इति श्रीमृगाङ्कगुप्तसूनोः परिमलापरनाम्नः पद्मगुप्तस्य कृतौ नवसाहसाङ्कचरिते महाकाव्ये शशिप्रभाहारलाभो नाम तृतीयः सर्गः चतुर्थः सर्गः ततः सश् चेतस्य् अवनीपतिर् दधे शशिप्रभालोकमहोत्सवस्पृहाम् । उपोढरागाम् उदधिस् तटोदरे नवोद्गतां विद्रुमकन्दलीम् इव
iti śrīmṛgāṅkaguptasūnoḥ parimalāparanāmnaḥ padmaguptasya kṛtau navasāhasāṅkacarite mahākāvye śaśiprabhāhāralābho nāma tṛtīyaḥ sargaḥ caturthaḥ sargaḥ tataḥ saś cetasy avanīpatir dadhe śaśiprabhālokamahotsavaspṛhām / upoḍharāgām udadhis taṭodare navodgatāṃ vidrumakandalīm iva
Sanskrit only: no published translation is held for this verse.
शशिप्रभाशानलिनीमृणालताम् उपागते मौक्तिकदाम्नि सादरः । तदागते दूत इव न्यवेशयत् स दर्शितप्रेमलवे विलोचने
śaśiprabhāśānalinīmṛṇālatām upāgate mauktikadāmni sādaraḥ / tadāgate dūta iva nyaveśayat sa darśitapremalave vilocane
Sanskrit only: no published translation is held for this verse.
पुनः पुनः षट्पदराजिमेचकां तदिन्द्रनीलाक्षरपङ्क्तिम् ऐक्षत । स तत्क्षनान् मन्मथजातवेदसं तनीयसीं धूमलताम् इवोद्गताम्
punaḥ punaḥ ṣaṭpadarājimecakāṃ tadindranīlākṣarapaṅktim aikṣata / sa tatkṣanān manmathajātavedasaṃ tanīyasīṃ dhūmalatām ivodgatām
Sanskrit only: no published translation is held for this verse.
सुगन्धिहाराद् अनुलेपनं करे समुन्मिषत्स्वेदलवे विलुम्पति । असङ्गताया अपि दीर्घचक्षुषः पयोधरस्पृशम् इवाससाद स
sugandhihārād anulepanaṃ kare samunmiṣatsvedalave vilumpati / asaṅgatāyā api dīrghacakṣuṣaḥ payodharaspṛśam ivāsasāda sa
Sanskrit only: no published translation is held for this verse.
तदीयनामाङ्कलिपिं शनैः शनैः सलीलम् आवर्तयितुं प्रचक्रमे । परिस्फुरत्पल्लवपाटलाधरो रहस्यविद्याम् इव मन्मथस्य स
tadīyanāmāṅkalipiṃ śanaiḥ śanaiḥ salīlam āvartayituṃ pracakrame / parisphuratpallavapāṭalādharo rahasyavidyām iva manmathasya sa
Sanskrit only: no published translation is held for this verse.
अनेकरूपालिखनप्रगल्भया सुतीक्ष्णया वर्तिकयेव चिन्तया । सस् ताम् अनाप्तेक्षणसंस्तवां पुरा लिलेख चित्ते मुहुर् अन्यथान्यथा
anekarūpālikhanapragalbhayā sutīkṣṇayā vartikayeva cintayā / sas tām anāptekṣaṇasaṃstavāṃ purā lilekha citte muhur anyathānyathā
Sanskrit only: no published translation is held for this verse.
अनङ्गचण्डातपतप्तयोस् तदा शशिप्रभाविभ्रमदर्शनं प्रति । द्वयोर् अभूद् उत्सुकता वनान्तरे विलासिनस् तस्य च कैरवस्य च
anaṅgacaṇḍātapataptayos tadā śaśiprabhāvibhramadarśanaṃ prati / dvayor abhūd utsukatā vanāntare vilāsinas tasya ca kairavasya ca
Sanskrit only: no published translation is held for this verse.
उदग्रदिग्वारणहस्तहारिणा स दक्षिणेन स्फुरता च बहुना । स्थिरीकृताशो मनासापि दुर्लभाम् अदुर्लभाम् इन्दुमुखीम् अमन्यत
udagradigvāraṇahastahāriṇā sa dakṣiṇena sphuratā ca bahunā / sthirīkṛtāśo manāsāpi durlabhām adurlabhām indumukhīm amanyata
Sanskrit only: no published translation is held for this verse.
पुरो विमुञ्चन्नयने यदृच्छया नृपस् तमालद्रुमकाननोदरे । अपश्यद् अत्रवासरे विलासिनीं पयोधमध्ये शशिनः कलाम् इव
puro vimuñcannayane yadṛcchayā nṛpas tamāladrumakānanodare / apaśyad atravāsare vilāsinīṃ payodhamadhye śaśinaḥ kalām iva
Sanskrit only: no published translation is held for this verse.
नायकवाक्यम् अथैष दीर्घा दर्शनार्चिषः किरन् मुखामृतांशोः किरणच्छटा इव । निरीक्ष्य ताम् उन्मदहंसगामिनीं रमाङ्गदं सस्मितम् इत्य् अवोचत्
nāyakavākyam athaiṣa dīrghā darśanārciṣaḥ kiran mukhāmṛtāṃśoḥ kiraṇacchaṭā iva / nirīkṣya tām unmadahaṃsagāminīṃ ramāṅgadaṃ sasmitam ity avocat
Sanskrit only: no published translation is held for this verse.
शनैश् चरन्ती विपिने तव स्थिता नितम्बिनी कच्चिद् इयं दृशः पथि? । अधीरतां दक्षिणमातरिश्वना लतेव नीता मसृणेन माधवी
śanaiś carantī vipine tava sthitā nitambinī kaccid iyaṃ dṛśaḥ pathi? / adhīratāṃ dakṣiṇamātariśvanā lateva nītā masṛṇena mādhavī
Sanskrit only: no published translation is held for this verse.
युता सिताभैः सुमनोभिर् एतया परिश्लथेयं कबरी नियम्यते । उदस्तभास्वत्करकान्तया श्रिया दिनस्य ताराशबलेव शर्वरी
yutā sitābhaiḥ sumanobhir etayā pariślatheyaṃ kabarī niyamyate / udastabhāsvatkarakāntayā śriyā dinasya tārāśabaleva śarvarī
Sanskrit only: no published translation is held for this verse.
असत्कवेर् वाग् इव वीतसौष्ठवं निवेशयन्ती पदम् अव्यवस्थया । असाव् अनेकस्खलितैः समाकुला विमुच्य मार्गं किम् इतः प्रतिष्ठते
asatkaver vāg iva vītasauṣṭhavaṃ niveśayantī padam avyavasthayā / asāv anekaskhalitaiḥ samākulā vimucya mārgaṃ kim itaḥ pratiṣṭhate
Sanskrit only: no published translation is held for this verse.
हठेन नेतुं वशताम् इवात्मनो मनोऽभिरामासु विलासभङ्गिषु । धृतांशुका ताभिर् इयं पदे पदे लताभिर् अम्भोजमुखी निरुद्ध्यते
haṭhena netuṃ vaśatām ivātmano mano'bhirāmāsu vilāsabhaṅgiṣu / dhṛtāṃśukā tābhir iyaṃ pade pade latābhir ambhojamukhī niruddhyate
Sanskrit only: no published translation is held for this verse.
विचिन्वती किं चिद् इवेयम् आदराद् अपक्षमपातस्तिमिते विलोचने । गते ऽवतंसोत्पलपत्रबन्धुताम् इतस् ततः पद्मवने विमुञ्चति
vicinvatī kiṃ cid iveyam ādarād apakṣamapātastimite vilocane / gate 'vataṃsotpalapatrabandhutām itas tataḥ padmavane vimuñcati
Sanskrit only: no published translation is held for this verse.
मृदु प्रयान्तीयम् अनिम्ननिम्नयोः सितांशुका काम् अपि कान्तिम् अश्नुते । जले कला इव प्रतिबिम्बितैन्दवी वनानिलोदञ्चदवाञ्चदूर्मिणि
mṛdu prayāntīyam animnanimnayoḥ sitāṃśukā kām api kāntim aśnute / jale kalā iva pratibimbitaindavī vanānilodañcadavāñcadūrmiṇi
Sanskrit only: no published translation is held for this verse.
प्रसादम् अस्माकम् अरण्यदुर्लभैर् विधेहि सालक्तकपादताडनैः । असाव् अशोकैः क्षणम् आश्रितैः श्रमात् इतीव मत्तालिरुतेन याच्यते
prasādam asmākam araṇyadurlabhair vidhehi sālaktakapādatāḍanaiḥ / asāv aśokaiḥ kṣaṇam āśritaiḥ śramāt itīva mattālirutena yācyate
Sanskrit only: no published translation is held for this verse.
अभेदमूढस्तबकाभिर् आवृता लताभिर् ईषल् लुलितालिपङ्क्तिभिः । इयं पुरो मारुतनर्तितालका न लक्ष्यते व्यक्तम् अवामनस्तनी
abhedamūḍhastabakābhir āvṛtā latābhir īṣal lulitālipaṅktibhiḥ / iyaṃ puro mārutanartitālakā na lakṣyate vyaktam avāmanastanī
Sanskrit only: no published translation is held for this verse.
ऋजु क्वचित् क्वापि अनृजु प्रवर्तते क्वचित् स्खलत्य् उच्चशिलातले पथि । इयं शनैः शैलनदीव च क्वचित् विनम्रवानीरतलेन गच्छति
ṛju kvacit kvāpi anṛju pravartate kvacit skhalaty uccaśilātale pathi / iyaṃ śanaiḥ śailanadīva ca kvacit vinamravānīratalena gacchati
Sanskrit only: no published translation is held for this verse.
स्थिते परिष्वज्य सरोजिनीम् इमां वने घने ऽस्मिन् कुसुमोन्मदालिनि । प्रयाति सासूयम् इयं कथंचन स्वहस्तसीमन्तितमार्गवीरुधि
sthite pariṣvajya sarojinīm imāṃ vane ghane 'smin kusumonmadālini / prayāti sāsūyam iyaṃ kathaṃcana svahastasīmantitamārgavīrudhi
Sanskrit only: no published translation is held for this verse.
क्वचित् क्वचित् स्वेदलवोद्गमो मुखे समाहृतेयं कबरी यथा तथा । सयं च कम्पः कुचयोर् वधूर् इयं रतिश्रमव्याकुलितेव लक्ष्यते
kvacit kvacit svedalavodgamo mukhe samāhṛteyaṃ kabarī yathā tathā / sayaṃ ca kampaḥ kucayor vadhūr iyaṃ ratiśramavyākuliteva lakṣyate
Sanskrit only: no published translation is held for this verse.
अनेन रूपातिशयेन लीलया विविक्तनेपथ्यपरिग्रहेण च । अरण्यसञ्चारपरा इयम् एकिका कुतूहलं मे हृदये निषिञ्चति
anena rūpātiśayena līlayā viviktanepathyaparigraheṇa ca / araṇyasañcāraparā iyam ekikā kutūhalaṃ me hṛdaye niṣiñcati
Sanskrit only: no published translation is held for this verse.
असौ पराधीनतयास्पदीकृता न बालिका न प्रतिभासते न मम । अयं स्फुरत्काञ्चनपद्मसोदरः सचामरो ऽस्याः कथमन्यथा करः
asau parādhīnatayāspadīkṛtā na bālikā na pratibhāsate na mama / ayaṃ sphuratkāñcanapadmasodaraḥ sacāmaro 'syāḥ kathamanyathā karaḥ
Sanskrit only: no published translation is held for this verse.
इयं किम् उ स्याद् वनदेवतागता ? गता धरां व्योमवधूर् इयं किम् उ ? । अवेक्षितुं हारम् इहेयम् आगता शशिप्रभावारविलासिनी किम् उ ?
iyaṃ kim u syād vanadevatāgatā ? gatā dharāṃ vyomavadhūr iyaṃ kim u ? / avekṣituṃ hāram iheyam āgatā śaśiprabhāvāravilāsinī kim u ?
Sanskrit only: no published translation is held for this verse.
इतः सश् चित्राकृतिर् ईक्षतो मृगः सितच्छदादाप्तम् इतो विभूषणम् । इतश् च दृष्टेयम् इति स्प्रसूयते प्रसक्तम् आश्चर्यम् इयं वनस्थली
itaḥ saś citrākṛtir īkṣato mṛgaḥ sitacchadādāptam ito vibhūṣaṇam / itaś ca dṛṣṭeyam iti sprasūyate prasaktam āścaryam iyaṃ vanasthalī
Sanskrit only: no published translation is held for this verse.
पाटलाया नायकदर्शनम् इति प्रकृत्या मधुरोक्तिर् उक्तवान् तयायताक्ष्या ददृशे विशाम्पतिः । तमालपत्रापिहिते शिलातले कुमुद्वतीकान्त इवाम्बरे स्थितः
pāṭalāyā nāyakadarśanam iti prakṛtyā madhuroktir uktavān tayāyatākṣyā dadṛśe viśāmpatiḥ / tamālapatrāpihite śilātale kumudvatīkānta ivāmbare sthitaḥ
Sanskrit only: no published translation is held for this verse.
ततस् तदालोकनकौतुकेन सा स्थिता निमेषोज्झितपक्ष्मलेक्षणम् । विनिद्रसत्केसरपङ्कजा बभौ वने निवातस्तिमितेव पद्मिनी
tatas tadālokanakautukena sā sthitā nimeṣojjhitapakṣmalekṣaṇam / vinidrasatkesarapaṅkajā babhau vane nivātastimiteva padminī
Sanskrit only: no published translation is held for this verse.
पाटलायाः स्वगतम् अचिन्तयत् सेति च पाटलाधरः सितारविन्दच्छददीर्घलोचनः । मुखं सुधादीधितिसुन्दरं दधन् वने गतः को ऽयम् अनङ्गविभ्रमः
pāṭalāyāḥ svagatam acintayat seti ca pāṭalādharaḥ sitāravindacchadadīrghalocanaḥ / mukhaṃ sudhādīdhitisundaraṃ dadhan vane gataḥ ko 'yam anaṅgavibhramaḥ
Sanskrit only: no published translation is held for this verse.
व्यनक्ति कल्याणमयीयम् आकृतिर् महीयसीमस्य महानुभवताम् । असत्यम् एतासु रुचा वितन्वती लतासु कार्तस्वरपल्लवोद्गमम्
vyanakti kalyāṇamayīyam ākṛtir mahīyasīmasya mahānubhavatām / asatyam etāsu rucā vitanvatī latāsu kārtasvarapallavodgamam
Sanskrit only: no published translation is held for this verse.
भुजेन चित्राङ्गदरत्नशोभिना सतारहारेण भुजान्तरेण च । वदत्य् अयं मध्यमलोकपालतां परार्ध्यचूडामणिना च मौलिना
bhujena citrāṅgadaratnaśobhinā satārahāreṇa bhujāntareṇa ca / vadaty ayaṃ madhyamalokapālatāṃ parārdhyacūḍāmaṇinā ca maulinā
Sanskrit only: no published translation is held for this verse.
अनातपत्रो ऽयम् अत्र लक्ष्यते सितातपत्रैर् इव सर्वतो वृतः । अचामरो ऽप्य् एष सतेव वीज्यते विलासवालव्यजनेन को ऽपि अयम्
anātapatro 'yam atra lakṣyate sitātapatrair iva sarvato vṛtaḥ / acāmaro 'py eṣa sateva vījyate vilāsavālavyajanena ko 'pi ayam
Sanskrit only: no published translation is held for this verse.
प्रिया इयम् आरूढगुणा सुवंशभूर् न चान्तिकं चापलतास्य मुञ्चति । इमे पृषत्का अपि पार्थिवश्रियो विलासकर्णोत्पलपल्लवा इव
priyā iyam ārūḍhaguṇā suvaṃśabhūr na cāntikaṃ cāpalatāsya muñcati / ime pṛṣatkā api pārthivaśriyo vilāsakarṇotpalapallavā iva
Sanskrit only: no published translation is held for this verse.
इतः शिलोत्सङ्गतले निषेदुषा दिवश्च्युतेनेव कुरङ्गलक्ष्मणा । अधस् तरुणाम् अमुना विनीयते क्षणं मृगव्योपनतः परिश्रमः
itaḥ śilotsaṅgatale niṣeduṣā divaścyuteneva kuraṅgalakṣmaṇā / adhas taruṇām amunā vinīyate kṣaṇaṃ mṛgavyopanataḥ pariśramaḥ
Sanskrit only: no published translation is held for this verse.
अयं स न स्यान् नवसाहसाङ्क इत्य् अनङ्गलीलासु कृती भुवःपतिः । स येन मुक्तो निजनामलाञ्छितः शशिप्रभाकेलिकुरङ्गके शरः
ayaṃ sa na syān navasāhasāṅka ity anaṅgalīlāsu kṛtī bhuvaḥpatiḥ / sa yena mukto nijanāmalāñchitaḥ śaśiprabhākelikuraṅgake śaraḥ
Sanskrit only: no published translation is held for this verse.
अयं स नो हार इवास्य दृश्यते करोदरे पल्लवपाटलत्विषि । इतः किम् एतस्य न सैकते सः किं सितच्छदो लोचनगोचरं गतः
ayaṃ sa no hāra ivāsya dṛśyate karodare pallavapāṭalatviṣi / itaḥ kim etasya na saikate saḥ kiṃ sitacchado locanagocaraṃ gataḥ
Sanskrit only: no published translation is held for this verse.
सुवर्णपुङ्खे लिखितं शिलीमुखे तद् अस्य नामास्ति समानम् आकृतेः । यद् अद्भुताम् एकपदे पृषत्कताम् अगाद् अनङ्गस्य शशिप्राभां प्रति
suvarṇapuṅkhe likhitaṃ śilīmukhe tad asya nāmāsti samānam ākṛteḥ / yad adbhutām ekapade pṛṣatkatām agād anaṅgasya śaśiprābhāṃ prati
Sanskrit only: no published translation is held for this verse.
अनेन चेद् योगम् उपैति दैवतः फनीन्द्रकन्या शशिनेव रोहिणी । अनल्पलावण्यतिरस्कृतोपमं वपुस् तद् अस्याः सफलत्वम् एष्यति
anena ced yogam upaiti daivataḥ phanīndrakanyā śaśineva rohiṇī / analpalāvaṇyatiraskṛtopamaṃ vapus tad asyāḥ saphalatvam eṣyati
Sanskrit only: no published translation is held for this verse.
विधातुम् एनाम् अहम् एव वा क्षमा मितोदरीम् अङ्कतले ऽस्य को विधिः । ममेदृशे यद्विषये विमत्सराः स्तुवन्ति सख्यो मसृणोक्तिसौष्ठवम्
vidhātum enām aham eva vā kṣamā mitodarīm aṅkatale 'sya ko vidhiḥ / mamedṛśe yadviṣaye vimatsarāḥ stuvanti sakhyo masṛṇoktisauṣṭhavam
Sanskrit only: no published translation is held for this verse.
सहामुना किंचिदुपान्तवर्तिना वदत्य् असऊद्गतदन्तदीधितिः । कुतूहलाक्षिप्तनिमेषलास्यया विलोकयन् माम् इव दीर्घया दृशा
sahāmunā kiṃcidupāntavartinā vadaty asaūdgatadantadīdhitiḥ / kutūhalākṣiptanimeṣalāsyayā vilokayan mām iva dīrghayā dṛśā
Sanskrit only: no published translation is held for this verse.
पाटलायाःसमीपगमनम् अथाधिगन्तुं किल तस्य पत्रिणो गतिं वनान्ते कथम् अप्य् अलक्षिताम् । तम् अभ्यगात् सा नृपतिं सचामरा सरित् सफेना निधिम् अम्भसाम् इव
pāṭalāyāḥsamīpagamanam athādhigantuṃ kila tasya patriṇo gatiṃ vanānte katham apy alakṣitām / tam abhyagāt sā nṛpatiṃ sacāmarā sarit saphenā nidhim ambhasām iva
Sanskrit only: no published translation is held for this verse.
समुच्चरन् नूपुरसिन्न्चितैः पदैर् यथा यथा संमुखम् आजगाम सा । तयायताक्ष्येव तथातथेरिता दृग् अस्य पश्चाद् अपसारम् आददे
samuccaran nūpurasinncitaiḥ padair yathā yathā saṃmukham ājagāma sā / tayāyatākṣyeva tathātatheritā dṛg asya paścād apasāram ādade
Sanskrit only: no published translation is held for this verse.
शनैस् ततस् तां सविधोपसर्पणीं निरीक्ष्य हारं पिदधे नराधिपः । निजोत्तरीयेण सितेन मारुतः शरद्धनेनेव शशाङ्कमण्डलम्
śanais tatas tāṃ savidhopasarpaṇīṃ nirīkṣya hāraṃ pidadhe narādhipaḥ / nijottarīyeṇa sitena mārutaḥ śaraddhaneneva śaśāṅkamaṇḍalam
Sanskrit only: no published translation is held for this verse.
पयोधरोत्सङ्गनिवासलालितं व्यधाद् इमं पन्नगराजकन्यका । इति प्ररोहद्बहुमानमन्थरो बभूव तस्मिन्न् अवनीपुरन्दरः
payodharotsaṅganivāsalālitaṃ vyadhād imaṃ pannagarājakanyakā / iti prarohadbahumānamantharo babhūva tasminn avanīpurandaraḥ
Sanskrit only: no published translation is held for this verse.
अनल्पलावण्यविलासजन्मभूर् विचित्ररत्नद्युतिभास्वरोर्मिका । तमिद्धमुक्ताभरणं भुवःपतिं पयोधिवेलेव सुवेलम् आप सा
analpalāvaṇyavilāsajanmabhūr vicitraratnadyutibhāsvarormikā / tamiddhamuktābharaṇaṃ bhuvaḥpatiṃ payodhiveleva suvelam āpa sā
Sanskrit only: no published translation is held for this verse.
अवाप देवः श्रियम् अन्तिकस्थया तया स वालव्यजनाङ्कहस्तया । निषेव्यमाणः स्फुटलक्ष्यदेहया नरेन्द्रलक्ष्म्येव यशःसमेतया
avāpa devaḥ śriyam antikasthayā tayā sa vālavyajanāṅkahastayā / niṣevyamāṇaḥ sphuṭalakṣyadehayā narendralakṣmyeva yaśaḥsametayā
Sanskrit only: no published translation is held for this verse.
पाटलाकृतः सत्कारः विभिन्नचूर्णालकभक्ति कुर्वती विकीर्णचूडामणिचन्द्रिकं शिरः । अथानुभवेन निदेशितेव सा ननाम मानिन्यवशा विशांपतिम्
pāṭalākṛtaḥ satkāraḥ vibhinnacūrṇālakabhakti kurvatī vikīrṇacūḍāmaṇicandrikaṃ śiraḥ / athānubhavena nideśiteva sā nanāma māninyavaśā viśāṃpatim
Sanskrit only: no published translation is held for this verse.
दृशा नरेन्द्रेण निदेशिते स्वयं शिलातले नातिविदूरवर्तिनि । उपाविशत् सा रशनामणित्विषा निषिच्यमाने ऽमरचापशोभिनि
dṛśā narendreṇa nideśite svayaṃ śilātale nātividūravartini / upāviśat sā raśanāmaṇitviṣā niṣicyamāne 'maracāpaśobhini
Sanskrit only: no published translation is held for this verse.
रमाङ्गदवाक्यम् तयातिदीर्घैर् दशनानुपातिभिर् विकृष्यमाणाम् इव भूषणांशुभिः । इति क्षितीशेङ्गितवर्त्मदीपिकाम् उदीरयाम् आस गिरं रमाङ्गदः
ramāṅgadavākyam tayātidīrghair daśanānupātibhir vikṛṣyamāṇām iva bhūṣaṇāṃśubhiḥ / iti kṣitīśeṅgitavartmadīpikām udīrayām āsa giraṃ ramāṅgadaḥ
Sanskrit only: no published translation is held for this verse.
अनेन विन्ध्याद्रिविहारजन्मना श्रमेण कामं भवती कदर्थिता । प्रसुप्तजूटाहिमुखानिलोष्मणा जटाविटङ्केन्दुकलेव शूलिनः
anena vindhyādrivihārajanmanā śrameṇa kāmaṃ bhavatī kadarthitā / prasuptajūṭāhimukhāniloṣmaṇā jaṭāviṭaṅkendukaleva śūlinaḥ
Sanskrit only: no published translation is held for this verse.
अमी सरोजप्रतिमे मुखे मुहुस् तवातपाताम्रकपोलभित्तिनि । समुन्मिषन्ति श्रमवारिबिन्दवो नताङ्गि लावण्यसुधालवास् इव
amī sarojapratime mukhe muhus tavātapātāmrakapolabhittini / samunmiṣanti śramavāribindavo natāṅgi lāvaṇyasudhālavās iva
Sanskrit only: no published translation is held for this verse.
इतो ऽवतंसोत्पललास्यदेशिके निरन्तरं गन्धवहे वहत्य् अपि । न घूर्णते खिन्नललाटसङ्गिनी तवालकश्रेणिर् इयं मनाग् अपि
ito 'vataṃsotpalalāsyadeśike nirantaraṃ gandhavahe vahaty api / na ghūrṇate khinnalalāṭasaṅginī tavālakaśreṇir iyaṃ manāg api
Sanskrit only: no published translation is held for this verse.
अनेन पीनस्तनकम्पदायिना निरायतेनोद्वहता कदुष्णताम् । अथ प्रवालाद् अपि पाटलच्छविर् न दूयते निःश्वसितेन ते ऽधरः
anena pīnastanakampadāyinā nirāyatenodvahatā kaduṣṇatām / atha pravālād api pāṭalacchavir na dūyate niḥśvasitena te 'dharaḥ
Sanskrit only: no published translation is held for this verse.
उदित्य पङ्क्त्या श्रमवारिविप्रुषां निरन्तराध्यासितरेखयानया । तवैष कण्ठः कुटजावदातया विलासमुक्तालततयेव भूष्यते
uditya paṅktyā śramavārivipruṣāṃ nirantarādhyāsitarekhayānayā / tavaiṣa kaṇṭhaḥ kuṭajāvadātayā vilāsamuktālatatayeva bhūṣyate
Sanskrit only: no published translation is held for this verse.
इदं महच् चित्रम् अमानुषं त्वया विगाह्यते यद् वनम् अद्वितीयया । इमाः क्व विन्ध्यस्य भुवो ऽतिदुर्गमाः क्व राजवेश्माभरणं भवादृशी
idaṃ mahac citram amānuṣaṃ tvayā vigāhyate yad vanam advitīyayā / imāḥ kva vindhyasya bhuvo 'tidurgamāḥ kva rājaveśmābharaṇaṃ bhavādṛśī
Sanskrit only: no published translation is held for this verse.
नवोद्गताशोकपलाशकान्तिना निकामनिर्यन्नखचन्द्रिकेण च । बिभर्षि कस्येदम् अनेन पाणिना वदावधूतेन्दुमरीचि चामरम्
navodgatāśokapalāśakāntinā nikāmaniryannakhacandrikeṇa ca / bibharṣi kasyedam anena pāṇinā vadāvadhūtendumarīci cāmaram
Sanskrit only: no published translation is held for this verse.
नृपस्य कस्यापि परिच्छदाङ्गना यदि त्वम् उच्चैर् विभवो हि को ऽपि स । मरुत्पतिर् मेनकयेव तन्वि यस् त्वयापि वालव्यजनेन वीज्यते
nṛpasya kasyāpi paricchadāṅganā yadi tvam uccair vibhavo hi ko 'pi sa / marutpatir menakayeva tanvi yas tvayāpi vālavyajanena vījyate
Sanskrit only: no published translation is held for this verse.
अथ र्धिमत्या परवत्य् असि स्त्रिया कयापि कासौ जगदेकसुन्दरी । नतभ्रु यस्याः स्मरचापयष्टयो विधेयतां यान्ति भवद्विधा अपि
atha rdhimatyā paravaty asi striyā kayāpi kāsau jagadekasundarī / natabhru yasyāḥ smaracāpayaṣṭayo vidheyatāṃ yānti bhavadvidhā api
Sanskrit only: no published translation is held for this verse.
परस्परस्पर्धि विलाससम्पदां त्रयं भवत्स्वामितया विकल्प्यते । मरुत्वतो वा रमणी रमाथ वा कलत्रम् अर्धेन्दुविभूषणस्य वा ?
parasparaspardhi vilāsasampadāṃ trayaṃ bhavatsvāmitayā vikalpyate / marutvato vā ramaṇī ramātha vā kalatram ardhenduvibhūṣaṇasya vā ?
Sanskrit only: no published translation is held for this verse.
इयं परिभ्रान्तिर् अगेन्द्रकन्दरे सखीव ते शंसति कार्यगौरवम् । भवादृशः श्वापददूषिते ऽन्यथा चरन्त्य् अरण्ये किम् अधीननीतयः
iyaṃ paribhrāntir agendrakandare sakhīva te śaṃsati kāryagauravam / bhavādṛśaḥ śvāpadadūṣite 'nyathā caranty araṇye kim adhīnanītayaḥ
Sanskrit only: no published translation is held for this verse.
अनेन खेलन्मददन्तिना वद त्वम् आगता चण्डि कुतो दुरध्वना । विधाय विश्लेषविषादम् आवयोः स्वकार्यनिष्ठे कथय क्व यास्यसि ?
anena khelanmadadantinā vada tvam āgatā caṇḍi kuto duradhvanā / vidhāya viśleṣaviṣādam āvayoḥ svakāryaniṣṭhe kathaya kva yāsyasi ?
Sanskrit only: no published translation is held for this verse.
नायकवाक्यम् इति साभिहिता मृगायताक्षी समुपोढप्रणयं यशोभटेन । सहसा न जगाद लज्जया नु श्रमतः किं तु नृपस् तु ताम् अवोचत्
nāyakavākyam iti sābhihitā mṛgāyatākṣī samupoḍhapraṇayaṃ yaśobhaṭena / sahasā na jagāda lajjayā nu śramataḥ kiṃ tu nṛpas tu tām avocat
Sanskrit only: no published translation is held for this verse.
श्रान्तासि कौतुकहृतेन कदर्थितासि प्रश्नैर् अनेन विहितो न तवोपचारः । आतिथ्यम् एष कुरुते परम् अङ्गलेखा- संवाहनैकचतुरो निचुलानिलस् ते
śrāntāsi kautukahṛtena kadarthitāsi praśnair anena vihito na tavopacāraḥ / ātithyam eṣa kurute param aṅgalekhā- saṃvāhanaikacaturo niculānilas te
Sanskrit only: no published translation is held for this verse.
एवं निसर्गमधुरेण सुधारसैक- निष्यन्दिना फणिवधूर् अथ सा हसन्ती । चन्द्रांशुना कुमुदिनीव दिनोष्मतप्ता वीतक्लमा नरपतेर् वचसा बभूव
evaṃ nisargamadhureṇa sudhārasaika- niṣyandinā phaṇivadhūr atha sā hasantī / candrāṃśunā kumudinīva dinoṣmataptā vītaklamā narapater vacasā babhūva
Sanskrit only: no published translation is held for this verse.