इति श्रीमृगाङ्कगुप्तसूनोः परिमलापरनाम्नः पद्मगुप्तस्य कृतौ नवसाहसाङ्कचरिते महाकाव्ये शशिप्रभावलोकनार्थप्रस्थानं नाम पञ्चमः सर्गः षष्ठः सर्गः नायिकावस्थावर्णनम् तदा फणीन्द्रकन्यापि बाणनामाङ्कसूचिते । नरेन्द्रतिलके तस्मिन्न् अभिलाषं बबन्ध सा
iti śrīmṛgāṅkaguptasūnoḥ parimalāparanāmnaḥ padmaguptasya kṛtau navasāhasāṅkacarite mahākāvye śaśiprabhāvalokanārthaprasthānaṃ nāma pañcamaḥ sargaḥ ṣaṣṭhaḥ sargaḥ nāyikāvasthāvarṇanam tadā phaṇīndrakanyāpi bāṇanāmāṅkasūcite / narendratilake tasminn abhilāṣaṃ babandha sā
Sanskrit only: no published translation is held for this verse.
सहसा हृदये तस्या निदधे मन्मथः पदम् । अशोकयष्टिस्तबके सराग इव षट्पदः
sahasā hṛdaye tasyā nidadhe manmathaḥ padam / aśokayaṣṭistabake sarāga iva ṣaṭpadaḥ
Sanskrit only: no published translation is held for this verse.
अवशा साभवच् चित्रं नाम्नापि पृथिवीपतेः । न तद् अस्त्य् अत्र यन् नास्त्रं सन्नद्धस्य मनोभुवः
avaśā sābhavac citraṃ nāmnāpi pṛthivīpateḥ / na tad asty atra yan nāstraṃ sannaddhasya manobhuvaḥ
Sanskrit only: no published translation is held for this verse.
स्मराग्निकणमेणाक्ष्यास् तस्याः समुददीपयत् । मकरध्वजसाम्राज्य- सचिवो मलयानिलः
smarāgnikaṇameṇākṣyās tasyāḥ samudadīpayat / makaradhvajasāmrājya- sacivo malayānilaḥ
Sanskrit only: no published translation is held for this verse.
सोल्लसत्स्मरलीलेन नवेन वयसा बभौ । उन्मिषन्मधुलेखेन मुकुलेनेव मालती
sollasatsmaralīlena navena vayasā babhau / unmiṣanmadhulekhena mukuleneva mālatī
Sanskrit only: no published translation is held for this verse.
सातनुश्वसनस्पृष्ट- पाटलाधरपल्लवम् । उवाह मुखम् उज्जृम्भम् अम्भोजम् इव पद्मिनी
sātanuśvasanaspṛṣṭa- pāṭalādharapallavam / uvāha mukham ujjṛmbham ambhojam iva padminī
Sanskrit only: no published translation is held for this verse.
निकामसरले तस्मिन् सा मुहुस् तरलेदृशौ । शरे नरेन्द्रचन्द्रस्य चिक्षेप न सखीजने
nikāmasarale tasmin sā muhus taraledṛśau / śare narendracandrasya cikṣepa na sakhījane
Sanskrit only: no published translation is held for this verse.
नरेन्द्रनामाङ्कलिपिस् ताम् आनन्दयति स्म सा । कुमुद्वतीम् इवोदञ्चत्- बालेन्दुकिरणच्छटा
narendranāmāṅkalipis tām ānandayati sma sā / kumudvatīm ivodañcat- bālendukiraṇacchaṭā
Sanskrit only: no published translation is held for this verse.
हेमपुङ्खाङ्किते तस्मिन् शरे करम् उपेयुषि । बलाद् विवेश सा बाला दीक्षां वैवाहिकीम् इव
hemapuṅkhāṅkite tasmin śare karam upeyuṣi / balād viveśa sā bālā dīkṣāṃ vaivāhikīm iva
Sanskrit only: no published translation is held for this verse.
तेनावाप्ततदाताम्र- पाणिस्पर्शेण पत्रिणा । स्फुरत्कान्तिचयव्याजाद् अमुच्यन्तेव पल्लवाः
tenāvāptatadātāmra- pāṇisparśeṇa patriṇā / sphuratkānticayavyājād amucyanteva pallavāḥ
Sanskrit only: no published translation is held for this verse.
नवीनसाहसाङ्कस्य कामदेवाकृतेर् अयम् । मालवैकमृगाङ्कस्य सिन्धुराजस्य सायकः
navīnasāhasāṅkasya kāmadevākṛter ayam / mālavaikamṛgāṅkasya sindhurājasya sāyakaḥ
Sanskrit only: no published translation is held for this verse.
पुनःपुन इति स्वादु नृपतेर् नामलक्ष्म सा । अपठच् चारुबिम्बौष्ठ- लुठद्दशनचन्द्रिका
punaḥpuna iti svādu nṛpater nāmalakṣma sā / apaṭhac cārubimbauṣṭha- luṭhaddaśanacandrikā
Sanskrit only: no published translation is held for this verse.
अधीत्य कौतुकेनाथ कृतपञ्चममूर्च्छनाः । तदग्रे नृपनामाङ्कं जगुः पातालकन्यकाः
adhītya kautukenātha kṛtapañcamamūrcchanāḥ / tadagre nṛpanāmāṅkaṃ jaguḥ pātālakanyakāḥ
Sanskrit only: no published translation is held for this verse.
अदृष्टे ऽप्य् उत्सुका राज्ञि तद्गीतेन बभूव सा । प्रबोधे यदनङ्गाग्नेः पञ्चमः प्रथामा समित्
adṛṣṭe 'py utsukā rājñi tadgītena babhūva sā / prabodhe yadanaṅgāgneḥ pañcamaḥ prathāmā samit
Sanskrit only: no published translation is held for this verse.
अवेपत समुन्मीलत्- विलासकुसुमान्न्चिता । मनोभवानिलस्पर्श- वशाद् वनलतेव सा
avepata samunmīlat- vilāsakusumānncitā / manobhavānilasparśa- vaśād vanalateva sā
Sanskrit only: no published translation is held for this verse.
नवानुरागम् अङ्गेन व्यक्ततच्चिह्नचुम्बिना । विनावचनम् आचख्यौ सखीषु चतुरासु सा
navānurāgam aṅgena vyaktataccihnacumbinā / vināvacanam ācakhyau sakhīṣu caturāsu sā
Sanskrit only: no published translation is held for this verse.
शशिप्रभायाः प्रश्नः सावहित्थम् अथेत्थं सा सखीजनम् अभाषत । सुधानिष्यन्दजडया शरदिन्दुमुखी गिरा
śaśiprabhāyāḥ praśnaḥ sāvahittham athetthaṃ sā sakhījanam abhāṣata / sudhāniṣyandajaḍayā śaradindumukhī girā
Sanskrit only: no published translation is held for this verse.
अभेदम् इन्दुना नीतः साचिव्यं मेनकेतुना । सख्यः कः सिन्धुराजो ऽयं साहसाङ्कनिरूप्यते
abhedam indunā nītaḥ sācivyaṃ menaketunā / sakhyaḥ kaḥ sindhurājo 'yaṃ sāhasāṅkanirūpyate
Sanskrit only: no published translation is held for this verse.
किम् एवम् अवतिष्ठध्वै मौनं मुञ्चत शंसत । उन्मीलति यद् अन्तर् मे बलात् कौतुककन्दली
kim evam avatiṣṭhadhvai maunaṃ muñcata śaṃsata / unmīlati yad antar me balāt kautukakandalī
Sanskrit only: no published translation is held for this verse.
मल्यवत्या उत्तरम् अथ माल्यवती नाम तत्सखी सिद्धकन्यका । इति स्मितसुधार्द्रेण वचसा ताम् अवोचत
malyavatyā uttaram atha mālyavatī nāma tatsakhī siddhakanyakā / iti smitasudhārdreṇa vacasā tām avocata
Sanskrit only: no published translation is held for this verse.
सखि साहासिकः स अयम् अवन्तितिलको नृपः । गीयते केतकापाण्डु यस्योरगपुरे यशः
sakhi sāhāsikaḥ sa ayam avantitilako nṛpaḥ / gīyate ketakāpāṇḍu yasyoragapure yaśaḥ
Sanskrit only: no published translation is held for this verse.
तं काश्यपीसहस्राक्षम् अद्रक्षम् अहम् एकदा । गता श्रीमन्महाकाल- पर्वण्य् उज्जयिनीं पुरीं
taṃ kāśyapīsahasrākṣam adrakṣam aham ekadā / gatā śrīmanmahākāla- parvaṇy ujjayinīṃ purīṃ
Sanskrit only: no published translation is held for this verse.
तन्वि तिग्मांशुनेव द्यौर् निशेव शशलक्ष्मणा । सा सनाथा पुरी तेन वज्रिणेवामरावती
tanvi tigmāṃśuneva dyaur niśeva śaśalakṣmaṇā / sā sanāthā purī tena vajriṇevāmarāvatī
Sanskrit only: no published translation is held for this verse.
रम्भा त्वयेव यत् सत्यं तेनालि नलकूबरः । त्याजितो रूपजं गर्वम् उर्वीमकरकेतुना
rambhā tvayeva yat satyaṃ tenāli nalakūbaraḥ / tyājito rūpajaṃ garvam urvīmakaraketunā
Sanskrit only: no published translation is held for this verse.
अकलङ्काकृतेस् तस्य चतुःषष्ठिकलावतः । तुलाधिरोहहेवाके कः षोडशकलः शशी
akalaṅkākṛtes tasya catuḥṣaṣṭhikalāvataḥ / tulādhirohahevāke kaḥ ṣoḍaśakalaḥ śaśī
Sanskrit only: no published translation is held for this verse.
तस्यावनिप्रदीपस्य ते ते नैसर्गिका गुणाः । क्व नाम न प्रकाशन्ते रवेर् इव मरीचयः
tasyāvanipradīpasya te te naisargikā guṇāḥ / kva nāma na prakāśante raver iva marīcayaḥ
Sanskrit only: no published translation is held for this verse.
न नागेषु न सिद्धेषु न नरेष्व् अमरेष्व् अथ । अवापि क्वापि संवादस् तद्रूपोल्लेखलेखया
na nāgeṣu na siddheṣu na nareṣv amareṣv atha / avāpi kvāpi saṃvādas tadrūpollekhalekhayā
Sanskrit only: no published translation is held for this verse.
सो हि केनापि कृत्येन गां गतः श्रूयते पुनः । निह्नुतैकभुजद्वन्द्वो देवः श्रीवत्सलाञ्छनः
so hi kenāpi kṛtyena gāṃ gataḥ śrūyate punaḥ / nihnutaikabhujadvandvo devaḥ śrīvatsalāñchanaḥ
Sanskrit only: no published translation is held for this verse.
किम् अन्यत् तव संतुष्ट्यै पश्य चित्रे लिखाम्य् अहम् । चिरस्य दीर्घनयने तवास्तु नयनोत्सवः
kim anyat tava saṃtuṣṭyai paśya citre likhāmy aham / cirasya dīrghanayane tavāstu nayanotsavaḥ
Sanskrit only: no published translation is held for this verse.
आकृतिलेखनम् अथ सा सिद्धतनया तं लिलेख शिलातले । हृदि तूरगराजेन्द्र- दुहितुर् मीनकेतनः
ākṛtilekhanam atha sā siddhatanayā taṃ lilekha śilātale / hṛdi tūragarājendra- duhitur mīnaketanaḥ
Sanskrit only: no published translation is held for this verse.
तदालिखितभूपालं तया चिन्तितकामदम् । चिन्तामणेर् अप्य् अधिकं शिलातलम् अमांस्त सा
tadālikhitabhūpālaṃ tayā cintitakāmadam / cintāmaṇer apy adhikaṃ śilātalam amāṃsta sā
Sanskrit only: no published translation is held for this verse.
ततश् चित्रगते तस्मिन् महीपालो मदालसाः । समम् एवाहिकन्यानां पेतुर् नेत्रपरम्पराः
tataś citragate tasmin mahīpālo madālasāḥ / samam evāhikanyānāṃ petur netraparamparāḥ
Sanskrit only: no published translation is held for this verse.
पपौ शशिप्रभाप्य् एनं चिरम् उत्पक्ष्मलेखया । पुनरुक्तीकृतोन्निद्र- कर्णेन्दीवरया दृशा
papau śaśiprabhāpy enaṃ ciram utpakṣmalekhayā / punaruktīkṛtonnidra- karṇendīvarayā dṛśā
Sanskrit only: no published translation is held for this verse.
रूपम् आस्वादयाम् आस तस्यालेख्यगतस्य सा । भ्रमरीवारविन्दस्य सुधासहचरम् मधु
rūpam āsvādayām āsa tasyālekhyagatasya sā / bhramarīvāravindasya sudhāsahacaram madhu
Sanskrit only: no published translation is held for this verse.
आनीयताकुलत्वं सा त्रितीयेन तनूदरी । विस्मयेनातिसान्द्रेण मदेन मदनेन च
ānīyatākulatvaṃ sā tritīyena tanūdarī / vismayenātisāndreṇa madena madanena ca
Sanskrit only: no published translation is held for this verse.
विवेश हृदये तस्याः स चित्रलिखितो नृपः । शरत्प्रसन्ने सरितः प्रतिमेन्दुर् इव अम्भसि
viveśa hṛdaye tasyāḥ sa citralikhito nṛpaḥ / śaratprasanne saritaḥ pratimendur iva ambhasi
Sanskrit only: no published translation is held for this verse.
स्तनपत्रलतां तस्या बिभेद पुलकोद्गमः । सत्यं यदन्तरङ्गेण बहिरङ्गो निरस्यते
stanapatralatāṃ tasyā bibheda pulakodgamaḥ / satyaṃ yadantaraṅgeṇa bahiraṅgo nirasyate
Sanskrit only: no published translation is held for this verse.
तस्याः कुचयुगे किंचिन् निश्वासः कम्पम् आदधे । रथाङ्गनाममिथुने सायन्तन इवानिलः
tasyāḥ kucayuge kiṃcin niśvāsaḥ kampam ādadhe / rathāṅganāmamithune sāyantana ivānilaḥ
Sanskrit only: no published translation is held for this verse.
तस्याः स्वेदलवश्रेणि- च्छद्मना वदनश्रिया । विशतो ऽन्तर् अनङ्गस्य लाजाञ्जलिर् इवोज्झितः
tasyāḥ svedalavaśreṇi- cchadmanā vadanaśriyā / viśato 'ntar anaṅgasya lājāñjalir ivojjhitaḥ
Sanskrit only: no published translation is held for this verse.
शङ्के शरम् ऋजूकुर्वन् ददृशे मन्मथस् तया । यत् सा मृदुक्वणत्काञ्चि- किङ्किणीकम् अकम्पत
śaṅke śaram ṛjūkurvan dadṛśe manmathas tayā / yat sā mṛdukvaṇatkāñci- kiṅkiṇīkam akampata
Sanskrit only: no published translation is held for this verse.
एष दृष्टस् त्वयेत्य् उक्ता सख्या सा साध्वसाकुला । गद्गदाक्षरम् अव्यक्तं कृच्छ्रात् प्रतिवचो ददौ
eṣa dṛṣṭas tvayety uktā sakhyā sā sādhvasākulā / gadgadākṣaram avyaktaṃ kṛcchrāt prativaco dadau
Sanskrit only: no published translation is held for this verse.
चित्रवर्तिन्य् अपि नृपे तत्त्वावेशेन चेतसि । व्रीडार्धवलितं चक्रे मुखेन्दुम् अवशैव सा
citravartiny api nṛpe tattvāveśena cetasi / vrīḍārdhavalitaṃ cakre mukhendum avaśaiva sā
Sanskrit only: no published translation is held for this verse.
दृष्टा सखीभिः साकूतं सा बालाधरपल्लवे । दधौ वैलक्ष्यहसितं प्रसूनम् इव माधवी
dṛṣṭā sakhībhiḥ sākūtaṃ sā bālādharapallave / dadhau vailakṣyahasitaṃ prasūnam iva mādhavī
Sanskrit only: no published translation is held for this verse.
नवं प्रेम नवोत्कण्ठा नवास् ते ते मनोरथाः । इति तस्यास् तथैवाभूद् अन्तरङ्गः परिच्छदः
navaṃ prema navotkaṇṭhā navās te te manorathāḥ / iti tasyās tathaivābhūd antaraṅgaḥ paricchadaḥ
Sanskrit only: no published translation is held for this verse.
किंचित् त्रपानुविद्धेन पुण्डरीकदलत्विषा । तम् आनर्चेव राजेन्दुम् अनिमित्तस्मितेन सा
kiṃcit trapānuviddhena puṇḍarīkadalatviṣā / tam ānarceva rājendum animittasmitena sā
Sanskrit only: no published translation is held for this verse.
सा च दोःशयितभुवा नृपेणाद्ध्यासिता हृदि । कृताङ्गभङ्गवलना झटित्य् आलस्यम् आययौ
sā ca doḥśayitabhuvā nṛpeṇāddhyāsitā hṛdi / kṛtāṅgabhaṅgavalanā jhaṭity ālasyam āyayau
Sanskrit only: no published translation is held for this verse.
तत्क्षणेनैव सा चित्रं तन्वी तन्मयतां ययौ । कं न प्रतारयत्य् एष कितवः कुसुमायुधः
tatkṣaṇenaiva sā citraṃ tanvī tanmayatāṃ yayau / kaṃ na pratārayaty eṣa kitavaḥ kusumāyudhaḥ
Sanskrit only: no published translation is held for this verse.
स्तिमितेवावतस्थे सा सारङ्गायतलोचना । अचेतनेव शून्येव सुप्तेवालिखितेव च
stimitevāvatasthe sā sāraṅgāyatalocanā / acetaneva śūnyeva suptevālikhiteva ca
Sanskrit only: no published translation is held for this verse.
स्मरेण मर्मणि क्वापि साविध्यत सुमध्यमा । अनिद्रितापि यत् साभूत् क्षणं मुकुलितेक्षणा
smareṇa marmaṇi kvāpi sāvidhyata sumadhyamā / anidritāpi yat sābhūt kṣaṇaṃ mukulitekṣaṇā
Sanskrit only: no published translation is held for this verse.
व्यञ्चितानङ्गलीलेन शृङ्गाररसबन्धुना । तन्वी नवानुरागेण सान्यैव घटिताभवत्
vyañcitānaṅgalīlena śṛṅgārarasabandhunā / tanvī navānurāgeṇa sānyaiva ghaṭitābhavat
Sanskrit only: no published translation is held for this verse.
ऋजुना ऐक्षत यच् चित्रं यद् अभूच् च त्रपावती । तेनातिगूढभावापि सा सखीभिर् अलक्ष्यत
ṛjunā aikṣata yac citraṃ yad abhūc ca trapāvatī / tenātigūḍhabhāvāpi sā sakhībhir alakṣyata
Sanskrit only: no published translation is held for this verse.
अथानङ्गवती नाम सखी ताम् इत्य् अवोचत । दशनज्योत्स्नयारण्यं सुधयेव निषिञ्चती
athānaṅgavatī nāma sakhī tām ity avocata / daśanajyotsnayāraṇyaṃ sudhayeva niṣiñcatī
Sanskrit only: no published translation is held for this verse.
कच् चिद् अस्य प्रमोदाय कुमुदस्येव चक्षुषः । अयं मध्यमलोकेन्दुः पातालेन्दुकले तव
kac cid asya pramodāya kumudasyeva cakṣuṣaḥ / ayaṃ madhyamalokenduḥ pātālendukale tava
Sanskrit only: no published translation is held for this verse.
वनानिलाहृतोन्निद्र- पद्मकेसरशालिना । रोमोद्गम इवानेन धृतस् त्वदवलोकनात्
vanānilāhṛtonnidra- padmakesaraśālinā / romodgama ivānena dhṛtas tvadavalokanāt
Sanskrit only: no published translation is held for this verse.
अद्य नः सफलं चक्षुश् चित्रे यद् अवलोकितः । कन्दर्पाधिककान्तो ऽयम् अवन्तिमृगलाञ्छनः
adya naḥ saphalaṃ cakṣuś citre yad avalokitaḥ / kandarpādhikakānto 'yam avantimṛgalāñchanaḥ
Sanskrit only: no published translation is held for this verse.
त्वाम् अप्य् अवाञ्चितां मन्ये यत् त्वयैतस्य वक्षसि । एते सविभ्रमं न्यस्ते दृशौ मुक्तालते इव
tvām apy avāñcitāṃ manye yat tvayaitasya vakṣasi / ete savibhramaṃ nyaste dṛśau muktālate iva
Sanskrit only: no published translation is held for this verse.
जितम् एतेन को ऽप्य् एष सत्यं कामो ऽस्य किङ्करः । आरोहति परां कोटिम् अत्र यत् तव सम्भ्रमः
jitam etena ko 'py eṣa satyaṃ kāmo 'sya kiṅkaraḥ / ārohati parāṃ koṭim atra yat tava sambhramaḥ
Sanskrit only: no published translation is held for this verse.
त्वम् अत्र बद्धभावेव किम् इन्दुमुखि लज्जसे । विलङ्घयत्य् अलङ्घ्यानि स्मरदुर्ललितानि कः
tvam atra baddhabhāveva kim indumukhi lajjase / vilaṅghayaty alaṅghyāni smaradurlalitāni kaḥ
Sanskrit only: no published translation is held for this verse.
को ऽन्यः सखि नृशंसो ऽस्ति कामं विषमबाणतः । सुकुमारे तवाप्य् अङ्गे येन व्यापारितः शरः
ko 'nyaḥ sakhi nṛśaṃso 'sti kāmaṃ viṣamabāṇataḥ / sukumāre tavāpy aṅge yena vyāpāritaḥ śaraḥ
Sanskrit only: no published translation is held for this verse.
बिम्बौष्ठे एव रागस् ते तन्वि पूर्वम् अदृश्यत । अधुना हृदये ऽप्य् एष मृगशावाक्षि लक्ष्यते
bimbauṣṭhe eva rāgas te tanvi pūrvam adṛśyata / adhunā hṛdaye 'py eṣa mṛgaśāvākṣi lakṣyate
Sanskrit only: no published translation is held for this verse.
एकेन राजहंसेन हृतो हारस् तनूदरि । अनेन तु द्वितीयेन लिखितेनापि ते मनः
ekena rājahaṃsena hṛto hāras tanūdari / anena tu dvitīyena likhitenāpi te manaḥ
Sanskrit only: no published translation is held for this verse.
कुतस् त्रपा तवालीषु किंचिद् उन्नमयाननम् । अहो बत त्वम् एतस्मिन्न् अत्यायतकुतूहला
kutas trapā tavālīṣu kiṃcid unnamayānanam / aho bata tvam etasminn atyāyatakutūhalā
Sanskrit only: no published translation is held for this verse.
एतत् कर्णोत्पलं लोलम् अपाङ्गप्रतिवेशितम् । त्वद् उदन्तम् इवैतस्य कथयत्य् अलिकूजितैः
etat karṇotpalaṃ lolam apāṅgaprativeśitam / tvad udantam ivaitasya kathayaty alikūjitaiḥ
Sanskrit only: no published translation is held for this verse.
अहो दूरस्थितेनापि हृदि स्पृष्टा नृपेन्दुना । इन्दुकान्तशिलेव त्वम् आर्द्रताम् अवगाहसे
aho dūrasthitenāpi hṛdi spṛṣṭā nṛpendunā / indukāntaśileva tvam ārdratām avagāhase
Sanskrit only: no published translation is held for this verse.
निपुणे निःश्वसिष्य् एवम् अतिगूढं यथा यथा । तथा तथा तव व्यक्तम् अयम् उच्छ्वसति स्मरः
nipuṇe niḥśvasiṣy evam atigūḍhaṃ yathā yathā / tathā tathā tava vyaktam ayam ucchvasati smaraḥ
Sanskrit only: no published translation is held for this verse.
स्मितम् एतद् अलोलाक्षि लज्जासंवलितं तव । इदं निर्जितबाल्यस्य यौवनस्योदितं यशः
smitam etad alolākṣi lajjāsaṃvalitaṃ tava / idaṃ nirjitabālyasya yauvanasyoditaṃ yaśaḥ
Sanskrit only: no published translation is held for this verse.
यथा तवेयम् अरतिर् यथा सुतनु वेपसे । तथा कवचितः शङ्के निःशङ्कं मदनस् त्वयि
yathā taveyam aratir yathā sutanu vepase / tathā kavacitaḥ śaṅke niḥśaṅkaṃ madanas tvayi
Sanskrit only: no published translation is held for this verse.
किम् अत्र करवै गाढम् आकल्पकम् इदं तव । इयं च मन्मथस्यास्त्रं निर्गता चूतमञ्जरी
kim atra karavai gāḍham ākalpakam idaṃ tava / iyaṃ ca manmathasyāstraṃ nirgatā cūtamañjarī
Sanskrit only: no published translation is held for this verse.
सुरतक्लान्तशबरी- कबरीमाल्यचुम्बिनः । कथम् एते त्वया तन्वि सह्या मलयवायवः
surataklāntaśabarī- kabarīmālyacumbinaḥ / katham ete tvayā tanvi sahyā malayavāyavaḥ
Sanskrit only: no published translation is held for this verse.
किं ताम्यसि तवोपान्तम् आनयाम्य् अधुनैव तम् । इत्य् आश्वासयतीव त्वाम् कोकिलो ऽयं कलस्वनः
kiṃ tāmyasi tavopāntam ānayāmy adhunaiva tam / ity āśvāsayatīva tvām kokilo 'yaṃ kalasvanaḥ
Sanskrit only: no published translation is held for this verse.
कूजन्ती कोकिलवधूर् इयम् आधिं धुनोति ते । अनङ्गनृपसाम्राज्य- लीलामङ्गलगायिनी
kūjantī kokilavadhūr iyam ādhiṃ dhunoti te / anaṅganṛpasāmrājya- līlāmaṅgalagāyinī
Sanskrit only: no published translation is held for this verse.
वनान्तदेवतावाप्त- पादन्यासोत्सवः स्फुटम् । एष स्तबकितो ऽशोकः सुहृत् कामस्य का गतिः
vanāntadevatāvāpta- pādanyāsotsavaḥ sphuṭam / eṣa stabakito 'śokaḥ suhṛt kāmasya kā gatiḥ
Sanskrit only: no published translation is held for this verse.
अत्रोर्वीतिलके दृष्टिम् अस्यन्तीं तिलकः क्रुधा । अयं तर्जयतीव त्वां वाताधूतलताङ्गुलिः
atrorvītilake dṛṣṭim asyantīṃ tilakaḥ krudhā / ayaṃ tarjayatīva tvāṃ vātādhūtalatāṅguliḥ
Sanskrit only: no published translation is held for this verse.
पथि स्मरस्य विषमे स्खलितायाम् इतस् त्वयि । स्मितच्छटेव निर्याति सिन्दुवारस्य मञ्जरी
pathi smarasya viṣame skhalitāyām itas tvayi / smitacchaṭeva niryāti sinduvārasya mañjarī
Sanskrit only: no published translation is held for this verse.
द्राघयत्य् अस्तबिम्बौष्ठ- रुचिनिःश्वसितानि ते । अयं मुकुलितः किंचिद् बकुलो मुकुलस्तनि
drāghayaty astabimbauṣṭha- ruciniḥśvasitāni te / ayaṃ mukulitaḥ kiṃcid bakulo mukulastani
Sanskrit only: no published translation is held for this verse.
लतया कर्णिकारस्य पुरः पुष्पितयानया । अनङ्गस्यैकराज्ये ऽस्मिन् हेमवेत्रलतायितम्
latayā karṇikārasya puraḥ puṣpitayānayā / anaṅgasyaikarājye 'smin hemavetralatāyitam
Sanskrit only: no published translation is held for this verse.
अहो न कस्य भिन्दन्ति हृदयं वीक्षिता अपि । निसर्गमृदवो ऽप्य् एते सहकारनवाङ्कुराः
aho na kasya bhindanti hṛdayaṃ vīkṣitā api / nisargamṛdavo 'py ete sahakāranavāṅkurāḥ
Sanskrit only: no published translation is held for this verse.
चतुरां कोकिलाम् एष कृत्वा कुरबको मुखे । दुर्लभं याचतीव त्वां लीलालिङ्गनदोहदम्
caturāṃ kokilām eṣa kṛtvā kurabako mukhe / durlabhaṃ yācatīva tvāṃ līlāliṅganadohadam
Sanskrit only: no published translation is held for this verse.
अशोकस्कन्धलग्नेयं कुसुमैर् नवमाधवी । प्रार्थनीयप्रियस्पर्शां हसति त्वाम् इवोत्सुकाम्
aśokaskandhalagneyaṃ kusumair navamādhavī / prārthanīyapriyasparśāṃ hasati tvām ivotsukām
Sanskrit only: no published translation is held for this verse.
भूपताव् अनुरक्तायास् तव सन्तापदीपनम् । स्थलारविन्दं सेर्ष्येव सूते सखि वसुन्धरा
bhūpatāv anuraktāyās tava santāpadīpanam / sthalāravindaṃ serṣyeva sūte sakhi vasundharā
Sanskrit only: no published translation is held for this verse.
अमीष्व् अङ्कस्थकन्दर्प- जगद्विजगयसिद्धिषु । दृष्टिर् उद्विजते तन्वि पाटलाकुड्मलेषु ते
amīṣv aṅkasthakandarpa- jagadvijagayasiddhiṣu / dṛṣṭir udvijate tanvi pāṭalākuḍmaleṣu te
Sanskrit only: no published translation is held for this verse.
सुन्दरि द्वितयस्यात्र क्रशिमा भूषणायते । राजन्याबद्धभावायास् तव रात्रेश् च सम्प्रति
sundari dvitayasyātra kraśimā bhūṣaṇāyate / rājanyābaddhabhāvāyās tava rātreś ca samprati
Sanskrit only: no published translation is held for this verse.
एष चैत्रोत्सवश् चित्रे नृपो ऽयं नूतनं वयः । प्राप्तावकाशः कामो ऽपि पतितास्यतिसङ्कटे
eṣa caitrotsavaś citre nṛpo 'yaṃ nūtanaṃ vayaḥ / prāptāvakāśaḥ kāmo 'pi patitāsyatisaṅkaṭe
Sanskrit only: no published translation is held for this verse.
किम् आलिखितवत्य् एषा चित्रे माल्यवती नृपम् । द्वारीकृतेयम् अथवा वामेन विधिना तव
kim ālikhitavaty eṣā citre mālyavatī nṛpam / dvārīkṛteyam athavā vāmena vidhinā tava
Sanskrit only: no published translation is held for this verse.
बहुना किं चकोराक्षि छलितासि मनोभुवा । सर्वथा ते करिष्यन्ति कुशलं कुलदेवताः
bahunā kiṃ cakorākṣi chalitāsi manobhuvā / sarvathā te kariṣyanti kuśalaṃ kuladevatāḥ
Sanskrit only: no published translation is held for this verse.
इत्यादि व्याहरन्ती सा कृतभ्रूभङ्गया तया । नरेन्द्रबाणपुङ्खेन कुचे किं चिद् अतुद्यत
ityādi vyāharantī sā kṛtabhrūbhaṅgayā tayā / narendrabāṇapuṅkhena kuce kiṃ cid atudyata
Sanskrit only: no published translation is held for this verse.
कलावतीवचनम् अथ किन्नरराजेन्द्र- कन्या नाम्ना कलावती । एवं वचः स्मितसुधा- निषिक्ताक्षरम् आददे
kalāvatīvacanam atha kinnararājendra- kanyā nāmnā kalāvatī / evaṃ vacaḥ smitasudhā- niṣiktākṣaram ādade
Sanskrit only: no published translation is held for this verse.
कामं दुर्लभम् एवैतच् चैत्रश् चन्द्राङ्किता निशाः । प्रेयान् विपञ्चीरणितं पञ्चबाणाङ्कितं वयः
kāmaṃ durlabham evaitac caitraś candrāṅkitā niśāḥ / preyān vipañcīraṇitaṃ pañcabāṇāṅkitaṃ vayaḥ
Sanskrit only: no published translation is held for this verse.
अयि त्वां म्लापयत्य् एष कालः कमललोचने । जगदाह्लादजनकः सुधासूतिर् इवाब्जिनीम्
ayi tvāṃ mlāpayaty eṣa kālaḥ kamalalocane / jagadāhlādajanakaḥ sudhāsūtir ivābjinīm
Sanskrit only: no published translation is held for this verse.
स्थाने तवानुरागो ऽयम् अनङ्गस्यायम् उत्सवः । सखि स्निह्यति निर्व्याजम् इन्दाव् एव कुमुद्वती
sthāne tavānurāgo 'yam anaṅgasyāyam utsavaḥ / sakhi snihyati nirvyājam indāv eva kumudvatī
Sanskrit only: no published translation is held for this verse.
नृपस्यारण्यसञ्चारः शरेणानेन सूच्यते । मरुता द्विरदस्येव मदनिष्यन्दगन्धिना
nṛpasyāraṇyasañcāraḥ śareṇānena sūcyate / marutā dviradasyeva madaniṣyandagandhinā
Sanskrit only: no published translation is held for this verse.
अवश्यं तन्वि चिन्वाना वने हंसम् इतस् ततः । क्वचिद् विलोकयिष्यन्ति तं त्वत्परिजनस्त्रियः
avaśyaṃ tanvi cinvānā vane haṃsam itas tataḥ / kvacid vilokayiṣyanti taṃ tvatparijanastriyaḥ
Sanskrit only: no published translation is held for this verse.
ज्ञातत्वदिङ्गितैवात्र तं चेद् द्रक्ष्यति पाटला । ततो ऽस्य षट्पदस्येव बलाच् चेतो हरिष्यति
jñātatvadiṅgitaivātra taṃ ced drakṣyati pāṭalā / tato 'sya ṣaṭpadasyeva balāc ceto hariṣyati
Sanskrit only: no published translation is held for this verse.
स्थिरा भव नृपेन त्वम् इह संयोगम् आप्स्यसि । यथा कण्वाश्रमे पूर्वं दुष्यन्तेन शकुन्तला
sthirā bhava nṛpena tvam iha saṃyogam āpsyasi / yathā kaṇvāśrame pūrvaṃ duṣyantena śakuntalā
Sanskrit only: no published translation is held for this verse.
इति तद्वचसः सीम्नि मसृणोत्कम्पितस्तनी । व्याजसाचीकृतमुखं निशश्वास शशिप्रभा
iti tadvacasaḥ sīmni masṛṇotkampitastanī / vyājasācīkṛtamukhaṃ niśaśvāsa śaśiprabhā
Sanskrit only: no published translation is held for this verse.
वनश्रीरत्नमञ्जीरो लताकुञ्जोदरे ततः । चुकूज मञ्जुकण्ठस् तां दक्षिणेन कपिञ्जलः
vanaśrīratnamañjīro latākuñjodare tataḥ / cukūja mañjukaṇṭhas tāṃ dakṣiṇena kapiñjalaḥ
Sanskrit only: no published translation is held for this verse.
हर्षाश्रुलवकीर्णेन सत्पत्रावलिचारुणा । वामेन पस्फुरे तस्याश् चक्षुषा च स्तनेन च
harṣāśrulavakīrṇena satpatrāvalicāruṇā / vāmena pasphure tasyāś cakṣuṣā ca stanena ca
Sanskrit only: no published translation is held for this verse.
अत्रान्तरे समायान्ती ददृशे दूरतस् तया । नरेन्द्रसवितुस् तस्य पुरः सन्ध्येव पाटला
atrāntare samāyāntī dadṛśe dūratas tayā / narendrasavitus tasya puraḥ sandhyeva pāṭalā
Sanskrit only: no published translation is held for this verse.
तस्यास् त्रये च त्रितयम् अपश्यत् फणिकन्यका । मुखे स्मितं करे हारं सितम् अंसे च चामरम्
tasyās traye ca tritayam apaśyat phaṇikanyakā / mukhe smitaṃ kare hāraṃ sitam aṃse ca cāmaram
Sanskrit only: no published translation is held for this verse.
सा हारहस्ता रुरुचे धृतस्तिमितचामरा । सरसी सुप्तहंसेव फेनाध्यासितपङ्कजा
sā hārahastā ruruce dhṛtastimitacāmarā / sarasī suptahaṃseva phenādhyāsitapaṅkajā
Sanskrit only: no published translation is held for this verse.
दृष्टिः फनीन्द्रदुहितुर् अतिक्रम्यैव पाटलाम् । भृङ्गश्रेणिर् इवाशोके पपातावन्तिभर्तरि
dṛṣṭiḥ phanīndraduhitur atikramyaiva pāṭalām / bhṛṅgaśreṇir ivāśoke papātāvantibhartari
Sanskrit only: no published translation is held for this verse.
प्रियं नः स अयम् आयाति पश्य पश्य शशिप्रभे । परमारान्वयोदार- हारमध्यमणिर् नृपस्
priyaṃ naḥ sa ayam āyāti paśya paśya śaśiprabhe / paramārānvayodāra- hāramadhyamaṇir nṛpas
Sanskrit only: no published translation is held for this verse.
इति प्रियसखीसूक्ति- सुधानिष्यन्दलेखया । सिक्ते तदाभवत् तस्याः स्मरः पल्लवितो हृदि
iti priyasakhīsūkti- sudhāniṣyandalekhayā / sikte tadābhavat tasyāḥ smaraḥ pallavito hṛdi
Sanskrit only: no published translation is held for this verse.
सुधारस इवोर्वीभृत् तया संमुखम् आपतन् । दृशा स्फटिकशुक्त्येव वारंवारम् अपीयत
sudhārasa ivorvībhṛt tayā saṃmukham āpatan / dṛśā sphaṭikaśuktyeva vāraṃvāram apīyata
Sanskrit only: no published translation is held for this verse.
वितेने ऽप्य् अहिकन्याभिः कौतुकेनातनीयसा । तस्याग्रे राजहंसस्य नेत्रेन्दीवरवागुरा
vitene 'py ahikanyābhiḥ kautukenātanīyasā / tasyāgre rājahaṃsasya netrendīvaravāgurā
Sanskrit only: no published translation is held for this verse.
अवन्तितिलकोदन्तम् उपसृत्याथ पाटला । अनङ्गदीपनं तस्यै जगादेङ्गितवेदिनी
avantitilakodantam upasṛtyātha pāṭalā / anaṅgadīpanaṃ tasyai jagādeṅgitavedinī
Sanskrit only: no published translation is held for this verse.
देव पश्चात्स्थितो ऽप्य् अग्रे प्राप्तः पर्युत्सुको भवान् । इत्य् अभाष्यत भूपालः चित्रे चतुरया तया
deva paścātsthito 'py agre prāptaḥ paryutsuko bhavān / ity abhāṣyata bhūpālaḥ citre caturayā tayā
Sanskrit only: no published translation is held for this verse.
अभूत् पर्याकुला सा च मुहूर्तम् असितेक्षणा । पश्चाद् अलज्जतालीभिस् तथा सस्मितम् ईक्षिता
abhūt paryākulā sā ca muhūrtam asitekṣaṇā / paścād alajjatālībhis tathā sasmitam īkṣitā
Sanskrit only: no published translation is held for this verse.
तस्यै हारं महीभर्तुर् अर्पयाम् आस पाटला । आकृष्य भर्तुम् आनीतम् अतिशुद्धम् इव आशयम्
tasyai hāraṃ mahībhartur arpayām āsa pāṭalā / ākṛṣya bhartum ānītam atiśuddham iva āśayam
Sanskrit only: no published translation is held for this verse.
सखीनाम् अनुरोधेन सा किलानङ्गमोहिता । हृदि दीर्घगुणं दध्रे हारं प्रियम् इवापरम्
sakhīnām anurodhena sā kilānaṅgamohitā / hṛdi dīrghaguṇaṃ dadhre hāraṃ priyam ivāparam
Sanskrit only: no published translation is held for this verse.
तुषारपाण्डुना तेन ववृधे ऽस्या मनोभवः । दिगन्तवान्तज्योत्स्नेन महोदधिर् इवेन्दुना
tuṣārapāṇḍunā tena vavṛdhe 'syā manobhavaḥ / digantavāntajyotsnena mahodadhir ivendunā
Sanskrit only: no published translation is held for this verse.
पुष्पोद्गमेनेव लता प्रसादेनेव भारती । सा तेन रेजे हारेण यशसेव नरेन्द्रता
puṣpodgameneva latā prasādeneva bhāratī / sā tena reje hāreṇa yaśaseva narendratā
Sanskrit only: no published translation is held for this verse.
ततः शिथिलपर्यस्त- विलोलकबरीलता । केतुयष्टिर् इव श्याम- पताकाङ्गा हिरण्मयी
tataḥ śithilaparyasta- vilolakabarīlatā / ketuyaṣṭir iva śyāma- patākāṅgā hiraṇmayī
Sanskrit only: no published translation is held for this verse.
वसंतकमलोल्लासि- मत्तभ्रमरनिःस्वना । दीपमानोपदेशेव स्वरहस्ये मनोभुवः
vasaṃtakamalollāsi- mattabhramaraniḥsvanā / dīpamānopadeśeva svarahasye manobhuvaḥ
Sanskrit only: no published translation is held for this verse.
उल्लसत्कुटजाच्छाच्छ- विलासहसितच्छविः । झटित्य् उअदधिवेलेव निर्गच्छद् अमृतच्छटा
ullasatkuṭajācchāccha- vilāsahasitacchaviḥ / jhaṭity uadadhiveleva nirgacchad amṛtacchaṭā
Sanskrit only: no published translation is held for this verse.
सरोजिनीव हंसीभिर् भृङ्गीभिर् इव मालती । शशिलेखेव ताराभिः सखीभिर् अभितो वृता
sarojinīva haṃsībhir bhṛṅgībhir iva mālatī / śaśilekheva tārābhiḥ sakhībhir abhito vṛtā
Sanskrit only: no published translation is held for this verse.
दृष्ट्वा नरन्द्रम् आयान्तम् उदस्थाद् उत्सुकाथ सा । दधती नूतनप्रेम- परिणीताम् अधीरताम्
dṛṣṭvā narandram āyāntam udasthād utsukātha sā / dadhatī nūtanaprema- pariṇītām adhīratām
Sanskrit only: no published translation is held for this verse.
अथ सुतनुर् अलोलतारके सा सुचिरम् उदञ्चितदीर्घपक्ष्ममाले । शशिन इव नवोद्गतस्य दूरात्- अवनिपतेः पथि लोचने मुमोच
atha sutanur alolatārake sā suciram udañcitadīrghapakṣmamāle / śaśina iva navodgatasya dūrāt- avanipateḥ pathi locane mumoca
Sanskrit only: no published translation is held for this verse.
आसन्नानुचरधृतेन पङ्कजिन्याः पत्रेण स्फुटघटितातपत्रलीलः । सश् च्छायाम् अथ महसा हसन् हिमांशोः क्ष्मापालः पुलिनम् अवाप नर्मदायास्
āsannānucaradhṛtena paṅkajinyāḥ patreṇa sphuṭaghaṭitātapatralīlaḥ / saś cchāyām atha mahasā hasan himāṃśoḥ kṣmāpālaḥ pulinam avāpa narmadāyās
Sanskrit only: no published translation is held for this verse.