Library·Padma Purāṇa·2·2.111
कुंजल उवाच- निर्गच्छमाने समराय वीरे नहुषे हि तस्मिन्सुरराज तुल्ये । सकौतुका मंगलगीतयुक्ताः स्त्रियस्तु सर्वाः परिजग्मुरत्र
kuṃjala uvāca- nirgacchamāne samarāya vīre nahuṣe hi tasminsurarāja tulye | sakautukā maṃgalagītayuktāḥ striyastu sarvāḥ parijagmuratra
Sanskrit only: no published translation is held for this verse.
देवतानां वरा नार्यो रंभाद्यप्सरसस्तथा । किन्नर्यः कौतुकोत्सुक्यो जगुः स्वरेण सत्तम
devatānāṃ varā nāryo raṃbhādyapsarasastathā | kinnaryaḥ kautukotsukyo jaguḥ svareṇa sattama
Sanskrit only: no published translation is held for this verse.
गंधर्वाणां तथा नार्यो रूपालंकारसंयुताः । कौतुकाय गतास्तत्र यत्र राजा स तिष्ठति
gaṃdharvāṇāṃ tathā nāryo rūpālaṃkārasaṃyutāḥ | kautukāya gatāstatra yatra rājā sa tiṣṭhati
Sanskrit only: no published translation is held for this verse.
पुरं महोदयं नाम हुंडस्यापि दुरात्मनः । नंदनोपवनैर्दिव्यैः सर्वत्र समलंकृतम्
puraṃ mahodayaṃ nāma huṃḍasyāpi durātmanaḥ | naṃdanopavanairdivyaiḥ sarvatra samalaṃkṛtam
Sanskrit only: no published translation is held for this verse.
सप्तकक्षान्वितैर्गेहैः कलशैरुपशोभितः । सपताकैर्महादंडैः शोभमानं पुरोत्तमम्
saptakakṣānvitairgehaiḥ kalaśairupaśobhitaḥ | sapatākairmahādaṃḍaiḥ śobhamānaṃ purottamam
Sanskrit only: no published translation is held for this verse.
कैलासशिखराकारैः सोन्नतैर्दिवमास्थितैः । सर्वश्रियान्वितैर्दिव्यैर्भ्राजमानं पुरोत्तमम्
kailāsaśikharākāraiḥ sonnatairdivamāsthitaiḥ | sarvaśriyānvitairdivyairbhrājamānaṃ purottamam
Sanskrit only: no published translation is held for this verse.
वनैश्चोपवनैर्दिव्यैस्तडागैः सागरोपमैः । जलपूर्णैः सुशोभैस्तु पद्मै रक्तोत्पलान्वितैः
vanaiścopavanairdivyaistaḍāgaiḥ sāgaropamaiḥ | jalapūrṇaiḥ suśobhaistu padmai raktotpalānvitaiḥ
Sanskrit only: no published translation is held for this verse.
प्राकारैश्च महारत्नैरट्टालकशतैरपि । परिखाभिः सुपूर्णाभिर्जलैः स्वच्छैः प्रशोभितम्
prākāraiśca mahāratnairaṭṭālakaśatairapi | parikhābhiḥ supūrṇābhirjalaiḥ svacchaiḥ praśobhitam
Sanskrit only: no published translation is held for this verse.
अन्यैश्चैव महारत्नैर्गजाश्वैश्च विराजितम् । सुनारीभिः समाकीर्णं पुरुषैश्च महाप्रभैः
anyaiścaiva mahāratnairgajāśvaiśca virājitam | sunārībhiḥ samākīrṇaṃ puruṣaiśca mahāprabhaiḥ
Sanskrit only: no published translation is held for this verse.
नानाप्रभावैर्दिव्यैश्च शोभमानं महोदयम् । राजश्रेष्ठो महावीरो नहुषो ददृशे पुरम्
nānāprabhāvairdivyaiśca śobhamānaṃ mahodayam | rājaśreṣṭho mahāvīro nahuṣo dadṛśe puram
Sanskrit only: no published translation is held for this verse.
पुरप्रांते वनं दिव्यं दिव्यवृक्षैरलंकृतम् । तद्विवेश महावीरो नंदनं हि यथाऽमरः
puraprāṃte vanaṃ divyaṃ divyavṛkṣairalaṃkṛtam | tadviveśa mahāvīro naṃdanaṃ hi yathā'maraḥ
Sanskrit only: no published translation is held for this verse.
रथेन सह धर्मात्मा तेन मातलिना सह । प्रविष्टः स तु राजेंद्रो वनमध्ये सरित्तटे
rathena saha dharmātmā tena mātalinā saha | praviṣṭaḥ sa tu rājeṃdro vanamadhye sarittaṭe
Sanskrit only: no published translation is held for this verse.
तत्र ता रूपसंयुक्ता दिव्या नार्यः समागताः । गंधर्वा गीततत्त्वज्ञा जगुर्गीतैर्नृपोत्तमम्
tatra tā rūpasaṃyuktā divyā nāryaḥ samāgatāḥ | gaṃdharvā gītatattvajñā jagurgītairnṛpottamam
Sanskrit only: no published translation is held for this verse.
सूताश्च मागधाः सर्वे तं स्तुवंति नृपोत्तमम् । राजानमायुपुत्रं तं भ्राजमानं यथा रविम्
sūtāśca māgadhāḥ sarve taṃ stuvaṃti nṛpottamam | rājānamāyuputraṃ taṃ bhrājamānaṃ yathā ravim
Sanskrit only: no published translation is held for this verse.
शुश्राव गीतं मधुरं नहुषः किन्नरेरितम्
śuśrāva gītaṃ madhuraṃ nahuṣaḥ kinnareritam
Sanskrit only: no published translation is held for this verse.