Vidyāraṇya: Pañcadaśī 5

येनेक्षते शृणोतीदं जिघ्रति व्याकरोति च । स्वाद्वस्वादू विजानाति तत्प्रज्ञानमुदीरितम्

yenekṣate śṛṇotīdaṃ jighrati vyākaroti ca | svādvasvādū vijānāti tatprajñānamudīritam

Sanskrit only: no published translation is held for this verse.

चतुर्मुखेन्द्रदेवेषु मनुष्याश्वश्वगवादिषु । चैतन्यमेकं ब्रह्मातः प्रज्ञानं ब्रह्ममय्यपि

caturmukhendradeveṣu manuṣyāśvaśvagavādiṣu | caitanyamekaṃ brahmātaḥ prajñānaṃ brahmamayyapi

Sanskrit only: no published translation is held for this verse.

परिपूर्णः परात्मास्मिन्देहे विद्याधिकारिणि । बुद्धेः साक्षितया स्थित्वा स्फुरन्नहमितीर्यते

paripūrṇaḥ parātmāsmindehe vidyādhikāriṇi | buddheḥ sākṣitayā sthitvā sphurannahamitīryate

Sanskrit only: no published translation is held for this verse.

स्वतः पूर्णः परात्मात्र ब्रह्मशब्देन वर्णितः । अस्मीत्यैक्यपरामर्शस्तेन ब्रह्म भवाम्यहम्

svataḥ pūrṇaḥ parātmātra brahmaśabdena varṇitaḥ | asmītyaikyaparāmarśastena brahma bhavāmyaham

Sanskrit only: no published translation is held for this verse.

एकमेवाद्वितीयं सन्नामरूपविवर्जितम् । सृष्टेः पुराधुनाप्यस्य तादृक्त्वं तदितीर्यते

ekamevādvitīyaṃ sannāmarūpavivarjitam | sṛṣṭeḥ purādhunāpyasya tādṛktvaṃ taditīryate

Sanskrit only: no published translation is held for this verse.

श्रोतुर्देहेन्द्रियातीतं वस्त्वत्र त्वं पदेरितम् । एकता गृह्यतेऽसीति तदैक्यमनुभूयताम्

śroturdehendriyātītaṃ vastvatra tvaṃ paderitam | ekatā gṛhyate'sīti tadaikyamanubhūyatām

Sanskrit only: no published translation is held for this verse.

स्वप्रकाशापरोक्षत्वमयमित्युक्तितो मतम् । अहङ्कारादिदेहान्तात्प्रत्यगात्मेति गीयते

svaprakāśāparokṣatvamayamityuktito matam | ahaṅkārādidehāntātpratyagātmeti gīyate

Sanskrit only: no published translation is held for this verse.

दृश्यमानस्य सर्वस्य जगतस्तत्त्वमीर्यते । ब्रह्मशब्देन तद्ब्रह्म स्वप्रकाशात्मरूपकम्

dṛśyamānasya sarvasya jagatastattvamīryate | brahmaśabdena tadbrahma svaprakāśātmarūpakam

Sanskrit only: no published translation is held for this verse.