Library·Padma Purāṇa·2·2.11
ऋषय ऊचुः- सर्वज्ञेन त्वया प्रोक्तं दैत्यदानवसंगरम् । इदानीं श्रोतुमिच्छामः सुव्रतस्य महात्मनः
ṛṣaya ūcuḥ- sarvajñena tvayā proktaṃ daityadānavasaṃgaram | idānīṃ śrotumicchāmaḥ suvratasya mahātmanaḥ
Sanskrit only: no published translation is held for this verse.
कस्य पुत्रो महाप्राज्ञः कस्य गोत्रसमुद्भवः । किं तपस्तस्य विप्रस्य कथमाराधितो हरिः
kasya putro mahāprājñaḥ kasya gotrasamudbhavaḥ | kiṃ tapastasya viprasya kathamārādhito hariḥ
Sanskrit only: no published translation is held for this verse.
सूत उवाच- कथा प्रज्ञाप्रभावेण पूर्वमेव यथा श्रुता । तथा विप्राः प्रवक्ष्यामि सुव्रतस्य महात्मनः
sūta uvāca- kathā prajñāprabhāveṇa pūrvameva yathā śrutā | tathā viprāḥ pravakṣyāmi suvratasya mahātmanaḥ
Sanskrit only: no published translation is held for this verse.
चरितं पावनं दिव्यं वैष्णवं श्रेयआवहम् । भवतामग्रतः सर्वं विष्णोश्चैव प्रसादतः
caritaṃ pāvanaṃ divyaṃ vaiṣṇavaṃ śreyaāvaham | bhavatāmagrataḥ sarvaṃ viṣṇoścaiva prasādataḥ
Sanskrit only: no published translation is held for this verse.
पूर्वकल्पे महाभागाः सुक्षेत्रे पापनाशने । रेवातीरे सुपुण्ये च तीर्थे वामनसंज्ञके
pūrvakalpe mahābhāgāḥ sukṣetre pāpanāśane | revātīre supuṇye ca tīrthe vāmanasaṃjñake
Sanskrit only: no published translation is held for this verse.
कौशिकस्य कुले जातः सोमशर्मा द्विजोत्तमः । स तु पुत्रविहीनस्तु बहुदुःखसमन्वितः
kauśikasya kule jātaḥ somaśarmā dvijottamaḥ | sa tu putravihīnastu bahuduḥkhasamanvitaḥ
Sanskrit only: no published translation is held for this verse.
दारिद्रेण स दुःखेन सर्वदैवप्रपीडितः । पुत्रोपायं धनस्यापि दिवारात्रौ प्रचिंतयेत्
dāridreṇa sa duḥkhena sarvadaivaprapīḍitaḥ | putropāyaṃ dhanasyāpi divārātrau praciṃtayet
Sanskrit only: no published translation is held for this verse.
एकदा तु प्रिया तस्य सुमना नाम सुव्रता । भर्तारं चिंतयोपेतमधोमुखमलक्षयत्
ekadā tu priyā tasya sumanā nāma suvratā | bhartāraṃ ciṃtayopetamadhomukhamalakṣayat
Sanskrit only: no published translation is held for this verse.
समालोक्य तदा कांतं तमुवाच तपस्विनी । दुःखजालैरसंख्यैस्तु तव चित्तं प्रधर्षितम्
samālokya tadā kāṃtaṃ tamuvāca tapasvinī | duḥkhajālairasaṃkhyaistu tava cittaṃ pradharṣitam
Sanskrit only: no published translation is held for this verse.
व्यामोहेन प्रमूढोसि त्यज चिंतां महामते । मम दुःखं समाचक्ष्व स्वस्थो भव सुखं व्रज
vyāmohena pramūḍhosi tyaja ciṃtāṃ mahāmate | mama duḥkhaṃ samācakṣva svastho bhava sukhaṃ vraja
Sanskrit only: no published translation is held for this verse.
नास्ति चिंतासमं दुःखं कायशोषणमेव हि । यश्चिंतां त्यज्य वर्तेत स सुखेन प्रमोदते
nāsti ciṃtāsamaṃ duḥkhaṃ kāyaśoṣaṇameva hi | yaściṃtāṃ tyajya varteta sa sukhena pramodate
Sanskrit only: no published translation is held for this verse.
चिंतायाः कारणं विप्र कथयस्व ममाग्रतः । प्रियावाक्यं समाकर्ण्य सोमशर्माब्रवीत्प्रियाम्
ciṃtāyāḥ kāraṇaṃ vipra kathayasva mamāgrataḥ | priyāvākyaṃ samākarṇya somaśarmābravītpriyām
Sanskrit only: no published translation is held for this verse.
सोमशर्मोवाच-। इच्छया चिंतितं भद्रे चिंता दुःखस्य कारणम् । तत्सर्वं तु प्रवक्ष्यामि श्रुत्वा चैवावधार्यताम्
somaśarmovāca-| icchayā ciṃtitaṃ bhadre ciṃtā duḥkhasya kāraṇam | tatsarvaṃ tu pravakṣyāmi śrutvā caivāvadhāryatām
Sanskrit only: no published translation is held for this verse.
न जाने केन पापेन धनहीनोस्मि सुव्रते । तथा पुत्रविहीनश्च एतद्दुःखस्य कारणम्
na jāne kena pāpena dhanahīnosmi suvrate | tathā putravihīnaśca etadduḥkhasya kāraṇam
Sanskrit only: no published translation is held for this verse.
सुमनोवाच- श्रूयतामभिधास्यामि सर्वसंदेहनाशनम् । स्वरूपमुपदेशस्य सर्वविज्ञानदर्शनम्
sumanovāca- śrūyatāmabhidhāsyāmi sarvasaṃdehanāśanam | svarūpamupadeśasya sarvavijñānadarśanam
Sanskrit only: no published translation is held for this verse.
लोभः पापस्य बीजं हि मोहो मूलं च तस्य हि । असत्यं तस्य वै स्कंधो माया शाखा सुविस्तरा
lobhaḥ pāpasya bījaṃ hi moho mūlaṃ ca tasya hi | asatyaṃ tasya vai skaṃdho māyā śākhā suvistarā
Sanskrit only: no published translation is held for this verse.
दंभकौटिल्यपत्राणि कुबुद्ध्या पुष्पितः सदा । अनृतं तस्य सौगंधं फलमज्ञानमेव च
daṃbhakauṭilyapatrāṇi kubuddhyā puṣpitaḥ sadā | anṛtaṃ tasya saugaṃdhaṃ phalamajñānameva ca
Sanskrit only: no published translation is held for this verse.
छद्मपाखंडशौर्येर्ष्याः क्रूराः कूटाश्च पापिनः । पक्षिणो मोहवृक्षस्य मायाशाखा समाश्रिताः
chadmapākhaṃḍaśauryerṣyāḥ krūrāḥ kūṭāśca pāpinaḥ | pakṣiṇo mohavṛkṣasya māyāśākhā samāśritāḥ
Sanskrit only: no published translation is held for this verse.
अज्ञानं सुफलं तस्य रसोऽधर्मः फलस्य हि । तृष्णोदकेन संवृद्धाऽश्रद्धा तस्य द्रवः प्रिय
ajñānaṃ suphalaṃ tasya raso'dharmaḥ phalasya hi | tṛṣṇodakena saṃvṛddhā'śraddhā tasya dravaḥ priya
Sanskrit only: no published translation is held for this verse.
अधर्मः सुरसस्तस्य उत्कटो मधुरायते । यादृशैश्च फलैश्चैव सुफलो लोभपादपः
adharmaḥ surasastasya utkaṭo madhurāyate | yādṛśaiśca phalaiścaiva suphalo lobhapādapaḥ
Sanskrit only: no published translation is held for this verse.
अस्यच्छायां समाश्रित्य यो नरः परितुष्यते । फलानि तस्य चाश्नाति सुपक्वानि दिनेदिने
asyacchāyāṃ samāśritya yo naraḥ parituṣyate | phalāni tasya cāśnāti supakvāni dinedine
Sanskrit only: no published translation is held for this verse.
फलानां तु रसेनापि अधर्मेण तु पालितः । स संतुष्टो भवेन्मर्त्यः पतनायाभिगच्छति
phalānāṃ tu rasenāpi adharmeṇa tu pālitaḥ | sa saṃtuṣṭo bhavenmartyaḥ patanāyābhigacchati
Sanskrit only: no published translation is held for this verse.
तस्माच्चिंतां परित्यज्य पुमाँल्लोभं न कारयेत् । धनपुत्रकलत्राणां चिंतामेकां न कारयेत्
tasmācciṃtāṃ parityajya pumā~llobhaṃ na kārayet | dhanaputrakalatrāṇāṃ ciṃtāmekāṃ na kārayet
Sanskrit only: no published translation is held for this verse.
यो हि विद्वान्भवेत्कांत मूर्खाणां पथमेति हि । मूर्खश्चिंतयते नित्यं कथमर्थं ममैव हि
yo hi vidvānbhavetkāṃta mūrkhāṇāṃ pathameti hi | mūrkhaściṃtayate nityaṃ kathamarthaṃ mamaiva hi
Sanskrit only: no published translation is held for this verse.
सुभार्यामिह विंदामि कथं पुत्रानहं लभे । एवं चिंतयते नित्यं दिवारात्रौ विमोहितः
subhāryāmiha viṃdāmi kathaṃ putrānahaṃ labhe | evaṃ ciṃtayate nityaṃ divārātrau vimohitaḥ
Sanskrit only: no published translation is held for this verse.
क्षणमेकं प्रपश्येत चिंतामध्ये महत्सुखम् । पुनश्चैतन्यमायाति महादुःखेन पीड्यते
kṣaṇamekaṃ prapaśyeta ciṃtāmadhye mahatsukham | punaścaitanyamāyāti mahāduḥkhena pīḍyate
Sanskrit only: no published translation is held for this verse.
मित्राश्च बांधवाः पुत्राः पितृमातृसभृत्यकाः । संबंधिनो भवंत्येव कलत्राणि तथैव च
mitrāśca bāṃdhavāḥ putrāḥ pitṛmātṛsabhṛtyakāḥ | saṃbaṃdhino bhavaṃtyeva kalatrāṇi tathaiva ca
Sanskrit only: no published translation is held for this verse.
सोमशर्मोवाच- संबंधः कीदृशो भद्रे तथा विस्तरतो वद । येन संबंधिनः सर्वे धनपुत्रादिबांधवाः
somaśarmovāca- saṃbaṃdhaḥ kīdṛśo bhadre tathā vistarato vada | yena saṃbaṃdhinaḥ sarve dhanaputrādibāṃdhavāḥ
Sanskrit only: no published translation is held for this verse.
सुमनोवाच- ऋणसंबंधिनः केचित्केचिन्न्यासापहारकाः । लाभप्रदा भवंत्येके उदासीनास्तथापरे
sumanovāca- ṛṇasaṃbaṃdhinaḥ kecitkecinnyāsāpahārakāḥ | lābhapradā bhavaṃtyeke udāsīnāstathāpare
Sanskrit only: no published translation is held for this verse.
भेदैश्चतुर्भिर्जायंते पुत्रमित्रस्त्रियस्तथा । भार्या पिता च माता च भृत्याः स्वजनबांधवाः
bhedaiścaturbhirjāyaṃte putramitrastriyastathā | bhāryā pitā ca mātā ca bhṛtyāḥ svajanabāṃdhavāḥ
Sanskrit only: no published translation is held for this verse.
स्वेनस्वेन हि जायंते संबंधेन महीतले । न्यासापहारभावेन यस्य येन कृतं भुवि
svenasvena hi jāyaṃte saṃbaṃdhena mahītale | nyāsāpahārabhāvena yasya yena kṛtaṃ bhuvi
Sanskrit only: no published translation is held for this verse.
न्यासस्वामी भवेत्पुत्रो गुणवान्रूपवान्भुवि । येनैवापह्रतं न्यासं तस्य गेहे न संशयः
nyāsasvāmī bhavetputro guṇavānrūpavānbhuvi | yenaivāpahrataṃ nyāsaṃ tasya gehe na saṃśayaḥ
Sanskrit only: no published translation is held for this verse.
न्यासापहरणाद्दुःखं स दत्वा दारुणं गतः । न्यासस्वामी सुपुत्रोभून्न्यासापहारकस्य च
nyāsāpaharaṇādduḥkhaṃ sa datvā dāruṇaṃ gataḥ | nyāsasvāmī suputrobhūnnyāsāpahārakasya ca
Sanskrit only: no published translation is held for this verse.
गुणवान्रूपवांश्चैव सर्वलक्षणसंयुतः । भक्तिं तु दर्शयंस्तस्य पुत्रो भूत्वा दिनेदिने
guṇavānrūpavāṃścaiva sarvalakṣaṇasaṃyutaḥ | bhaktiṃ tu darśayaṃstasya putro bhūtvā dinedine
Sanskrit only: no published translation is held for this verse.
प्रियवाङ्मधुरो रोगी बहुस्नेहं विदर्शयन् । स्वीयं द्रव्यं समुद्गृह्य प्रीतिमुत्पाद्य चोत्तमाम्
priyavāṅmadhuro rogī bahusnehaṃ vidarśayan | svīyaṃ dravyaṃ samudgṛhya prītimutpādya cottamām
Sanskrit only: no published translation is held for this verse.
यथा येन प्रदत्तं स्यान्न्यासस्य हरणात्पुरा । दुःखमेव महाभाग दारुणं प्राणनाशनम्
yathā yena pradattaṃ syānnyāsasya haraṇātpurā | duḥkhameva mahābhāga dāruṇaṃ prāṇanāśanam
Sanskrit only: no published translation is held for this verse.
तादृशं तस्य सौहृद्यात्पुत्रो भूत्वा महागुणैः । अल्पायुषस्तथा भूत्वा मरणं चोपगच्छति
tādṛśaṃ tasya sauhṛdyātputro bhūtvā mahāguṇaiḥ | alpāyuṣastathā bhūtvā maraṇaṃ copagacchati
Sanskrit only: no published translation is held for this verse.
दुःखं दत्वा प्रयात्येवं भूत्वाभूत्वा पुनःपुनः । यदा हा पुत्रपुत्रेति प्रलापं हि करोति सः
duḥkhaṃ datvā prayātyevaṃ bhūtvābhūtvā punaḥpunaḥ | yadā hā putraputreti pralāpaṃ hi karoti saḥ
Sanskrit only: no published translation is held for this verse.
तदा हास्यं करोत्येव कस्य पुत्रो हि कः पिता । अनेनापहृतं न्यासं मदीयस्योपकारणम्
tadā hāsyaṃ karotyeva kasya putro hi kaḥ pitā | anenāpahṛtaṃ nyāsaṃ madīyasyopakāraṇam
Sanskrit only: no published translation is held for this verse.
द्रव्यापहरणेनापि न मे प्राणा गताः किल । दुःखेन महता चैव असह्येन च वै पुरा
dravyāpaharaṇenāpi na me prāṇā gatāḥ kila | duḥkhena mahatā caiva asahyena ca vai purā
Sanskrit only: no published translation is held for this verse.
तथा दुःखं प्रदत्वाहं द्रव्यमुद्गृह्य चोत्तमम् । गंतास्मि सुभृशं चाद्य कस्याहं सुत ईदृशः
tathā duḥkhaṃ pradatvāhaṃ dravyamudgṛhya cottamam | gaṃtāsmi subhṛśaṃ cādya kasyāhaṃ suta īdṛśaḥ
Sanskrit only: no published translation is held for this verse.
न चैष मे पिता पुत्रः पूर्वमेव न कस्यचित् । पिशाचत्वं मया दत्तमस्यैवेति दुरात्मनः
na caiṣa me pitā putraḥ pūrvameva na kasyacit | piśācatvaṃ mayā dattamasyaiveti durātmanaḥ
Sanskrit only: no published translation is held for this verse.
एवमुक्त्वा प्रयात्येवं तं प्रहस्य पुनःपुनः । प्रयात्यनेन मार्गेण दुःखं दत्वा सुदारुणम्
evamuktvā prayātyevaṃ taṃ prahasya punaḥpunaḥ | prayātyanena mārgeṇa duḥkhaṃ datvā sudāruṇam
Sanskrit only: no published translation is held for this verse.
एवं न्यासं समुद्धर्तुः पुत्राः कांत भवंति वै । संसारे दुःखबहुला दृश्यंते यत्रतत्र च
evaṃ nyāsaṃ samuddhartuḥ putrāḥ kāṃta bhavaṃti vai | saṃsāre duḥkhabahulā dṛśyaṃte yatratatra ca
Sanskrit only: no published translation is held for this verse.
ऋणसंबंधिनः पुत्रान्प्रवक्ष्यामि तवाग्रतः
ṛṇasaṃbaṃdhinaḥ putrānpravakṣyāmi tavāgrataḥ
Sanskrit only: no published translation is held for this verse.