* तत्रोभयं द्वयं समस्तम् इत्यर्थः
* tatrobhayaṃ dvayaṃ samastam ityarthaḥ
Sanskrit only: no published translation is held for this verse.
Library·Pasupatasutra with Kaundinya's Pancarthabhasya·2·2.11
Pasupatasutra with Kaundinya's Pancarthabhasya 2.11
* तुशब्दो देवपितृषु वैशेषिकं कारणत्वं व्यावर्तयति रुद्रे इति कारणापदेशम्
* tuśabdo devapitṛṣu vaiśeṣikaṃ kāraṇatvaṃ vyāvartayati rudre iti kāraṇāpadeśam
Sanskrit only: no published translation is held for this verse.
* रुद्रस्य रुद्रत्वं पूर्वोक्तम्
* rudrasya rudratvaṃ pūrvoktam
Sanskrit only: no published translation is held for this verse.
* रुद्र इति वैषयिकं संनिधानम्
* rudra iti vaiṣayikaṃ saṃnidhānam
Sanskrit only: no published translation is held for this verse.
* अत्र शक्तिर्विषय इत्य् अनर्थान्तरम्
* atra śaktirviṣaya ity anarthāntaram
Sanskrit only: no published translation is held for this verse.
* ते देवपितरो रुद्रशक्त्यां हार्यधार्यकार्यत्वेन वर्तन्ते आधीयन्ते विषये वर्तन्त इत्यर्थः
* te devapitaro rudraśaktyāṃ hāryadhāryakāryatvena vartante ādhīyante viṣaye vartanta ityarthaḥ
Sanskrit only: no published translation is held for this verse.
* देवाः पितरश्च
* devāḥ pitaraśca
Sanskrit only: no published translation is held for this verse.
* तत्र देवा इति ऋभुषु ब्रह्मादिपिशाचान्तेषु मनुष्यतिर्यग्योनिवर्जं सामान्यसंज्ञा
* tatra devā iti ṛbhuṣu brahmādipiśācānteṣu manuṣyatiryagyonivarjaṃ sāmānyasaṃjñā
Sanskrit only: no published translation is held for this verse.
* विधिवत्
* vidhivat
Sanskrit only: no published translation is held for this verse.
* पितर इति विशेषसंज्ञा भस्मस्नानादिवद् इत्यर्थः
* pitara iti viśeṣasaṃjñā bhasmasnānādivad ityarthaḥ
Sanskrit only: no published translation is held for this verse.
* ब्राह्मणदेवदत्तादिवच् च
* brāhmaṇadevadattādivac ca
Sanskrit only: no published translation is held for this verse.
* अत्राह सामान्यविशेषसंज्ञाभिधाने किं प्रयोजनमिति चेत्
* atrāha sāmānyaviśeṣasaṃjñābhidhāne kiṃ prayojanamiti cet
Sanskrit only: no published translation is held for this verse.
* तदुच्यते त्रिविधस्यापि कार्यस्य रुद्रे हार्यधार्यकार्यज्ञापनार्थं किंच कालक्रियास्वाहास्वधामन्त्रान्यत्वदर्शनाद् देवपितृयजनापहृतचित्तव्यावर्तनार्थत्वाच् च
* taducyate trividhasyāpi kāryasya rudre hāryadhāryakāryajñāpanārthaṃ kiṃca kālakriyāsvāhāsvadhāmantrānyatvadarśanād devapitṛyajanāpahṛtacittavyāvartanārthatvāc ca
Sanskrit only: no published translation is held for this verse.
* तस्माद् अन्यानन्यत्वेनापि व्याख्यानम् अदुष्टम्
* tasmād anyānanyatvenāpi vyākhyānam aduṣṭam
Sanskrit only: no published translation is held for this verse.
* चशब्दोऽभ्यधिकत्वे
* caśabdo'bhyadhikatve
Sanskrit only: no published translation is held for this verse.
* देवपितृवत् सत्त्वस्य त्रिविधस्यापि कार्यस्येश्वरे प्रतिष्ठाप्रसवसंयोगवियोगसुखमोहबन्धमोक्षदातृत्वेन च स एव परं कारणं समस्तत्वेनाप्यते इत्येवं चशब्दोऽभ्यधिकत्वे द्रष्टव्यः तस्माद् दुःखान्तार्थिना ते देवपितरो न यष्टव्याः
* devapitṛvat sattvasya trividhasyāpi kāryasyeśvare pratiṣṭhāprasavasaṃyogaviyogasukhamohabandhamokṣadātṛtvena ca sa eva paraṃ kāraṇaṃ samastatvenāpyate ityevaṃ caśabdo'bhyadhikatve draṣṭavyaḥ tasmād duḥkhāntārthinā te devapitaro na yaṣṭavyāḥ
Sanskrit only: no published translation is held for this verse.
* तदर्थे भगवान् महेश्वरो यष्टव्य इत्यर्थः
* tadarthe bhagavān maheśvaro yaṣṭavya ityarthaḥ
Sanskrit only: no published translation is held for this verse.
* अत्रेदम् आनुषङ्गिकं कार्यकारणप्रकरणं परिसमाप्तम्
* atredam ānuṣaṅgikaṃ kāryakāraṇaprakaraṇaṃ parisamāptam
Sanskrit only: no published translation is held for this verse.
* अत उत्तरस्य विधिप्रकरणस्य सत्यपि पदार्थवैलक्षण्ये साध्यसाधनभावाद् यजनेन सह सम्बन्धं करिष्यामः
* ata uttarasya vidhiprakaraṇasya satyapi padārthavailakṣaṇye sādhyasādhanabhāvād yajanena saha sambandhaṃ kariṣyāmaḥ
Sanskrit only: no published translation is held for this verse.
* कस्मात्
* kasmāt
Sanskrit only: no published translation is held for this verse.
* इह पुरस्तादुक्तम् उभयथा यष्टव्यः देववत् पितृवच् च
* iha purastāduktam ubhayathā yaṣṭavyaḥ devavat pitṛvac ca
Sanskrit only: no published translation is held for this verse.
* यत्र पूर्वं देवपितृभ्यो व्यावर्तितया भक्त्या महेश्वरं यजतोऽनवगमात् स्वात्मेश्वरसंयोगं योगं प्राप्स्यसि तत्फलं वक्ष्यामः
* yatra pūrvaṃ devapitṛbhyo vyāvartitayā bhaktyā maheśvaraṃ yajato'navagamāt svātmeśvarasaṃyogaṃ yogaṃ prāpsyasi tatphalaṃ vakṣyāmaḥ
Sanskrit only: no published translation is held for this verse.
* येन च बलेनोपबृंहितस्य तत्रैव यजने उद्योगोऽभिनिवेशश्च भविष्यति तद् बलं वक्ष्यामः
* yena ca balenopabṛṃhitasya tatraiva yajane udyogo'bhiniveśaśca bhaviṣyati tad balaṃ vakṣyāmaḥ
Sanskrit only: no published translation is held for this verse.
* तद्बलप्राप्तौ चोपायं वक्ष्यामः
* tadbalaprāptau copāyaṃ vakṣyāmaḥ
Sanskrit only: no published translation is held for this verse.
* तदुच्यते
* taducyate
Sanskrit only: no published translation is held for this verse.