Padma Purāṇa 2.104

कुंजल उवाच- गते तस्मिन्महाभागे दत्तात्रेये महामुनौ । आजगाम महाराज आयुश्च स्वपुरं प्रति

kuṃjala uvāca- gate tasminmahābhāge dattātreye mahāmunau | ājagāma mahārāja āyuśca svapuraṃ prati

Sanskrit only: no published translation is held for this verse.

इंदुमत्या गृहं हृष्टः प्रविवेश श्रियान्वितम् । सर्वकामसमृद्धार्थमिंद्रस्य सदनोपमम्

iṃdumatyā gṛhaṃ hṛṣṭaḥ praviveśa śriyānvitam | sarvakāmasamṛddhārthamiṃdrasya sadanopamam

Sanskrit only: no published translation is held for this verse.

राज्यं चक्रे स मेधावी यथा स्वर्गे पुरंदरः । स्वर्भानुसुतया सार्द्धमिंदुमत्या द्विजोत्तम

rājyaṃ cakre sa medhāvī yathā svarge puraṃdaraḥ | svarbhānusutayā sārddhamiṃdumatyā dvijottama

Sanskrit only: no published translation is held for this verse.

सा च इंदुमती राज्ञी गर्भमाप फलाशनात् । दत्तात्रेयस्य वचनाद्दिव्यतेजः समन्वितम्

sā ca iṃdumatī rājñī garbhamāpa phalāśanāt | dattātreyasya vacanāddivyatejaḥ samanvitam

Sanskrit only: no published translation is held for this verse.

इंदुमत्या महाभाग स्वप्नं दृष्टमनुत्तमम् । रात्रौ दिवान्वितं तात बहुमंगलदायकम्

iṃdumatyā mahābhāga svapnaṃ dṛṣṭamanuttamam | rātrau divānvitaṃ tāta bahumaṃgaladāyakam

Sanskrit only: no published translation is held for this verse.

गृहांतरे विशंतं च पुरुषं सूर्यसन्निभम् । मुक्तामालान्वितं विप्रं श्वेतवस्त्रेणशोभितम्

gṛhāṃtare viśaṃtaṃ ca puruṣaṃ sūryasannibham | muktāmālānvitaṃ vipraṃ śvetavastreṇaśobhitam

Sanskrit only: no published translation is held for this verse.

श्वेतपुष्पकृतामाला तस्य कंठे विराजते । सर्वाभरणशोभांगो दिव्यगंधानुलेपनः

śvetapuṣpakṛtāmālā tasya kaṃṭhe virājate | sarvābharaṇaśobhāṃgo divyagaṃdhānulepanaḥ

Sanskrit only: no published translation is held for this verse.

चतुर्भुजः शंखपाणिर्गदाचक्रासिधारकः । छत्रेण ध्रियमाणेन चंद्रबिंबानुकारिणा

caturbhujaḥ śaṃkhapāṇirgadācakrāsidhārakaḥ | chatreṇa dhriyamāṇena caṃdrabiṃbānukāriṇā

Sanskrit only: no published translation is held for this verse.

शोभमानो महातेजा दिव्याभरणभूषितः । हारकंकणकेयूर नूपुराभ्यां विराजितः

śobhamāno mahātejā divyābharaṇabhūṣitaḥ | hārakaṃkaṇakeyūra nūpurābhyāṃ virājitaḥ

Sanskrit only: no published translation is held for this verse.

चंद्रबिंबानुकाराभ्यां कुंडलाभ्यां विराजितः । एवंविधो महाप्राज्ञो नरः कश्चित्समागतः

caṃdrabiṃbānukārābhyāṃ kuṃḍalābhyāṃ virājitaḥ | evaṃvidho mahāprājño naraḥ kaścitsamāgataḥ

Sanskrit only: no published translation is held for this verse.

इंदुमतीं समाहूय स्नापिता पयसा तदा । शंखेन क्षीरपूर्णेन शशिवर्णेन भामिनी

iṃdumatīṃ samāhūya snāpitā payasā tadā | śaṃkhena kṣīrapūrṇena śaśivarṇena bhāminī

Sanskrit only: no published translation is held for this verse.

रत्नकांचनबद्धेन संपूर्णेन पुनः पुनः । श्वेतं नागं सुरूपं च सहस्रशिरसं वरम्

ratnakāṃcanabaddhena saṃpūrṇena punaḥ punaḥ | śvetaṃ nāgaṃ surūpaṃ ca sahasraśirasaṃ varam

Sanskrit only: no published translation is held for this verse.

महामणियुतं दीप्तं धामज्वालासमाकुलम् । क्षिप्तं तेन मुखप्रांते दत्तं मुक्ताफलं पुनः

mahāmaṇiyutaṃ dīptaṃ dhāmajvālāsamākulam | kṣiptaṃ tena mukhaprāṃte dattaṃ muktāphalaṃ punaḥ

Sanskrit only: no published translation is held for this verse.

कंठे तस्याः स देवेश इंदुमत्या महायशाः । पद्मं हस्ते ततो दत्वा स्वस्थानं प्रति जग्मिवान्

kaṃṭhe tasyāḥ sa deveśa iṃdumatyā mahāyaśāḥ | padmaṃ haste tato datvā svasthānaṃ prati jagmivān

Sanskrit only: no published translation is held for this verse.

एवंविधं महास्वप्नं तया दृष्टं सुतोत्तमम् । समाचष्ट महाभागा आयुं भूमिपतीश्वरम्

evaṃvidhaṃ mahāsvapnaṃ tayā dṛṣṭaṃ sutottamam | samācaṣṭa mahābhāgā āyuṃ bhūmipatīśvaram

Sanskrit only: no published translation is held for this verse.

समाकर्ण्य महाराजश्चिंतयामास वै पुनः । समाहूय गुरुं पश्चात्कथितं स्वप्नमुत्तमम्

samākarṇya mahārājaściṃtayāmāsa vai punaḥ | samāhūya guruṃ paścātkathitaṃ svapnamuttamam

Sanskrit only: no published translation is held for this verse.

शौनकं सुमहाभागं सर्वज्ञं ज्ञानिनां वरम् । राजोवाच- अद्य रात्रौ महाभाग मम पत्न्या द्विजोत्तम

śaunakaṃ sumahābhāgaṃ sarvajñaṃ jñānināṃ varam | rājovāca- adya rātrau mahābhāga mama patnyā dvijottama

Sanskrit only: no published translation is held for this verse.

विप्रो गेहं विशन्दृष्टः किमिदं स्वप्नकारणम् । शौनक उवाच- वरो दत्तस्तु ते पूर्वं दत्तात्रेयेण धीमता

vipro gehaṃ viśandṛṣṭaḥ kimidaṃ svapnakāraṇam | śaunaka uvāca- varo dattastu te pūrvaṃ dattātreyeṇa dhīmatā

Sanskrit only: no published translation is held for this verse.

आदिष्टं च फलं राज्ञां सुगुणं सुतहेतवे । तत्फलं किं कृतं राजन्कस्मै त्वया निवेदितम्

ādiṣṭaṃ ca phalaṃ rājñāṃ suguṇaṃ sutahetave | tatphalaṃ kiṃ kṛtaṃ rājankasmai tvayā niveditam

Sanskrit only: no published translation is held for this verse.

सुभार्यायै मया दत्तमिति राज्ञोदितं वचः । श्रुत्वोवाच महाप्राज्ञः शौनको द्विजसत्तमः

subhāryāyai mayā dattamiti rājñoditaṃ vacaḥ | śrutvovāca mahāprājñaḥ śaunako dvijasattamaḥ

Sanskrit only: no published translation is held for this verse.

दत्तात्रेयप्रसादेन तव गेहे सुतोत्तमः । वैष्णवांशेन संयुक्तो भविष्यति न संशयः

dattātreyaprasādena tava gehe sutottamaḥ | vaiṣṇavāṃśena saṃyukto bhaviṣyati na saṃśayaḥ

Sanskrit only: no published translation is held for this verse.

स्वप्नस्य कारणं राजन्नेतत्ते कथितं मया । इंद्रोपेंद्र समः पुत्रो दिव्यवीर्यो भविष्यति

svapnasya kāraṇaṃ rājannetatte kathitaṃ mayā | iṃdropeṃdra samaḥ putro divyavīryo bhaviṣyati

Sanskrit only: no published translation is held for this verse.

पुत्रस्ते सर्वधर्मात्मा सोमवंशस्य वर्द्धनः । धनुर्वेदे च वेदे च सगुणोसौ भविष्यति

putraste sarvadharmātmā somavaṃśasya varddhanaḥ | dhanurvede ca vede ca saguṇosau bhaviṣyati

Sanskrit only: no published translation is held for this verse.

एवमुक्त्वा स राजानं शौनको गतवान्गृहम् । हर्षेण महताविष्टो राजाभूत्प्रियया सह

evamuktvā sa rājānaṃ śaunako gatavāngṛham | harṣeṇa mahatāviṣṭo rājābhūtpriyayā saha

Sanskrit only: no published translation is held for this verse.