Padmagupta (alias Parimala): Navasahasankacarita 9

इति परिमलापरनाम्नो मृगाङ्कदत्तसूनोः पद्मगुप्तस्य कृतौ नवसाहसाङ्कचरिते नागलोकावतारो नामाष्टमः सर्गः समाप्तः नवमः सर्गः नर्मदावाक्यम् अथ स्वरेणाङ्गणदीर्घिकाणां संवाहयन्ती कलहंसनादम् । तम् इत्य् अवन्तीश्वरम् आ बभाषे सा मेकलक्ष्माधरराजकन्या

iti parimalāparanāmno mṛgāṅkadattasūnoḥ padmaguptasya kṛtau navasāhasāṅkacarite nāgalokāvatāro nāmāṣṭamaḥ sargaḥ samāptaḥ navamaḥ sargaḥ narmadāvākyam atha svareṇāṅgaṇadīrghikāṇāṃ saṃvāhayantī kalahaṃsanādam / tam ity avantīśvaram ā babhāṣe sā mekalakṣmādhararājakanyā

Sanskrit only: no published translation is held for this verse.

नास्य क्षितीशोपकृतं जनस्य कियत् तया पन्नगराजपुत्र्या । यस्याः कृते सम्प्रति भूषितेयं भूमिस् त्वया भूशशलाञ्छनेन

nāsya kṣitīśopakṛtaṃ janasya kiyat tayā pannagarājaputryā / yasyāḥ kṛte samprati bhūṣiteyaṃ bhūmis tvayā bhūśaśalāñchanena

Sanskrit only: no published translation is held for this verse.

इदं नृप त्वाम् अवलोक्य जातं मनः प्रमोदेन ममास्वतन्त्रम् । नो कस्य लोकत्रयसंमतानां भवेत् सतां सङ्गतम् उत्सवाय

idaṃ nṛpa tvām avalokya jātaṃ manaḥ pramodena mamāsvatantram / no kasya lokatrayasaṃmatānāṃ bhavet satāṃ saṅgatam utsavāya

Sanskrit only: no published translation is held for this verse.

अद्यैष कस्यापि मया शुभस्य त्वद्दर्शनेनानुमितो विपाकः । आतिथ्यम् अक्ष्णोः कथम् अन्यथैवम् आयान्ति रत्नानि भवद्विधानि

adyaiṣa kasyāpi mayā śubhasya tvaddarśanenānumito vipākaḥ / ātithyam akṣṇoḥ katham anyathaivam āyānti ratnāni bhavadvidhāni

Sanskrit only: no published translation is held for this verse.

सो वत्स, जाते जनकः कृतात्मा सा पुण्यमूर्तिजननी जगत्सु । महीकलापोद्वहनादिपात्रः पुत्रो ययोस् त्वं नरलोकपालः

so vatsa, jāte janakaḥ kṛtātmā sā puṇyamūrtijananī jagatsu / mahīkalāpodvahanādipātraḥ putro yayos tvaṃ naralokapālaḥ

Sanskrit only: no published translation is held for this verse.

रूपेण तेजस्वितयार्जवेन प्रियंवदत्वेन तवामुना च । दिलीपदुष्यन्तभगीरथादीन् तान् आदिराजान् झटिति स्मरामि

rūpeṇa tejasvitayārjavena priyaṃvadatvena tavāmunā ca / dilīpaduṣyantabhagīrathādīn tān ādirājān jhaṭiti smarāmi

Sanskrit only: no published translation is held for this verse.

समानभावैस् त्रिभिर् एव मन्ये समुद्रनेमिवसुधा धृतेयम् । भुजङ्गमेन्द्रेण च मेरुणा च दोष्णा च मौर्वीकिणशोभिना ते

samānabhāvais tribhir eva manye samudranemivasudhā dhṛteyam / bhujaṅgamendreṇa ca meruṇā ca doṣṇā ca maurvīkiṇaśobhinā te

Sanskrit only: no published translation is held for this verse.

त्वयि स्थिते सम्प्रति जागरूके जगद्विधेयेषु विधूतचिन्तः । करोति नेत्रे भगवान् अवैमि स योगनिद्रामुकुले मुकुन्दः

tvayi sthite samprati jāgarūke jagadvidheyeṣu vidhūtacintaḥ / karoti netre bhagavān avaimi sa yoganidrāmukule mukundaḥ

Sanskrit only: no published translation is held for this verse.

न किं चिद् इक्ष्वाकुकुलावतीर्णाद् रथाङ्गपाणेः परिहीयते ते । अजायताम्भोजदृशा वियोगो वने यथा तस्य तथा तवापि

na kiṃ cid ikṣvākukulāvatīrṇād rathāṅgapāṇeḥ parihīyate te / ajāyatāmbhojadṛśā viyogo vane yathā tasya tathā tavāpi

Sanskrit only: no published translation is held for this verse.

अकृत्रिमो ऽयं गुणवत्सु जाने जात्यैव ते पार्थिव पक्षपातः । यत् प्रौढलावण्यसुधास्रवन्त्या तया विना चेतसि ताम्यसीव

akṛtrimo 'yaṃ guṇavatsu jāne jātyaiva te pārthiva pakṣapātaḥ / yat prauḍhalāvaṇyasudhāsravantyā tayā vinā cetasi tāmyasīva

Sanskrit only: no published translation is held for this verse.

अलं विषादेन घनाधिरूढा ललामभूता जगतो ऽखिलस्य । तवाङ्कम् अभ्येष्यति साचिरेण शशिप्रभा पार्थिवकैरवस्य

alaṃ viṣādena ghanādhirūḍhā lalāmabhūtā jagato 'khilasya / tavāṅkam abhyeṣyati sācireṇa śaśiprabhā pārthivakairavasya

Sanskrit only: no published translation is held for this verse.

इतो ऽद्य यान्ती पुरतो मया सा दृष्टा भुजङ्गाधिपतेस् तनूजा । उदग्रभोगैर् अहिभिः परीता लतेव तन्वी हरिचन्दनस्य

ito 'dya yāntī purato mayā sā dṛṣṭā bhujaṅgādhipates tanūjā / udagrabhogair ahibhiḥ parītā lateva tanvī haricandanasya

Sanskrit only: no published translation is held for this verse.

उद्दण्डहेमाम्बुरुहासु खेलद् एतासु लीलागृहदीर्घिकासु । समुत्कयन्ती कलहंसयूथम् आमञ्जुना नूपुरसिञ्जितेन

uddaṇḍahemāmburuhāsu khelad etāsu līlāgṛhadīrghikāsu / samutkayantī kalahaṃsayūtham āmañjunā nūpurasiñjitena

Sanskrit only: no published translation is held for this verse.

व्यापारयन्ती वलिताननेन्दुः पश्चाद् दृशौ केतकपत्रदीर्घे । इतस् ततः शून्यतया स्खलन्ती समे ऽपि मार्गे ददती पदानि

vyāpārayantī valitānanenduḥ paścād dṛśau ketakapatradīrghe / itas tataḥ śūnyatayā skhalantī same 'pi mārge dadatī padāni

Sanskrit only: no published translation is held for this verse.

विस्रस्तमाल्यः श्लथबन्धनत्वाद् अंसावकीर्णां कबरीं वहन्ती । कलिन्दकन्यामसृणोर्मिनीलां निस्तृंशलेखाम् इव मन्मथस्य

visrastamālyaḥ ślathabandhanatvād aṃsāvakīrṇāṃ kabarīṃ vahantī / kalindakanyāmasṛṇorminīlāṃ nistṛṃśalekhām iva manmathasya

Sanskrit only: no published translation is held for this verse.

मुखं निशाघ्रातम् इवारविन्दं विषदवीतप्रभम् उद्वहन्ती । विलुम्पती निःश्वसितेन कान्तिम् आपाटलस्याधरपल्लवस्य

mukhaṃ niśāghrātam ivāravindaṃ viṣadavītaprabham udvahantī / vilumpatī niḥśvasitena kāntim āpāṭalasyādharapallavasya

Sanskrit only: no published translation is held for this verse.

उन्मोचयन्तीम् अलकाग्रम् एत्य लग्नं चलत्कुण्डलरत्नकोटौ । किम् अप्य् उदञ्चद्दशनांशुलेखा सखीं शनैः सस्मितम् आलपन्ती

unmocayantīm alakāgram etya lagnaṃ calatkuṇḍalaratnakoṭau / kim apy udañcaddaśanāṃśulekhā sakhīṃ śanaiḥ sasmitam ālapantī

Sanskrit only: no published translation is held for this verse.

सुधासितं क्षौमम् इवास्तृतं तं नखांशुरेखावलयच्छलेन । कृतं दधानोपरि पाणिपद्मम् उदग्रकम्पस्य कुचद्वयस्य

sudhāsitaṃ kṣaumam ivāstṛtaṃ taṃ nakhāṃśurekhāvalayacchalena / kṛtaṃ dadhānopari pāṇipadmam udagrakampasya kucadvayasya

Sanskrit only: no published translation is held for this verse.

गतानि सद्यः श्लथतां सखीभिर् विहस्य साकूतविलोकितानि । क्रमेण किं चित् प्रतिसारयन्ती विलज्जमाना मणिकङ्कणानि

gatāni sadyaḥ ślathatāṃ sakhībhir vihasya sākūtavilokitāni / krameṇa kiṃ cit pratisārayantī vilajjamānā maṇikaṅkaṇāni

Sanskrit only: no published translation is held for this verse.

अशोकपुष्पग्रथितां दधाना प्रालम्बमालाम् अवलग्नमध्या । आरोपितज्येव जगज्जयाय स्वचापलेखा मकरध्वजेन

aśokapuṣpagrathitāṃ dadhānā prālambamālām avalagnamadhyā / āropitajyeva jagajjayāya svacāpalekhā makaradhvajena

Sanskrit only: no published translation is held for this verse.

आर्द्रव्रणाङ्कस्य कृपार्द्रचित्ता केलीमृगस्य स्वयम् एव तस्य । आचुम्बती पाण्डुकपोललेखं वतंसदूर्ध्वाङ्कुरम् अर्पयन्ती

ārdravraṇāṅkasya kṛpārdracittā kelīmṛgasya svayam eva tasya / ācumbatī pāṇḍukapolalekhaṃ vataṃsadūrdhvāṅkuram arpayantī

Sanskrit only: no published translation is held for this verse.

मार्गेषु रूढासु निरूढभावात् द्विरेफसम्पातसमाकुलापि । लतासु पुष्पावच्छयच्छलेन पदे पदे वत्स विलम्बमाना

mārgeṣu rūḍhāsu nirūḍhabhāvāt dvirephasampātasamākulāpi / latāsu puṣpāvacchayacchalena pade pade vatsa vilambamānā

Sanskrit only: no published translation is held for this verse.

त्वदीयविश्लेषम् अवाप्य बाला सा लक्ष्यते किं चिद् अनिर्वृतेव । भवादृशाम् एकपदे वियोगो न कस्य, राजेन्द्र, मनो दुनोति

tvadīyaviśleṣam avāpya bālā sā lakṣyate kiṃ cid anirvṛteva / bhavādṛśām ekapade viyogo na kasya, rājendra, mano dunoti

Sanskrit only: no published translation is held for this verse.

पृथुप्रतापः सविता यथैव यथा कलानां निधिर् ओषधीशः । यथा वसन्तः सुमनो ऽनुकूलस् तथासि भूमिः स्पृहणीयतायाः

pṛthupratāpaḥ savitā yathaiva yathā kalānāṃ nidhir oṣadhīśaḥ / yathā vasantaḥ sumano 'nukūlas tathāsi bhūmiḥ spṛhaṇīyatāyāḥ

Sanskrit only: no published translation is held for this verse.

नायकवाक्यम् इति क्षितीशश्रुतिशुक्तिपेयाम् उदीर्य वाचं विरराम रेवा । स च स्मितद्योतितदन्तम् एवम् उवाच तां मध्यमलोकपालः

nāyakavākyam iti kṣitīśaśrutiśuktipeyām udīrya vācaṃ virarāma revā / sa ca smitadyotitadantam evam uvāca tāṃ madhyamalokapālaḥ

Sanskrit only: no published translation is held for this verse.

स्थाने यद् आह्लादयसि प्रपन्नं पीयूषधारामधुरैर् वचोभिस् । सुधैकसूतिः स यदाकरस् ते चण्डीशचूडाभरणं शशाङ्कः

sthāne yad āhlādayasi prapannaṃ pīyūṣadhārāmadhurair vacobhis / sudhaikasūtiḥ sa yadākaras te caṇḍīśacūḍābharaṇaṃ śaśāṅkaḥ

Sanskrit only: no published translation is held for this verse.

ऋजुः प्रकृत्यासि परं तद् अम्ब वीचीशु पर्याप्तम् अनार्जवं ते । न केवलं सा पयसि प्रसक्तिर् आलक्ष्यते ते बत मानसे ऽपि

ṛjuḥ prakṛtyāsi paraṃ tad amba vīcīśu paryāptam anārjavaṃ te / na kevalaṃ sā payasi prasaktir ālakṣyate te bata mānase 'pi

Sanskrit only: no published translation is held for this verse.

या जूटमध्ये च शशाङ्कमौलेर् उन्निद्रकुन्दस्रग् इवावभाति । ताम् अप्यतीव त्रिजगत्प्रतीक्ष्यां त्रिःस्रोतसं पुण्यतयातिशेषे

yā jūṭamadhye ca śaśāṅkamauler unnidrakundasrag ivāvabhāti / tām apyatīva trijagatpratīkṣyāṃ triḥsrotasaṃ puṇyatayātiśeṣe

Sanskrit only: no published translation is held for this verse.

या सास्य शक्तिः प्रसराम्बुपङ्के त्वया वृता धर्मविहारवीथिः । सलीलम् उद्धूलकुलाचलेयं मही महासूकरदंष्ट्र एव

yā sāsya śaktiḥ prasarāmbupaṅke tvayā vṛtā dharmavihāravīthiḥ / salīlam uddhūlakulācaleyaṃ mahī mahāsūkaradaṃṣṭra eva

Sanskrit only: no published translation is held for this verse.

भवादृशीनां महतां नदीनाम् अद्भिर् जगत्यस्तमितोपसर्गे । सुखं सदैवासुरजित् समुद्रे निद्राति पर्यङ्कितपन्नगेन्द्रः

bhavādṛśīnāṃ mahatāṃ nadīnām adbhir jagatyastamitopasarge / sukhaṃ sadaivāsurajit samudre nidrāti paryaṅkitapannagendraḥ

Sanskrit only: no published translation is held for this verse.

असन्तम् अप्य् अम्ब मयि प्रसन्ना सम्भावनाभारमहो निधत्से । अस्त्य् एव भक्तेष्व् अतिवत्सलत्वात् बलाद् गुणारोपणकौतुकं ते

asantam apy amba mayi prasannā sambhāvanābhāramaho nidhatse / asty eva bhakteṣv ativatsalatvāt balād guṇāropaṇakautukaṃ te

Sanskrit only: no published translation is held for this verse.

अनेन मे को ऽपि हृदि प्रहर्षस् तव प्रसादातिशयेन जातः । अनार्द्रताम् इन्दुमरीचिसख्ये कियच् चिरं चन्द्रमणिर् बिभर्ति

anena me ko 'pi hṛdi praharṣas tava prasādātiśayena jātaḥ / anārdratām indumarīcisakhye kiyac ciraṃ candramaṇir bibharti

Sanskrit only: no published translation is held for this verse.

विधाय तत्तादृशम् इन्द्रजालं सा केन नीता फणिराजकन्या । अपश्यतो हेतुम् इहोपपन्नं किम् अप्य् अहो विस्मयते मनो मे

vidhāya tattādṛśam indrajālaṃ sā kena nītā phaṇirājakanyā / apaśyato hetum ihopapannaṃ kim apy aho vismayate mano me

Sanskrit only: no published translation is held for this verse.

अज्ञानम् अस्मिन् विषये किम् अन्यत् ममैतद् अर्हस्य् अपनेतुम् अम्ब । दिनान्तसम्मूर्च्छितम् अन्धकारं निशामुखस्येव शशाङ्कलेखा

ajñānam asmin viṣaye kim anyat mamaitad arhasy apanetum amba / dināntasammūrcchitam andhakāraṃ niśāmukhasyeva śaśāṅkalekhā

Sanskrit only: no published translation is held for this verse.

पुनो नर्मदावाक्यम् उक्त्वेति तूष्णीम् अभवन् नृसोमः सा सोमसूतिः सरिद् इत्य् उवाच । अत्रेतिवृत्तं कथयाम्य् अशेषं निशम्यतां मालवलोकपालः

puno narmadāvākyam uktveti tūṣṇīm abhavan nṛsomaḥ sā somasūtiḥ sarid ity uvāca / atretivṛttaṃ kathayāmy aśeṣaṃ niśamyatāṃ mālavalokapālaḥ

Sanskrit only: no published translation is held for this verse.

गृहदेवतावाचः यदैव सा तर्जितचन्द्रकान्तिर् अजायतेन्दीवरपत्रनेत्रा । चित्रस्थितानां गृहदेवतानाम् इति स्फुरन्ति स्म तदैव वाचः

gṛhadevatāvācaḥ yadaiva sā tarjitacandrakāntir ajāyatendīvarapatranetrā / citrasthitānāṃ gṛhadevatānām iti sphuranti sma tadaiva vācaḥ

Sanskrit only: no published translation is held for this verse.

रत्नाकरत्वं, भुजगेन्द्र जातं कन्या तव श्रीः शुभलक्षणेयम् । वक्षःस्थलं मध्यमलोकभर्तुर् विभूषयित्री पुरुषोत्तमस्य

ratnākaratvaṃ, bhujagendra jātaṃ kanyā tava śrīḥ śubhalakṣaṇeyam / vakṣaḥsthalaṃ madhyamalokabhartur vibhūṣayitrī puruṣottamasya

Sanskrit only: no published translation is held for this verse.

भुजङ्गवंशार्णवकौमुदीयम् इयं पताकास्य रसातलस्य । उपागतेयं निधनाग्रदूती वज्राङ्कुशस्यासुरपुङ्गवस्य

bhujaṅgavaṃśārṇavakaumudīyam iyaṃ patākāsya rasātalasya / upāgateyaṃ nidhanāgradūtī vajrāṅkuśasyāsurapuṅgavasya

Sanskrit only: no published translation is held for this verse.

स्ववीर्यपर्यस्तपुरन्दरेण तेनासुरेन्द्रेण कदर्थितस्य । तेजश् चिराद् उच्छ्वसितं तदाभूद् इति श्रुते भोगभृतां कुलस्य

svavīryaparyastapurandareṇa tenāsurendreṇa kadarthitasya / tejaś cirād ucchvasitaṃ tadābhūd iti śrute bhogabhṛtāṃ kulasya

Sanskrit only: no published translation is held for this verse.

तद्देहकान्तिस् तिमिरं व्यनैषीत् यद् अत्र मोघीकृतरत्नदीपा । पित्रा तद् अस्याः कृतम् अर्थयुक्तम् आह्लादनं नाम शशिप्रभेति

taddehakāntis timiraṃ vyanaiṣīt yad atra moghīkṛtaratnadīpā / pitrā tad asyāḥ kṛtam arthayuktam āhlādanaṃ nāma śaśiprabheti

Sanskrit only: no published translation is held for this verse.

ततः सुधासूतिकराभिरामैर् गुणैः परीता सहजन्मभिः सा । शनैः शनैर् वृद्धिम् अवापद् अत्र रसातले बालमृणालोकेव

tataḥ sudhāsūtikarābhirāmair guṇaiḥ parītā sahajanmabhiḥ sā / śanaiḥ śanair vṛddhim avāpad atra rasātale bālamṛṇālokeva

Sanskrit only: no published translation is held for this verse.

शशिप्राभापितुः प्रतिज्ञा यद् अर्थिताभूद् अनुबद्धमानसैः सुरैश् च सिद्धैश् च महोरगैश् च । तेषां पुरस्ताद् अकृतव्यवस्थाम् इत्य् एकदा संसदि पन्नगेन्द्रः

śaśiprābhāpituḥ pratijñā yad arthitābhūd anubaddhamānasaiḥ suraiś ca siddhaiś ca mahoragaiś ca / teṣāṃ purastād akṛtavyavasthām ity ekadā saṃsadi pannagendraḥ

Sanskrit only: no published translation is held for this verse.

गुप्ताभिहितो यत् त्रिदशारिवीरैर् वज्राङ्कुशाख्यस्य महासुरस्य । असूत लीलागृहदीर्घिकेह हैमं हरेर् नाभिर् इवारविन्दम्

guptābhihito yat tridaśārivīrair vajrāṅkuśākhyasya mahāsurasya / asūta līlāgṛhadīrghikeha haimaṃ harer nābhir ivāravindam

Sanskrit only: no published translation is held for this verse.

आनीय तद् यो दुहितुर् ममास्याः कर्णावतंसप्रणयीकरोति । तस्येयम् इष्वासभृतः कलत्रं पार्थस्य पाञ्चालनृपात्मजेव

ānīya tad yo duhitur mamāsyāḥ karṇāvataṃsapraṇayīkaroti / tasyeyam iṣvāsabhṛtaḥ kalatraṃ pārthasya pāñcālanṛpātmajeva

Sanskrit only: no published translation is held for this verse.

तेनैवम् उक्ते च तदा परेषु तम् अर्थम् अङ्गीकृतवान् न को ऽपि । वन्यद्विपाद् उद्गतदानराजेः कः कुम्भमुक्ताफलम् आददीत

tenaivam ukte ca tadā pareṣu tam artham aṅgīkṛtavān na ko 'pi / vanyadvipād udgatadānarājeḥ kaḥ kumbhamuktāphalam ādadīta

Sanskrit only: no published translation is held for this verse.

ततः प्रभृत्यद्भुतरूपरेखा सा बालिकाभूद् अवरा वरापि । चित्ते वचस् तत् कुलदेवतानां कृत्वापि तस्याः सश् च नान्वशेत

tataḥ prabhṛtyadbhutarūparekhā sā bālikābhūd avarā varāpi / citte vacas tat kuladevatānāṃ kṛtvāpi tasyāḥ saś ca nānvaśeta

Sanskrit only: no published translation is held for this verse.

सम्प्रत्य् अवैमि प्रथिता यदातः स्वर्गे च भूमौ च भुवस्तले च । नीतो ऽसि नेत्रातिथितां त्वम् अस्याः पुण्येन जन्मान्तरसम्भृतेन

sampraty avaimi prathitā yadātaḥ svarge ca bhūmau ca bhuvastale ca / nīto 'si netrātithitāṃ tvam asyāḥ puṇyena janmāntarasambhṛtena

Sanskrit only: no published translation is held for this verse.

आनेतुकामेन भवन्तम् अत्र निजं वचस् तन्नयता प्रतिष्ठाम् । आप्तप्रयत्नेन तथा स मन्ये फणीश्वरेणोपकृतः प्रपञ्चः

ānetukāmena bhavantam atra nijaṃ vacas tannayatā pratiṣṭhām / āptaprayatnena tathā sa manye phaṇīśvareṇopakṛtaḥ prapañcaḥ

Sanskrit only: no published translation is held for this verse.

एकः क्षितौ साहसिकस् त्वम् एव नान्यो ऽस्ति राजन् नवसाहसाङ्कः । निसर्गदुर्गाम् अपि भूमिम् एतां स्वोद्यानवीथीम् इव यः प्रविष्टः

ekaḥ kṣitau sāhasikas tvam eva nānyo 'sti rājan navasāhasāṅkaḥ / nisargadurgām api bhūmim etāṃ svodyānavīthīm iva yaḥ praviṣṭaḥ

Sanskrit only: no published translation is held for this verse.

तद् अस्य कार्यस्य पुरस्कृतस्य यतस्व सीमान्तविलोकनाय । विगाहमानो ऽम्बरम् अर्धमार्गं निवर्तते जातु किम् उष्णराश्मिः

tad asya kāryasya puraskṛtasya yatasva sīmāntavilokanāya / vigāhamāno 'mbaram ardhamārgaṃ nivartate jātu kim uṣṇarāśmiḥ

Sanskrit only: no published translation is held for this verse.

इतो ऽस्ति गव्यूतिशतार्धमात्रं गत्वा पुरी रत्नवतीति नाम्ना । विनिर्मिता शिल्पिकलामयेन मयेन या नाकजिगीषयेन

ito 'sti gavyūtiśatārdhamātraṃ gatvā purī ratnavatīti nāmnā / vinirmitā śilpikalāmayena mayena yā nākajigīṣayena

Sanskrit only: no published translation is held for this verse.

तस्यासुरेन्द्रस्य नराधिपेन्द्र जगद्द्रुहः सा किल राजधानी । समेधितस्याब्जभुवा वरेण रणेष्व् अवध्यो मरुतां भवेति

tasyāsurendrasya narādhipendra jagaddruhaḥ sā kila rājadhānī / samedhitasyābjabhuvā vareṇa raṇeṣv avadhyo marutāṃ bhaveti

Sanskrit only: no published translation is held for this verse.

सो मौलिरत्नानि महोरगाणाम् उत्ख्याय चोत्खाय च कौतुकेन । करोति निर्वासितनायकेषु निजाङ्गनाहारलतान्तरेषु

so mauliratnāni mahoragāṇām utkhyāya cotkhāya ca kautukena / karoti nirvāsitanāyakeṣu nijāṅganāhāralatāntareṣu

Sanskrit only: no published translation is held for this verse.

सो बाष्पपर्याकुललोचनानि निःश्वासभिन्नाधरपल्लवानि । करोति वक्त्राण्य् अमराङ्गनानाम् उत्सन्नलीलास्मितचन्द्रिकानि

so bāṣpaparyākulalocanāni niḥśvāsabhinnādharapallavāni / karoti vaktrāṇy amarāṅganānām utsannalīlāsmitacandrikāni

Sanskrit only: no published translation is held for this verse.

कृताङ्गदः कम्बलकालियाभ्यां यज्ञोपवीतीकृतशङ्खचूडः । सस् तक्षकापादितकण्ठभूषो बिभर्ति लीलाम् अशिवः शिवस्य

kṛtāṅgadaḥ kambalakāliyābhyāṃ yajñopavītīkṛtaśaṅkhacūḍaḥ / sas takṣakāpāditakaṇṭhabhūṣo bibharti līlām aśivaḥ śivasya

Sanskrit only: no published translation is held for this verse.

आस्तां किम् अन्यैः फणिभिः सश् चिन्त्यस् तस्यापि शेषस्य च वासुकेश् च । राहुर् यथा विश्वभयैकहेतुस् ताराधिपस्याहिमदीधितेश् च

āstāṃ kim anyaiḥ phaṇibhiḥ saś cintyas tasyāpi śeṣasya ca vāsukeś ca / rāhur yathā viśvabhayaikahetus tārādhipasyāhimadīdhiteś ca

Sanskrit only: no published translation is held for this verse.

खगेन्द्रभङ्गेन तथा तथा च न सर्पयज्ञे जनमेजयस्य । निधानम् आतङ्कपरम्पराणां जातो यथा सम्प्रति नागलोकः

khagendrabhaṅgena tathā tathā ca na sarpayajñe janamejayasya / nidhānam ātaṅkaparamparāṇāṃ jāto yathā samprati nāgalokaḥ

Sanskrit only: no published translation is held for this verse.

हरेस् त्वम् अंशो ऽत्र कृतावतारस् तस्यासुरेन्द्रस्य निबर्हणाय । अवैमि लोकत्रयकण्टकस्य लङ्काधिपस्येव स मैथिलीशः

hares tvam aṃśo 'tra kṛtāvatāras tasyāsurendrasya nibarhaṇāya / avaimi lokatrayakaṇṭakasya laṅkādhipasyeva sa maithilīśaḥ

Sanskrit only: no published translation is held for this verse.

श्रीकण्ठवैकुण्ठपुरन्दराद्यैर् उपेक्षितं यत् त्रिदशैर् अशक्त्या । कृतस्य तस्यास्य भरं विसोढुं सम्भाव्यसे मे नृपते त्वम् एव

śrīkaṇṭhavaikuṇṭhapurandarādyair upekṣitaṃ yat tridaśair aśaktyā / kṛtasya tasyāsya bharaṃ visoḍhuṃ sambhāvyase me nṛpate tvam eva

Sanskrit only: no published translation is held for this verse.

किम् अन्यद् उत्तिष्ठ गृहाण यात्रां वज्राङ्कुशं प्रत्यमितप्रताप । तच् चावतंसीकुरु हेमपद्मम् आनीय, भूशक्र, शशिप्रभायाः

kim anyad uttiṣṭha gṛhāṇa yātrāṃ vajrāṅkuśaṃ pratyamitapratāpa / tac cāvataṃsīkuru hemapadmam ānīya, bhūśakra, śaśiprabhāyāḥ

Sanskrit only: no published translation is held for this verse.

सा ते समाप्ताद्भुतसाहसस्य वत्साङ्कम् अभ्येतु फणीन्द्रकन्या [[वत्साङ्क पुन्?]] । सीता यथा दशरथेः सलीलम् आरोपितत्र्यम्बककार्मुकस्य

sā te samāptādbhutasāhasasya vatsāṅkam abhyetu phaṇīndrakanyā [[vatsāṅka pun?]] / sītā yathā daśaratheḥ salīlam āropitatryambakakārmukasya

Sanskrit only: no published translation is held for this verse.

अगाधपातालतलोद्गतानि विनिद्रकुन्दच्छदसुन्दरानि । लोकद्वये सम्प्रति ते यशांसि आकल्पपल्लवीफलवच् चरन्तु

agādhapātālatalodgatāni vinidrakundacchadasundarāni / lokadvaye samprati te yaśāṃsi ākalpapallavīphalavac carantu

Sanskrit only: no published translation is held for this verse.

प्रसादम् आप्तेन चिराद् विलीने तस्मिन् सुरारातिघनोपरोधे । मुखेन्दुना पन्नगसुन्दरीणां पुनः समागच्छतु पत्रलेखा

prasādam āptena cirād vilīne tasmin surārātighanoparodhe / mukhendunā pannagasundarīṇāṃ punaḥ samāgacchatu patralekhā

Sanskrit only: no published translation is held for this verse.

आसीत् पुरस्तात् त्रिपुरावभङ्गे यन् मण्डलं बालमृगाङ्कमौलेः । महासुरैर् भाविनि साम्पराये तवास्तु तत् संयुगजामदग्न्य

āsīt purastāt tripurāvabhaṅge yan maṇḍalaṃ bālamṛgāṅkamauleḥ / mahāsurair bhāvini sāmparāye tavāstu tat saṃyugajāmadagnya

Sanskrit only: no published translation is held for this verse.

पन्थाः शिवो ऽयं पुरतो ऽत्र गन्ता वङ्कुर्मुनिर् लोचनगोचरं ते । उपाचरेस् तं च तथाविधानां भक्तिं हि गां कामदुहाम् उशन्ति

panthāḥ śivo 'yaṃ purato 'tra gantā vaṅkurmunir locanagocaraṃ te / upācares taṃ ca tathāvidhānāṃ bhaktiṃ hi gāṃ kāmaduhām uśanti

Sanskrit only: no published translation is held for this verse.

इत्य् उदीर्य मणिकान्तिकन्दलीः कल्पितं त्रिदशचापम् अस्य सा । आ मुमोच निजकण्कणं भुजे ज्याकिणाङ्ककठिणीकृतत्वचि

ity udīrya maṇikāntikandalīḥ kalpitaṃ tridaśacāpam asya sā / ā mumoca nijakaṇkaṇaṃ bhuje jyākiṇāṅkakaṭhiṇīkṛtatvaci

Sanskrit only: no published translation is held for this verse.

नर्मदोक्तिस्वीकारः अवदद् अथ सः साहसोन्मुखस् ताम् इह हि वयं वचसि स्थितास् तवेति । तडिद् इव न चिराद् उदीरिताशीः सरिद् अपि सास्य पुरस् तिरोबभूव

narmadoktisvīkāraḥ avadad atha saḥ sāhasonmukhas tām iha hi vayaṃ vacasi sthitās taveti / taḍid iva na cirād udīritāśīḥ sarid api sāsya puras tirobabhūva

Sanskrit only: no published translation is held for this verse.