* अत्र यदा प्राप्तज्ञानः क्षीणकलुषश्च कृताभ्यनुज्ञः तदा आचार्यसकाशान् निष्क्रम्यागत्य प्रत्यगारं नगरं वा प्रविश्य यत्र लौकिकानां समूहस्तत्र तेषां नातिदूरे नातिसंनिकर्षे यत्र च तेषां नोपरोधो दृष्टिनिपातश्च भवति तत्र हस्त्यश्वरथपदातीनां पन्थानं वर्जयित्वोपविश्य निद्रालिङ्गशिरश्चलितजृम्भिकादीनि प्रयोक्तव्यानि
* atra yadā prāptajñānaḥ kṣīṇakaluṣaśca kṛtābhyanujñaḥ tadā ācāryasakāśān niṣkramyāgatya pratyagāraṃ nagaraṃ vā praviśya yatra laukikānāṃ samūhastatra teṣāṃ nātidūre nātisaṃnikarṣe yatra ca teṣāṃ noparodho dṛṣṭinipātaśca bhavati tatra hastyaśvarathapadātīnāṃ panthānaṃ varjayitvopaviśya nidrāliṅgaśiraścalitajṛmbhikādīni prayoktavyāni
Sanskrit only: no published translation is held for this verse.
* तत्रैवानेनासुप्तेन सुप्त इव भवितव्यम्
* tatraivānenāsuptena supta iva bhavitavyam
Sanskrit only: no published translation is held for this verse.
* ततः प्राणरेचनस्य वायोः कण्ठदेशे पुरुपुरुशब्दः कर्तव्यः
* tataḥ prāṇarecanasya vāyoḥ kaṇṭhadeśe purupuruśabdaḥ kartavyaḥ
Sanskrit only: no published translation is held for this verse.
* ततस्ते मनसा वा वाचा वा निद्राविष्टोऽयमिति लौकिकाः प्रपद्यन्ते परिभवन्ति च
* tataste manasā vā vācā vā nidrāviṣṭo'yamiti laukikāḥ prapadyante paribhavanti ca
Sanskrit only: no published translation is held for this verse.
* अनेनानृताभियोगेनास्य यत् तेषां सुकृतं तदागच्छति
* anenānṛtābhiyogenāsya yat teṣāṃ sukṛtaṃ tadāgacchati
Sanskrit only: no published translation is held for this verse.
* अस्यापि च यत् पापं तत् तान् प्रति
* asyāpi ca yat pāpaṃ tat tān prati
Sanskrit only: no published translation is held for this verse.
* एवं क्राथनम् इति क्रिया
* evaṃ krāthanam iti kriyā
Sanskrit only: no published translation is held for this verse.
* इत इत्य् अभियजन आज्ञायां नियोगे च
* ita ity abhiyajana ājñāyāṃ niyoge ca
Sanskrit only: no published translation is held for this verse.
* वाशब्दः क्राथनस्पन्दनादिविभागे द्रष्टव्यः
* vāśabdaḥ krāthanaspandanādivibhāge draṣṭavyaḥ
Sanskrit only: no published translation is held for this verse.
* आह अविभक्ताभिधानादेव क्राथनस्पन्दनादीनां विभागसिद्धिः हसितादिवत्
* āha avibhaktābhidhānādeva krāthanaspandanādīnāṃ vibhāgasiddhiḥ hasitādivat
Sanskrit only: no published translation is held for this verse.
* कस्माद् भाविवचनं भवति
* kasmād bhāvivacanaṃ bhavati
Sanskrit only: no published translation is held for this verse.
* उच्यते पृथगभिधाने सत्यपि हसितगीतनृत्यवत् संदेहः
* ucyate pṛthagabhidhāne satyapi hasitagītanṛtyavat saṃdehaḥ
Sanskrit only: no published translation is held for this verse.
* पृथगभिधाने सत्यपि हसितगीतयोः पृथक् पृथक् प्रयोगः
* pṛthagabhidhāne satyapi hasitagītayoḥ pṛthak pṛthak prayogaḥ
Sanskrit only: no published translation is held for this verse.
* अत्र विभक्तयोस्तु गीतनृत्ययोः
* atra vibhaktayostu gītanṛtyayoḥ
Sanskrit only: no published translation is held for this verse.
* अध्ययनयन्त्रणयोश्च
* adhyayanayantraṇayośca
Sanskrit only: no published translation is held for this verse.
* तस्मात् पृथगभिधानमनुरतो वा विभागे भवतान्यदोषः
* tasmāt pṛthagabhidhānamanurato vā vibhāge bhavatānyadoṣaḥ
Sanskrit only: no published translation is held for this verse.
* ततः क्राथनक्रिययावमानादिषु निष्पन्नेषु क्राथनादि संसृष्टं समुत्सृज्य शीघ्रमुत्थातव्यम्
* tataḥ krāthanakriyayāvamānādiṣu niṣpanneṣu krāthanādi saṃsṛṣṭaṃ samutsṛjya śīghramutthātavyam
Sanskrit only: no published translation is held for this verse.
* यथा लौकिकानां सम्प्रत्ययो भवति किमप्यनेन स्वप्नान्तरे भयं दृष्टमिति
* yathā laukikānāṃ sampratyayo bhavati kimapyanena svapnāntare bhayaṃ dṛṣṭamiti
Sanskrit only: no published translation is held for this verse.
* अत उत्थाय शिरःपाण्यादीनामन्यतमं स्पन्दितव्यम्
* ata utthāya śiraḥpāṇyādīnāmanyatamaṃ spanditavyam
Sanskrit only: no published translation is held for this verse.
* यस्मादाह
* yasmādāha
Sanskrit only: no published translation is held for this verse.