Padma Purāṇa 2.107

कुंजल उवाच- अथासौ नारदः स्वर्गादायुराजानमागतः । आगत्य कथयामास कस्माद्राजन्प्रशोचसे

kuṃjala uvāca- athāsau nāradaḥ svargādāyurājānamāgataḥ | āgatya kathayāmāsa kasmādrājanpraśocase

Sanskrit only: no published translation is held for this verse.

पुत्रापहरणं तेऽद्य क्षेमं जातं महामते । देवादीनां महाराज एवं ज्ञात्वा तु मा शुचः

putrāpaharaṇaṃ te'dya kṣemaṃ jātaṃ mahāmate | devādīnāṃ mahārāja evaṃ jñātvā tu mā śucaḥ

Sanskrit only: no published translation is held for this verse.

सर्वज्ञः सगुणो भूत्वा सर्वविज्ञानसंयुतः । सर्वकलाभिसंपूर्ण आगमिष्यति ते सुतः

sarvajñaḥ saguṇo bhūtvā sarvavijñānasaṃyutaḥ | sarvakalābhisaṃpūrṇa āgamiṣyati te sutaḥ

Sanskrit only: no published translation is held for this verse.

येनाप्यपहृतस्तेऽद्य बालो देवगुणोपमः । आत्मगेहे महाराज कालो नीतो न संशयः

yenāpyapahṛtaste'dya bālo devaguṇopamaḥ | ātmagehe mahārāja kālo nīto na saṃśayaḥ

Sanskrit only: no published translation is held for this verse.

तस्याप्यंतं स वै कर्त्ता महावीर्यो महाबलः । स त्वामभ्येष्यते भूप शिवस्य सुतया सह

tasyāpyaṃtaṃ sa vai karttā mahāvīryo mahābalaḥ | sa tvāmabhyeṣyate bhūpa śivasya sutayā saha

Sanskrit only: no published translation is held for this verse.

इंद्रोपेंद्रसमः पुत्रो भविष्यति स्वतेजसा । इंद्रत्वं भोक्ष्यते सोऽपि निजैश्च पुण्यकर्मभिः

iṃdropeṃdrasamaḥ putro bhaviṣyati svatejasā | iṃdratvaṃ bhokṣyate so'pi nijaiśca puṇyakarmabhiḥ

Sanskrit only: no published translation is held for this verse.

एवमाभाष्य राजानमायुं देवर्षिसत्तमः । जगाम सहसा तस्य पश्यतः सानुगस्य ह

evamābhāṣya rājānamāyuṃ devarṣisattamaḥ | jagāma sahasā tasya paśyataḥ sānugasya ha

Sanskrit only: no published translation is held for this verse.

गते तस्मिन्महाभागे नारदे देवसंमिते । आयुरागत्य तां राज्ञीं तत्सर्वं विन्यवेदयत्

gate tasminmahābhāge nārade devasaṃmite | āyurāgatya tāṃ rājñīṃ tatsarvaṃ vinyavedayat

Sanskrit only: no published translation is held for this verse.

दत्तात्रेयेण यो दत्तः पुत्रो देववरोत्तमः । स वै राज्ञि कुशल्यास्ते विष्णोश्चैव प्रसादतः

dattātreyeṇa yo dattaḥ putro devavarottamaḥ | sa vai rājñi kuśalyāste viṣṇoścaiva prasādataḥ

Sanskrit only: no published translation is held for this verse.

येनाप्यसौ हृतः पुत्रः सगुणो मे वरानने । शिरस्तस्य गृहीत्वा तु पुनरेवागमिष्यति

yenāpyasau hṛtaḥ putraḥ saguṇo me varānane | śirastasya gṛhītvā tu punarevāgamiṣyati

Sanskrit only: no published translation is held for this verse.

इत्याह नारदो भद्रे मा कृथाः शोकमेव च । त्यज चैनं महामोहं कार्यधर्मविनाशनम्

ityāha nārado bhadre mā kṛthāḥ śokameva ca | tyaja cainaṃ mahāmohaṃ kāryadharmavināśanam

Sanskrit only: no published translation is held for this verse.

भर्तुर्वाक्यं निशम्यैवं राज्ञी इंदुमती ततः । हर्षेणापि समाविष्टा पुत्रस्यागमनं प्रति

bharturvākyaṃ niśamyaivaṃ rājñī iṃdumatī tataḥ | harṣeṇāpi samāviṣṭā putrasyāgamanaṃ prati

Sanskrit only: no published translation is held for this verse.

यथोक्तं देवऋषिणा तत्तथैव भविष्यति । दत्तात्रेयेण मे दत्तस्तनपो ह्यजरामरः

yathoktaṃ devaṛṣiṇā tattathaiva bhaviṣyati | dattātreyeṇa me dattastanapo hyajarāmaraḥ

Sanskrit only: no published translation is held for this verse.

भविष्यति न संदेहः प्रतिभात्येनमेव हि । इत्येवं चिंतयित्वा तु ननाम द्विजपुंगवम्

bhaviṣyati na saṃdehaḥ pratibhātyenameva hi | ityevaṃ ciṃtayitvā tu nanāma dvijapuṃgavam

Sanskrit only: no published translation is held for this verse.

नमोस्तु तस्मै परिसिद्धिदाय अत्रेः सुपुत्राय महात्मने च । यस्य प्रसादेन मया सुपुत्रः प्राप्तः सुधीरः सुगुणः सुपुण्यः

namostu tasmai parisiddhidāya atreḥ suputrāya mahātmane ca | yasya prasādena mayā suputraḥ prāptaḥ sudhīraḥ suguṇaḥ supuṇyaḥ

Sanskrit only: no published translation is held for this verse.

एवमुक्त्वा तु सा देवी विरराम सुदुःखिता । आगमिष्यंतमाज्ञाय नहुषं तनयं पुनः

evamuktvā tu sā devī virarāma suduḥkhitā | āgamiṣyaṃtamājñāya nahuṣaṃ tanayaṃ punaḥ

Sanskrit only: no published translation is held for this verse.