Padma Purāṇa 2.106

कुंजल उवाच- आयुभार्या महाभागा स्वर्भानोस्तनया सुतम् । अपश्यंती सुबालं तं देवोपममनौपमम्

kuṃjala uvāca- āyubhāryā mahābhāgā svarbhānostanayā sutam | apaśyaṃtī subālaṃ taṃ devopamamanaupamam

Sanskrit only: no published translation is held for this verse.

हाहाकारं महत्कृत्वा रुरोद वरवर्णिनी । केन मे लक्षणोपेतो हृतो बालः सुलक्षणः

hāhākāraṃ mahatkṛtvā ruroda varavarṇinī | kena me lakṣaṇopeto hṛto bālaḥ sulakṣaṇaḥ

Sanskrit only: no published translation is held for this verse.

तपसा दानयज्ञैश्च नियमैर्दुष्करैः सुतः । संप्राप्तो हि मया वत्स कष्टैश्च दारुणैः पुनः

tapasā dānayajñaiśca niyamairduṣkaraiḥ sutaḥ | saṃprāpto hi mayā vatsa kaṣṭaiśca dāruṇaiḥ punaḥ

Sanskrit only: no published translation is held for this verse.

दत्तात्रेयेण पुण्येन संतुष्टेन महात्मना । दत्तः पुत्रो हृतः केन रुरोद करुणान्विता

dattātreyeṇa puṇyena saṃtuṣṭena mahātmanā | dattaḥ putro hṛtaḥ kena ruroda karuṇānvitā

Sanskrit only: no published translation is held for this verse.

हा पुत्र वत्स मे तात हा बालगुणमंदिर । क्वासि केनापनीतोसि मम शब्दः प्रदीयताम्

hā putra vatsa me tāta hā bālaguṇamaṃdira | kvāsi kenāpanītosi mama śabdaḥ pradīyatām

Sanskrit only: no published translation is held for this verse.

सोमवंशस्य सर्वस्य भूषणोसि न संशयः । केन त्वमपनीतोसि मम प्राणैः समन्वितः

somavaṃśasya sarvasya bhūṣaṇosi na saṃśayaḥ | kena tvamapanītosi mama prāṇaiḥ samanvitaḥ

Sanskrit only: no published translation is held for this verse.

राजसुलक्षणैर्दिव्यैः संपूर्णः कमलेक्षणः । केनाद्यापहृतो वत्सः किं करोमि क्व याम्यहम्

rājasulakṣaṇairdivyaiḥ saṃpūrṇaḥ kamalekṣaṇaḥ | kenādyāpahṛto vatsaḥ kiṃ karomi kva yāmyaham

Sanskrit only: no published translation is held for this verse.

स्फुटं जानाम्यहं कर्म ह्यन्यजन्मनि यत्कृतम् । न्यासनाशः कृतः कस्य तस्मात्पुत्रो हृतो मम

sphuṭaṃ jānāmyahaṃ karma hyanyajanmani yatkṛtam | nyāsanāśaḥ kṛtaḥ kasya tasmātputro hṛto mama

Sanskrit only: no published translation is held for this verse.

किं वा छलं कृतं कस्य पूर्वजन्मनि पापया । कर्मणस्तस्य वै दुःखमनुभुंजामि नान्यथा

kiṃ vā chalaṃ kṛtaṃ kasya pūrvajanmani pāpayā | karmaṇastasya vai duḥkhamanubhuṃjāmi nānyathā

Sanskrit only: no published translation is held for this verse.

रत्नापहारिणी जाता पुत्ररत्नं हृतं मम । तस्माद्दैवेन मे दिव्य अनौपम्य गुणाकरः

ratnāpahāriṇī jātā putraratnaṃ hṛtaṃ mama | tasmāddaivena me divya anaupamya guṇākaraḥ

Sanskrit only: no published translation is held for this verse.

किं वा वितर्कितो विप्रः कर्मणस्तस्य वै फलम् । प्राप्तं मया न संदेहः पुत्रशोकान्वितं भृशम्

kiṃ vā vitarkito vipraḥ karmaṇastasya vai phalam | prāptaṃ mayā na saṃdehaḥ putraśokānvitaṃ bhṛśam

Sanskrit only: no published translation is held for this verse.

किं वा शिशुविरोधश्च कृतो जन्मांतरे मया । तस्य पापस्य भुंजामि कर्मणः फलमीदृशम्

kiṃ vā śiśuvirodhaśca kṛto janmāṃtare mayā | tasya pāpasya bhuṃjāmi karmaṇaḥ phalamīdṛśam

Sanskrit only: no published translation is held for this verse.

याचमानस्य चैवाग्रे वैश्वदेवस्य कर्मणः । किं वापि नार्पितं चान्नं व्याहृतीभिर्हुतं द्विजैः

yācamānasya caivāgre vaiśvadevasya karmaṇaḥ | kiṃ vāpi nārpitaṃ cānnaṃ vyāhṛtībhirhutaṃ dvijaiḥ

Sanskrit only: no published translation is held for this verse.

एवं सुदेवमानाच्च स्वर्भानोस्तनया तदा । इंदुमती महाभाग शोकेन करुणाकुला

evaṃ sudevamānācca svarbhānostanayā tadā | iṃdumatī mahābhāga śokena karuṇākulā

Sanskrit only: no published translation is held for this verse.

पतिता मूर्च्छिता शोकाद्विह्वलत्वं गता सती । निःश्वासान्मुंचमाना सा वत्सहीना यथा हि गौः

patitā mūrcchitā śokādvihvalatvaṃ gatā satī | niḥśvāsānmuṃcamānā sā vatsahīnā yathā hi gauḥ

Sanskrit only: no published translation is held for this verse.

आयू राजा स शोकेन दुःखेन महतान्वितः । बालं श्रुत्वा हृतं तं तु धैर्यं तत्याज पार्थिवः

āyū rājā sa śokena duḥkhena mahatānvitaḥ | bālaṃ śrutvā hṛtaṃ taṃ tu dhairyaṃ tatyāja pārthivaḥ

Sanskrit only: no published translation is held for this verse.

तपसश्च फलं नास्ति नास्ति दानस्य वै फलम् । यस्मादेवं हृतः पुत्रस्तस्मान्नास्ति न संशयः

tapasaśca phalaṃ nāsti nāsti dānasya vai phalam | yasmādevaṃ hṛtaḥ putrastasmānnāsti na saṃśayaḥ

Sanskrit only: no published translation is held for this verse.

दत्तात्रेयः प्रसादेन वरं मे दत्तवान्पुरा । अजेयं च जयोपेतं पुत्रं सर्वगुणान्वितम्

dattātreyaḥ prasādena varaṃ me dattavānpurā | ajeyaṃ ca jayopetaṃ putraṃ sarvaguṇānvitam

Sanskrit only: no published translation is held for this verse.

तस्य वरप्रदानस्य कथं विघ्नो ह्यजायत । इति चिंतापरो राजा दुःखितः प्रारुदद्भृशम्

tasya varapradānasya kathaṃ vighno hyajāyata | iti ciṃtāparo rājā duḥkhitaḥ prārudadbhṛśam

Sanskrit only: no published translation is held for this verse.