Prakasa-Samhita 1.12

अनेकहंसतूले तु मणिशय्या समावृताः । भोगस्त्रीभिः समाकीर्णाः मणिव्यजनदर्पणाः

anekahaṃsatūle tu maṇiśayyā samāvṛtāḥ / bhogastrībhiḥ samākīrṇāḥ maṇivyajanadarpaṇāḥ

Sanskrit only: no published translation is held for this verse.

मणिस्वर्णात्मकानेक भित्तिभाण्डादि साधनैः । अनुक्तानन्तसर्वोपस्करणैरुपशोभिताः

maṇisvarṇātmakāneka bhittibhāṇḍādi sādhanaiḥ / anuktānantasarvopaskaraṇairupaśobhitāḥ

Sanskrit only: no published translation is held for this verse.

चामरान्दोलिकाडोला पादपीठादि संयुताः । तुलसीपुष्पसद्रत्नमुक्तामालोपशोभिताः

cāmarāndolikāḍolā pādapīṭhādi saṃyutāḥ / tulasīpuṣpasadratnamuktāmālopaśobhitāḥ

Sanskrit only: no published translation is held for this verse.

भानुकोटिप्रभादीप्ता पात्रनैवेद्यरूपिणी । घृतदध्यम्बुरूपा सा पूर्वोक्तार्थस्वरूपिणी

bhānukoṭiprabhādīptā pātranaivedyarūpiṇī / ghṛtadadhyamburūpā sā pūrvoktārthasvarūpiṇī

Sanskrit only: no published translation is held for this verse.

दासीदाससमाकीर्णभार्यारूपाखिलेश्वरी । दुर्गाभूःश्रीस्वभागेषु अनन्तानन्तरूपिणी

dāsīdāsasamākīrṇabhāryārūpākhileśvarī / durgābhūḥśrīsvabhāgeṣu anantānantarūpiṇī

Sanskrit only: no published translation is held for this verse.

अनन्तरूपिणं विष्णुं सदाराधयतीश्वरम् । स्वभावादेव नास्यार्थः प्राप्तव्यः कश्चिदेष्यते

anantarūpiṇaṃ viṣṇuṃ sadārādhayatīśvaram / svabhāvādeva nāsyārthaḥ prāptavyaḥ kaścideṣyate

Sanskrit only: no published translation is held for this verse.

पूर्णकामो हरिः प्रीत्या तत्पूजां स्वीकरोत्यजः । स्थानत्रयेपि सा देवी ह्यनन्तोक्तार्थरूपिणी

pūrṇakāmo hariḥ prītyā tatpūjāṃ svīkarotyajaḥ / sthānatrayepi sā devī hyanantoktārtharūpiṇī

Sanskrit only: no published translation is held for this verse.

सर्वदेशेषु कालेषु सर्वरूपाश्रिता रमा

sarvadeśeṣu kāleṣu sarvarūpāśritā ramā

Sanskrit only: no published translation is held for this verse.