Padma Purāṇa 1.49

उत्तरे पश्चिमे चैव न स्वपेद्धि कदाचन। स्वप्नादायुः क्षयं याति ब्रह्महा पुरुषो भवेत्

uttare paścime caiva na svapeddhi kadācana| svapnādāyuḥ kṣayaṃ yāti brahmahā puruṣo bhavet

Sanskrit only: no published translation is held for this verse.

न कुर्वीत ततः स्वप्नं शस्तं च पूर्वदक्षिणम्। आयुष्यं प्राङ्मुखो भुंक्तेऽयशस्यं दक्षिणामुखः

na kurvīta tataḥ svapnaṃ śastaṃ ca pūrvadakṣiṇam| āyuṣyaṃ prāṅmukho bhuṃkte'yaśasyaṃ dakṣiṇāmukhaḥ

Sanskrit only: no published translation is held for this verse.

श्रियं प्रत्यङ्मुखो भुंक्ते यशो भुङ्क्त उदङ्मुखः। प्राच्यां नरो लभेदायुर्याम्यां प्रेतत्वमश्नुते

śriyaṃ pratyaṅmukho bhuṃkte yaśo bhuṅkta udaṅmukhaḥ| prācyāṃ naro labhedāyuryāmyāṃ pretatvamaśnute

Sanskrit only: no published translation is held for this verse.

वारुणे च भवेद्रोगी आयुर्वित्तं तथोत्तरे। देवानामेकभुक्तं तु द्विभुक्तं स्यान्नरस्य च

vāruṇe ca bhavedrogī āyurvittaṃ tathottare| devānāmekabhuktaṃ tu dvibhuktaṃ syānnarasya ca

Sanskrit only: no published translation is held for this verse.

त्रिभुक्तं प्रेतदैत्यस्य चतुर्थं कौणपस्य तु। निरामिषं हविर्देवा मत्स्यमांसादि मानुषाः

tribhuktaṃ pretadaityasya caturthaṃ kauṇapasya tu| nirāmiṣaṃ havirdevā matsyamāṃsādi mānuṣāḥ

Sanskrit only: no published translation is held for this verse.

पूतिपर्युषितं दुष्टमन्ये भुंजंत्यनावृताः। स्वर्गस्थितानामिह जीवलोके चत्वारि तेषां हृदये च संति

pūtiparyuṣitaṃ duṣṭamanye bhuṃjaṃtyanāvṛtāḥ| svargasthitānāmiha jīvaloke catvāri teṣāṃ hṛdaye ca saṃti

Sanskrit only: no published translation is held for this verse.

दानं प्रशस्तं मधुरा च वाणी देवार्चनं ब्राह्मणतर्पणं च। कार्पण्यवृत्तिस्वजनेषु निंदा कुचेलता नीचजनेषु भक्तिः

dānaṃ praśastaṃ madhurā ca vāṇī devārcanaṃ brāhmaṇatarpaṇaṃ ca| kārpaṇyavṛttisvajaneṣu niṃdā kucelatā nīcajaneṣu bhaktiḥ

Sanskrit only: no published translation is held for this verse.

अतीव रोषः कटुका च वाणी नरस्य चिह्नं नरकागतस्य। नवनीतोपमा वाणी करुणा कोमलं मनः

atīva roṣaḥ kaṭukā ca vāṇī narasya cihnaṃ narakāgatasya| navanītopamā vāṇī karuṇā komalaṃ manaḥ

Sanskrit only: no published translation is held for this verse.

धर्मबीजप्रसूतानामेतत्प्रत्यक्ष लक्षणम्। दयादरिद्रहृदयं वचः क्रकच कर्कशम्

dharmabījaprasūtānāmetatpratyakṣa lakṣaṇam| dayādaridrahṛdayaṃ vacaḥ krakaca karkaśam

Sanskrit only: no published translation is held for this verse.

पापबीजप्रसूतानामेतत्प्रत्यक्ष लक्षणम्। श्रावयेच्छृणुयाद्वापि सदाचारादिकं नरः

pāpabījaprasūtānāmetatpratyakṣa lakṣaṇam| śrāvayecchṛṇuyādvāpi sadācārādikaṃ naraḥ

Sanskrit only: no published translation is held for this verse.

आचारादेः फलं लब्ध्वा पापात्पूतोऽच्युतो दिवि

ācārādeḥ phalaṃ labdhvā pāpātpūto'cyuto divi

Sanskrit only: no published translation is held for this verse.