* अत्र अकारो वासःप्रतिषेधे वर्तते । अवाससा नग्नेन यथा जातेन निष्परिग्रहेण भवितव्यम् । आह अवासस्त्वे किं ते प्रयोजनम् । तद् वाच्यम् एकवासस्त्ववत् । तद् उच्यते निष्परिग्रहार्थम् अमङ्गलख्यापनार्थं चेति प्रयोजनद्वयं द्रष्टव्यम् । वाशब्दः शक्त्यशक्त्योर् विचारणे । यद्य् अशक्तस् तदा अनग्नेनैकवाससा भाव्यम् । यदि शक्तस् तदा अवाससा नग्नेन यथाजातेन निष्परिग्रहेण भवितव्यम् इत्य् अर्थः । न तु वा विकल्पे । विकल्पार्थासंभवाद् इत्य् अर्थः
* atra akāro vāsaḥpratiṣedhe vartate / avāsasā nagnena yathā jātena niṣparigraheṇa bhavitavyam / āha avāsastve kiṃ te prayojanam / tad vācyam ekavāsastvavat / tad ucyate niṣparigrahārtham amaṅgalakhyāpanārthaṃ ceti prayojanadvayaṃ draṣṭavyam / vāśabdaḥ śaktyaśaktyor vicāraṇe / yady aśaktas tadā anagnenaikavāsasā bhāvyam / yadi śaktas tadā avāsasā nagnena yathājātena niṣparigraheṇa bhavitavyam ity arthaḥ / na tu vā vikalpe / vikalpārthāsaṃbhavād ity arthaḥ
Sanskrit only: no published translation is held for this verse.