदशम् इतरत् सर्वम्

asaṃmitaṃ stotraṃ syād asaṃmito hyasau lokas trivṛtaḥ pavamānāḥ syuḥ saptadaśam itarat sarvam

Sanskrit only: no published translation is held for this verse.

यत् त्रिवृतः पवमाना भवन्ति प्राणा वै त्रिवृत् प्राणान् एवोपयन्ति यत् सप्तदशम् इतरत् सर्वं प्रजापतिर् वै सप्तदशः प्रजापतिम् एवोपयन्ति

yat trivṛtaḥ pavamānā bhavanti prāṇā vai trivṛt prāṇān evopayanti yat saptadaśam itarat sarvaṃ prajāpatir vai saptadaśaḥ prajāpatim evopayanti

Sanskrit only: no published translation is held for this verse.

प्राणापानैर् वा एते व्यृध्यन्त इत्य् आहुर् ये मृताय कुर्वन्तीति मैत्रावरुणाग्रान् ग्रहान् गृह्णते प्राणापानौ मित्रावरुणौ प्राणापानैर् एव समृध्यन्ते

prāṇāpānair vā ete vyṛdhyanta ity āhur ye mṛtāya kurvantīti maitrāvaruṇāgrān grahān gṛhṇate prāṇāpānau mitrāvaruṇau prāṇāpānair eva samṛdhyante

Sanskrit only: no published translation is held for this verse.