Library·Padma Purāṇa·2·2.10
ऋषय ऊचुः- ततस्ते दानवाः सर्वे हिरण्यकशिपूत्तराः । युद्धाद्भग्नास्तु किं कुर्युर्व्यवसायं महामते
ṛṣaya ūcuḥ- tataste dānavāḥ sarve hiraṇyakaśipūttarāḥ | yuddhādbhagnāstu kiṃ kuryurvyavasāyaṃ mahāmate
Sanskrit only: no published translation is held for this verse.
विस्तरेणापि नो ब्रूहि तेषां वृत्तमनुत्तमम् । श्रोतुमिच्छामहे सर्वे त्वत्तो वै सांप्रतं द्विज
vistareṇāpi no brūhi teṣāṃ vṛttamanuttamam | śrotumicchāmahe sarve tvatto vai sāṃprataṃ dvija
Sanskrit only: no published translation is held for this verse.
सूत उवाच- भग्ना रणात्तु ते सर्वे बलहीनास्तु वै तदा । गतदर्पाः सुदुःखार्ता दैत्यास्ते पितरं गताः
sūta uvāca- bhagnā raṇāttu te sarve balahīnāstu vai tadā | gatadarpāḥ suduḥkhārtā daityāste pitaraṃ gatāḥ
Sanskrit only: no published translation is held for this verse.
भक्त्या प्रणम्य ते सर्वे समूचुः कश्यपं तदा । दानवा ऊचुः- भवद्वीर्यात्समुत्पत्तिरस्माकं द्विजसत्तम
bhaktyā praṇamya te sarve samūcuḥ kaśyapaṃ tadā | dānavā ūcuḥ- bhavadvīryātsamutpattirasmākaṃ dvijasattama
Sanskrit only: no published translation is held for this verse.
देवतानां महाभाग दानवानां तथैव च । वयं च दानवाः सर्वे बलवीर्यपराक्रमाः
devatānāṃ mahābhāga dānavānāṃ tathaiva ca | vayaṃ ca dānavāḥ sarve balavīryaparākramāḥ
Sanskrit only: no published translation is held for this verse.
उपायज्ञाः सुधीराश्च उद्यमेन समन्विताः । वयं तु बहवस्तात देवास्त्वल्पास्तथैव च
upāyajñāḥ sudhīrāśca udyamena samanvitāḥ | vayaṃ tu bahavastāta devāstvalpāstathaiva ca
Sanskrit only: no published translation is held for this verse.
कथं जयंति ते सर्वे वयं भग्ना महाहवात् । तत्किं वै कारणं तात बलतेजः समन्विताः
kathaṃ jayaṃti te sarve vayaṃ bhagnā mahāhavāt | tatkiṃ vai kāraṇaṃ tāta balatejaḥ samanvitāḥ
Sanskrit only: no published translation is held for this verse.
मत्तनागसहस्राणामेकैकस्य महामते । बलमस्ति च दैत्यस्य नास्ति देवेषु तादृशम्
mattanāgasahasrāṇāmekaikasya mahāmate | balamasti ca daityasya nāsti deveṣu tādṛśam
Sanskrit only: no published translation is held for this verse.
जयश्च दृश्यते तात देवेष्वेव महाहवे । तत्सर्वं कथयस्वैव संशयंछेत्तुमर्हसि
jayaśca dṛśyate tāta deveṣveva mahāhave | tatsarvaṃ kathayasvaiva saṃśayaṃchettumarhasi
Sanskrit only: no published translation is held for this verse.
कश्यप उवाच- शृणुध्वं पुत्रकाः सर्वे जयस्यापि च कारणम् । यस्माद्धि देवताः सर्वे समरे जयिनोऽभवन्
kaśyapa uvāca- śṛṇudhvaṃ putrakāḥ sarve jayasyāpi ca kāraṇam | yasmāddhi devatāḥ sarve samare jayino'bhavan
Sanskrit only: no published translation is held for this verse.
वीर्यनिर्वापकस्तातो माताक्षेत्रमिदं सदा । धारणे पालने चैव पोषणे च यथैव हि
vīryanirvāpakastāto mātākṣetramidaṃ sadā | dhāraṇe pālane caiva poṣaṇe ca yathaiva hi
Sanskrit only: no published translation is held for this verse.
किं कुर्याद्विषमार्थे तु पिता पुत्रे च वै तथा । अत्र प्रधानं कर्मैव मामेवं बुद्धिराश्रिता
kiṃ kuryādviṣamārthe tu pitā putre ca vai tathā | atra pradhānaṃ karmaiva māmevaṃ buddhirāśritā
Sanskrit only: no published translation is held for this verse.
द्वैविध्यं कर्मसंबंधं पापपुण्यसमुद्भवम् । सत्यमेव समाश्रित्य क्रियते धर्म उत्तमः
dvaividhyaṃ karmasaṃbaṃdhaṃ pāpapuṇyasamudbhavam | satyameva samāśritya kriyate dharma uttamaḥ
Sanskrit only: no published translation is held for this verse.
तपोध्यानसमायुक्तं तारणाय हि तं सुताः । पतनाय पातकं प्रोक्तं सर्वदैव न संशयः
tapodhyānasamāyuktaṃ tāraṇāya hi taṃ sutāḥ | patanāya pātakaṃ proktaṃ sarvadaiva na saṃśayaḥ
Sanskrit only: no published translation is held for this verse.
बलेन परिवारेण आभिजात्येन पुत्रकाः । पुण्यहीनस्य पुंसो वै तद्बलं विकलायते
balena parivāreṇa ābhijātyena putrakāḥ | puṇyahīnasya puṃso vai tadbalaṃ vikalāyate
Sanskrit only: no published translation is held for this verse.
उन्नता गिरिदुर्गेषु वृक्षाः संति सुपुत्रकाः । पतंति वातवेगेन समूलास्तु घनास्तथा
unnatā giridurgeṣu vṛkṣāḥ saṃti suputrakāḥ | pataṃti vātavegena samūlāstu ghanāstathā
Sanskrit only: no published translation is held for this verse.
सत्यधर्मविहीनास्ते तथायांति यमक्षयम् । साधारणः प्राणिनां च धर्म एष सुपुत्रकाः
satyadharmavihīnāste tathāyāṃti yamakṣayam | sādhāraṇaḥ prāṇināṃ ca dharma eṣa suputrakāḥ
Sanskrit only: no published translation is held for this verse.
येन संतरते जंतुरिह चैव परत्र च । तद्युष्माभिः परित्यक्तं सत्यं धर्मसमन्वितम्
yena saṃtarate jaṃturiha caiva paratra ca | tadyuṣmābhiḥ parityaktaṃ satyaṃ dharmasamanvitam
Sanskrit only: no published translation is held for this verse.
अधर्ममास्थितं पुत्रा युष्माभिः सत्यवर्जितैः । सत्यधर्मतपोभ्रष्टाः पतिता दुःखसागरे
adharmamāsthitaṃ putrā yuṣmābhiḥ satyavarjitaiḥ | satyadharmatapobhraṣṭāḥ patitā duḥkhasāgare
Sanskrit only: no published translation is held for this verse.
देवाश्च सत्यसंपन्नाः श्रेयसा च समन्विताः । तपः शांतिदमोपेताः सुपुण्या पापवर्जिताः
devāśca satyasaṃpannāḥ śreyasā ca samanvitāḥ | tapaḥ śāṃtidamopetāḥ supuṇyā pāpavarjitāḥ
Sanskrit only: no published translation is held for this verse.
यत्र सत्यं च धर्मश्च तपः पुण्यं तथैव च । यत्र विष्णुर्हृषीकेशो जयस्तत्र प्रदृश्यते
yatra satyaṃ ca dharmaśca tapaḥ puṇyaṃ tathaiva ca | yatra viṣṇurhṛṣīkeśo jayastatra pradṛśyate
Sanskrit only: no published translation is held for this verse.
तेषां सहायः संभूतो वासुदेवः सनातनः । तस्माज्जयंति ते देवाः सत्यधर्मसमन्विताः
teṣāṃ sahāyaḥ saṃbhūto vāsudevaḥ sanātanaḥ | tasmājjayaṃti te devāḥ satyadharmasamanvitāḥ
Sanskrit only: no published translation is held for this verse.
सहायेन बलेनैव पौरुषेण तथैव च । भवंतः किल वै पुत्रास्तपः सत्यविवर्जिताः
sahāyena balenaiva pauruṣeṇa tathaiva ca | bhavaṃtaḥ kila vai putrāstapaḥ satyavivarjitāḥ
Sanskrit only: no published translation is held for this verse.
यस्य विष्णुः सहायश्च तपश्चैव बलं तथा । तस्यैव च जयो दृष्ट इति धर्मविदो विदुः
yasya viṣṇuḥ sahāyaśca tapaścaiva balaṃ tathā | tasyaiva ca jayo dṛṣṭa iti dharmavido viduḥ
Sanskrit only: no published translation is held for this verse.
यूयं धर्मविहीनास्तु तपः सत्यविवर्जिताः । ऐंद्रं पदं बलेनैव प्राप्तवंतश्च पूर्वतः
yūyaṃ dharmavihīnāstu tapaḥ satyavivarjitāḥ | aiṃdraṃ padaṃ balenaiva prāptavaṃtaśca pūrvataḥ
Sanskrit only: no published translation is held for this verse.
तपो विना महाप्राज्ञा धर्मेण यशसा विना । बलदर्पगुणैः पुत्रा न प्राप्यमैन्द्रकं पदम्
tapo vinā mahāprājñā dharmeṇa yaśasā vinā | baladarpaguṇaiḥ putrā na prāpyamaindrakaṃ padam
Sanskrit only: no published translation is held for this verse.
प्राप्याप्यैंद्रं पदं पुत्रास्ततो भ्रष्टा भवंति हि । तस्माद्यूयं प्रकुर्वंतु तपः पुत्राः समन्विताः
prāpyāpyaiṃdraṃ padaṃ putrāstato bhraṣṭā bhavaṃti hi | tasmādyūyaṃ prakurvaṃtu tapaḥ putrāḥ samanvitāḥ
Sanskrit only: no published translation is held for this verse.
अविरोधेन संयुक्ता ज्ञानध्यानसमन्विताः । वैरं चैव न कर्तव्यं केशवेन समं कदा
avirodhena saṃyuktā jñānadhyānasamanvitāḥ | vairaṃ caiva na kartavyaṃ keśavena samaṃ kadā
Sanskrit only: no published translation is held for this verse.
एवंविधा यदा पुत्रा यूयं धन्या भविष्यथ । परां सिद्धिं तदा सर्वे प्रयास्यथ न संशयः
evaṃvidhā yadā putrā yūyaṃ dhanyā bhaviṣyatha | parāṃ siddhiṃ tadā sarve prayāsyatha na saṃśayaḥ
Sanskrit only: no published translation is held for this verse.
एवं संभाषितास्ते तु कश्यपेन महात्मना । समाकर्ण्य पितुर्वाक्यं दानवास्ते महौजसः
evaṃ saṃbhāṣitāste tu kaśyapena mahātmanā | samākarṇya piturvākyaṃ dānavāste mahaujasaḥ
Sanskrit only: no published translation is held for this verse.
प्रणम्य कश्यपं भक्त्या समुत्थाय त्वरान्विताः । सुमंत्रं चक्रिरे दैत्याः परस्परसमाहिताः
praṇamya kaśyapaṃ bhaktyā samutthāya tvarānvitāḥ | sumaṃtraṃ cakrire daityāḥ parasparasamāhitāḥ
Sanskrit only: no published translation is held for this verse.
हिरण्यकशिपू राजा तानुवाचाथ दानवान् । तपश्चैव करिष्यामो दुष्करं सर्वदायकम्
hiraṇyakaśipū rājā tānuvācātha dānavān | tapaścaiva kariṣyāmo duṣkaraṃ sarvadāyakam
Sanskrit only: no published translation is held for this verse.
हिरण्याक्षस्तदोवाच करिष्ये दारुणं तपः । ततो बलेन त्रैलोक्यं ग्रहीष्ये नात्र संशयः
hiraṇyākṣastadovāca kariṣye dāruṇaṃ tapaḥ | tato balena trailokyaṃ grahīṣye nātra saṃśayaḥ
Sanskrit only: no published translation is held for this verse.
रणे निर्जित्य गोविंदं तमिमं पापचेतसम् । व्यापाद्य देवताः सर्वाः पदमैंद्रं व्रजाम्यहम्
raṇe nirjitya goviṃdaṃ tamimaṃ pāpacetasam | vyāpādya devatāḥ sarvāḥ padamaiṃdraṃ vrajāmyaham
Sanskrit only: no published translation is held for this verse.
बलिरुवाच- एवं न युज्यते कर्तुं युष्माभिर्दितिजेश्वराः । विष्णुना सह यद्वैरं तद्वैरं नाशकारणम्
baliruvāca- evaṃ na yujyate kartuṃ yuṣmābhirditijeśvarāḥ | viṣṇunā saha yadvairaṃ tadvairaṃ nāśakāraṇam
Sanskrit only: no published translation is held for this verse.
दानधर्मैस्तथा पुण्यैस्तपोभिर्यज्ञयाजनैः । तमाराध्य हृषीकेशं सुखं गच्छंति मानवाः
dānadharmaistathā puṇyaistapobhiryajñayājanaiḥ | tamārādhya hṛṣīkeśaṃ sukhaṃ gacchaṃti mānavāḥ
Sanskrit only: no published translation is held for this verse.
हिरण्यकशिपुरुवाच- अहमेवं न करिष्ये हरेराराधनं कदा । स्वभावं तु परित्यज्य शत्रुसेवा प्रचर्यते
hiraṇyakaśipuruvāca- ahamevaṃ na kariṣye harerārādhanaṃ kadā | svabhāvaṃ tu parityajya śatrusevā pracaryate
Sanskrit only: no published translation is held for this verse.
मरणादधिकं तं तु मानयंति हि पंडिताः । विष्णोः सेवा न वै कार्या मया चान्यैश्च दानवैः
maraṇādadhikaṃ taṃ tu mānayaṃti hi paṃḍitāḥ | viṣṇoḥ sevā na vai kāryā mayā cānyaiśca dānavaiḥ
Sanskrit only: no published translation is held for this verse.
तमुवाच महात्मानं बलिः पितामहं पुनः । धर्मशास्त्रेषु यद्दृष्टं मुनिभिस्तत्त्ववेदिभिः
tamuvāca mahātmānaṃ baliḥ pitāmahaṃ punaḥ | dharmaśāstreṣu yaddṛṣṭaṃ munibhistattvavedibhiḥ
Sanskrit only: no published translation is held for this verse.
राजनीतियुतं मंत्रं शत्रोश्चैव प्रधानतः । हीनमात्मानमाज्ञाय रिपुं तं बलिनं तथा
rājanītiyutaṃ maṃtraṃ śatroścaiva pradhānataḥ | hīnamātmānamājñāya ripuṃ taṃ balinaṃ tathā
Sanskrit only: no published translation is held for this verse.
तस्य पार्श्वे प्रगत्वैव जयकालं प्रतीक्षयेत् । दीपच्छायां समाश्रित्य तमो वसति सर्वदा
tasya pārśve pragatvaiva jayakālaṃ pratīkṣayet | dīpacchāyāṃ samāśritya tamo vasati sarvadā
Sanskrit only: no published translation is held for this verse.
स्नेहं दशागतं प्रेक्ष्य दीपस्यापि महाबलम् । प्रकाशं याति वेगेन तमश्च वर्द्धते पुनः
snehaṃ daśāgataṃ prekṣya dīpasyāpi mahābalam | prakāśaṃ yāti vegena tamaśca varddhate punaḥ
Sanskrit only: no published translation is held for this verse.
तथा प्रसादयेच्छन्नः स्नेहं निर्दिश्य तत्त्वतः । स्नेहं कृत्वासुरैः सार्द्धं धर्मभावैः सुरद्विषः
tathā prasādayecchannaḥ snehaṃ nirdiśya tattvataḥ | snehaṃ kṛtvāsuraiḥ sārddhaṃ dharmabhāvaiḥ suradviṣaḥ
Sanskrit only: no published translation is held for this verse.
पूर्वमुक्तं सुमंत्रं तु मुनिना कश्यपेन हि । तेन मंत्रेण राजेंद्र कुरु कार्यं स्वमात्मवान्
pūrvamuktaṃ sumaṃtraṃ tu muninā kaśyapena hi | tena maṃtreṇa rājeṃdra kuru kāryaṃ svamātmavān
Sanskrit only: no published translation is held for this verse.
तस्य तद्वचनं श्रुत्वा प्राह दैत्यः प्रतापवान् । पौत्र नैवं करिष्येहं मानभंगं तथात्मनः
tasya tadvacanaṃ śrutvā prāha daityaḥ pratāpavān | pautra naivaṃ kariṣyehaṃ mānabhaṃgaṃ tathātmanaḥ
Sanskrit only: no published translation is held for this verse.
अन्ये च बांधवाः सर्वे तमूचुर्नयपंडितम् । बलिनोक्तं च यत्पुण्यं देवतानां प्रियंकरम्
anye ca bāṃdhavāḥ sarve tamūcurnayapaṃḍitam | balinoktaṃ ca yatpuṇyaṃ devatānāṃ priyaṃkaram
Sanskrit only: no published translation is held for this verse.
शक्रमानकरं प्रोक्तं दानवानां भयंकरम् । करिष्यामो वयं सर्वे तप एवमनुत्तमम्
śakramānakaraṃ proktaṃ dānavānāṃ bhayaṃkaram | kariṣyāmo vayaṃ sarve tapa evamanuttamam
Sanskrit only: no published translation is held for this verse.
तपसा निर्जित्य देवान्हरिष्यामः स्वकं पदम् । एवमामंत्र्य ते सर्वे निराकृत्य बलिं तदा
tapasā nirjitya devānhariṣyāmaḥ svakaṃ padam | evamāmaṃtrya te sarve nirākṛtya baliṃ tadā
Sanskrit only: no published translation is held for this verse.
विष्णोः सार्द्धं महावैरं हृदि कृत्वा महासुराः । तपश्चक्रुस्ततः सर्वे गिरिदुर्गेषु सानुषु
viṣṇoḥ sārddhaṃ mahāvairaṃ hṛdi kṛtvā mahāsurāḥ | tapaścakrustataḥ sarve giridurgeṣu sānuṣu
Sanskrit only: no published translation is held for this verse.
एवं ते दानवाः सर्वे त्यक्तरागाः सुनिश्चिताः । कामक्रोधविहीनाश्च निराहारा जितक्लमाः
evaṃ te dānavāḥ sarve tyaktarāgāḥ suniścitāḥ | kāmakrodhavihīnāśca nirāhārā jitaklamāḥ
Sanskrit only: no published translation is held for this verse.