Padma Purāṇa 2.113

रंभोवाच- तप एतत्परित्यज्य किंवा लोकयसे शुभे । तपसः क्षरणं स्याद्वै पुरुषस्यापि चिंतनात्

raṃbhovāca- tapa etatparityajya kiṃvā lokayase śubhe | tapasaḥ kṣaraṇaṃ syādvai puruṣasyāpi ciṃtanāt

Sanskrit only: no published translation is held for this verse.

अशोकसुंदर्युवाच- तपसि मे मनो लीनं नहुषस्यापि काम्यया । न मां चालयितुं शक्ता देवासुरमहोरगाः

aśokasuṃdaryuvāca- tapasi me mano līnaṃ nahuṣasyāpi kāmyayā | na māṃ cālayituṃ śaktā devāsuramahoragāḥ

Sanskrit only: no published translation is held for this verse.

एनं दृष्ट्वा महाभागे मे मनश्चलते भृशम् । रंतुमिच्छाम्यहं गत्वा एवमुत्सुकतां गतम्

enaṃ dṛṣṭvā mahābhāge me manaścalate bhṛśam | raṃtumicchāmyahaṃ gatvā evamutsukatāṃ gatam

Sanskrit only: no published translation is held for this verse.

एवं विपर्ययश्चासीन्मनसो मे वरावने । तन्मे त्वं कारणं ब्रूहि यद्यस्ति ज्ञानमुत्तमम्

evaṃ viparyayaścāsīnmanaso me varāvane | tanme tvaṃ kāraṇaṃ brūhi yadyasti jñānamuttamam

Sanskrit only: no published translation is held for this verse.

आयुपुत्रस्य भार्याहं देवैः सृष्टा महात्मभिः । कस्मान्मे धावते चेत उत्सुकं रंतुमेव च

āyuputrasya bhāryāhaṃ devaiḥ sṛṣṭā mahātmabhiḥ | kasmānme dhāvate ceta utsukaṃ raṃtumeva ca

Sanskrit only: no published translation is held for this verse.

रंभोवाच- सर्वेष्वेव महाभागे देहरूपेषु भामिनि । वसत्यात्मा स्वयं ब्रह्मज्ञानरूपः सनातनः

raṃbhovāca- sarveṣveva mahābhāge deharūpeṣu bhāmini | vasatyātmā svayaṃ brahmajñānarūpaḥ sanātanaḥ

Sanskrit only: no published translation is held for this verse.

यद्यपि प्रक्रियाबद्धैरिंद्रियैरुपकारिभिः । मोहपाशमयैर्बद्धस्तथा सिद्धस्तु सर्वदा

yadyapi prakriyābaddhairiṃdriyairupakāribhiḥ | mohapāśamayairbaddhastathā siddhastu sarvadā

Sanskrit only: no published translation is held for this verse.

प्रकृतिं नैव जानाति ज्ञानविज्ञानकीं कलाम् । अयं शुद्धश्च धर्मज्ञ आत्मा वेत्ति च सुंदरि

prakṛtiṃ naiva jānāti jñānavijñānakīṃ kalām | ayaṃ śuddhaśca dharmajña ātmā vetti ca suṃdari

Sanskrit only: no published translation is held for this verse.

गच्छंत्यपि मनस्तापमेनं दृष्ट्वा महामतिम् । पापमेवं परित्यज्य सत्यमेवं प्रधावति

gacchaṃtyapi manastāpamenaṃ dṛṣṭvā mahāmatim | pāpamevaṃ parityajya satyamevaṃ pradhāvati

Sanskrit only: no published translation is held for this verse.

भर्तायमायुपुत्रस्ते एतत्सत्यं न संशयः । अन्यं दृष्ट्वा विशंकेत पुरुषं पापलक्षणम्

bhartāyamāyuputraste etatsatyaṃ na saṃśayaḥ | anyaṃ dṛṣṭvā viśaṃketa puruṣaṃ pāpalakṣaṇam

Sanskrit only: no published translation is held for this verse.

एवं विधिः कृतो देवैः सत्यपाशेन बंधितः । यदस्या आयुपुत्रोपि भर्तृत्वमुपयास्यति

evaṃ vidhiḥ kṛto devaiḥ satyapāśena baṃdhitaḥ | yadasyā āyuputropi bhartṛtvamupayāsyati

Sanskrit only: no published translation is held for this verse.

एवमाकर्णितं भद्रे आत्मना तं च सुंदरि । तद्भावसत्यसंबंधं परिगृह्य स्थितः स्वयम्

evamākarṇitaṃ bhadre ātmanā taṃ ca suṃdari | tadbhāvasatyasaṃbaṃdhaṃ parigṛhya sthitaḥ svayam

Sanskrit only: no published translation is held for this verse.

अन्यं भावं न जानाति आयुपुत्रं च विंदति । प्रकृतिर्नैव ते देवि पतिं जानाति चागतम्

anyaṃ bhāvaṃ na jānāti āyuputraṃ ca viṃdati | prakṛtirnaiva te devi patiṃ jānāti cāgatam

Sanskrit only: no published translation is held for this verse.

एवं ज्ञात्वा प्रधानात्मा तवाद्यैव प्रधावति । आत्मा सर्वं प्रजानाति आत्मा देवः सनातनः

evaṃ jñātvā pradhānātmā tavādyaiva pradhāvati | ātmā sarvaṃ prajānāti ātmā devaḥ sanātanaḥ

Sanskrit only: no published translation is held for this verse.

अयमेष स वीरेंद्रो नहुषो नाम वीर्यवान् । तस्माद्गच्छति चेतस्ते सत्यं संबंधमिच्छते

ayameṣa sa vīreṃdro nahuṣo nāma vīryavān | tasmādgacchati cetaste satyaṃ saṃbaṃdhamicchate

Sanskrit only: no published translation is held for this verse.

ज्ञात्वा चायोः सुतं भद्रे अन्यं चैव न गच्छति । एतत्ते सर्वमाख्यातं शाश्वतं त्वन्मनोगतम्

jñātvā cāyoḥ sutaṃ bhadre anyaṃ caiva na gacchati | etatte sarvamākhyātaṃ śāśvataṃ tvanmanogatam

Sanskrit only: no published translation is held for this verse.

हुंडं हत्वा महाघोरं समरे दानवाधमम् । त्वां नयिष्यति स्वस्थानमायोश्च गृहमुत्तमम्

huṃḍaṃ hatvā mahāghoraṃ samare dānavādhamam | tvāṃ nayiṣyati svasthānamāyośca gṛhamuttamam

Sanskrit only: no published translation is held for this verse.

हृतो दैत्येन वीरेंद्रो निजपुण्येन शेषितः । बाल्यात्प्रभृति वीरेंद्रो वियुक्तः स्वजनेन वै

hṛto daityena vīreṃdro nijapuṇyena śeṣitaḥ | bālyātprabhṛti vīreṃdro viyuktaḥ svajanena vai

Sanskrit only: no published translation is held for this verse.

पितृमातृविहीनस्तु गतो वृद्धिं महावने । यास्यत्येव पितुर्गेहं त्वयैव सह सांप्रतम्

pitṛmātṛvihīnastu gato vṛddhiṃ mahāvane | yāsyatyeva piturgehaṃ tvayaiva saha sāṃpratam

Sanskrit only: no published translation is held for this verse.

एवमाभाषितं श्रुत्वा रंभायाः शिवनंदिनी । हर्षेण महताविष्टा तामुवाच समुद्रजाम्

evamābhāṣitaṃ śrutvā raṃbhāyāḥ śivanaṃdinī | harṣeṇa mahatāviṣṭā tāmuvāca samudrajām

Sanskrit only: no published translation is held for this verse.

अयमेव स सत्यात्मा मम भर्ता सुवीर्यवान् । मनो मे धावतेऽत्यर्थं शोकाकुलितविह्वलम्

ayameva sa satyātmā mama bhartā suvīryavān | mano me dhāvate'tyarthaṃ śokākulitavihvalam

Sanskrit only: no published translation is held for this verse.

नास्ति चित्तसमो देवो जानाति सुविनिश्चितम् । सत्यमेतन्मया दृष्टं सुचित्रं चारुहासिनि

nāsti cittasamo devo jānāti suviniścitam | satyametanmayā dṛṣṭaṃ sucitraṃ cāruhāsini

Sanskrit only: no published translation is held for this verse.

मनोभवसमानं तु पुरुषं दिव्यलक्षणम् । न धावति महाचेत एनं दृष्ट्वा यथा सखि

manobhavasamānaṃ tu puruṣaṃ divyalakṣaṇam | na dhāvati mahāceta enaṃ dṛṣṭvā yathā sakhi

Sanskrit only: no published translation is held for this verse.

तथा न धावते भद्रे पुंसमन्यं न मन्यते । एनं गंतव्यमावाभ्यां सखीभिर्गृहमेव हि

tathā na dhāvate bhadre puṃsamanyaṃ na manyate | enaṃ gaṃtavyamāvābhyāṃ sakhībhirgṛhameva hi

Sanskrit only: no published translation is held for this verse.

एवमाभाष्य सा रंभा गमनायोपचक्रमे । गमनायोत्सुकां ज्ञात्वा नहुषस्यांतिकं प्रति

evamābhāṣya sā raṃbhā gamanāyopacakrame | gamanāyotsukāṃ jñātvā nahuṣasyāṃtikaṃ prati

Sanskrit only: no published translation is held for this verse.

तामुवाच ततो रंभा कस्माद्देवि न गम्यते । सूत उवाच- सख्या च रंभया सार्द्धं नहुषं वीरलक्षणम्

tāmuvāca tato raṃbhā kasmāddevi na gamyate | sūta uvāca- sakhyā ca raṃbhayā sārddhaṃ nahuṣaṃ vīralakṣaṇam

Sanskrit only: no published translation is held for this verse.

तस्यांतिकं सुसंप्राप्य प्रेषयामास तां सखीम् । एनं गच्छ महाभागे नहुषं देवरूपिणम्

tasyāṃtikaṃ susaṃprāpya preṣayāmāsa tāṃ sakhīm | enaṃ gaccha mahābhāge nahuṣaṃ devarūpiṇam

Sanskrit only: no published translation is held for this verse.

कथयस्व कथामेतां तवार्थे आगता यतः । रंभोवाच-। एवं सखि करिष्यामि सुप्रियं तव सुव्रते

kathayasva kathāmetāṃ tavārthe āgatā yataḥ | raṃbhovāca-| evaṃ sakhi kariṣyāmi supriyaṃ tava suvrate

Sanskrit only: no published translation is held for this verse.

एवमुक्त्वा गता रंभा नहुषं राजनंदनम् । चापबाणधरं वीरं द्वितीयमिव वासवम्

evamuktvā gatā raṃbhā nahuṣaṃ rājanaṃdanam | cāpabāṇadharaṃ vīraṃ dvitīyamiva vāsavam

Sanskrit only: no published translation is held for this verse.

प्रत्युवाच गता रंभा सख्या वचनमुत्तमम् । आयुपुत्र महाभाग रंभाहंसमुपागता

pratyuvāca gatā raṃbhā sakhyā vacanamuttamam | āyuputra mahābhāga raṃbhāhaṃsamupāgatā

Sanskrit only: no published translation is held for this verse.

शिवस्य कन्यया वीर तयाहं परिप्रेषिता । तवार्थं देवदेवेन देव्या देवेन वै पुरा

śivasya kanyayā vīra tayāhaṃ paripreṣitā | tavārthaṃ devadevena devyā devena vai purā

Sanskrit only: no published translation is held for this verse.

भार्यारूपं वरं श्रेष्ठं सृष्टं लोकेषु दुर्लभम् । दुष्प्राप्यं तु नरश्रेष्ठैर्देवै सेंद्रैस्तपोधनैः

bhāryārūpaṃ varaṃ śreṣṭhaṃ sṛṣṭaṃ lokeṣu durlabham | duṣprāpyaṃ tu naraśreṣṭhairdevai seṃdraistapodhanaiḥ

Sanskrit only: no published translation is held for this verse.

गंधर्वैः पन्नगैः सिद्धैश्चारणैः पुण्यलक्षणैः । स्वयमेव समायातं तवार्थे शृणु सांप्रतम्

gaṃdharvaiḥ pannagaiḥ siddhaiścāraṇaiḥ puṇyalakṣaṇaiḥ | svayameva samāyātaṃ tavārthe śṛṇu sāṃpratam

Sanskrit only: no published translation is held for this verse.

स्त्रीरत्नं तन्महाप्राज्ञ संपूर्णं पुण्यनिर्मितम् । अशोकसुंदरी नाम तवार्थं तपसि स्थिता

strīratnaṃ tanmahāprājña saṃpūrṇaṃ puṇyanirmitam | aśokasuṃdarī nāma tavārthaṃ tapasi sthitā

Sanskrit only: no published translation is held for this verse.

अत्यर्थं तु तपस्तप्तं भवंतमिच्छते सदा । एवं ज्ञात्वा महाभाग भजमानां भजस्व हि

atyarthaṃ tu tapastaptaṃ bhavaṃtamicchate sadā | evaṃ jñātvā mahābhāga bhajamānāṃ bhajasva hi

Sanskrit only: no published translation is held for this verse.

त्वामृते सा वरारोहा पुरुषं नैव याचते । नहुषेण तयोक्तं तु श्रुत्वावधारितं वचः

tvāmṛte sā varārohā puruṣaṃ naiva yācate | nahuṣeṇa tayoktaṃ tu śrutvāvadhāritaṃ vacaḥ

Sanskrit only: no published translation is held for this verse.

प्रत्युत्तरं ददौ चाथ रंभे मे श्रूयतां वचः । तत्तु सर्वं विजानामि यत्त्वयोक्तं ममाग्रतः

pratyuttaraṃ dadau cātha raṃbhe me śrūyatāṃ vacaḥ | tattu sarvaṃ vijānāmi yattvayoktaṃ mamāgrataḥ

Sanskrit only: no published translation is held for this verse.

ममाग्रे कथितं पूर्वं वशिष्ठेन महात्मना । सर्वमेव विजानामि अस्यास्तु तप उत्तमम्

mamāgre kathitaṃ pūrvaṃ vaśiṣṭhena mahātmanā | sarvameva vijānāmi asyāstu tapa uttamam

Sanskrit only: no published translation is held for this verse.

श्रूयतां कारणं भद्रे यथासौख्यं भविष्यति । अहत्वा दानवं हुंडं न गच्छामि वरांगनाम्

śrūyatāṃ kāraṇaṃ bhadre yathāsaukhyaṃ bhaviṣyati | ahatvā dānavaṃ huṃḍaṃ na gacchāmi varāṃganām

Sanskrit only: no published translation is held for this verse.

सर्वमेतत्सुवृत्तांतमहं जाने तथैव हि । ममार्थे तव संभूतिस्तपश्च चरितं त्वया

sarvametatsuvṛttāṃtamahaṃ jāne tathaiva hi | mamārthe tava saṃbhūtistapaśca caritaṃ tvayā

Sanskrit only: no published translation is held for this verse.

मम भार्या न संदेहो भवती विधिना कृता । ममार्थे निश्चयं कृत्वा तप आचरितं त्वया

mama bhāryā na saṃdeho bhavatī vidhinā kṛtā | mamārthe niścayaṃ kṛtvā tapa ācaritaṃ tvayā

Sanskrit only: no published translation is held for this verse.

हृता तस्मात्सुपापेन भवती नियमान्विता । सूतिगृहादहं तेन दानवेनाधमेन वै

hṛtā tasmātsupāpena bhavatī niyamānvitā | sūtigṛhādahaṃ tena dānavenādhamena vai

Sanskrit only: no published translation is held for this verse.

बालभावस्थितो देवि पितृमातृविना कृतः । तस्मात्तं तु हनिष्यामि हुंडं वै दानवाधमम्

bālabhāvasthito devi pitṛmātṛvinā kṛtaḥ | tasmāttaṃ tu haniṣyāmi huṃḍaṃ vai dānavādhamam

Sanskrit only: no published translation is held for this verse.

पश्चात्त्वामुपनेष्येऽहं वशिष्ठस्याश्रमं प्रति । एवं कथय भद्रं ते रंभे मत्प्रियकारिणीम्

paścāttvāmupaneṣye'haṃ vaśiṣṭhasyāśramaṃ prati | evaṃ kathaya bhadraṃ te raṃbhe matpriyakāriṇīm

Sanskrit only: no published translation is held for this verse.

एवं विसर्जिता तेन सत्वरं सा गता पुनः । अशोकसुंदरीं देवीं कथयामास तस्य च

evaṃ visarjitā tena satvaraṃ sā gatā punaḥ | aśokasuṃdarīṃ devīṃ kathayāmāsa tasya ca

Sanskrit only: no published translation is held for this verse.

समासेन तथा सर्वं रंभा सा द्विजसत्तम । अशोकसुंदरी सा तु अवधार्य सुभाषितम्

samāsena tathā sarvaṃ raṃbhā sā dvijasattama | aśokasuṃdarī sā tu avadhārya subhāṣitam

Sanskrit only: no published translation is held for this verse.

नहुषस्य सुवीरस्य हर्षेण च समन्विता । तस्थौ तत्र तया सार्द्धं सुसख्या रंभया तदा

nahuṣasya suvīrasya harṣeṇa ca samanvitā | tasthau tatra tayā sārddhaṃ susakhyā raṃbhayā tadā

Sanskrit only: no published translation is held for this verse.

भर्तुश्च कीदृशं वीर्यमिति पश्यामि वै सदा

bhartuśca kīdṛśaṃ vīryamiti paśyāmi vai sadā

Sanskrit only: no published translation is held for this verse.