Library·Padma Purāṇa·2·2.114
कुंजल उवाच- अथ ते दानवाः सर्वे हुंडस्य परिचारकाः । नहुषस्यापि संवादं रंभया तु यथाश्रुतम्
kuṃjala uvāca- atha te dānavāḥ sarve huṃḍasya paricārakāḥ | nahuṣasyāpi saṃvādaṃ raṃbhayā tu yathāśrutam
Sanskrit only: no published translation is held for this verse.
आचचक्षुश्च दैत्येंद्रं हुंडं सर्वं सुभाषितम् । तमाकर्ण्य स चुक्रोध दूतं वाक्यमथाब्रवीत्
ācacakṣuśca daityeṃdraṃ huṃḍaṃ sarvaṃ subhāṣitam | tamākarṇya sa cukrodha dūtaṃ vākyamathābravīt
Sanskrit only: no published translation is held for this verse.
गच्छ वीर ममादेशाज्जानीहि पुरुषं हि तम् । संभाषते तया सार्द्धं पुरुषः शिवकन्यया
gaccha vīra mamādeśājjānīhi puruṣaṃ hi tam | saṃbhāṣate tayā sārddhaṃ puruṣaḥ śivakanyayā
Sanskrit only: no published translation is held for this verse.
स्वामिनिर्देशमाकर्ण्य जगाम लघुदानवः । विविक्ते नहुषं वीरमिदं वचनमब्रवीत्
svāminirdeśamākarṇya jagāma laghudānavaḥ | vivikte nahuṣaṃ vīramidaṃ vacanamabravīt
Sanskrit only: no published translation is held for this verse.
रथेन साश्वसूतेन दिव्येन परितिष्ठति । धनुषा दिव्यबाणैस्तु सभायां हि भयंकरः
rathena sāśvasūtena divyena paritiṣṭhati | dhanuṣā divyabāṇaistu sabhāyāṃ hi bhayaṃkaraḥ
Sanskrit only: no published translation is held for this verse.
कस्य केन तु कार्येण प्रेषितः केन वैभवान् । अनया रंभया तेऽद्य अन्यया शिवकन्यया
kasya kena tu kāryeṇa preṣitaḥ kena vaibhavān | anayā raṃbhayā te'dya anyayā śivakanyayā
Sanskrit only: no published translation is held for this verse.
किमुक्तं तत्स्फुटं सर्वं कथयस्व ममाग्रतः । हुंडस्य देवमर्दस्य न बिभेति भवान्कथम्
kimuktaṃ tatsphuṭaṃ sarvaṃ kathayasva mamāgrataḥ | huṃḍasya devamardasya na bibheti bhavānkatham
Sanskrit only: no published translation is held for this verse.
एतन्मे सर्वमाचक्ष्व यदि जीवितुमिच्छसि । सत्वरं गच्छ मा तिष्ठ दुःसहो दानवाधिपः
etanme sarvamācakṣva yadi jīvitumicchasi | satvaraṃ gaccha mā tiṣṭha duḥsaho dānavādhipaḥ
Sanskrit only: no published translation is held for this verse.
नहुष उवाच- योऽसावायुर्बली राजा सप्तद्वीपाधिपः प्रभुः । तस्य मां तनयं विद्धि सर्वदैत्यविनाशनम्
nahuṣa uvāca- yo'sāvāyurbalī rājā saptadvīpādhipaḥ prabhuḥ | tasya māṃ tanayaṃ viddhi sarvadaityavināśanam
Sanskrit only: no published translation is held for this verse.
नहुषं नाम विख्यातं देवब्राह्मणपूजकम् । हुंडेनापहृतं बाल्ये स्वामिना तव दानव
nahuṣaṃ nāma vikhyātaṃ devabrāhmaṇapūjakam | huṃḍenāpahṛtaṃ bālye svāminā tava dānava
Sanskrit only: no published translation is held for this verse.
सेयं कन्या शिवस्यापि दैत्येनापहृता पुरा । घोरं तपश्चरत्येषा हुंडस्यापि वधाय च
seyaṃ kanyā śivasyāpi daityenāpahṛtā purā | ghoraṃ tapaścaratyeṣā huṃḍasyāpi vadhāya ca
Sanskrit only: no published translation is held for this verse.
योहमादौ हृतो बालस्त्वया यः सूतिकागृहात् । दास्या अपि करे दत्तः सूदस्यापि दुरात्मना
yohamādau hṛto bālastvayā yaḥ sūtikāgṛhāt | dāsyā api kare dattaḥ sūdasyāpi durātmanā
Sanskrit only: no published translation is held for this verse.
वधार्थं श्रूयतां पाप सोहमद्य समागतः । अस्यापि हुंडदैत्यस्य दुष्टस्य पापकर्मणः
vadhārthaṃ śrūyatāṃ pāpa sohamadya samāgataḥ | asyāpi huṃḍadaityasya duṣṭasya pāpakarmaṇaḥ
Sanskrit only: no published translation is held for this verse.
अन्यांश्च दानवान्घोरान्नयिष्ये यमसादनम् । मामेवं विद्धि पापिष्ठ एवं कथय दानवम्
anyāṃśca dānavānghorānnayiṣye yamasādanam | māmevaṃ viddhi pāpiṣṭha evaṃ kathaya dānavam
Sanskrit only: no published translation is held for this verse.
एवमाकर्ण्य तत्सर्वं नहुषस्य महात्मनः । गत्वा हुंडं स दुष्टात्मा आचचक्षेऽस्य भाषितम्
evamākarṇya tatsarvaṃ nahuṣasya mahātmanaḥ | gatvā huṃḍaṃ sa duṣṭātmā ācacakṣe'sya bhāṣitam
Sanskrit only: no published translation is held for this verse.
निशम्य तन्मुखात्तूर्णं चुक्रोध दितिजेश्वरः । कस्मात्सूदेन पापेन तया दास्या न घातितः
niśamya tanmukhāttūrṇaṃ cukrodha ditijeśvaraḥ | kasmātsūdena pāpena tayā dāsyā na ghātitaḥ
Sanskrit only: no published translation is held for this verse.
सोयं वृद्धिं समायातो मया व्याधिरुपेक्षितः । अथैनं घातयिष्यामि अनया शिवकन्यया
soyaṃ vṛddhiṃ samāyāto mayā vyādhirupekṣitaḥ | athainaṃ ghātayiṣyāmi anayā śivakanyayā
Sanskrit only: no published translation is held for this verse.
आयोः पुत्रं खलं युद्धे बाणैरेभिः शिलाशितैः । एवं सचिंतयित्वा तु सारथिं वाक्यमब्रवीत्
āyoḥ putraṃ khalaṃ yuddhe bāṇairebhiḥ śilāśitaiḥ | evaṃ saciṃtayitvā tu sārathiṃ vākyamabravīt
Sanskrit only: no published translation is held for this verse.
स्यंदनं योजयस्व त्वं तुरगैः साधुभिः शिवैः । सेनाध्यक्षं समाहूय इत्युवाच समातुरः
syaṃdanaṃ yojayasva tvaṃ turagaiḥ sādhubhiḥ śivaiḥ | senādhyakṣaṃ samāhūya ityuvāca samāturaḥ
Sanskrit only: no published translation is held for this verse.
सज्जतां मम सैन्यं त्वं शूरान्नागान्प्रकल्पय । सारोहैस्तुरगान्योधान्पताकाच्छत्रचामरैः
sajjatāṃ mama sainyaṃ tvaṃ śūrānnāgānprakalpaya | sārohaisturagānyodhānpatākācchatracāmaraiḥ
Sanskrit only: no published translation is held for this verse.
चतुरंगबलं मेऽद्य योजयस्व हि सत्वरम् । एवमाकर्ण्य तत्तस्य हुंडस्यापि ततो लघुः
caturaṃgabalaṃ me'dya yojayasva hi satvaram | evamākarṇya tattasya huṃḍasyāpi tato laghuḥ
Sanskrit only: no published translation is held for this verse.
सेनाध्यक्षो महाप्राज्ञः सर्वं चक्रे यथाविधि । चतुरंगेन तेनासौ बलेन महता वृतः
senādhyakṣo mahāprājñaḥ sarvaṃ cakre yathāvidhi | caturaṃgena tenāsau balena mahatā vṛtaḥ
Sanskrit only: no published translation is held for this verse.
जगाम नहुषं वीरं चापबाणधरं रणे । इंद्रस्य स्यंदने युक्तं सर्वशस्त्रभृतां वरम्
jagāma nahuṣaṃ vīraṃ cāpabāṇadharaṃ raṇe | iṃdrasya syaṃdane yuktaṃ sarvaśastrabhṛtāṃ varam
Sanskrit only: no published translation is held for this verse.
उद्यंतं समरे वीरं दुरापं देवदानवैः । पश्यंति गगने देवा विमानस्था महौजसः
udyaṃtaṃ samare vīraṃ durāpaṃ devadānavaiḥ | paśyaṃti gagane devā vimānasthā mahaujasaḥ
Sanskrit only: no published translation is held for this verse.
तेजोज्वालासमाकीर्णं द्वितीयमिव भास्करम् । सूत उवाच- अथ ते दानवाः सर्वे ववृषुस्तं शरोत्तमैः
tejojvālāsamākīrṇaṃ dvitīyamiva bhāskaram | sūta uvāca- atha te dānavāḥ sarve vavṛṣustaṃ śarottamaiḥ
Sanskrit only: no published translation is held for this verse.
खड्गैः पाशैर्महाशूलैः शक्तिभिस्तु परश्वधैः । युयुधुः संयुगे तेन नहुषेण महात्मना
khaḍgaiḥ pāśairmahāśūlaiḥ śaktibhistu paraśvadhaiḥ | yuyudhuḥ saṃyuge tena nahuṣeṇa mahātmanā
Sanskrit only: no published translation is held for this verse.
संरब्धा गर्जमानास्ते यथा मेघा गिरौ तथा । तद्विक्रमं समालोक्य आयुपुत्रः प्रतापवान्
saṃrabdhā garjamānāste yathā meghā girau tathā | tadvikramaṃ samālokya āyuputraḥ pratāpavān
Sanskrit only: no published translation is held for this verse.
इंद्रायुधसमं चापं विस्फार्य स गुणस्वरम् । वज्रस्फोटसमः शब्दश्चापस्यापि महात्मनः
iṃdrāyudhasamaṃ cāpaṃ visphārya sa guṇasvaram | vajrasphoṭasamaḥ śabdaścāpasyāpi mahātmanaḥ
Sanskrit only: no published translation is held for this verse.
नहुषेण कृतो विप्रा दानवानां भयप्रदः । महता तेन घोषेण दानवाः प्रचकंपिरे
nahuṣeṇa kṛto viprā dānavānāṃ bhayapradaḥ | mahatā tena ghoṣeṇa dānavāḥ pracakaṃpire
Sanskrit only: no published translation is held for this verse.
कश्मलाविष्टहृदया भग्नसत्वा महाहवे
kaśmalāviṣṭahṛdayā bhagnasatvā mahāhave
Sanskrit only: no published translation is held for this verse.