Padma Purāṇa 1.50

सपिंडानामशौचं स्याद्यावद्गेहे स तिष्ठति। पुत्रस्य यन्निषिद्धं तु शृणु तात वदाम्यहम्

sapiṃḍānāmaśaucaṃ syādyāvadgehe sa tiṣṭhati| putrasya yanniṣiddhaṃ tu śṛṇu tāta vadāmyaham

Sanskrit only: no published translation is held for this verse.

ब्रह्मचारी सदाचारी न गच्छेच्च स्त्रियं क्वचित्। सप्तघट्याः परं चैव नवघट्याश्च पूर्वतः

brahmacārī sadācārī na gacchecca striyaṃ kvacit| saptaghaṭyāḥ paraṃ caiva navaghaṭyāśca pūrvataḥ

Sanskrit only: no published translation is held for this verse.

स कालः कुतपो ज्ञेयः पितॄणां दत्तमक्षयम्। श्राद्धे त्रीणि पवित्राणि दौहित्रं कुतपस्तिलाः

sa kālaḥ kutapo jñeyaḥ pitṝṇāṃ dattamakṣayam| śrāddhe trīṇi pavitrāṇi dauhitraṃ kutapastilāḥ

Sanskrit only: no published translation is held for this verse.

त्रीणि चात्र प्रशंसंति सत्यमक्रोधमत्वराम्। सायं संध्यां परान्नं च पुनर्भोजनमैथुनम्

trīṇi cātra praśaṃsaṃti satyamakrodhamatvarām| sāyaṃ saṃdhyāṃ parānnaṃ ca punarbhojanamaithunam

Sanskrit only: no published translation is held for this verse.

दानं प्रतिग्रहं चैव श्राद्धं कृत्वा विवर्जयेत्। अकर्तव्यशतं कृत्वा श्राद्धं कुर्याद्विचक्षणः

dānaṃ pratigrahaṃ caiva śrāddhaṃ kṛtvā vivarjayet| akartavyaśataṃ kṛtvā śrāddhaṃ kuryādvicakṣaṇaḥ

Sanskrit only: no published translation is held for this verse.

तच्च कर्तव्यतामेति स्वयमुक्तं विरिंचिना। शृणु पुत्र पुरावृत्तं बहूनां च वदाम्यहम्

tacca kartavyatāmeti svayamuktaṃ viriṃcinā| śṛṇu putra purāvṛttaṃ bahūnāṃ ca vadāmyaham

Sanskrit only: no published translation is held for this verse.

गुरोर्गोहननं कृत्वा ददुः श्राद्धं ययुर्दिवम्। तेषां च कीर्त्तनादेव श्राद्धं भवति चाक्षयम्

gurorgohananaṃ kṛtvā daduḥ śrāddhaṃ yayurdivam| teṣāṃ ca kīrttanādeva śrāddhaṃ bhavati cākṣayam

Sanskrit only: no published translation is held for this verse.

वसिष्ठस्य मुनेः शिष्या ब्राह्मणास्सप्त सुव्रताः। पितृश्राद्धे समायाते होमधेनुं गुरोः प्रियाम्

vasiṣṭhasya muneḥ śiṣyā brāhmaṇāssapta suvratāḥ| pitṛśrāddhe samāyāte homadhenuṃ guroḥ priyām

Sanskrit only: no published translation is held for this verse.

प्रार्थयित्वा गृहं नीत्वा सप्तभिर्भ्रातृभिर्मुदा। गव्यार्थं पितृयज्ञे तां धेनुं हत्वा विमृश्य च

prārthayitvā gṛhaṃ nītvā saptabhirbhrātṛbhirmudā| gavyārthaṃ pitṛyajñe tāṃ dhenuṃ hatvā vimṛśya ca

Sanskrit only: no published translation is held for this verse.

ददुर्मांसं च विप्रे च शेषं विप्रांस्त्वभोजयन्। समाप्य पितृकर्माणि वत्सं संगृह्यते द्विजाः

dadurmāṃsaṃ ca vipre ca śeṣaṃ viprāṃstvabhojayan| samāpya pitṛkarmāṇi vatsaṃ saṃgṛhyate dvijāḥ

Sanskrit only: no published translation is held for this verse.

गुरौ समर्पयामासुर्धेनुर्व्याघ्रेण भक्षिता। ततस्तपोर्बलादेव ज्ञात्वा तेषां च कारणम्

gurau samarpayāmāsurdhenurvyāghreṇa bhakṣitā| tatastaporbalādeva jñātvā teṣāṃ ca kāraṇam

Sanskrit only: no published translation is held for this verse.

स शशाप ततः शिष्यांश्चाडालाश्च भविष्यथ। वेपमानास्ततो विप्राः कृतांजलिपुटाः स्थिताः

sa śaśāpa tataḥ śiṣyāṃścāḍālāśca bhaviṣyatha| vepamānāstato viprāḥ kṛtāṃjalipuṭāḥ sthitāḥ

Sanskrit only: no published translation is held for this verse.

धेनोर्मांसंप्रदातारः पितृकृत्ये सदानघ। अकर्तव्यसहस्राणि महांति पातकानि च

dhenormāṃsaṃpradātāraḥ pitṛkṛtye sadānagha| akartavyasahasrāṇi mahāṃti pātakāni ca

Sanskrit only: no published translation is held for this verse.

कुर्वंतः पितृकार्येषु पापात्पूता दिवं गताः। श्रुतं बहुविधं नाथ मुखात्ते च पुरातनम्

kurvaṃtaḥ pitṛkāryeṣu pāpātpūtā divaṃ gatāḥ| śrutaṃ bahuvidhaṃ nātha mukhātte ca purātanam

Sanskrit only: no published translation is held for this verse.

क्षंतुमर्हसि धर्मज्ञ शापस्यांतो विधीयताम्। वसिष्ठ उवाच-। शापो वोथ यथा पाप्मा न तु धर्मविचारणात्

kṣaṃtumarhasi dharmajña śāpasyāṃto vidhīyatām| vasiṣṭha uvāca-| śāpo votha yathā pāpmā na tu dharmavicāraṇāt

Sanskrit only: no published translation is held for this verse.

चांडालादौ समुत्पन्नाः पुरावृत्तं स्मरिष्यथ। न च वो ज्ञानलोपश्च स्मृतिशास्त्रमनष्टकम्

cāṃḍālādau samutpannāḥ purāvṛttaṃ smariṣyatha| na ca vo jñānalopaśca smṛtiśāstramanaṣṭakam

Sanskrit only: no published translation is held for this verse.

पापयोनिं समुत्तीर्य पश्चान्मोक्षं गमिष्यथ। ततः प्राणान्परित्यज्य गुरुशापात्तु ते द्विजाः

pāpayoniṃ samuttīrya paścānmokṣaṃ gamiṣyatha| tataḥ prāṇānparityajya guruśāpāttu te dvijāḥ

Sanskrit only: no published translation is held for this verse.

जाताश्चांडालयोनौ तु सर्वे ज्ञानसमन्विताः। स्तन्यं तैस्तु न पीतं वै स्मरद्भिः पूर्वजन्म तत्

jātāścāṃḍālayonau tu sarve jñānasamanvitāḥ| stanyaṃ taistu na pītaṃ vai smaradbhiḥ pūrvajanma tat

Sanskrit only: no published translation is held for this verse.

मृता जाता मृगाः सर्वे चक्रवाकाः पुनर्वने। हंसास्तु मानसे तीर्थे शुक्ला जाताः पुनर्द्विजाः

mṛtā jātā mṛgāḥ sarve cakravākāḥ punarvane| haṃsāstu mānase tīrthe śuklā jātāḥ punardvijāḥ

Sanskrit only: no published translation is held for this verse.

मुमूर्षवो महाभागा मृतास्ते खेदकारणात्। तस्मिन्काले महाराजो धर्मकेतुरिति स्मृतः

mumūrṣavo mahābhāgā mṛtāste khedakāraṇāt| tasminkāle mahārājo dharmaketuriti smṛtaḥ

Sanskrit only: no published translation is held for this verse.

ययौ स्नातुं ततस्तीर्थं सदारः सपरिच्छदः। ततो हंसास्त्रयो मोहाद्राज्यं भोग्यं तु योषितः

yayau snātuṃ tatastīrthaṃ sadāraḥ saparicchadaḥ| tato haṃsāstrayo mohādrājyaṃ bhogyaṃ tu yoṣitaḥ

Sanskrit only: no published translation is held for this verse.

भक्ष्याणि चिंतयंतश्च लोकांतरमयुस्तदा। ज्ञात्वा वेदं च वेदांगं मोक्षं यास्यामहे वयम्

bhakṣyāṇi ciṃtayaṃtaśca lokāṃtaramayustadā| jñātvā vedaṃ ca vedāṃgaṃ mokṣaṃ yāsyāmahe vayam

Sanskrit only: no published translation is held for this verse.

चिंतयंतो गता अन्ये ततो लोकांतरं प्रति। अथ त्रयो नृपा जाताश्चत्वारो विप्रसत्तमाः

ciṃtayaṃto gatā anye tato lokāṃtaraṃ prati| atha trayo nṛpā jātāścatvāro viprasattamāḥ

Sanskrit only: no published translation is held for this verse.

कुरुक्षेत्रे ततो वेदान्वेदांगानि समंततः। तपोबलाद्विदंति स्म वार्तां चामुत्र चेह च

kurukṣetre tato vedānvedāṃgāni samaṃtataḥ| tapobalādvidaṃti sma vārtāṃ cāmutra ceha ca

Sanskrit only: no published translation is held for this verse.

त्रयो राजकुले जाता राजानो मदमोहिताः। ज्ञानलोपात्परं लोकं न जानंति हिताहितम्

trayo rājakule jātā rājāno madamohitāḥ| jñānalopātparaṃ lokaṃ na jānaṃti hitāhitam

Sanskrit only: no published translation is held for this verse.

ते च विप्राश्च संदेहादाहूय चेटकं स्वकम्। राज्ञो गच्छ स्वकार्पण्यात्पत्रं देहि च संभ्रमात्

te ca viprāśca saṃdehādāhūya ceṭakaṃ svakam| rājño gaccha svakārpaṇyātpatraṃ dehi ca saṃbhramāt

Sanskrit only: no published translation is held for this verse.

सप्त व्याधा दशार्णेषु मृगाः कालंजरे गिरौ। चक्रवाकाः शरद्वीपे हंसाः सरसि मानसे

sapta vyādhā daśārṇeṣu mṛgāḥ kālaṃjare girau| cakravākāḥ śaradvīpe haṃsāḥ sarasi mānase

Sanskrit only: no published translation is held for this verse.

तेपि जाताः कुरुक्षेत्रे ब्राह्मणा वेदपारगाः। प्रस्थिता दूतमध्वानं यूयं किमवसीदथ

tepi jātāḥ kurukṣetre brāhmaṇā vedapāragāḥ| prasthitā dūtamadhvānaṃ yūyaṃ kimavasīdatha

Sanskrit only: no published translation is held for this verse.

गृहीत्वा चेटको लेखं राज्ञस्तु समदर्शयत्। दृष्ट्वा लेखं तु राजानो राज्यं त्यक्त्वा ययुर्द्विजान्

gṛhītvā ceṭako lekhaṃ rājñastu samadarśayat| dṛṣṭvā lekhaṃ tu rājāno rājyaṃ tyaktvā yayurdvijān

Sanskrit only: no published translation is held for this verse.

श्रुत्वा वाक्यं ततस्तेषां गतास्ते च तपोधनाः। अचिरेणैव कालेन मोक्षं याताश्च तैस्सह

śrutvā vākyaṃ tatasteṣāṃ gatāste ca tapodhanāḥ| acireṇaiva kālena mokṣaṃ yātāśca taissaha

Sanskrit only: no published translation is held for this verse.

य इदं शृणुयाच्छ्राद्धे सप्तव्याधादिकं द्विज। अक्षयं चान्नपानं च पितॄणामुपतिष्ठति

ya idaṃ śṛṇuyācchrāddhe saptavyādhādikaṃ dvija| akṣayaṃ cānnapānaṃ ca pitṝṇāmupatiṣṭhati

Sanskrit only: no published translation is held for this verse.

द्विज उवाच-। वित्तहीनस्य विप्रस्य पितृकार्यं कथं भवेत्। तपस्विनो वनस्थस्य गृहस्थस्य च केशव

dvija uvāca-| vittahīnasya viprasya pitṛkāryaṃ kathaṃ bhavet| tapasvino vanasthasya gṛhasthasya ca keśava

Sanskrit only: no published translation is held for this verse.

भगवानुवाच-। तृणकाष्ठार्जनं कृत्वा प्रार्थयित्वा वराटकम्। करोति पितृकार्याणि ततो लक्षगुणं भवेत् ३०० 1.50.300। अकर्तव्यं शतं कृत्वा पितृश्राद्धं करोति यः। सर्वपापक्षयस्तस्य स्वर्गं याति च मानवः

bhagavānuvāca-| tṛṇakāṣṭhārjanaṃ kṛtvā prārthayitvā varāṭakam| karoti pitṛkāryāṇi tato lakṣaguṇaṃ bhavet 300 1.50.300| akartavyaṃ śataṃ kṛtvā pitṛśrāddhaṃ karoti yaḥ| sarvapāpakṣayastasya svargaṃ yāti ca mānavaḥ

Sanskrit only: no published translation is held for this verse.

सर्वाभावे पितृतिथौ गोभ्यो घासं ददाति यः। फलं च पिंडदानस्य संप्राप्नोत्यधिकं नरः

sarvābhāve pitṛtithau gobhyo ghāsaṃ dadāti yaḥ| phalaṃ ca piṃḍadānasya saṃprāpnotyadhikaṃ naraḥ

Sanskrit only: no published translation is held for this verse.

पुरा वैराटविषये रुरोदातीव दीनकः। पितृतिथौ स्वयं प्राप्ते सर्वाभावाच्च रोदिति

purā vairāṭaviṣaye rurodātīva dīnakaḥ| pitṛtithau svayaṃ prāpte sarvābhāvācca roditi

Sanskrit only: no published translation is held for this verse.

रुदित्वा सुचिरं सोपि पप्रच्छ कोविदं द्विजं। ब्रह्मन्पितृतिथावद्य किंस्वित्कृत्वा हितं भवेत्

ruditvā suciraṃ sopi papraccha kovidaṃ dvijaṃ| brahmanpitṛtithāvadya kiṃsvitkṛtvā hitaṃ bhavet

Sanskrit only: no published translation is held for this verse.

वराटकश्च मे नास्ति धनं ब्रह्मविदांवर। उपदेशं च मे देहि येन धर्मे स्थितो ह्यहम्

varāṭakaśca me nāsti dhanaṃ brahmavidāṃvara| upadeśaṃ ca me dehi yena dharme sthito hyaham

Sanskrit only: no published translation is held for this verse.

द्विज उवाच-। गच्छ शीघ्रं वने तात मुहूर्ते कुतपेऽधुना। घासं पितरमुद्दिश्य गवे देहीति सत्वरम्

dvija uvāca-| gaccha śīghraṃ vane tāta muhūrte kutape'dhunā| ghāsaṃ pitaramuddiśya gave dehīti satvaram

Sanskrit only: no published translation is held for this verse.

ततस्तस्योपदेशेन गृहीत्वा घासपूलकम्। गवे दत्वा यथाहृष्टः पुष्ट्यर्थं पितुरेव च

tatastasyopadeśena gṛhītvā ghāsapūlakam| gave datvā yathāhṛṣṭaḥ puṣṭyarthaṃ pitureva ca

Sanskrit only: no published translation is held for this verse.

एतत्पुण्यप्रसादेन गतोसौ सुरमंदिरम्। स्वर्गं च सुचिरं भुक्त्वा उत्पन्नो धनिनां कुले

etatpuṇyaprasādena gatosau suramaṃdiram| svargaṃ ca suciraṃ bhuktvā utpanno dhanināṃ kule

Sanskrit only: no published translation is held for this verse.

धनवान्स पुरा पुण्यात्पितृयज्ञस्य कारणात्। स ददाति पितुः पिंडं सर्वस्वेन धनेन च

dhanavānsa purā puṇyātpitṛyajñasya kāraṇāt| sa dadāti pituḥ piṃḍaṃ sarvasvena dhanena ca

Sanskrit only: no published translation is held for this verse.

तत्रैकजन्मनोभ्यासाद्गतोसौ विष्णुमंदिरम्। भुक्त्वानन्तसुखं तत्र सार्वभौमोभवन्नृपः

tatraikajanmanobhyāsādgatosau viṣṇumaṃdiram| bhuktvānantasukhaṃ tatra sārvabhaumobhavannṛpaḥ

Sanskrit only: no published translation is held for this verse.

पितृयज्ञात्परो यस्माद्धर्मो नास्ति कथंचन। तस्मात्सर्वप्रयत्नेन शक्त्या कुर्यादमत्सरः

pitṛyajñātparo yasmāddharmo nāsti kathaṃcana| tasmātsarvaprayatnena śaktyā kuryādamatsaraḥ

Sanskrit only: no published translation is held for this verse.

यः पठेद्धर्मसंतानं जनानामग्रतो नरः। विष्णुपद्या जले स्नानं प्रति लोके च लभ्यते

yaḥ paṭheddharmasaṃtānaṃ janānāmagrato naraḥ| viṣṇupadyā jale snānaṃ prati loke ca labhyate

Sanskrit only: no published translation is held for this verse.

जन्मजन्मकृतो येन महापातकसंचयः। तत्सर्वं प्रलयं याति सकृदुच्चरिते श्रुते

janmajanmakṛto yena mahāpātakasaṃcayaḥ| tatsarvaṃ pralayaṃ yāti sakṛduccarite śrute

Sanskrit only: no published translation is held for this verse.