Pasupatasutra with Kaundinya's Pancarthabhasya 4.20

* अत्र नकारोपदेशो ऽन्याचरणप्रतिपत्तिप्रतिषेधार्थः

* atra nakāropadeśo 'nyācaraṇapratipattipratiṣedhārthaḥ

Sanskrit only: no published translation is held for this verse.

* कश्चिद् इति गृहस्थाद्यः

* kaścid iti gṛhasthādyaḥ

Sanskrit only: no published translation is held for this verse.

* स्थानमात्रवैलक्षण्यदर्शनाद् ब्राह्मणेष्वेव कश्चिच् छब्दः

* sthānamātravailakṣaṇyadarśanād brāhmaṇeṣveva kaścic chabdaḥ

Sanskrit only: no published translation is held for this verse.

* गृहस्थो ब्रह्मचारी वानप्रस्थो भिक्षुर् एकवेदो द्विवेदस् त्रिवेदश् चतुर्वेदो गायत्रीमात्रसारो वानेन विधिना रुद्रसमीपं प्राप्तः सन् न कश्चिद् ब्राह्मणः पुनरावर्तत इत्यर्थः

* gṛhastho brahmacārī vānaprastho bhikṣur ekavedo dvivedas trivedaś caturvedo gāyatrīmātrasāro vānena vidhinā rudrasamīpaṃ prāptaḥ san na kaścid brāhmaṇaḥ punarāvartata ityarthaḥ

Sanskrit only: no published translation is held for this verse.

* ब्राह्मणग्रहणं ब्राह्मण्यावधारणार्थं ब्राह्मण एव नान्य इत्यर्थः

* brāhmaṇagrahaṇaṃ brāhmaṇyāvadhāraṇārthaṃ brāhmaṇa eva nānya ityarthaḥ

Sanskrit only: no published translation is held for this verse.

* क्षेत्रज्ञे च ब्राह्मणसंज्ञा

* kṣetrajñe ca brāhmaṇasaṃjñā

Sanskrit only: no published translation is held for this verse.

* कस्मात्

* kasmāt

Sanskrit only: no published translation is held for this verse.

* उपचयजन्मयोगात् संस्कारयोगात् श्रुतयोगाच् च ब्राह्मणः

* upacayajanmayogāt saṃskārayogāt śrutayogāc ca brāhmaṇaḥ

Sanskrit only: no published translation is held for this verse.

* पुनःशब्दः पुनरावृत्तिप्रतिषेधे

* punaḥśabdaḥ punarāvṛttipratiṣedhe

Sanskrit only: no published translation is held for this verse.

* यथा पूर्वसंज्ञानादिभिर् गत्वा आवर्तते पुनः पुनः तथानेन विधिना रुद्रसमीपं गत्वा न सकृदावर्तते

* yathā pūrvasaṃjñānādibhir gatvā āvartate punaḥ punaḥ tathānena vidhinā rudrasamīpaṃ gatvā na sakṛdāvartate

Sanskrit only: no published translation is held for this verse.

* पुनः पुनः सर्वथापि नावर्तत इत्यर्थः

* punaḥ punaḥ sarvathāpi nāvartata ityarthaḥ

Sanskrit only: no published translation is held for this verse.

* आङ् इति स्वशास्त्रोक्तमर्यादाम् अधिकुरुते अभिविध्यर्थं च

* āṅ iti svaśāstroktamaryādām adhikurute abhividhyarthaṃ ca

Sanskrit only: no published translation is held for this verse.

* ये चानेन विधिनाक्षपिताज्ञानकलुषपापमायादयः क्षीणाः ते पुनः पुनरावर्तन्ते

* ye cānena vidhinākṣapitājñānakaluṣapāpamāyādayaḥ kṣīṇāḥ te punaḥ punarāvartante

Sanskrit only: no published translation is held for this verse.

* न तैः सह संयोगो भवति

* na taiḥ saha saṃyogo bhavati

Sanskrit only: no published translation is held for this verse.

* न चापरं जन्म प्रतिपद्यत इत्यर्थः

* na cāparaṃ janma pratipadyata ityarthaḥ

Sanskrit only: no published translation is held for this verse.

* एवम् अध्यायपरिसमाप्तिं कृत्वा युक्तं वक्तुम्

* evam adhyāyaparisamāptiṃ kṛtvā yuktaṃ vaktum

Sanskrit only: no published translation is held for this verse.