Vidyāraṇya: Pañcadaśī 4

ईश्वरेणापि जीवेन सृष्टं द्वैतं प्रपञ्च्यते । विवेके सति जीवेन हेयो बन्धः स्फुटीभवेत्

īśvareṇāpi jīvena sṛṣṭaṃ dvaitaṃ prapañcyate | viveke sati jīvena heyo bandhaḥ sphuṭībhavet

Sanskrit only: no published translation is held for this verse.

मायां तु प्रकृतिं विद्यान्मायिनं तु महेश्वरम् । स मायी सृजतीत्याहुः श्वेताश्वतर शाखिनः

māyāṃ tu prakṛtiṃ vidyānmāyinaṃ tu maheśvaram | sa māyī sṛjatītyāhuḥ śvetāśvatara śākhinaḥ

Sanskrit only: no published translation is held for this verse.

आत्मा वा इदमग्रेऽभूत्स ऐक्षत सृजा इति । सङ्कल्पेनासृजल्लोकान्स एतानिति बह्वृचाः

ātmā vā idamagre'bhūtsa aikṣata sṛjā iti | saṅkalpenāsṛjallokānsa etāniti bahvṛcāḥ

Sanskrit only: no published translation is held for this verse.

खंवाय्वग्निजलोर्व्योषध्यन्नदेहाः क्रमादमी । सम्भूता ब्रह्मणस्तस्मादेतस्मादात्मनोऽखिलाः

khaṃvāyvagnijalorvyoṣadhyannadehāḥ kramādamī | sambhūtā brahmaṇastasmādetasmādātmano'khilāḥ

Sanskrit only: no published translation is held for this verse.

बहु स्यामहमेवातः प्रजायेयेति कामतः । तपस्तप्त्वाऽसृजत्सर्वं जगदित्याह तैत्तिरिः

bahu syāmahamevātaḥ prajāyeyeti kāmataḥ | tapastaptvā'sṛjatsarvaṃ jagadityāha taittiriḥ

Sanskrit only: no published translation is held for this verse.

इदमग्रे सदेवासीद्बहुत्वाय तदैक्षत । तेजोऽवन्नाण्डजादीनि ससर्जेति च सामगाः

idamagre sadevāsīdbahutvāya tadaikṣata | tejo'vannāṇḍajādīni sasarjeti ca sāmagāḥ

Sanskrit only: no published translation is held for this verse.

विस्फुलिङ्गा यथा वह्नेर्जायन्तेऽक्षरतस्तथा । विविधाश्चिज्जडा भावा इत्याथर्वणिकी श्रुतिः

visphuliṅgā yathā vahnerjāyante'kṣaratastathā | vividhāścijjaḍā bhāvā ityātharvaṇikī śrutiḥ

Sanskrit only: no published translation is held for this verse.

जगदव्याकृतं पूर्वमासीद्व्याक्रियतेऽधुना । दृश्याभ्यां नामरूपाभ्यां विराडादिषु ते स्फुटाः । विराणानुर्नरो गावः खराश्वाजावयस्तथा । पिपीलिकावधिद्वन्द्वमिति वाजसनेयिनः

jagadavyākṛtaṃ pūrvamāsīdvyākriyate'dhunā | dṛśyābhyāṃ nāmarūpābhyāṃ virāḍādiṣu te sphuṭāḥ | virāṇānurnaro gāvaḥ kharāśvājāvayastathā | pipīlikāvadhidvandvamiti vājasaneyinaḥ

Sanskrit only: no published translation is held for this verse.

कृत्वा रूपान्तरं जैवं देहे प्राविशदीश्वरः । इति ताः श्रुतयः प्राहु जीवत्वं प्राणधारणात्

kṛtvā rūpāntaraṃ jaivaṃ dehe prāviśadīśvaraḥ | iti tāḥ śrutayaḥ prāhu jīvatvaṃ prāṇadhāraṇāt

Sanskrit only: no published translation is held for this verse.

चैतन्यं यदधिष्ठानं लिङ्गदेहश्च यः पुनः । चिच्छाया लिङ्गदेहस्था तत्संघोजीव उच्यते

caitanyaṃ yadadhiṣṭhānaṃ liṅgadehaśca yaḥ punaḥ | cicchāyā liṅgadehasthā tatsaṃghojīva ucyate

Sanskrit only: no published translation is held for this verse.

माहेश्वरी तु या माया तस्या निर्माणशक्तिवत् । विद्यते मोहशक्तिश्च तं जीवं मोहयत्यसौ

māheśvarī tu yā māyā tasyā nirmāṇaśaktivat | vidyate mohaśaktiśca taṃ jīvaṃ mohayatyasau

Sanskrit only: no published translation is held for this verse.

मोहादनीशतां प्राप्य मग्नो वपुषि शोचति । ईशसृष्टमिदं द्वैतं सर्वमुक्तं समासतः

mohādanīśatāṃ prāpya magno vapuṣi śocati | īśasṛṣṭamidaṃ dvaitaṃ sarvamuktaṃ samāsataḥ

Sanskrit only: no published translation is held for this verse.

सप्तान्नब्राह्मणे द्वैतं जीवसृष्टं प्रपञ्चितम् । अन्नानि सप्तज्ञानेन कर्मणाजनयत्पिता

saptānnabrāhmaṇe dvaitaṃ jīvasṛṣṭaṃ prapañcitam | annāni saptajñānena karmaṇājanayatpitā

Sanskrit only: no published translation is held for this verse.

मर्त्यानामेकं देवान्ने द्वे पश्वान्नं चतुर्थकम् । अन्नत्रितयमात्मार्थमन्नानां विनियोजनम्

martyānāmekaṃ devānne dve paśvānnaṃ caturthakam | annatritayamātmārthamannānāṃ viniyojanam

Sanskrit only: no published translation is held for this verse.

व्रीह्यादिकं दर्शपूर्णमासौ क्षीरं तथा मनः । वाक्प्राणश्चेति सप्तत्वमन्नानामवगम्यताम्

vrīhyādikaṃ darśapūrṇamāsau kṣīraṃ tathā manaḥ | vākprāṇaśceti saptatvamannānāmavagamyatām

Sanskrit only: no published translation is held for this verse.

ईशेन यद्यप्येतानि निर्मितानि स्वरूपतः । तथापि ज्ञानकर्माभ्यां जीवो कार्षीत्तदन्नताम्

īśena yadyapyetāni nirmitāni svarūpataḥ | tathāpi jñānakarmābhyāṃ jīvo kārṣīttadannatām

Sanskrit only: no published translation is held for this verse.

ईशकार्यं जीवभोग्यं जगद्द्वाभ्यां समन्वितम् । पितृजन्या भर्तृभोग्या यथा योषित्तथेष्यताम्

īśakāryaṃ jīvabhogyaṃ jagaddvābhyāṃ samanvitam | pitṛjanyā bhartṛbhogyā yathā yoṣittatheṣyatām

Sanskrit only: no published translation is held for this verse.

मायावृत्त्यात्मको हीशसंकल्पः साधनं जनौ । मनो वृत्त्यात्मको जीवो संकल्पो भोगसाधनम्

māyāvṛttyātmako hīśasaṃkalpaḥ sādhanaṃ janau | mano vṛttyātmako jīvo saṃkalpo bhogasādhanam

Sanskrit only: no published translation is held for this verse.

ईशनिर्मितमण्यादौ वस्तुन्येकविधे स्थिते । भोक्तृधीवृत्तिनानात्वात्तद्भोगो बहुधेष्यते

īśanirmitamaṇyādau vastunyekavidhe sthite | bhoktṛdhīvṛttinānātvāttadbhogo bahudheṣyate

Sanskrit only: no published translation is held for this verse.

हृष्यत्येको मणिं लब्ध्वा क्रुद्ध्यत्यन्यो ह्यलाभतः । पश्यत्येव विरक्तोऽत्र न हृष्यति न कुप्यति

hṛṣyatyeko maṇiṃ labdhvā kruddhyatyanyo hyalābhataḥ | paśyatyeva virakto'tra na hṛṣyati na kupyati

Sanskrit only: no published translation is held for this verse.

प्रियोऽप्रिय उपेक्ष्यश्चेत्याकारा मणिगास्त्रयः । सृष्टा जीवैरीशसृष्टं रूपं साधारणं त्रिषु

priyo'priya upekṣyaścetyākārā maṇigāstrayaḥ | sṛṣṭā jīvairīśasṛṣṭaṃ rūpaṃ sādhāraṇaṃ triṣu

Sanskrit only: no published translation is held for this verse.

भार्या स्नुषा ननान्दा च याता मातेत्यनेकधा । प्रतियोगिधिया योषिद्भिद्यते न स्वरूपतः

bhāryā snuṣā nanāndā ca yātā mātetyanekadhā | pratiyogidhiyā yoṣidbhidyate na svarūpataḥ

Sanskrit only: no published translation is held for this verse.

ननु ज्ञानानि भिद्यन्तामाकारस्तु न भिद्यते । योषिद्वपुष्यतिशयो न दृष्टो जीवनिर्मितः

nanu jñānāni bhidyantāmākārastu na bhidyate | yoṣidvapuṣyatiśayo na dṛṣṭo jīvanirmitaḥ

Sanskrit only: no published translation is held for this verse.

मैवं मांसमयी योषित्काचिदन्या मनोमयी । मांसमय्या अभेदेऽपि भिद्यतेऽत्र मनोमयी

maivaṃ māṃsamayī yoṣitkācidanyā manomayī | māṃsamayyā abhede'pi bhidyate'tra manomayī

Sanskrit only: no published translation is held for this verse.

भ्रान्तिस्वप्नमनोराज्यस्मृतिष्वस्तु मनोमयम् । जाग्रन्मानेन मेयस्य न मनोमयतेति चेत्

bhrāntisvapnamanorājyasmṛtiṣvastu manomayam | jāgranmānena meyasya na manomayateti cet

Sanskrit only: no published translation is held for this verse.

बाधं माने तु मेयेन योगात्स्याद्विषयाकृतिः । भाष्यवार्तिककाराभ्यामयमर्थ उदाहृतः

bādhaṃ māne tu meyena yogātsyādviṣayākṛtiḥ | bhāṣyavārtikakārābhyāmayamartha udāhṛtaḥ

Sanskrit only: no published translation is held for this verse.

मूषासिक्तं यथा ताम्रं तन्निभं जायते तथा । रूपादीन् व्याप्नुवच्चित्तं तन्निभं दृश्यते ध्रुवम्

mūṣāsiktaṃ yathā tāmraṃ tannibhaṃ jāyate tathā | rūpādīn vyāpnuvaccittaṃ tannibhaṃ dṛśyate dhruvam

Sanskrit only: no published translation is held for this verse.

व्यञ्जको वा यथा लोको व्यङ्ग्यस्याकारतामियात् । सर्वार्थव्यञ्जकत्वाद्धीरर्थाकारा प्रदृश्यते

vyañjako vā yathā loko vyaṅgyasyākāratāmiyāt | sarvārthavyañjakatvāddhīrarthākārā pradṛśyate

Sanskrit only: no published translation is held for this verse.

मातुर्मानाभिनिष्पत्तिर्निष्पन्नं मेयमेति तत् । मेयाभिसंगतं तच्च मेयाभत्वं प्रपद्यते

māturmānābhiniṣpattirniṣpannaṃ meyameti tat | meyābhisaṃgataṃ tacca meyābhatvaṃ prapadyate

Sanskrit only: no published translation is held for this verse.

सत्येवं विषयौ द्वौ स्तो घटौ मृण्मयधीमयौ । मृण्मयो मानमेयः स्यात्साक्षिभाष्यस्तु धीमयः

satyevaṃ viṣayau dvau sto ghaṭau mṛṇmayadhīmayau | mṛṇmayo mānameyaḥ syātsākṣibhāṣyastu dhīmayaḥ

Sanskrit only: no published translation is held for this verse.

अन्वयव्यतिरेकाभ्यां धीमयो जीवबन्धकृत् । सत्यस्मिन्सुखदुःखे स्त स्तस्मिन्नसति न द्वयम्

anvayavyatirekābhyāṃ dhīmayo jīvabandhakṛt | satyasminsukhaduḥkhe sta stasminnasati na dvayam

Sanskrit only: no published translation is held for this verse.

असत्यपि च बाह्यार्थे स्वप्नादौ बध्यते नरः । समाधिसुप्तिमूर्च्छासु सत्यप्यस्मिन्न बध्यते

asatyapi ca bāhyārthe svapnādau badhyate naraḥ | samādhisuptimūrcchāsu satyapyasminna badhyate

Sanskrit only: no published translation is held for this verse.

दूरदेशं गते पुत्रे जीवत्येवात्र तत्पिता । विप्रलम्भकवाक्येन मृतं मत्वा प्ररोदिति

dūradeśaṃ gate putre jīvatyevātra tatpitā | vipralambhakavākyena mṛtaṃ matvā praroditi

Sanskrit only: no published translation is held for this verse.

मृतेऽपि तस्मिन्वार्तायामश्रुतायां न रोदिति । अतः सर्वस्य जीवस्य बन्धकृन्मानसं जगत्

mṛte'pi tasminvārtāyāmaśrutāyāṃ na roditi | ataḥ sarvasya jīvasya bandhakṛnmānasaṃ jagat

Sanskrit only: no published translation is held for this verse.

विज्ञानवादो बाह्यार्थवैयर्थ्यात्स्यादिहेति चेत् । न हृद्याकारमाधातुं बाह्यस्यापेक्षितत्त्वतः

vijñānavādo bāhyārthavaiyarthyātsyādiheti cet | na hṛdyākāramādhātuṃ bāhyasyāpekṣitattvataḥ

Sanskrit only: no published translation is held for this verse.

वैयार्थ्यमस्तु वा बाह्यं न वारयितुमीश्महे । प्रयोजनमपेक्षन्ते न मानानिति हि स्थितिः

vaiyārthyamastu vā bāhyaṃ na vārayitumīśmahe | prayojanamapekṣante na mānāniti hi sthitiḥ

Sanskrit only: no published translation is held for this verse.

बन्धश्चेन्मानसं द्वैतं तन्निरोधेन शाम्यति । अभ्यासेद्योगमेवातो ब्रह्मज्ञानेन किं वद

bandhaścenmānasaṃ dvaitaṃ tannirodhena śāmyati | abhyāsedyogamevāto brahmajñānena kiṃ vada

Sanskrit only: no published translation is held for this verse.

तात्कालिक द्वैतशान्तावप्यागामीजनीक्षयः । ब्रह्मज्ञानं विना न स्यादिति वेदान्तडिण्डिमः

tātkālika dvaitaśāntāvapyāgāmījanīkṣayaḥ | brahmajñānaṃ vinā na syāditi vedāntaḍiṇḍimaḥ

Sanskrit only: no published translation is held for this verse.

अनिवृत्तेऽपीशसृष्टे द्वैते तस्य मृषात्मताम् । बुद्ध्वा ब्रह्माद्वयं बोद्धुं शक्यं वस्त्वैक्यवादिना

anivṛtte'pīśasṛṣṭe dvaite tasya mṛṣātmatām | buddhvā brahmādvayaṃ boddhuṃ śakyaṃ vastvaikyavādinā

Sanskrit only: no published translation is held for this verse.

प्रलये तन्निवृत्तौ तु गुरुशास्त्राद्यभावतः । विरोधिद्वैताभावेऽपि न शक्यं बोद्धुमद्वयम्

pralaye tannivṛttau tu guruśāstrādyabhāvataḥ | virodhidvaitābhāve'pi na śakyaṃ boddhumadvayam

Sanskrit only: no published translation is held for this verse.

अबाधकं साधकं च द्वैतमीश्वरनिर्मितम् । अपनेतुमशक्यं चेत्यास्तां तद्द्विष्यते कुतः

abādhakaṃ sādhakaṃ ca dvaitamīśvaranirmitam | apanetumaśakyaṃ cetyāstāṃ taddviṣyate kutaḥ

Sanskrit only: no published translation is held for this verse.

जीवद्वैतं तु शास्त्रीयमशास्त्रीयमिति द्विधा । उपाददीता शास्त्रीयमातत्त्वस्यावबोधनात्

jīvadvaitaṃ tu śāstrīyamaśāstrīyamiti dvidhā | upādadītā śāstrīyamātattvasyāvabodhanāt

Sanskrit only: no published translation is held for this verse.

आत्मब्रह्मविचाराख्यं शास्त्रीयं मानसं जगत् । बुद्धे तत्त्वे तच्च हेयमिति श्रुत्यनुशासनम्

ātmabrahmavicārākhyaṃ śāstrīyaṃ mānasaṃ jagat | buddhe tattve tacca heyamiti śrutyanuśāsanam

Sanskrit only: no published translation is held for this verse.

शास्त्राण्यधीत्य मेधावी अभ्यस्य च पुनः पुनः । परमं ब्रह्म विज्ञाय उल्कावत्तान्यथोत्सृजेत्

śāstrāṇyadhītya medhāvī abhyasya ca punaḥ punaḥ | paramaṃ brahma vijñāya ulkāvattānyathotsṛjet

Sanskrit only: no published translation is held for this verse.

ग्रन्थमभ्यस्य मेधावी ज्ञानविज्ञानतत्परः । पलालमिव धान्यार्थी त्यजेद्ग्रन्थमशेषतः

granthamabhyasya medhāvī jñānavijñānatatparaḥ | palālamiva dhānyārthī tyajedgranthamaśeṣataḥ

Sanskrit only: no published translation is held for this verse.

तमेव धीरो विज्ञाय प्रज्ञां कुर्वीत ब्राह्मणः । नानुध्यायाद्बहूञ्छब्दान्वाचो विग्लापनं हि तत्

tameva dhīro vijñāya prajñāṃ kurvīta brāhmaṇaḥ | nānudhyāyādbahūñchabdānvāco viglāpanaṃ hi tat

Sanskrit only: no published translation is held for this verse.

तमेवैकं विजानीत ह्यन्या वाचो विमुञ्चथ । यच्चेद्वाङ्मनसी प्राज्ञ इत्याद्याः श्रुतयः स्फुटाः

tamevaikaṃ vijānīta hyanyā vāco vimuñcatha | yaccedvāṅmanasī prājña ityādyāḥ śrutayaḥ sphuṭāḥ

Sanskrit only: no published translation is held for this verse.

अशास्त्रीयमपि द्वैतं तीव्रं मन्दमिति द्विधा । कामक्रोधादिकं तीव्रं मनोराज्यं तथेतरत्

aśāstrīyamapi dvaitaṃ tīvraṃ mandamiti dvidhā | kāmakrodhādikaṃ tīvraṃ manorājyaṃ tathetarat

Sanskrit only: no published translation is held for this verse.

उभयं तत्त्वबोधात्प्राङ्निवार्यं बोधसिद्धये । समः समाहितत्वं च साधनेषु श्रुतं यतः

ubhayaṃ tattvabodhātprāṅnivāryaṃ bodhasiddhaye | samaḥ samāhitatvaṃ ca sādhaneṣu śrutaṃ yataḥ

Sanskrit only: no published translation is held for this verse.

बोधादूर्ध्वं च तद्धेयं जीवन्मुक्तिप्रसिद्धये । कामादिक्लेशबन्धेन युक्तस्य न हि मुक्तता

bodhādūrdhvaṃ ca taddheyaṃ jīvanmuktiprasiddhaye | kāmādikleśabandhena yuktasya na hi muktatā

Sanskrit only: no published translation is held for this verse.

जीवन्मुक्तिरियं मा भुज्जन्माभावे त्वहं कृती । तर्हि जन्मापि तेऽस्त्येव स्वर्गमात्रात्कृती भवान्

jīvanmuktiriyaṃ mā bhujjanmābhāve tvahaṃ kṛtī | tarhi janmāpi te'styeva svargamātrātkṛtī bhavān

Sanskrit only: no published translation is held for this verse.

क्षयातिशयदोषेण स्वर्गो हेयो यदा तदा । स्वयं दोषतमात्मायं कामादिः किं न हीयते

kṣayātiśayadoṣeṇa svargo heyo yadā tadā | svayaṃ doṣatamātmāyaṃ kāmādiḥ kiṃ na hīyate

Sanskrit only: no published translation is held for this verse.

तत्त्वं बुद्ध्वापि कामादीन्निःशेषं न जहासि चेत् । यथेष्टाचरणं ते स्यात्कर्मशास्त्रातिलङ्घिनः

tattvaṃ buddhvāpi kāmādīnniḥśeṣaṃ na jahāsi cet | yatheṣṭācaraṇaṃ te syātkarmaśāstrātilaṅghinaḥ

Sanskrit only: no published translation is held for this verse.

बुद्धाद्वैतसतत्त्वस्य यथेष्टाचरणं यदि । शुनां तत्त्वदृशां चैव कोभेदोऽशुचिभक्षणे

buddhādvaitasatattvasya yatheṣṭācaraṇaṃ yadi | śunāṃ tattvadṛśāṃ caiva kobhedo'śucibhakṣaṇe

Sanskrit only: no published translation is held for this verse.

बोधात् पुरा मनोदोषमात्रात्क्लिष्टोऽस्यथाधुना । अशेषलोकनिन्दा चेत्यहो ते बोधवैभवम्

bodhāt purā manodoṣamātrātkliṣṭo'syathādhunā | aśeṣalokanindā cetyaho te bodhavaibhavam

Sanskrit only: no published translation is held for this verse.

विड्वराहादितुल्यत्वं मा काङ्क्षीस्तत्त्वविद् भवान् । सर्वधीदोषसंत्यागाल्लोकैः पूज्यस्व देववत्

viḍvarāhāditulyatvaṃ mā kāṅkṣīstattvavid bhavān | sarvadhīdoṣasaṃtyāgāllokaiḥ pūjyasva devavat

Sanskrit only: no published translation is held for this verse.

काम्यादिदोषदृष्ट्याद्याः कामादित्यागहेतवः । प्रसिद्धा मोक्षशास्त्रेषु तानन्विष्य सुखी भव

kāmyādidoṣadṛṣṭyādyāḥ kāmādityāgahetavaḥ | prasiddhā mokṣaśāstreṣu tānanviṣya sukhī bhava

Sanskrit only: no published translation is held for this verse.

त्यज्यतामेष कामादिर्मनोराज्ये तु का क्षतिः । अशेषदोषबीजत्वात् क्षतिर्भगवतेरिता

tyajyatāmeṣa kāmādirmanorājye tu kā kṣatiḥ | aśeṣadoṣabījatvāt kṣatirbhagavateritā

Sanskrit only: no published translation is held for this verse.

ध्यायते विषयान्पुंसः सङ्गस्तेषूपजायते । सङ्गात्संजायते कामः कामात्क्रोधोऽभिजायते । क्रोधाद्भवति सम्मोहः सम्मोहात्स्मृतिविभ्रमः । स्मृतिभ्रंशाद्बुद्धिनाशो बुद्धिनाशात्प्रणश्यति

dhyāyate viṣayānpuṃsaḥ saṅgasteṣūpajāyate | saṅgātsaṃjāyate kāmaḥ kāmātkrodho'bhijāyate | krodhādbhavati sammohaḥ sammohātsmṛtivibhramaḥ | smṛtibhraṃśādbuddhināśo buddhināśātpraṇaśyati

Sanskrit only: no published translation is held for this verse.

शक्यं जेतुं मनोराज्यं निर्विकल्पसमाधितः । सुसम्पादः क्रमात्सोऽपि सविकल्पसमाधिना

śakyaṃ jetuṃ manorājyaṃ nirvikalpasamādhitaḥ | susampādaḥ kramātso'pi savikalpasamādhinā

Sanskrit only: no published translation is held for this verse.

बुद्धतत्त्वेन धीदोषशून्येनैकान्तवासिना । दीर्घं प्रणवमुच्चार्य मनोराज्यं विजीयते

buddhatattvena dhīdoṣaśūnyenaikāntavāsinā | dīrghaṃ praṇavamuccārya manorājyaṃ vijīyate

Sanskrit only: no published translation is held for this verse.

जिते तस्मिन् वृत्तिशून्यं मनस्तिष्ठति मूकवत् । एतत्पदं वशिष्ठेन रामाय बहुधेरितम्

jite tasmin vṛttiśūnyaṃ manastiṣṭhati mūkavat | etatpadaṃ vaśiṣṭhena rāmāya bahudheritam

Sanskrit only: no published translation is held for this verse.

दृश्यं नास्तीति बोधेन मनसो दृश्यमार्जनम् । सम्पन्नं चेत्तदोत्पन्ना परा निर्वाणनिर्वृतिः । विचारितमलं शास्त्रं चिरमुद्ग्राहितं मिथः । सन्त्यक्तवासनान्मौनादृते न्यस्त्युत्तमं पदम्

dṛśyaṃ nāstīti bodhena manaso dṛśyamārjanam | sampannaṃ cettadotpannā parā nirvāṇanirvṛtiḥ | vicāritamalaṃ śāstraṃ ciramudgrāhitaṃ mithaḥ | santyaktavāsanānmaunādṛte nyastyuttamaṃ padam

Sanskrit only: no published translation is held for this verse.

विक्षिप्यते कदाचिद्धीः कर्मणा भोगदायिना । पुनः समाहिता सा स्यात्तदैवाभ्यासपाटवात्

vikṣipyate kadāciddhīḥ karmaṇā bhogadāyinā | punaḥ samāhitā sā syāttadaivābhyāsapāṭavāt

Sanskrit only: no published translation is held for this verse.

विक्षेपो यस्य नास्त्यस्य ब्रह्मवित्त्वं न मन्यते । ब्रह्मैवायमिति प्राहुर्मुनयः पारदर्शिनः

vikṣepo yasya nāstyasya brahmavittvaṃ na manyate | brahmaivāyamiti prāhurmunayaḥ pāradarśinaḥ

Sanskrit only: no published translation is held for this verse.

दर्शनादर्शने हित्वा स्वयं केवलरूपतः । यस्तिष्ठति स तु ब्रह्मन्ब्रह्म न ब्रह्मवित्स्वयम्

darśanādarśane hitvā svayaṃ kevalarūpataḥ | yastiṣṭhati sa tu brahmanbrahma na brahmavitsvayam

Sanskrit only: no published translation is held for this verse.

जीवन्मुक्तेः परा काष्ठा जीवद्वैतविवर्जनात् । लभ्यतेऽसावतोऽत्रेदमीशद्वैताद्विवेचितम्

jīvanmukteḥ parā kāṣṭhā jīvadvaitavivarjanāt | labhyate'sāvato'tredamīśadvaitādvivecitam

Sanskrit only: no published translation is held for this verse.