Prakasa-Samhita 1.2

इति श्री परतत्तवनिर्णये प्रकाशसंहितायां प्रथमपरिच्छेदे प्रथमो ऽध्यायः श्रीहंस उवाच संस्तुतो भगवानेवं तदैवोत्थाय केशवः । शून्यनामाथ जगृहे परुषाख्यां तनुं हरिः

iti śrī paratattavanirṇaye prakāśasaṃhitāyāṃ prathamaparicchede prathamo 'dhyāyaḥ śrīhaṃsa uvāca saṃstuto bhagavānevaṃ tadaivotthāya keśavaḥ / śūnyanāmātha jagṛhe paruṣākhyāṃ tanuṃ hariḥ

Sanskrit only: no published translation is held for this verse.

पुरुषः सर्वरूपाणां व्यक्ताबीज इवस्थितः । सोनन्तात्मा व्याप्ततनुः विश्वकुक्षिरितीरितः

puruṣaḥ sarvarūpāṇāṃ vyaktābīja ivasthitaḥ / sonantātmā vyāptatanuḥ viśvakukṣiritīritaḥ

Sanskrit only: no published translation is held for this verse.

पुरुषाद्वासुदेवाद्याश्चत्वारो ह्यभवंस्ततः । वासुदेवः सङ्कर्षणः प्रद्युम्नश्चानिरुद्धकः

puruṣādvāsudevādyāścatvāro hyabhavaṃstataḥ / vāsudevaḥ saṅkarṣaṇaḥ pradyumnaścāniruddhakaḥ

Sanskrit only: no published translation is held for this verse.

श्वेतरक्तपीतनीलाः वासुदेवादयः क्रमात् । मुक्त्यैहृत्यै तथा गुप्तै सृष्ट्यै स्वेच्छातनुर्हरिः

śvetaraktapītanīlāḥ vāsudevādayaḥ kramāt / muktyaihṛtyai tathā guptai sṛṣṭyai svecchātanurhariḥ

Sanskrit only: no published translation is held for this verse.

शून्यनाम्नी रमादेवी श्रीर्भूत्वा पुरुषंश्रिता । सैवमायाजयाभूत्वा कृतिःशान्तिरितीरिता

śūnyanāmnī ramādevī śrīrbhūtvā puruṣaṃśritā / saivamāyājayābhūtvā kṛtiḥśāntiritīritā

Sanskrit only: no published translation is held for this verse.

वासुदेवादि भार्यासीत् सर्वदा सानपायिनी । चतुर्मुखो वासुदेवः ब्रह्मणो बिम्बरूपकः

vāsudevādi bhāryāsīt sarvadā sānapāyinī / caturmukho vāsudevaḥ brahmaṇo bimbarūpakaḥ

Sanskrit only: no published translation is held for this verse.

सङ्कर्षणः सहस्रास्यः फणिराड्बिम्बरूपकः । प्रद्युम्नो मारबिम्बात्मा ह्यतिसुन्दरविग्रहः

saṅkarṣaṇaḥ sahasrāsyaḥ phaṇirāḍbimbarūpakaḥ / pradyumno mārabimbātmā hyatisundaravigrahaḥ

Sanskrit only: no published translation is held for this verse.

बिम्बात्मा कामपुत्रस्यानिरुद्धास्यानिरुद्धकः । सकृद्धोल्कादि पञ्चात्मा विश्वाद्यष्टतनुर्हरिः

bimbātmā kāmaputrasyāniruddhāsyāniruddhakaḥ / sakṛddholkādi pañcātmā viśvādyaṣṭatanurhariḥ

Sanskrit only: no published translation is held for this verse.

विमलादिनवात्माभूत् समत्स्यादि दशाकृतिः । शक्त्यादि द्वादशात्माभूद्वारकादि षोडशरूपवान्

vimalādinavātmābhūt samatsyādi daśākṛtiḥ / śaktyādi dvādaśātmābhūdvārakādi ṣoḍaśarūpavān

Sanskrit only: no published translation is held for this verse.

आनन्दादि त्रयोविंशद्रूप आसीत्परात्परः । केशवादि चतुर्विंशद्रूपवानभवद्धरिः

ānandādi trayoviṃśadrūpa āsītparātparaḥ / keśavādi caturviṃśadrūpavānabhavaddhariḥ

Sanskrit only: no published translation is held for this verse.

अजादि पञ्चाशद्रूपः ततोभूत् पुरुषोत्तमः । कालाख्यषष्ठिरूपोभूत् संवत्सरनियामकः

ajādi pañcāśadrūpaḥ tatobhūt puruṣottamaḥ / kālākhyaṣaṣṭhirūpobhūt saṃvatsaraniyāmakaḥ

Sanskrit only: no published translation is held for this verse.

नारायणादि शतकः स विश्वादि सहस्रकः । पराद्यनन्तरूपोभूदात्मभेद विवर्जितः

nārāyaṇādi śatakaḥ sa viśvādi sahasrakaḥ / parādyanantarūpobhūdātmabheda vivarjitaḥ

Sanskrit only: no published translation is held for this verse.

तदाज्ञयैव देवी सा रमापि बहुरूपिणी । स तयानन्तरूपिण्या अनन्तरूपो रमापतिः

tadājñayaiva devī sā ramāpi bahurūpiṇī / sa tayānantarūpiṇyā anantarūpo ramāpatiḥ

Sanskrit only: no published translation is held for this verse.

स्वरतो ऽपि तया देव्या तत्प्रीत्यर्थं दयानिधिः । लयकालाष्टमांशन्तु नीत्वा पुरुषपुङ्गवः

svarato 'pi tayā devyā tatprītyarthaṃ dayānidhiḥ / layakālāṣṭamāṃśantu nītvā puruṣapuṅgavaḥ

Sanskrit only: no published translation is held for this verse.

प्रारम्भे सृष्टिकालस्य अजादीन्स्रष्टुमारभत्

prārambhe sṛṣṭikālasya ajādīnsraṣṭumārabhat

Sanskrit only: no published translation is held for this verse.