Pañcaviṃśa (Tāṇḍya) Brāhmaṇa of the Sāmaveda (in part) 9.9

यस्य कलश उपदस्यति कलशम् एवास्योपदस्यन्तं प्राणो ऽनूपदस्यति प्राणो हि सोमः

yasya kalaśa upadasyati kalaśam evāsyopadasyantaṃ prāṇo 'nūpadasyati prāṇo hi somaḥ

Sanskrit only: no published translation is held for this verse.

तद् आहुः पयो ऽवनयेद् इति

tad āhuḥ payo 'vanayed iti

Sanskrit only: no published translation is held for this verse.

अथो खल्व् आहुर् अन्तर्हितम् इव वा एतद् यत् पयो हिरण्यम् एवापो ऽभ्यवनयेद्धिरण्यम् अभ्युन्नयेद् इति

atho khalv āhur antarhitam iva vā etad yat payo hiraṇyam evāpo 'bhyavanayeddhiraṇyam abhyunnayed iti

Sanskrit only: no published translation is held for this verse.

प्राणा वा आपो ऽमृतं हिरण्यम् अमृत एवास्य प्राणान् दधाति स सर्वम् आयुर् एति

prāṇā vā āpo 'mṛtaṃ hiraṇyam amṛta evāsya prāṇān dadhāti sa sarvam āyur eti

Sanskrit only: no published translation is held for this verse.

यस्य नाराशंस उपवायति नाराशंसम् एवास्योपवायन्तं प्राणो ऽनूपदस्यति प्राणो हि सोमः

yasya nārāśaṃsa upavāyati nārāśaṃsam evāsyopavāyantaṃ prāṇo 'nūpadasyati prāṇo hi somaḥ

Sanskrit only: no published translation is held for this verse.

यम् अध्वर्युर् अन्ततो ग्रहं गृह्णीयात् तस्याप्तुम् अवनयेत्

yam adhvaryur antato grahaṃ gṛhṇīyāt tasyāptum avanayet

Sanskrit only: no published translation is held for this verse.

प्रायश्चित्त्यै वै ग्रहो गृह्यते प्रायश्चित्त्यैवास्मै प्रायश्चित्तिं करोति

prāyaścittyai vai graho gṛhyate prāyaścittyaivāsmai prāyaścittiṃ karoti

Sanskrit only: no published translation is held for this verse.

यदि पीतापीतौ सोमौ संगच्छेयाताम् अन्तःपरिध्यङ्गारान् निर्वर्त्य जुहुयाद्धुतस्य चाहुतस्य चाहुतस्य हुतस्य च पीतापीतस्य सोमस्येन्द्राग्नी पिबतं सुतं स्वाहेति सैव तस्य प्रायश्चित्तिः

yadi pītāpītau somau saṃgaccheyātām antaḥparidhyaṅgārān nirvartya juhuyāddhutasya cāhutasya cāhutasya hutasya ca pītāpītasya somasyendrāgnī pibataṃ sutaṃ svāheti saiva tasya prāyaścittiḥ

Sanskrit only: no published translation is held for this verse.

प्रजापतये स्वाहेत्य् अभक्षणीयस्य जुहुयाद् उत्तरार्ध्यपूर्वार्ध्य उपरवः

prajāpataye svāhety abhakṣaṇīyasya juhuyād uttarārdhyapūrvārdhya uparavaḥ

Sanskrit only: no published translation is held for this verse.

इन्दुर् इन्दुम् अवागाद् इत्य् अववृष्टस्य भक्षयेत्

indur indum avāgād ity avavṛṣṭasya bhakṣayet

Sanskrit only: no published translation is held for this verse.

तस्य त इन्दव् इन्द्रपीतस्येन्द्रियवतः सर्वगणस्य सर्वगण उपहूत उपहूतस्य भक्षयामि

tasya ta indav indrapītasyendriyavataḥ sarvagaṇasya sarvagaṇa upahūta upahūtasya bhakṣayāmi

Sanskrit only: no published translation is held for this verse.

हिरण्यगर्भः समवर्तताग्र इत्य् आज्येनाभ्युपाकृतस्य जुहुयाद् अग्नीध्रं परेत्य भूतानां जातः पतिर् एक आसीत् स दाधार पृथिवीं द्याम् उतेमां तस्मै त इन्दो हविषा विधेम स्वाहेति सैव तस्य प्रायश्चित्तिः

hiraṇyagarbhaḥ samavartatāgra ity ājyenābhyupākṛtasya juhuyād agnīdhraṃ paretya bhūtānāṃ jātaḥ patir eka āsīt sa dādhāra pṛthivīṃ dyām utemāṃ tasmai ta indo haviṣā vidhema svāheti saiva tasya prāyaścittiḥ

Sanskrit only: no published translation is held for this verse.

यदि ग्रावापिशीर्यते पशुभिर् यजमानो व्यृध्यते पशवो वै ग्रावाणो द्युतानस्य मारुतस्य साम्ना स्तुयुः

yadi grāvāpiśīryate paśubhir yajamāno vyṛdhyate paśavo vai grāvāṇo dyutānasya mārutasya sāmnā stuyuḥ

Sanskrit only: no published translation is held for this verse.

मारुता वै ग्रावाणः स्वेनैवैनांस् तद् रूपेण समर्धयति

mārutā vai grāvāṇaḥ svenaivaināṃs tad rūpeṇa samardhayati

Sanskrit only: no published translation is held for this verse.

यदि सोमम् अभिदहेद् ग्रहान् अध्वर्युः स्पाशयेत स्तोत्राण्य् उद्गाता शस्त्राणि होताथ यथापूर्वं यज्ञेन चरेयुः पञ्च दक्षिणा देयाः पाङ्क्तो यज्ञो यावान् यज्ञस् तम् आरभते ऽवभृथाद् उदेत्य पुनर् दीक्षते तत्र तद् दद्याद् यद् दास्यं स्यात् पुरा द्वादश्या दीक्षेत यद् द्वादशीम् अतिनयेद् अन्तर्धीयेत

yadi somam abhidahed grahān adhvaryuḥ spāśayeta stotrāṇy udgātā śastrāṇi hotātha yathāpūrvaṃ yajñena careyuḥ pañca dakṣiṇā deyāḥ pāṅkto yajño yāvān yajñas tam ārabhate 'vabhṛthād udetya punar dīkṣate tatra tad dadyād yad dāsyaṃ syāt purā dvādaśyā dīkṣeta yad dvādaśīm atinayed antardhīyeta

Sanskrit only: no published translation is held for this verse.