करोत्येवंविधां सृष्टिं कल्पादौ स पुनःपुनः। सिसृक्षुश्शक्तियुक्तोसौ सृज्य शक्तिप्रचोदितः
karotyevaṃvidhāṃ sṛṣṭiṃ kalpādau sa punaḥpunaḥ| sisṛkṣuśśaktiyuktosau sṛjya śaktipracoditaḥ
Sanskrit only: no published translation is held for this verse.
Library·Padma Purāṇa·1·1.3
Padma Purāṇa 1.3
भीष्म उवाच। अर्वाक्स्रोतास्तु कथितो भवता यस्तु मानुषः। ब्रह्मन्विस्तरतो ब्रूहि ब्रह्मा तमसृजद्यथा
bhīṣma uvāca| arvāksrotāstu kathito bhavatā yastu mānuṣaḥ| brahmanvistarato brūhi brahmā tamasṛjadyathā
Sanskrit only: no published translation is held for this verse.
यथा सवर्णानसृजद्गुणांश्च स महामुने। यच्च तेषां स्मृतं कर्म विप्रादीनां तदुच्यताम्
yathā savarṇānasṛjadguṇāṃśca sa mahāmune| yacca teṣāṃ smṛtaṃ karma viprādīnāṃ taducyatām
Sanskrit only: no published translation is held for this verse.
पुलस्त्य उवाच। सत्वाभिध्यायिनः पूर्वं सिसृक्षोर्ब्रह्मणः प्रजाः। अजायंत कुरुश्रेष्ठ सत्वोद्रिक्ता मुखात्प्रजाः
pulastya uvāca| satvābhidhyāyinaḥ pūrvaṃ sisṛkṣorbrahmaṇaḥ prajāḥ| ajāyaṃta kuruśreṣṭha satvodriktā mukhātprajāḥ
Sanskrit only: no published translation is held for this verse.
वक्षसो रजसोद्रिक्तास्तथान्या ब्रह्मणोभवन्। रजसस्तमसश्चैव समुद्रिक्तास्तथोरुतः
vakṣaso rajasodriktāstathānyā brahmaṇobhavan| rajasastamasaścaiva samudriktāstathorutaḥ
Sanskrit only: no published translation is held for this verse.
पद्भ्यामन्याः प्रजा ब्रह्मा ससर्ज कुरुसत्तम। तमःप्रधानास्ताः सर्वाश्चातुर्वर्ण्यमिदं ततः
padbhyāmanyāḥ prajā brahmā sasarja kurusattama| tamaḥpradhānāstāḥ sarvāścāturvarṇyamidaṃ tataḥ
Sanskrit only: no published translation is held for this verse.
ब्राह्मणाः क्षत्रिया वैश्याः शूद्राश्च नृपसत्तम। पादोरुवक्षस्थलतो मुखतश्च समुद्गताः
brāhmaṇāḥ kṣatriyā vaiśyāḥ śūdrāśca nṛpasattama| pādoruvakṣasthalato mukhataśca samudgatāḥ
Sanskrit only: no published translation is held for this verse.
यज्ञनिष्पत्तये सर्वमेतद्ब्रह्मा चकार ह। चातुर्वर्ण्यं महाराज यज्ञसाधनमुत्तमम्
yajñaniṣpattaye sarvametadbrahmā cakāra ha| cāturvarṇyaṃ mahārāja yajñasādhanamuttamam
Sanskrit only: no published translation is held for this verse.
यज्ञेनाप्यायिता देवा वृष्ट्युत्सर्गेण मानवाः। आप्यायंते धर्मयज्ञा यतः कल्याणहेतवः
yajñenāpyāyitā devā vṛṣṭyutsargeṇa mānavāḥ| āpyāyaṃte dharmayajñā yataḥ kalyāṇahetavaḥ
Sanskrit only: no published translation is held for this verse.
निष्पद्यंते नरैस्ते तु सुकर्मनिरतैः सदा। विरुद्धाचरणापेतैः सद्भिः सन्मार्गगामिभिः
niṣpadyaṃte naraiste tu sukarmanirataiḥ sadā| viruddhācaraṇāpetaiḥ sadbhiḥ sanmārgagāmibhiḥ
Sanskrit only: no published translation is held for this verse.
स्वर्गापवर्गं मानुष्यात्प्राप्नुवंति नरा नृप। यच्चाभिरुचितं स्थानं तद्यांति मनुजा विभो
svargāpavargaṃ mānuṣyātprāpnuvaṃti narā nṛpa| yaccābhirucitaṃ sthānaṃ tadyāṃti manujā vibho
Sanskrit only: no published translation is held for this verse.
प्रजास्ता ब्रह्मणा सृष्टाश्चातुर्वर्ण्यव्यवस्थितौ। सम्यक्शुद्धाः समाचारा चरणा नृपसत्तम
prajāstā brahmaṇā sṛṣṭāścāturvarṇyavyavasthitau| samyakśuddhāḥ samācārā caraṇā nṛpasattama
Sanskrit only: no published translation is held for this verse.
यथेच्छावासनिरताः सर्वबाधाविवर्जिताः। शुद्धांतःकरणाः शुद्धा धर्मानुष्ठाननिर्मलाः
yathecchāvāsaniratāḥ sarvabādhāvivarjitāḥ| śuddhāṃtaḥkaraṇāḥ śuddhā dharmānuṣṭhānanirmalāḥ
Sanskrit only: no published translation is held for this verse.
शुद्धे च तासां मनसि शुद्धांतःसंस्थिते हरौ। शुद्धज्ञानं प्रपश्यंति ब्रह्माख्यं येन तत्पदं
śuddhe ca tāsāṃ manasi śuddhāṃtaḥsaṃsthite harau| śuddhajñānaṃ prapaśyaṃti brahmākhyaṃ yena tatpadaṃ
Sanskrit only: no published translation is held for this verse.
ततः कालात्मको योसौ विरिंचा वा स उच्यते। संसारपातमत्यर्थं घोरमल्पाल्पसारवत्
tataḥ kālātmako yosau viriṃcā vā sa ucyate| saṃsārapātamatyarthaṃ ghoramalpālpasāravat
Sanskrit only: no published translation is held for this verse.
अधर्मबीजभूतं तत्तमोलोभसमुद्गतम्। प्रजासु तासु राजेंद्र रागादिक्रमसाधनम्
adharmabījabhūtaṃ tattamolobhasamudgatam| prajāsu tāsu rājeṃdra rāgādikramasādhanam
Sanskrit only: no published translation is held for this verse.
ततः सा सहजासिद्धिस्तेषां नातीव जायते। राजन्वश्यादयश्चान्याः सिद्धयोष्टौ भवंति याः
tataḥ sā sahajāsiddhisteṣāṃ nātīva jāyate| rājanvaśyādayaścānyāḥ siddhayoṣṭau bhavaṃti yāḥ
Sanskrit only: no published translation is held for this verse.
तासु क्षीणास्वशेषासु वर्द्धमाने च पातके। द्वंद्वाभिभवदुःखार्तास्ता भवंति ततः प्रजाः
tāsu kṣīṇāsvaśeṣāsu varddhamāne ca pātake| dvaṃdvābhibhavaduḥkhārtāstā bhavaṃti tataḥ prajāḥ
Sanskrit only: no published translation is held for this verse.
ततो दुर्गाणि ताश्चक्रुर्वार्क्षं पार्वतमौदकम्। धान्वनं च तथा दुर्गं पुरं खार्वटकादि यत्
tato durgāṇi tāścakrurvārkṣaṃ pārvatamaudakam| dhānvanaṃ ca tathā durgaṃ puraṃ khārvaṭakādi yat
Sanskrit only: no published translation is held for this verse.
गृहाणि च यथान्यायं तेषु चक्रुः पुरादिषु। शीततापादिबाधानां प्रशमाय महामते
gṛhāṇi ca yathānyāyaṃ teṣu cakruḥ purādiṣu| śītatāpādibādhānāṃ praśamāya mahāmate
Sanskrit only: no published translation is held for this verse.
प्रतिहारमिमं कृत्वा शीतादेस्ताः प्रजाः पुनः। वार्तोपायं ततश्चक्रुर्हस्तसिद्धिं च कर्मजाम्
pratihāramimaṃ kṛtvā śītādestāḥ prajāḥ punaḥ| vārtopāyaṃ tataścakrurhastasiddhiṃ ca karmajām
Sanskrit only: no published translation is held for this verse.
व्रीहयश्च यवाश्चैव गोधूमा अणवस्तिलाः। प्रियंगुकोविदाराश्च कोरदूषाः सचीनकाः
vrīhayaśca yavāścaiva godhūmā aṇavastilāḥ| priyaṃgukovidārāśca koradūṣāḥ sacīnakāḥ
Sanskrit only: no published translation is held for this verse.
माषा मुद्गा मसूराश्च निष्पावाः सकुलत्थकाः। अढकाश्चणकाश्चैव शणास्सप्तदश स्मृताः
māṣā mudgā masūrāśca niṣpāvāḥ sakulatthakāḥ| aḍhakāścaṇakāścaiva śaṇāssaptadaśa smṛtāḥ
Sanskrit only: no published translation is held for this verse.
इत्येता ओषधीनां तु ग्राम्याणां जातयो नृप। ओषध्यो यज्ञियाश्चैव ग्राम्यावन्याश्चतुर्दश
ityetā oṣadhīnāṃ tu grāmyāṇāṃ jātayo nṛpa| oṣadhyo yajñiyāścaiva grāmyāvanyāścaturdaśa
Sanskrit only: no published translation is held for this verse.
व्रीहयः सयवा माषा गोधूमा अणवस्तिलाः। प्रियंगुसप्तमा ह्येता अष्टमास्तु कुलुत्थकाः
vrīhayaḥ sayavā māṣā godhūmā aṇavastilāḥ| priyaṃgusaptamā hyetā aṣṭamāstu kulutthakāḥ
Sanskrit only: no published translation is held for this verse.
श्यामाकस्त्वथ नीवारो वर्तुलस्स गवेधुकः। अथ वेणुयवाः प्रोक्तास्तद्वन्मर्कटका नृप
śyāmākastvatha nīvāro vartulassa gavedhukaḥ| atha veṇuyavāḥ proktāstadvanmarkaṭakā nṛpa
Sanskrit only: no published translation is held for this verse.
ग्राम्या वन्याः स्मृता ह्येता ओषध्यश्च चतुर्दश। यज्ञनिष्पत्तये तद्वत्तथासां हेतुरुत्तमः १५० 1.3.150। एताश्च सहयज्ञेन प्रजानां कारणं परम्। परापरविदः प्राज्ञास्ततो यज्ञान्वितन्वते
grāmyā vanyāḥ smṛtā hyetā oṣadhyaśca caturdaśa| yajñaniṣpattaye tadvattathāsāṃ heturuttamaḥ 150 1.3.150| etāśca sahayajñena prajānāṃ kāraṇaṃ param| parāparavidaḥ prājñāstato yajñānvitanvate
Sanskrit only: no published translation is held for this verse.
अहन्यहन्यनुष्ठानं यज्ञानां पार्थिवोत्तम। उपकारकरं पुंसां क्रियमाणं फलार्थिनाम्
ahanyahanyanuṣṭhānaṃ yajñānāṃ pārthivottama| upakārakaraṃ puṃsāṃ kriyamāṇaṃ phalārthinām
Sanskrit only: no published translation is held for this verse.
येषां चकालसृष्टोसौ पपा(?)बिंदुर्महामते। मर्यादां स्थापयामास यथास्थानं यथागुणम्
yeṣāṃ cakālasṛṣṭosau papā(?)biṃdurmahāmate| maryādāṃ sthāpayāmāsa yathāsthānaṃ yathāguṇam
Sanskrit only: no published translation is held for this verse.
वर्णानामाश्रमाणां च धर्मान्धर्मभृतांवर। लोकांश्च सर्ववर्णानां सम्यग्धर्मानुपालिनाम्
varṇānāmāśramāṇāṃ ca dharmāndharmabhṛtāṃvara| lokāṃśca sarvavarṇānāṃ samyagdharmānupālinām
Sanskrit only: no published translation is held for this verse.
प्राजापत्यं ब्राह्मणानां स्मृतं स्थानं तु पार्थिव। स्थानमैंद्रं क्षत्रियाणां सङ्ग्रामेष्वनिवर्तिनाम्
prājāpatyaṃ brāhmaṇānāṃ smṛtaṃ sthānaṃ tu pārthiva| sthānamaiṃdraṃ kṣatriyāṇāṃ saṅgrāmeṣvanivartinām
Sanskrit only: no published translation is held for this verse.
वैश्यानाम्मारुतं स्थानं स्वधर्ममनुवर्तिनाम्। गान्धर्वं शूद्रजातीनां परिचर्या सुवर्तिनाम्
vaiśyānāmmārutaṃ sthānaṃ svadharmamanuvartinām| gāndharvaṃ śūdrajātīnāṃ paricaryā suvartinām
Sanskrit only: no published translation is held for this verse.
अष्टाशीतिसहस्राणां यतीनामूर्द्ध्वरेतसाम्। स्मृतं तेषां तु यत्स्थानं तदेव गुरुवासिनाम्
aṣṭāśītisahasrāṇāṃ yatīnāmūrddhvaretasām| smṛtaṃ teṣāṃ tu yatsthānaṃ tadeva guruvāsinām
Sanskrit only: no published translation is held for this verse.
सप्तर्षीणां च यत्स्थानं स्मृतं तद्वै वनौकसाम्। प्राजापत्यं गृहस्थानां न्यासिनां ब्राह्मसंज्ञितम्
saptarṣīṇāṃ ca yatsthānaṃ smṛtaṃ tadvai vanaukasām| prājāpatyaṃ gṛhasthānāṃ nyāsināṃ brāhmasaṃjñitam
Sanskrit only: no published translation is held for this verse.
योगिनाममृतं स्थानं ब्रह्मणः परमं पदं। एकांतिनः सदोद्युक्ता ध्यायिनो योगिनो हि ये१५९। तेषां तत्परमं स्थानं यत्तत्पश्यंति सूरयः। गतागतानि वर्त्तंते चंद्रादित्यादयो ग्रहाः
yogināmamṛtaṃ sthānaṃ brahmaṇaḥ paramaṃ padaṃ| ekāṃtinaḥ sadodyuktā dhyāyino yogino hi ye159| teṣāṃ tatparamaṃ sthānaṃ yattatpaśyaṃti sūrayaḥ| gatāgatāni varttaṃte caṃdrādityādayo grahāḥ
Sanskrit only: no published translation is held for this verse.
अद्यापि न निवर्तंते नारायणपरायणाः। तामिस्रमंधतामिस्रं महारौरव रौरवम्
adyāpi na nivartaṃte nārāyaṇaparāyaṇāḥ| tāmisramaṃdhatāmisraṃ mahāraurava rauravam
Sanskrit only: no published translation is held for this verse.
असिपत्रवनं घोरं कालसूत्रमवीचिमत्। विनिंदकानां वेदस्य यज्ञव्याघातकारिणाम्
asipatravanaṃ ghoraṃ kālasūtramavīcimat| viniṃdakānāṃ vedasya yajñavyāghātakāriṇām
Sanskrit only: no published translation is held for this verse.
स्थानमेतत्समाख्यातं स्वधर्मत्यागिनश्च ये। ततोभिध्यायतस्तस्य जज्ञिरे मानसाः प्रजाः
sthānametatsamākhyātaṃ svadharmatyāginaśca ye| tatobhidhyāyatastasya jajñire mānasāḥ prajāḥ
Sanskrit only: no published translation is held for this verse.
तच्छरीरसमुत्पन्नैः कायस्थैः करणैः सह। क्षेत्रज्ञाः समवर्त्तंत गात्रेभ्यस्तस्य धीमतः
taccharīrasamutpannaiḥ kāyasthaiḥ karaṇaiḥ saha| kṣetrajñāḥ samavarttaṃta gātrebhyastasya dhīmataḥ
Sanskrit only: no published translation is held for this verse.
ते सर्वे समवर्तंत ये मया प्रागुदाहृताः। देवाद्याः स्थावरां ताश्च त्रैगुण्यविषयेस्थिताः
te sarve samavartaṃta ye mayā prāgudāhṛtāḥ| devādyāḥ sthāvarāṃ tāśca traiguṇyaviṣayesthitāḥ
Sanskrit only: no published translation is held for this verse.
एवं भूतानि सृष्टानि स्थावराणि चराणि च। यदास्य ताः प्रजाः सर्वानव्यवर्द्धंतधीमतः
evaṃ bhūtāni sṛṣṭāni sthāvarāṇi carāṇi ca| yadāsya tāḥ prajāḥ sarvānavyavarddhaṃtadhīmataḥ
Sanskrit only: no published translation is held for this verse.
अथान्यान्मानसान्पुत्रान्सदृशानात्मनोऽसृजत्। भृगुं मां पुलहं चैव क्रतुमंगिरसं तथा
athānyānmānasānputrānsadṛśānātmano'sṛjat| bhṛguṃ māṃ pulahaṃ caiva kratumaṃgirasaṃ tathā
Sanskrit only: no published translation is held for this verse.
मरीचिं दक्षमत्रिं चवसिष्ठंचैवमानसान्। नवब्रह्माण इत्येतेपुराणे निश्चयं गताः
marīciṃ dakṣamatriṃ cavasiṣṭhaṃcaivamānasān| navabrahmāṇa ityetepurāṇe niścayaṃ gatāḥ
Sanskrit only: no published translation is held for this verse.
सनंदनादयो ये च पूर्वं सृष्टास्तु वेधसा। न ते लोकेष्वसज्जंत निरपेक्षाः प्रजासुते
sanaṃdanādayo ye ca pūrvaṃ sṛṣṭāstu vedhasā| na te lokeṣvasajjaṃta nirapekṣāḥ prajāsute
Sanskrit only: no published translation is held for this verse.
सर्वे ह्यागतविज्ञाना वीतरागा विमत्सराः। तेष्वेवं निरपेक्षेषु लोकसृष्टौ महात्मनः
sarve hyāgatavijñānā vītarāgā vimatsarāḥ| teṣvevaṃ nirapekṣeṣu lokasṛṣṭau mahātmanaḥ
Sanskrit only: no published translation is held for this verse.
ब्रह्मणोभून्महान्क्रोधस्त्रैलोक्यदहन क्षमः। तस्य क्रोधात्समुद्भूतं ज्वालामालावदीपितम्
brahmaṇobhūnmahānkrodhastrailokyadahana kṣamaḥ| tasya krodhātsamudbhūtaṃ jvālāmālāvadīpitam
Sanskrit only: no published translation is held for this verse.
ब्रह्मणस्तु तदा ज्योतिस्त्रैलोक्यमखिलं दहत्। भ्रकुटी कुटिलात्तस्य ललाटात्क्रोधदीपितात्
brahmaṇastu tadā jyotistrailokyamakhilaṃ dahat| bhrakuṭī kuṭilāttasya lalāṭātkrodhadīpitāt
Sanskrit only: no published translation is held for this verse.
समुत्पन्नस्तदा रुद्रो मध्याह्नार्कसमप्रभः। अर्द्धनारीनरवपुः प्रचण्डोति शरीरवान्
samutpannastadā rudro madhyāhnārkasamaprabhaḥ| arddhanārīnaravapuḥ pracaṇḍoti śarīravān
Sanskrit only: no published translation is held for this verse.
विभजात्मानमित्युक्त्वा तं ब्रह्मांतर्दधेः ततः। तथोक्तोसौ द्विधा स्त्रीत्वं पुरुषत्वं तथाकरोत्
vibhajātmānamityuktvā taṃ brahmāṃtardadheḥ tataḥ| tathoktosau dvidhā strītvaṃ puruṣatvaṃ tathākarot
Sanskrit only: no published translation is held for this verse.
बिभेद पुरुषत्वं च दशधा चैकधा च सः। सौम्यासौम्यैस्तथा रूपैः शांतैः स्त्रीत्वं च स प्रभुः
bibheda puruṣatvaṃ ca daśadhā caikadhā ca saḥ| saumyāsaumyaistathā rūpaiḥ śāṃtaiḥ strītvaṃ ca sa prabhuḥ
Sanskrit only: no published translation is held for this verse.
बिभेद बहुधा चैव स्वरूपैरसितैः सितैः। ततो ब्रह्मा स्वयंभूतं पूर्वं स्वायंभुवं प्रभुम्
bibheda bahudhā caiva svarūpairasitaiḥ sitaiḥ| tato brahmā svayaṃbhūtaṃ pūrvaṃ svāyaṃbhuvaṃ prabhum
Sanskrit only: no published translation is held for this verse.
आत्मानमेव कृतवान्प्रजापत्ये मनुं नृप। शतरूपां च तां नारीं तपोनिर्द्धूतकल्मषाम्
ātmānameva kṛtavānprajāpatye manuṃ nṛpa| śatarūpāṃ ca tāṃ nārīṃ taponirddhūtakalmaṣām
Sanskrit only: no published translation is held for this verse.
स्वायंभुवो मनुर्नाम पत्नीत्वे जगृहे प्रभुः। तस्माच्च पुरुषाद्देवी शतरूपा व्यजायत
svāyaṃbhuvo manurnāma patnītve jagṛhe prabhuḥ| tasmācca puruṣāddevī śatarūpā vyajāyata
Sanskrit only: no published translation is held for this verse.
प्रियव्रतोत्तातनपाद प्रसूत्याकूति संज्ञितम्। ददौ प्रसूतिं दक्षाय आकूतिं रुचये पुरा
priyavratottātanapāda prasūtyākūti saṃjñitam| dadau prasūtiṃ dakṣāya ākūtiṃ rucaye purā
Sanskrit only: no published translation is held for this verse.
प्रजापतिः स जग्राह तयोर्जज्ञे स दक्षिणः। पुत्रो यज्ञो महाभाग दंपत्योर्मिथुनं ततः
prajāpatiḥ sa jagrāha tayorjajñe sa dakṣiṇaḥ| putro yajño mahābhāga daṃpatyormithunaṃ tataḥ
Sanskrit only: no published translation is held for this verse.
यज्ञस्य दक्षिणायां तु पुत्रा द्वादश जज्ञिरे। यामा इति समाख्याता देवाः स्वायंभुवे मनौ
yajñasya dakṣiṇāyāṃ tu putrā dvādaśa jajñire| yāmā iti samākhyātā devāḥ svāyaṃbhuve manau
Sanskrit only: no published translation is held for this verse.
प्रसूत्यां च तथा दक्षश्चतस्रो विंशतिं तथा। ससर्ज कन्यास्तासां तु सम्यङ्नामानि मे शृणु
prasūtyāṃ ca tathā dakṣaścatasro viṃśatiṃ tathā| sasarja kanyāstāsāṃ tu samyaṅnāmāni me śṛṇu
Sanskrit only: no published translation is held for this verse.
श्रद्धा लक्ष्सीर्धृतिः पुष्टिस्तुष्टिर्मेधा क्रिया तथा। बुद्धिर्लज्जावपुः शांतिर्ऋद्धिः कीर्तिस्त्रयोदशी
śraddhā lakṣsīrdhṛtiḥ puṣṭistuṣṭirmedhā kriyā tathā| buddhirlajjāvapuḥ śāṃtirṛddhiḥ kīrtistrayodaśī
Sanskrit only: no published translation is held for this verse.
पत्न्यर्थं प्रतिजग्राह धर्मो दाक्षायिणीः प्रभुः। ताभ्यः शिष्टा यवीयस्य(स्प?) एकादश सुलोचनाः
patnyarthaṃ pratijagrāha dharmo dākṣāyiṇīḥ prabhuḥ| tābhyaḥ śiṣṭā yavīyasya(spa?) ekādaśa sulocanāḥ
Sanskrit only: no published translation is held for this verse.
ख्यातिः सत्यथ संभूतिः स्मृतिः प्रीतिः क्षमा तथा। सन्नतिश्चानसूया च ऊर्ज्जा स्वाहा स्वधा तथा
khyātiḥ satyatha saṃbhūtiḥ smṛtiḥ prītiḥ kṣamā tathā| sannatiścānasūyā ca ūrjjā svāhā svadhā tathā
Sanskrit only: no published translation is held for this verse.
भृगुर्भवो मरीचिश्च तथा चैवांगिरा मुनिः। अहं च पुलहश्चैव क्रतुर्मुनिवरस्तथा
bhṛgurbhavo marīciśca tathā caivāṃgirā muniḥ| ahaṃ ca pulahaścaiva kraturmunivarastathā
Sanskrit only: no published translation is held for this verse.
अत्रिर्वसिष्ठो वह्निश्च पितरश्च यथाक्रमम्। ख्यात्याद्या जगृहुः कन्या मुनयो राजसत्तम
atrirvasiṣṭho vahniśca pitaraśca yathākramam| khyātyādyā jagṛhuḥ kanyā munayo rājasattama
Sanskrit only: no published translation is held for this verse.
श्रद्धा कामं बलं लक्ष्मीर्नियमं धृतिरात्मजम्। संतोषं च तथा तुष्टिर्लोभं पुष्टिरसूयत
śraddhā kāmaṃ balaṃ lakṣmīrniyamaṃ dhṛtirātmajam| saṃtoṣaṃ ca tathā tuṣṭirlobhaṃ puṣṭirasūyata
Sanskrit only: no published translation is held for this verse.
मेधा श्रुतं क्रिया दण्डं नयं विनयमवे च। बोधं बुद्धिस्तथा लज्जा विनयं वपुरात्मजम्
medhā śrutaṃ kriyā daṇḍaṃ nayaṃ vinayamave ca| bodhaṃ buddhistathā lajjā vinayaṃ vapurātmajam
Sanskrit only: no published translation is held for this verse.
व्यवसायं प्रजज्ञे वै क्षेमं शान्तिरसूयत। सुखमृद्धिर्यशः कीर्तिरित्येते धर्मसूनवः
vyavasāyaṃ prajajñe vai kṣemaṃ śāntirasūyata| sukhamṛddhiryaśaḥ kīrtirityete dharmasūnavaḥ
Sanskrit only: no published translation is held for this verse.
कामान्नंदी सुतं हर्षं धर्मपौत्रमसूयत। हिंसा भार्यात्वधर्मस्य तस्य जज्ञे तदानृतं
kāmānnaṃdī sutaṃ harṣaṃ dharmapautramasūyata| hiṃsā bhāryātvadharmasya tasya jajñe tadānṛtaṃ
Sanskrit only: no published translation is held for this verse.
कन्या च निकृतिस्ताभ्यां भयं नरक एव च। माया च वेदना चैव मिथुनं द्वंद्वमेव च
kanyā ca nikṛtistābhyāṃ bhayaṃ naraka eva ca| māyā ca vedanā caiva mithunaṃ dvaṃdvameva ca
Sanskrit only: no published translation is held for this verse.
तयोर्जज्ञेथ वै माया मृत्युं भूतापहारिणम्। वेदनायास्ततश्चापि दुःखं जज्ञेथ रौरवात्
tayorjajñetha vai māyā mṛtyuṃ bhūtāpahāriṇam| vedanāyāstataścāpi duḥkhaṃ jajñetha rauravāt
Sanskrit only: no published translation is held for this verse.
मृत्योर्व्याधिजराशोक तृष्णाक्रोधाश्च जज्ञिरे। दुःखोत्तराः स्मृता ह्येते सर्वे चाधर्मलक्षणाः
mṛtyorvyādhijarāśoka tṛṣṇākrodhāśca jajñire| duḥkhottarāḥ smṛtā hyete sarve cādharmalakṣaṇāḥ
Sanskrit only: no published translation is held for this verse.
नैषां भार्यास्ति पुत्रो वा ते सर्वे ह्यूर्द्ध्वरेतसः। रौद्राण्येतानि रूपाणि ब्रह्मणो नृवरात्मज
naiṣāṃ bhāryāsti putro vā te sarve hyūrddhvaretasaḥ| raudrāṇyetāni rūpāṇi brahmaṇo nṛvarātmaja
Sanskrit only: no published translation is held for this verse.
नित्यं प्रलयहेतुत्वं जगतोस्य प्रयांति वै। रुद्रसर्गं प्रवक्ष्यामि यथा ब्रह्मा चकार हा(?)
nityaṃ pralayahetutvaṃ jagatosya prayāṃti vai| rudrasargaṃ pravakṣyāmi yathā brahmā cakāra hā(?)
Sanskrit only: no published translation is held for this verse.
कल्पादावात्मनस्तुल्यं सुतं प्रध्यायतस्ततः। प्रादुरासीत्प्रभोरंके कुमारो नीललोहितः
kalpādāvātmanastulyaṃ sutaṃ pradhyāyatastataḥ| prādurāsītprabhoraṃke kumāro nīlalohitaḥ
Sanskrit only: no published translation is held for this verse.
रुदन्वै सुस्वरं सोथ द्रवंश्च नृपसत्तम। किं रोदिषीति तं देवो रुदंतं प्रत्युवाच ह
rudanvai susvaraṃ sotha dravaṃśca nṛpasattama| kiṃ rodiṣīti taṃ devo rudaṃtaṃ pratyuvāca ha
Sanskrit only: no published translation is held for this verse.
नामधेहीति तं सोथ प्रत्युवाच प्रजापतिम्। रोदनाद्रुद्रनामासि मा रोदीर्धैर्यमावह
nāmadhehīti taṃ sotha pratyuvāca prajāpatim| rodanādrudranāmāsi mā rodīrdhairyamāvaha
Sanskrit only: no published translation is held for this verse.
एवमुक्तः पुनस्सोथ सप्तकृत्वो रुरोद ह। ततोन्यानि ददौ तस्मै सप्तनामानि वै प्रभुः २०० 1.3.200। मूर्त्तीनां चैवमष्टानां स्थानान्यष्टौ चकार ह। भवं शर्वमथेशानं तथा पशुपतिं नृप
evamuktaḥ punassotha saptakṛtvo ruroda ha| tatonyāni dadau tasmai saptanāmāni vai prabhuḥ 200 1.3.200| mūrttīnāṃ caivamaṣṭānāṃ sthānānyaṣṭau cakāra ha| bhavaṃ śarvamatheśānaṃ tathā paśupatiṃ nṛpa
Sanskrit only: no published translation is held for this verse.
भीममुग्रं महादेवमुवाच स पितामहः। सूर्यो जलं मही वह्निर्वायुराकाशमेव च
bhīmamugraṃ mahādevamuvāca sa pitāmahaḥ| sūryo jalaṃ mahī vahnirvāyurākāśameva ca
Sanskrit only: no published translation is held for this verse.
दीक्षितो ब्राह्मणः सोम इत्येते तनवः कमात्। एवं प्रकारो रुद्रोसौ सतीं भार्यामविंदत
dīkṣito brāhmaṇaḥ soma ityete tanavaḥ kamāt| evaṃ prakāro rudrosau satīṃ bhāryāmaviṃdata
Sanskrit only: no published translation is held for this verse.
दक्षकोपाच्च तत्याज सा सती स्वं कलेवरम्। हिमवद्दुहिता साभून्मेनायां नृपसत्तम
dakṣakopācca tatyāja sā satī svaṃ kalevaram| himavadduhitā sābhūnmenāyāṃ nṛpasattama
Sanskrit only: no published translation is held for this verse.
उपयेमे पुनश्चैव याचित्वा भगवान्भवः। दाक्षी धातृविधातारौ भृगोः ख्यातिरसूयत
upayeme punaścaiva yācitvā bhagavānbhavaḥ| dākṣī dhātṛvidhātārau bhṛgoḥ khyātirasūyata
Sanskrit only: no published translation is held for this verse.
श्रियं च देवदेवस्य पत्नी नारायणस्य या
śriyaṃ ca devadevasya patnī nārāyaṇasya yā
Sanskrit only: no published translation is held for this verse.