Library·Pasupatasutra with Kaundinya's Pancarthabhasya·1·1.8
* अथ त्रिषु स्नानकालेषु सद्योजातादिसंस्कृतेन भस्मना जपता स्नात्वा जपतैवायतनम् अभिगन्तव्यम्
* atha triṣu snānakāleṣu sadyojātādisaṃskṛtena bhasmanā japatā snātvā japataivāyatanam abhigantavyam
Sanskrit only: no published translation is held for this verse.
* अभिगम्य च यत् पूर्वं जपति तत् प्रत्याहारार्थं जप्यम् ॐ ॐ ॐ
* abhigamya ca yat pūrvaṃ japati tat pratyāhārārthaṃ japyam oṃ oṃ oṃ
Sanskrit only: no published translation is held for this verse.
* हसितादीनि तु कृत्वा यत् पश्चाज् जपति तन्नियमार्थं जप्यम्
* hasitādīni tu kṛtvā yat paścāj japati tanniyamārthaṃ japyam
Sanskrit only: no published translation is held for this verse.
* तद् अत्र हसितं नाम यद् एतत् कण्ठौष्ठपुटविस्फूर्जनम् अट्टहासः क्रियते तद्धसितम्
* tad atra hasitaṃ nāma yad etat kaṇṭhauṣṭhapuṭavisphūrjanam aṭṭahāsaḥ kriyate taddhasitam
Sanskrit only: no published translation is held for this verse.
* गीतम् अपि गान्धर्वशास्त्रसमयानभिष्वङ्गेण यत्र भगवतो महेश्वरस्य सभायां गौणद्रव्यजकर्मजानि नामानि चिन्त्यन्ते तत्
* gītam api gāndharvaśāstrasamayānabhiṣvaṅgeṇa yatra bhagavato maheśvarasya sabhāyāṃ gauṇadravyajakarmajāni nāmāni cintyante tat
Sanskrit only: no published translation is held for this verse.
* संस्कृतं प्राकृतं परकृतम् आत्मकृतं वा यद् गीयते तद् गेयम्
* saṃskṛtaṃ prākṛtaṃ parakṛtam ātmakṛtaṃ vā yad gīyate tad geyam
Sanskrit only: no published translation is held for this verse.
* नृत्तम् अपि नाट्यशास्त्रसमयानभिष्वङ्गेण हस्तपादादीनाम् उत्क्षेपणम् अवक्षेपणम् आकुञ्चनं प्रसारणं चलनम् अनवस्थानम्
* nṛttam api nāṭyaśāstrasamayānabhiṣvaṅgeṇa hastapādādīnām utkṣepaṇam avakṣepaṇam ākuñcanaṃ prasāraṇaṃ calanam anavasthānam
Sanskrit only: no published translation is held for this verse.
* निगमकाले नियमार्थं गेयसहकृतं नृत्तं प्रयोक्तव्यम्
* nigamakāle niyamārthaṃ geyasahakṛtaṃ nṛttaṃ prayoktavyam
Sanskrit only: no published translation is held for this verse.
* डुंडुंकारो नाम य एष जिह्वाग्रतालुसंयोगान् निष्पद्यते पुण्यो वृषनादसदृशः सः
* ḍuṃḍuṃkāro nāma ya eṣa jihvāgratālusaṃyogān niṣpadyate puṇyo vṛṣanādasadṛśaḥ saḥ
Sanskrit only: no published translation is held for this verse.
* डुंडुंकरणं डुंडुंकारः
* ḍuṃḍuṃkaraṇaṃ ḍuṃḍuṃkāraḥ
Sanskrit only: no published translation is held for this verse.
* कारशब्दो डुंडुंकारस्योपहाराङ्गावधारणार्थः
* kāraśabdo ḍuṃḍuṃkārasyopahārāṅgāvadhāraṇārthaḥ
Sanskrit only: no published translation is held for this verse.
* नम इति
* nama iti
Sanskrit only: no published translation is held for this verse.
* नाप्य् ओष्ठीयं कर्तव्यं नोपांशु
* nāpy oṣṭhīyaṃ kartavyaṃ nopāṃśu
Sanskrit only: no published translation is held for this verse.
* मानसं तु नमस्करणं नमस्कारः
* mānasaṃ tu namaskaraṇaṃ namaskāraḥ
Sanskrit only: no published translation is held for this verse.
* कारशब्दो वाचिकोपांशुप्रतिषेधार्थं मानसोपहाराङ्गावधारणार्थं चेत्य् अर्थः
* kāraśabdo vācikopāṃśupratiṣedhārthaṃ mānasopahārāṅgāvadhāraṇārthaṃ cety arthaḥ
Sanskrit only: no published translation is held for this verse.
* जप्यं नाम सद्योजातादिष्व् अक्षरपङ्क्त्यां मनसा भावस्य संचारविचारः
* japyaṃ nāma sadyojātādiṣv akṣarapaṅktyāṃ manasā bhāvasya saṃcāravicāraḥ
Sanskrit only: no published translation is held for this verse.
* तज् जप्यम्
* taj japyam
Sanskrit only: no published translation is held for this verse.
* उपेति विशेषणे क्रियोपसंहारे समस्तत्वे च
* upeti viśeṣaṇe kriyopasaṃhāre samastatve ca
Sanskrit only: no published translation is held for this verse.
* उपहरणाद् उपहारो व्रतं नियम इत्य् अर्थः
* upaharaṇād upahāro vrataṃ niyama ity arthaḥ
Sanskrit only: no published translation is held for this verse.
* उपह्रियते निवेद्यते नियोगमात्रकर्तृत्वात् साधकेनेत्य् उपहारः
* upahriyate nivedyate niyogamātrakartṛtvāt sādhakenety upahāraḥ
Sanskrit only: no published translation is held for this verse.
* उपतिष्ठेत्
* upatiṣṭhet
Sanskrit only: no published translation is held for this verse.
* अत्रोपेत्य् अभ्युपगमे
* atropety abhyupagame
Sanskrit only: no published translation is held for this verse.
* अभ्युपगतेन विधिस्थेन प्रणतविनतेनेत्य् अर्थः
* abhyupagatena vidhisthena praṇatavinatenety arthaḥ
Sanskrit only: no published translation is held for this verse.
* तिष्ठेद् इत्य् ऐकाग्र्यं प्रत्याहाराभावस्थितिम् एवाधिकुरुते
* tiṣṭhed ity aikāgryaṃ pratyāhārābhāvasthitim evādhikurute
Sanskrit only: no published translation is held for this verse.
* सर्वकरणानां वृत्तौ प्रत्याहारं कृत्वा कायिकवाचिकमानसिकाभिः क्रियाभिर् उपहारं कृत्वा भृत्यवद् उपहारेण स्थेयम्
* sarvakaraṇānāṃ vṛttau pratyāhāraṃ kṛtvā kāyikavācikamānasikābhiḥ kriyābhir upahāraṃ kṛtvā bhṛtyavad upahāreṇa stheyam
Sanskrit only: no published translation is held for this verse.
* अपसव्यं च प्रदक्षिणम् उपरिष्टाद् वक्ष्यामः
* apasavyaṃ ca pradakṣiṇam upariṣṭād vakṣyāmaḥ
Sanskrit only: no published translation is held for this verse.
* आह कस्य निर्माल्यं धार्यम्
* āha kasya nirmālyaṃ dhāryam
Sanskrit only: no published translation is held for this verse.
* कस्य वा आयतने वस्तव्यम्
* kasya vā āyatane vastavyam
Sanskrit only: no published translation is held for this verse.
* क्व चोपस्थेयम् इति
* kva copastheyam iti
Sanskrit only: no published translation is held for this verse.
* तद् उच्यते
* tad ucyate
Sanskrit only: no published translation is held for this verse.