Padma Purāṇa 2.101

सूत उवाच- देवदेवो हृषीकेशस्त्वंगपुत्रं नृपोत्तमम् । समाचष्ट महाश्रेय आख्यानं पापनाशनम्

sūta uvāca- devadevo hṛṣīkeśastvaṃgaputraṃ nṛpottamam | samācaṣṭa mahāśreya ākhyānaṃ pāpanāśanam

Sanskrit only: no published translation is held for this verse.

श्रूयतामभिधास्यामि चरित्रं श्रेयदायकम् । द्विजस्यापि च वृत्तांतं कुंजलस्य महात्मनः

śrūyatāmabhidhāsyāmi caritraṃ śreyadāyakam | dvijasyāpi ca vṛttāṃtaṃ kuṃjalasya mahātmanaḥ

Sanskrit only: no published translation is held for this verse.

विष्णुरुवाच- कुंजलश्चापि धर्मात्मा चतुर्थं पुत्रमेव च । समाहूय मुदायुक्त उवाचैनं कपिंजलम्

viṣṇuruvāca- kuṃjalaścāpi dharmātmā caturthaṃ putrameva ca | samāhūya mudāyukta uvācainaṃ kapiṃjalam

Sanskrit only: no published translation is held for this verse.

किं नु पुत्र त्वया दृष्टमपूर्वं कथयस्व मे । भोजनार्थं तु यासि त्वमितः कस्मिन्सुतोत्तम

kiṃ nu putra tvayā dṛṣṭamapūrvaṃ kathayasva me | bhojanārthaṃ tu yāsi tvamitaḥ kasminsutottama

Sanskrit only: no published translation is held for this verse.

तदाचक्ष्व महाभाग यदि दृष्टं सुपुण्यदम् । कपिंजल उवाच- यच्च तात त्वया पृष्टमपूर्वं प्रवदाम्यहम्

tadācakṣva mahābhāga yadi dṛṣṭaṃ supuṇyadam | kapiṃjala uvāca- yacca tāta tvayā pṛṣṭamapūrvaṃ pravadāmyaham

Sanskrit only: no published translation is held for this verse.

यन्न दृष्टं श्रुतं केन कस्मान्नैव श्रुतं मया । तदिहैव प्रवक्ष्यामि श्रूयतामधुना पितः

yanna dṛṣṭaṃ śrutaṃ kena kasmānnaiva śrutaṃ mayā | tadihaiva pravakṣyāmi śrūyatāmadhunā pitaḥ

Sanskrit only: no published translation is held for this verse.

शृण्वंतु भ्रातरः सर्वे मातस्त्वं शृणु सांप्रतम् । कैलासः पर्वतश्रेष्ठो धवलश्चंद्र सन्निभः

śṛṇvaṃtu bhrātaraḥ sarve mātastvaṃ śṛṇu sāṃpratam | kailāsaḥ parvataśreṣṭho dhavalaścaṃdra sannibhaḥ

Sanskrit only: no published translation is held for this verse.

नानाधातुसमाकीर्णो नानावृक्षोपशोभितः । गंगाजलैः शुभैः पुण्यैः क्षालितः सर्वतः पितः

nānādhātusamākīrṇo nānāvṛkṣopaśobhitaḥ | gaṃgājalaiḥ śubhaiḥ puṇyaiḥ kṣālitaḥ sarvataḥ pitaḥ

Sanskrit only: no published translation is held for this verse.

नदीनां तु सहस्राणि दिव्यानि विविधानि च । यस्मात्तात प्रसूतानि जलानि विविधानि च

nadīnāṃ tu sahasrāṇi divyāni vividhāni ca | yasmāttāta prasūtāni jalāni vividhāni ca

Sanskrit only: no published translation is held for this verse.

तडागानि सहस्राणि सोदकानि महागिरौ । नद्यः संति विशालिन्यो हंससारससेविताः

taḍāgāni sahasrāṇi sodakāni mahāgirau | nadyaḥ saṃti viśālinyo haṃsasārasasevitāḥ

Sanskrit only: no published translation is held for this verse.

तस्मिञ्छिखरिणां श्रेष्ठे पुण्यदाः पापनाशनाः । वनानि विविधान्येव पुष्पितानि फलानि च

tasmiñchikhariṇāṃ śreṣṭhe puṇyadāḥ pāpanāśanāḥ | vanāni vividhānyeva puṣpitāni phalāni ca

Sanskrit only: no published translation is held for this verse.

नानावृक्षोपयुक्तानि हरितानि शुभानि च । किन्नराणां गणैर्युक्तश्चाप्सरोभिः समाकुलः

nānāvṛkṣopayuktāni haritāni śubhāni ca | kinnarāṇāṃ gaṇairyuktaścāpsarobhiḥ samākulaḥ

Sanskrit only: no published translation is held for this verse.

गंधर्वचारणैः सिद्धैर्देववृंदैः सुशोभितः । दिव्यवृक्षवनोपेतो दिव्यभावैः समाकुलः

gaṃdharvacāraṇaiḥ siddhairdevavṛṃdaiḥ suśobhitaḥ | divyavṛkṣavanopeto divyabhāvaiḥ samākulaḥ

Sanskrit only: no published translation is held for this verse.

दिव्यगंधैः सुशोभाढ्यैर्नानारत्नसमन्वितः । शिलाभिः स्फटिकस्यापि शुक्लाभिस्तु सुशोभनः

divyagaṃdhaiḥ suśobhāḍhyairnānāratnasamanvitaḥ | śilābhiḥ sphaṭikasyāpi śuklābhistu suśobhanaḥ

Sanskrit only: no published translation is held for this verse.

सूर्यतेजोमयो राजंस्तेजोभिस्तु समाकुलः । चंदनैश्चारुगंधैश्च बकुलैर्नीलपुष्पकैः

sūryatejomayo rājaṃstejobhistu samākulaḥ | caṃdanaiścārugaṃdhaiśca bakulairnīlapuṣpakaiḥ

Sanskrit only: no published translation is held for this verse.

नानापुष्पमयैर्वृक्षैः सर्वत्र समलंकृतः । पक्षिणां सुनिनादैश्च दिव्यानां मधुरायते

nānāpuṣpamayairvṛkṣaiḥ sarvatra samalaṃkṛtaḥ | pakṣiṇāṃ suninādaiśca divyānāṃ madhurāyate

Sanskrit only: no published translation is held for this verse.

षट्पदानां निनादैश्च वृक्षौघैर्मधुरायते । रुतैश्च कोकिलानां तु शोभते स वनो गिरिः

ṣaṭpadānāṃ ninādaiśca vṛkṣaughairmadhurāyate | rutaiśca kokilānāṃ tu śobhate sa vano giriḥ

Sanskrit only: no published translation is held for this verse.

गणकोटिसमाकीर्णं तत्रास्ति शिवमंदिरम् । अंशुभिर्धवलं पुण्यं पुण्यराशिशिलोच्चयम्

gaṇakoṭisamākīrṇaṃ tatrāsti śivamaṃdiram | aṃśubhirdhavalaṃ puṇyaṃ puṇyarāśiśiloccayam

Sanskrit only: no published translation is held for this verse.

सिंहैश्च गर्जमानैश्च सैरिभैः कुंजरैस्ततः । दिग्गजानां सुघोषैश्च शब्दितं च समंततः

siṃhaiśca garjamānaiśca sairibhaiḥ kuṃjaraistataḥ | diggajānāṃ sughoṣaiśca śabditaṃ ca samaṃtataḥ

Sanskrit only: no published translation is held for this verse.

नानामृगैः समाकीर्णं शाखामृगगणाकुलम् । मयूरकेकाघोषैश्च गुहासु च विनादितम्

nānāmṛgaiḥ samākīrṇaṃ śākhāmṛgagaṇākulam | mayūrakekāghoṣaiśca guhāsu ca vināditam

Sanskrit only: no published translation is held for this verse.

कंदरैर्लेपनैः कूटैः सानुभिश्च विराजितम् । नानाप्रस्रवणोपेतमोषधीभिर्विराजितम्

kaṃdarairlepanaiḥ kūṭaiḥ sānubhiśca virājitam | nānāprasravaṇopetamoṣadhībhirvirājitam

Sanskrit only: no published translation is held for this verse.

दिव्यं दिव्यगुणं पुण्यं पुण्यधाम समाकुलम् । सेवितं पुण्यलोकैश्च पुण्यराशिं महागिरिम्

divyaṃ divyaguṇaṃ puṇyaṃ puṇyadhāma samākulam | sevitaṃ puṇyalokaiśca puṇyarāśiṃ mahāgirim

Sanskrit only: no published translation is held for this verse.

पुलिंदभिल्लकोलैश्च सेवितं पर्वतोत्तमम् । विकटैः शिखरैः कोटैरद्रिराजः प्रकाशते

puliṃdabhillakolaiśca sevitaṃ parvatottamam | vikaṭaiḥ śikharaiḥ koṭairadrirājaḥ prakāśate

Sanskrit only: no published translation is held for this verse.

अन्यैर्नानाविधैः पुण्यैः कौतुकैर्मंगलैः शुभैः । गंगोदकप्रवाहैश्च महाशब्दं प्रसुस्रुवे

anyairnānāvidhaiḥ puṇyaiḥ kautukairmaṃgalaiḥ śubhaiḥ | gaṃgodakapravāhaiśca mahāśabdaṃ prasusruve

Sanskrit only: no published translation is held for this verse.

शंकरस्य गृहं तत्र कैलासं गतवानहम् । तत्राश्चर्यं मया दृष्टं यन्न दृष्टं कदा श्रुतम्

śaṃkarasya gṛhaṃ tatra kailāsaṃ gatavānaham | tatrāścaryaṃ mayā dṛṣṭaṃ yanna dṛṣṭaṃ kadā śrutam

Sanskrit only: no published translation is held for this verse.

श्रूयतामभिधास्यामि तात सर्वं मयोदितम् । शिखराद्गिरिराजस्य मेरोः पुण्यान्महोदयात्

śrūyatāmabhidhāsyāmi tāta sarvaṃ mayoditam | śikharādgirirājasya meroḥ puṇyānmahodayāt

Sanskrit only: no published translation is held for this verse.

हिमक्षीरसुवर्णस्तु प्रवाहः पतते भुवि । गंगायाश्च महाभाग रंहसा घोषभूषितः

himakṣīrasuvarṇastu pravāhaḥ patate bhuvi | gaṃgāyāśca mahābhāga raṃhasā ghoṣabhūṣitaḥ

Sanskrit only: no published translation is held for this verse.

कैलासस्य शिरः प्राप्य तत्र विस्तरतां गतः । दशयोजनमानेन तत्र गंगा ह्रदो महान्

kailāsasya śiraḥ prāpya tatra vistaratāṃ gataḥ | daśayojanamānena tatra gaṃgā hrado mahān

Sanskrit only: no published translation is held for this verse.

महातोयेन पुण्येन विमलेन विराजते । सर्वतोभद्रतां प्राप्तो महाहंसैः प्रशोभते

mahātoyena puṇyena vimalena virājate | sarvatobhadratāṃ prāpto mahāhaṃsaiḥ praśobhate

Sanskrit only: no published translation is held for this verse.

सामोच्चारेण पुण्येन दिव्येन मधुरेण च । हंसास्तत्र प्रकूजंति सरस्तेन विराजते

sāmoccāreṇa puṇyena divyena madhureṇa ca | haṃsāstatra prakūjaṃti sarastena virājate

Sanskrit only: no published translation is held for this verse.

तस्य तीरे शिलायां वै हिमकन्या महामते । आसीना मुक्तकेशांता रूपद्रविणशालिनी

tasya tīre śilāyāṃ vai himakanyā mahāmate | āsīnā muktakeśāṃtā rūpadraviṇaśālinī

Sanskrit only: no published translation is held for this verse.

दिव्यरूपसुसंपन्ना सगुणा दिव्यलक्षणा । दिव्यालंकारभूषा च तस्यास्तीरे विराजते

divyarūpasusaṃpannā saguṇā divyalakṣaṇā | divyālaṃkārabhūṣā ca tasyāstīre virājate

Sanskrit only: no published translation is held for this verse.

न जाने गिरिराजस्य तनया वा महोदधेः । नो वास्ति ब्रह्मणः पत्नी सा वा स्वाहा भविष्यति

na jāne girirājasya tanayā vā mahodadheḥ | no vāsti brahmaṇaḥ patnī sā vā svāhā bhaviṣyati

Sanskrit only: no published translation is held for this verse.

इंद्राणी वा महाभागा रोहिणी वा भविष्यति । ईदृशी रूपसंपत्तिर्युवतीनां न दृश्यते

iṃdrāṇī vā mahābhāgā rohiṇī vā bhaviṣyati | īdṛśī rūpasaṃpattiryuvatīnāṃ na dṛśyate

Sanskrit only: no published translation is held for this verse.

अन्यासां च सुदिव्यानां नारीणां तात सर्वथा । यादृशं रूपसंभावं गुणशीलं प्रदृश्यते

anyāsāṃ ca sudivyānāṃ nārīṇāṃ tāta sarvathā | yādṛśaṃ rūpasaṃbhāvaṃ guṇaśīlaṃ pradṛśyate

Sanskrit only: no published translation is held for this verse.

अप्सरसां कदा नास्ति तादृशं रूपलक्षणम् । यादृशं तु मया दृष्टं तदंगं विश्वमोहनम्

apsarasāṃ kadā nāsti tādṛśaṃ rūpalakṣaṇam | yādṛśaṃ tu mayā dṛṣṭaṃ tadaṃgaṃ viśvamohanam

Sanskrit only: no published translation is held for this verse.

शिलापदे समासीना दुःखेनापि समाकुला । रुदते सुस्वरैर्बाला अनेकैः स्वजनैर्विना

śilāpade samāsīnā duḥkhenāpi samākulā | rudate susvarairbālā anekaiḥ svajanairvinā

Sanskrit only: no published translation is held for this verse.

अश्रूणि मुंचमाना सा मुक्ताभानि बहूनि च । निर्मलानि सरस्यत्र पतंत्येव महामते

aśrūṇi muṃcamānā sā muktābhāni bahūni ca | nirmalāni sarasyatra pataṃtyeva mahāmate

Sanskrit only: no published translation is held for this verse.

बिंदवो मौक्तिकाभास्ते निपतंति महोदके । तेभ्यो भवंति पद्मानि हृद्यानि सुरभीणि तु

biṃdavo mauktikābhāste nipataṃti mahodake | tebhyo bhavaṃti padmāni hṛdyāni surabhīṇi tu

Sanskrit only: no published translation is held for this verse.

पद्मानि जज्ञिरे तेभ्यो नेत्राश्रुभ्यो महामते । गंगांभसि तरंत्येव असंख्यातानि तानि तु

padmāni jajñire tebhyo netrāśrubhyo mahāmate | gaṃgāṃbhasi taraṃtyeva asaṃkhyātāni tāni tu

Sanskrit only: no published translation is held for this verse.

पतितानि सुहृद्यानि रंहसा यानि तानि तु । गंगाप्रवाहमध्ये तु हंसवृंदैः सुसेविते

patitāni suhṛdyāni raṃhasā yāni tāni tu | gaṃgāpravāhamadhye tu haṃsavṛṃdaiḥ susevite

Sanskrit only: no published translation is held for this verse.

भागीरथ्याः प्रवाहस्तु तस्मात्स्थानाद्विनिर्गतः । कैलासशिखरं प्राप्य रत्नाख्यं चारुकंदरम्

bhāgīrathyāḥ pravāhastu tasmātsthānādvinirgataḥ | kailāsaśikharaṃ prāpya ratnākhyaṃ cārukaṃdaram

Sanskrit only: no published translation is held for this verse.

वर्तते तोयपूर्णस्तु योजनद्वयविस्तृतः । हंसवृंदसमाकीर्णो जलपक्षि समाकुलः

vartate toyapūrṇastu yojanadvayavistṛtaḥ | haṃsavṛṃdasamākīrṇo jalapakṣi samākulaḥ

Sanskrit only: no published translation is held for this verse.

नानावर्णविशेषाणि संति पद्मानि तत्र च । प्रवाहे निर्मले तात मुनिवृंदनिषेविते

nānāvarṇaviśeṣāṇi saṃti padmāni tatra ca | pravāhe nirmale tāta munivṛṃdaniṣevite

Sanskrit only: no published translation is held for this verse.

अश्रुभ्यो यानि जातानि प्रभाते कमलानि तु । गंगोदकप्लुतान्येव सौरभाणि महांति च

aśrubhyo yāni jātāni prabhāte kamalāni tu | gaṃgodakaplutānyeva saurabhāṇi mahāṃti ca

Sanskrit only: no published translation is held for this verse.

प्रतरंति प्रवाहे तु निर्मले जलपूरिते । मध्ये मध्ये सुहंसैश्च जलपक्षिनिनादिते

prataraṃti pravāhe tu nirmale jalapūrite | madhye madhye suhaṃsaiśca jalapakṣininādite

Sanskrit only: no published translation is held for this verse.

सूत उवाच- रत्नाख्ये तु गिरौ तस्मिन्रत्नेश्वरमहेश्वरः । देवदैत्यसुपूज्योपि तिष्ठते तात सर्वदा

sūta uvāca- ratnākhye tu girau tasminratneśvaramaheśvaraḥ | devadaityasupūjyopi tiṣṭhate tāta sarvadā

Sanskrit only: no published translation is held for this verse.

तत्र दृष्टो मया तात कश्चित्पुण्यमयो मुनिः । जटाभारसमाक्रांतो निर्वासा दंडधारकः

tatra dṛṣṭo mayā tāta kaścitpuṇyamayo muniḥ | jaṭābhārasamākrāṃto nirvāsā daṃḍadhārakaḥ

Sanskrit only: no published translation is held for this verse.

निराधारो निराहारस्तपसातीव दुर्बलः । कृशांगोऽप्यस्थिसंघातस्त्वचामात्रेण वेष्टितः

nirādhāro nirāhārastapasātīva durbalaḥ | kṛśāṃgo'pyasthisaṃghātastvacāmātreṇa veṣṭitaḥ

Sanskrit only: no published translation is held for this verse.

भस्मोद्धूलितमात्राणि सर्वांगानि महात्मनः । शुष्कपत्राणि भक्षेत शीर्णानि पतितानि च

bhasmoddhūlitamātrāṇi sarvāṃgāni mahātmanaḥ | śuṣkapatrāṇi bhakṣeta śīrṇāni patitāni ca

Sanskrit only: no published translation is held for this verse.

शिवभक्तिसमासीनो दुराधारो महातपाः । अश्रुभ्यो यानि जातानि पद्मानि सुरभीणि च

śivabhaktisamāsīno durādhāro mahātapāḥ | aśrubhyo yāni jātāni padmāni surabhīṇi ca

Sanskrit only: no published translation is held for this verse.

गंगातोयात्समानीय देवदेवं प्रपूजयेत् । रत्नेश्वरं महाभागो गीतनृत्यविशारदः

gaṃgātoyātsamānīya devadevaṃ prapūjayet | ratneśvaraṃ mahābhāgo gītanṛtyaviśāradaḥ

Sanskrit only: no published translation is held for this verse.

गायते नृत्यते तस्य द्वारस्थस्त्रिपुरद्विषः । मठमागत्य धर्मात्मा रोदते सुस्वरैरपि

gāyate nṛtyate tasya dvārasthastripuradviṣaḥ | maṭhamāgatya dharmātmā rodate susvarairapi

Sanskrit only: no published translation is held for this verse.

एतद्दृष्टं मया तात अपूर्वं वदतांवर । कथयस्व प्रसादान्मे यदि त्वं वेत्सि कारणम्

etaddṛṣṭaṃ mayā tāta apūrvaṃ vadatāṃvara | kathayasva prasādānme yadi tvaṃ vetsi kāraṇam

Sanskrit only: no published translation is held for this verse.

सा का नारी महाभागा कस्मात्तात प्ररोदिति । कस्मात्स देवपुरुषो देवमर्चेन्महेश्वरम्

sā kā nārī mahābhāgā kasmāttāta praroditi | kasmātsa devapuruṣo devamarcenmaheśvaram

Sanskrit only: no published translation is held for this verse.

तन्मे त्वं विस्तराद्ब्रूहि सर्वसंदेहकारणम् । एवमुक्तो महाप्राज्ञः कुंजलोपि सुतेन हि

tanme tvaṃ vistarādbrūhi sarvasaṃdehakāraṇam | evamukto mahāprājñaḥ kuṃjalopi sutena hi

Sanskrit only: no published translation is held for this verse.

कपिंजलेन प्रोवाच विस्तराच्छृण्वतो मुनेः

kapiṃjalena provāca vistarācchṛṇvato muneḥ

Sanskrit only: no published translation is held for this verse.