Pasupatasutra with Kaundinya's Pancarthabhasya 5.3

* अत्र नित्यत्वविशेषणेनानित्यत्वं निवर्तते

* atra nityatvaviśeṣaṇenānityatvaṃ nivartate

Sanskrit only: no published translation is held for this verse.

* नित्यत्वं नाम सति विभुत्वे पुरुषेश्वरयोर् मनसा सह गतस्यात्मताभावस्य वृत्त्याकारस्य विषयं प्रति क्रमो ऽक्षोपो ऽवस्थानं वृक्षशकुनिवत्

* nityatvaṃ nāma sati vibhutve puruṣeśvarayor manasā saha gatasyātmatābhāvasya vṛttyākārasya viṣayaṃ prati kramo 'kṣopo 'vasthānaṃ vṛkṣaśakunivat

Sanskrit only: no published translation is held for this verse.

* तस्मिन् निर्वृत्ते महेश्वरे युक्तो नित्य इत्युच्यते

* tasmin nirvṛtte maheśvare yukto nitya ityucyate

Sanskrit only: no published translation is held for this verse.

* आत्मा इति क्षेत्रज्ञमाह

* ātmā iti kṣetrajñamāha

Sanskrit only: no published translation is held for this verse.

* कथं गम्यते

* kathaṃ gamyate

Sanskrit only: no published translation is held for this verse.

* चित्तस्थित्युपदेशाद् योगार्थं विद्याचरणोपदेशाद् असङ्गयोगियुक्तात्माजमैत्रादीनां चेतने सम्भवात् न त्व् अचेतनेषु कार्यकरणप्रधानादिषु

* cittasthityupadeśād yogārthaṃ vidyācaraṇopadeśād asaṅgayogiyuktātmājamaitrādīnāṃ cetane sambhavāt na tv acetaneṣu kāryakaraṇapradhānādiṣu

Sanskrit only: no published translation is held for this verse.

* तस्मिंश् चेतने आत्मशब्दः

* tasmiṃś cetane ātmaśabdaḥ

Sanskrit only: no published translation is held for this verse.

* आत्मा च कस्मात्

* ātmā ca kasmāt

Sanskrit only: no published translation is held for this verse.

* अततीत्यात्मा

* atatītyātmā

Sanskrit only: no published translation is held for this verse.

* आपूर्य कार्यकरणं विषयांश् चेतयतीत्य् आत्मा

* āpūrya kāryakaraṇaṃ viṣayāṃś cetayatīty ātmā

Sanskrit only: no published translation is held for this verse.

* उक्तं हि । यद् आप्नोति यद् आदत्ते यच् चात्ति विषयान् पुनः । यच् चास्य सततं भावः तस्मादात्मेति संज्ञितः

* uktaṃ hi / yad āpnoti yad ādatte yac cātti viṣayān punaḥ / yac cāsya satataṃ bhāvaḥ tasmādātmeti saṃjñitaḥ

Sanskrit only: no published translation is held for this verse.

* स च श्रोता स्प्रष्टा द्रष्टा रसयिता घ्राता मन्ता वक्ता बोद्धा इत्येवमादिः

* sa ca śrotā spraṣṭā draṣṭā rasayitā ghrātā mantā vaktā boddhā ityevamādiḥ

Sanskrit only: no published translation is held for this verse.

* उक्तं हि । पुरुषश् चेतनो भोक्ता क्षेत्रज्ञः पुद्गलो जनः । अणुर् वेदो ऽमृतः साक्षी जीवात्मा परिभूः परः

* uktaṃ hi / puruṣaś cetano bhoktā kṣetrajñaḥ pudgalo janaḥ / aṇur vedo 'mṛtaḥ sākṣī jīvātmā paribhūḥ paraḥ

Sanskrit only: no published translation is held for this verse.

* इति । तस्य सुखदुःखेच्छाद्वेषप्रयत्नचैतन्यादिभिर् लिङ्गैर् अधिगमः क्रियत इत्यर्थः

* iti / tasya sukhaduḥkhecchādveṣaprayatnacaitanyādibhir liṅgair adhigamaḥ kriyata ityarthaḥ

Sanskrit only: no published translation is held for this verse.

* आह किं लक्षणत्रयमेवास्य युक्तस्योच्यते

* āha kiṃ lakṣaṇatrayamevāsya yuktasyocyate

Sanskrit only: no published translation is held for this verse.

* न यस्मादाह

* na yasmādāha

Sanskrit only: no published translation is held for this verse.