Vidyāraṇya: Pañcadaśī 11

तादृक्पुमानुदासीनकालेऽप्यानन्दवासनाम् । उपेक्ष्य मुख्यमानन्दं भावयत्येव तत्परः

tādṛkpumānudāsīnakāle'pyānandavāsanām | upekṣya mukhyamānandaṃ bhāvayatyeva tatparaḥ

Sanskrit only: no published translation is held for this verse.

एवं तत्त्वे परे शुद्धे धीरो विश्रान्तिमागतः । तदेवास्वादयत्यन्तर्बहिर्व्यवहारन्नपि

evaṃ tattve pare śuddhe dhīro viśrāntimāgataḥ | tadevāsvādayatyantarbahirvyavahārannapi

Sanskrit only: no published translation is held for this verse.

धीरत्वमक्षप्राबल्येऽप्यानन्दास्वादवाञ्छया । तिरस्कृत्याखिलाक्षाणि तच्चिन्तायां प्रवर्तनम्

dhīratvamakṣaprābalye'pyānandāsvādavāñchayā | tiraskṛtyākhilākṣāṇi taccintāyāṃ pravartanam

Sanskrit only: no published translation is held for this verse.

भारवाही शिरोभारं मुक्त्वास्ते विश्रमं गतः । संसारव्यापृतित्यागे तादृग्बुद्धिस्तु विश्रमः

bhāravāhī śirobhāraṃ muktvāste viśramaṃ gataḥ | saṃsāravyāpṛtityāge tādṛgbuddhistu viśramaḥ

Sanskrit only: no published translation is held for this verse.

विश्रान्तिम्ं परमां प्राप्तस्त्वौदासीन्ये यथा तथा । सुखदुःखदशायां च तदानन्दैकतत्परः

viśrāntimṃ paramāṃ prāptastvaudāsīnye yathā tathā | sukhaduḥkhadaśāyāṃ ca tadānandaikatatparaḥ

Sanskrit only: no published translation is held for this verse.

अग्निप्रवेशहेतौ धीः शृङ्गारे यादृशी तथा । धीरस्योदेति विषयेऽनुसन्धानविरोधिनी

agnipraveśahetau dhīḥ śṛṅgāre yādṛśī tathā | dhīrasyodeti viṣaye'nusandhānavirodhinī

Sanskrit only: no published translation is held for this verse.

अविरोधिसुखे बुद्धिः स्वानन्दे च गमागमौ । कुर्वन्त्यास्ते क्रमादेषा काकाक्षिवदितस्ततः

avirodhisukhe buddhiḥ svānande ca gamāgamau | kurvantyāste kramādeṣā kākākṣivaditastataḥ

Sanskrit only: no published translation is held for this verse.

एकैव दृष्टिः काकस्य वामदक्षिणनेत्रयोः । यात्यायात्येवमानन्दद्वये तत्त्वविदो मतिः

ekaiva dṛṣṭiḥ kākasya vāmadakṣiṇanetrayoḥ | yātyāyātyevamānandadvaye tattvavido matiḥ

Sanskrit only: no published translation is held for this verse.

भुञ्जानो विषयानन्दं ब्रह्मानन्दं च तत्त्ववित् । द्विभाषाभिज्ञवद्विद्यादुभौ लौकिकवैदिकौ

bhuñjāno viṣayānandaṃ brahmānandaṃ ca tattvavit | dvibhāṣābhijñavadvidyādubhau laukikavaidikau

Sanskrit only: no published translation is held for this verse.

दुःखप्राप्तौ न चोद्वेगो यथा पूर्वं यतो द्विदृक् । गङ्गामग्नार्धकायस्य पुंसः शीतोष्णधीर्यथा

duḥkhaprāptau na codvego yathā pūrvaṃ yato dvidṛk | gaṅgāmagnārdhakāyasya puṃsaḥ śītoṣṇadhīryathā

Sanskrit only: no published translation is held for this verse.

इत्थं जागरणे तत्त्वविदो ब्रह्मसुखं सदा । भाति तद्वासनाजन्ये स्वप्ने तद्भासते तथा

itthaṃ jāgaraṇe tattvavido brahmasukhaṃ sadā | bhāti tadvāsanājanye svapne tadbhāsate tathā

Sanskrit only: no published translation is held for this verse.

अविद्यावासनाप्यस्तीत्यतस्तद्वासनोत्थिते । स्वप्ने पूर्ववदेवैष सुखं दुःखं च वीक्षते

avidyāvāsanāpyastītyatastadvāsanotthite | svapne pūrvavadevaiṣa sukhaṃ duḥkhaṃ ca vīkṣate

Sanskrit only: no published translation is held for this verse.

ब्रह्मानन्दाभिधे ग्रन्थे ब्रह्मानन्दप्रकाशकम् । योगिप्रत्यक्षमध्याये प्रथमेऽस्मिन्नुदीरितम्

brahmānandābhidhe granthe brahmānandaprakāśakam | yogipratyakṣamadhyāye prathame'sminnudīritam

Sanskrit only: no published translation is held for this verse.