Library·Padma Purāṇa·2·2.112
कुंजल उवाच- तदेव गानं च सुरांगनाभिर्गीतं समाकर्ण्य च गीतकैर्ध्रुवैः । समाकुला चापि बभूव तत्र सा शंभुपुत्री परिचिंतयाना
kuṃjala uvāca- tadeva gānaṃ ca surāṃganābhirgītaṃ samākarṇya ca gītakairdhruvaiḥ | samākulā cāpi babhūva tatra sā śaṃbhuputrī pariciṃtayānā
Sanskrit only: no published translation is held for this verse.
आसनात्तूर्णमुत्थाय महोत्साहेन संयुता । तूर्णं गता वरारोहा तपोभावसमन्विता
āsanāttūrṇamutthāya mahotsāhena saṃyutā | tūrṇaṃ gatā varārohā tapobhāvasamanvitā
Sanskrit only: no published translation is held for this verse.
तं दृष्ट्वा देवसंकाशं दिव्यरूपसमप्रभम् । दिव्यगंधानुलिप्तांगं दिव्यमालाभिशोभितम्
taṃ dṛṣṭvā devasaṃkāśaṃ divyarūpasamaprabham | divyagaṃdhānuliptāṃgaṃ divyamālābhiśobhitam
Sanskrit only: no published translation is held for this verse.
दिव्यैराभरणैर्वस्त्रैः शोभितं नृपनंदनम् । दीप्तिमंतं यथा सूर्यं दिव्यलक्षणसंयुतम्
divyairābharaṇairvastraiḥ śobhitaṃ nṛpanaṃdanam | dīptimaṃtaṃ yathā sūryaṃ divyalakṣaṇasaṃyutam
Sanskrit only: no published translation is held for this verse.
किं वा देवो महाप्राज्ञो गंधर्वो वा भविष्यति । किं वा नागसुतः सोयं किंवा विद्याधरो भवेत्
kiṃ vā devo mahāprājño gaṃdharvo vā bhaviṣyati | kiṃ vā nāgasutaḥ soyaṃ kiṃvā vidyādharo bhavet
Sanskrit only: no published translation is held for this verse.
देवेषु नैव पश्यामि कुतो यक्षेषु जायते । अनया लीलया वीरः सहस्राक्षोपि जायते
deveṣu naiva paśyāmi kuto yakṣeṣu jāyate | anayā līlayā vīraḥ sahasrākṣopi jāyate
Sanskrit only: no published translation is held for this verse.
शंभुरेष भवेत्किंवा किंवा चायं मनोभवः । किंवा पितुः सखा मे स्यात्पौलस्त्योऽयं धनाधिपः
śaṃbhureṣa bhavetkiṃvā kiṃvā cāyaṃ manobhavaḥ | kiṃvā pituḥ sakhā me syātpaulastyo'yaṃ dhanādhipaḥ
Sanskrit only: no published translation is held for this verse.
एवं समा चिंतयती च यावत्तावत्त्वरं रूपगुणाधिपा सा । समेत्य रंभासु महासखीभिरुवाच तां शंभुसुतां प्रहस्य
evaṃ samā ciṃtayatī ca yāvattāvattvaraṃ rūpaguṇādhipā sā | sametya raṃbhāsu mahāsakhībhiruvāca tāṃ śaṃbhusutāṃ prahasya
Sanskrit only: no published translation is held for this verse.