Padma Purāṇa 2.115

कुंजल उवाच- ततस्त्वसौ संयति राजमानः समुद्यतश्चापधरो महात्मा । यथैव कालः कुपितः सलोकान्संहर्तुमैच्छत्तु तथा सुदानवान्

kuṃjala uvāca- tatastvasau saṃyati rājamānaḥ samudyataścāpadharo mahātmā | yathaiva kālaḥ kupitaḥ salokānsaṃhartumaicchattu tathā sudānavān

Sanskrit only: no published translation is held for this verse.

महास्त्रजालै रवितेजतुल्यैः सुदीप्तिमद्भिर्निजघान दानवान् । वायुर्यथोन्मूलयतीह पादपांस्तथैव राजा निजघान दानवान्

mahāstrajālai ravitejatulyaiḥ sudīptimadbhirnijaghāna dānavān | vāyuryathonmūlayatīha pādapāṃstathaiva rājā nijaghāna dānavān

Sanskrit only: no published translation is held for this verse.

वायुर्यथा मेघचयं च दिव्यं संचालयेत्स्वेन बलेन तेजसा । तथा स राजा असुरान्मदोत्कटाननाशयद्बाणवरैः सुतीक्ष्णैः

vāyuryathā meghacayaṃ ca divyaṃ saṃcālayetsvena balena tejasā | tathā sa rājā asurānmadotkaṭānanāśayadbāṇavaraiḥ sutīkṣṇaiḥ

Sanskrit only: no published translation is held for this verse.

न शेकुर्दानवाः सर्वे बाणवर्षं महात्मनः । मृताः केचिद्द्रुताः केचित्केचिन्नष्टा महाहवात्

na śekurdānavāḥ sarve bāṇavarṣaṃ mahātmanaḥ | mṛtāḥ keciddrutāḥ kecitkecinnaṣṭā mahāhavāt

Sanskrit only: no published translation is held for this verse.

सूत उवाच- महातेजं महाप्राज्ञं महादानवनाशनम् । चुक्रोध हुंडो दुष्टात्मा दृष्ट्वा तं नृपनंदनम्

sūta uvāca- mahātejaṃ mahāprājñaṃ mahādānavanāśanam | cukrodha huṃḍo duṣṭātmā dṛṣṭvā taṃ nṛpanaṃdanam

Sanskrit only: no published translation is held for this verse.

स्थितो गत्वेदमाभाष्य तिष्ठतिष्ठेति चाहवे । त्वामद्य च नयिष्यामि आयुपुत्र यमांतिकम्

sthito gatvedamābhāṣya tiṣṭhatiṣṭheti cāhave | tvāmadya ca nayiṣyāmi āyuputra yamāṃtikam

Sanskrit only: no published translation is held for this verse.

नहुष उवाच- स्थितोस्मि समरे पश्य त्वामहं हंतुमागतः । अहं त्वां तु हनिष्यामि दानवं पापचेतनम्

nahuṣa uvāca- sthitosmi samare paśya tvāmahaṃ haṃtumāgataḥ | ahaṃ tvāṃ tu haniṣyāmi dānavaṃ pāpacetanam

Sanskrit only: no published translation is held for this verse.

इत्युक्त्वा धनुरादाय बाणानग्निशिखोपमान् । छत्रेण ध्रियमाणेन शुशुभे सोऽपि संयुगे

ityuktvā dhanurādāya bāṇānagniśikhopamān | chatreṇa dhriyamāṇena śuśubhe so'pi saṃyuge

Sanskrit only: no published translation is held for this verse.

इंद्रस्य सारथिं दिव्यं मातलिं वाक्यमब्रवीत् । वाहयतु रथं मेऽद्य हुंडस्य सम्मुखं भवान्

iṃdrasya sārathiṃ divyaṃ mātaliṃ vākyamabravīt | vāhayatu rathaṃ me'dya huṃḍasya sammukhaṃ bhavān

Sanskrit only: no published translation is held for this verse.

इत्युक्तस्तेन वीरेण मातलिर्लघुविक्रमः । तुरगांश्चोदयामास महावातजवोपमान्

ityuktastena vīreṇa mātalirlaghuvikramaḥ | turagāṃścodayāmāsa mahāvātajavopamān

Sanskrit only: no published translation is held for this verse.

उत्पेतुश्च ततो वाहा हंसा इव यथांबरे । छत्रेण इंदुवर्णेन रथेनापि पताकिना

utpetuśca tato vāhā haṃsā iva yathāṃbare | chatreṇa iṃduvarṇena rathenāpi patākinā

Sanskrit only: no published translation is held for this verse.

नभस्तलं तु संप्राप्य यथा सूर्यो विराजते । आयुपुत्रस्तथा संख्ये तेजसा विक्रमेण तु

nabhastalaṃ tu saṃprāpya yathā sūryo virājate | āyuputrastathā saṃkhye tejasā vikrameṇa tu

Sanskrit only: no published translation is held for this verse.

अथ हुंडो रथस्थोऽपि राजमानः स्वतेजसा । सर्वायुधैश्च संयुक्तस्तद्वद्वीरव्रते स्थितः

atha huṃḍo rathastho'pi rājamānaḥ svatejasā | sarvāyudhaiśca saṃyuktastadvadvīravrate sthitaḥ

Sanskrit only: no published translation is held for this verse.

उभयोर्वीरयोर्युद्धं देवविस्मयकारकम् । तदा आसीन्महाप्राज्ञ दारुणं भीतिदायकम्

ubhayorvīrayoryuddhaṃ devavismayakārakam | tadā āsīnmahāprājña dāruṇaṃ bhītidāyakam

Sanskrit only: no published translation is held for this verse.

सुबाणैर्निशितैस्तीक्ष्णैः कंकपत्रैः शिलीमुखैः । हुंडेन ताडितो राजा सुबाह्वोरंतरे तदा

subāṇairniśitaistīkṣṇaiḥ kaṃkapatraiḥ śilīmukhaiḥ | huṃḍena tāḍito rājā subāhvoraṃtare tadā

Sanskrit only: no published translation is held for this verse.

सुभाले पंचभिर्बाणैर्विद्धः क्रुद्धोऽभवत्तदा । सविद्धस्तु तदा बाणैरधिकं शुशुभे नृपः

subhāle paṃcabhirbāṇairviddhaḥ kruddho'bhavattadā | saviddhastu tadā bāṇairadhikaṃ śuśubhe nṛpaḥ

Sanskrit only: no published translation is held for this verse.

सारुणः करमालाभिरुदयंश्च दिवाकरः । रुधिरेण तु दिग्धांगो हेमबाणैस्तनुस्थितैः

sāruṇaḥ karamālābhirudayaṃśca divākaraḥ | rudhireṇa tu digdhāṃgo hemabāṇaistanusthitaiḥ

Sanskrit only: no published translation is held for this verse.

सूर्यवच्छोभते राजा पूर्वकालस्य चांबरे । दृष्ट्वा तु पौरुषं तस्य दानवं वाक्यमब्रवीत्

sūryavacchobhate rājā pūrvakālasya cāṃbare | dṛṣṭvā tu pauruṣaṃ tasya dānavaṃ vākyamabravīt

Sanskrit only: no published translation is held for this verse.

तिष्ठतिष्ठ क्षणं दैत्य पश्य मे लाघवं पुनः । इत्युक्त्वा तु रणे दैत्यं जघान दशभिः शरैः

tiṣṭhatiṣṭha kṣaṇaṃ daitya paśya me lāghavaṃ punaḥ | ityuktvā tu raṇe daityaṃ jaghāna daśabhiḥ śaraiḥ

Sanskrit only: no published translation is held for this verse.

मुखे भाले हतस्तेन मूर्च्छितो निपपात ह । पश्यामानैः सुरैर्दिव्यै रथोपरि महाबलः

mukhe bhāle hatastena mūrcchito nipapāta ha | paśyāmānaiḥ surairdivyai rathopari mahābalaḥ

Sanskrit only: no published translation is held for this verse.

देवैश्च चारणैः सिद्धैः कृतः शब्दः सुहर्षजः । जयजयेति राजेंद्र शंखान्दध्मुः पुनः पुनः

devaiśca cāraṇaiḥ siddhaiḥ kṛtaḥ śabdaḥ suharṣajaḥ | jayajayeti rājeṃdra śaṃkhāndadhmuḥ punaḥ punaḥ

Sanskrit only: no published translation is held for this verse.

सकोलाहलशब्दस्तु तुमलो देवतेरितः । कर्णरंध्रमाविवेश हुंडस्य मूर्छितस्य च

sakolāhalaśabdastu tumalo devateritaḥ | karṇaraṃdhramāviveśa huṃḍasya mūrchitasya ca

Sanskrit only: no published translation is held for this verse.

श्रुत्वा सधनुरादाय बाणमाशीविषोपमम् । स्थीयतां स्थीयतां युद्धे न मृतोस्मि त्वया हतः

śrutvā sadhanurādāya bāṇamāśīviṣopamam | sthīyatāṃ sthīyatāṃ yuddhe na mṛtosmi tvayā hataḥ

Sanskrit only: no published translation is held for this verse.

इत्युक्त्वा पुनरुत्थाय लाघवेन समन्वितः । एकविंशतिभिर्बाणैर्नहुषं चाहनत्पुनः

ityuktvā punarutthāya lāghavena samanvitaḥ | ekaviṃśatibhirbāṇairnahuṣaṃ cāhanatpunaḥ

Sanskrit only: no published translation is held for this verse.

एकेन मुष्टिमध्ये तु चतुर्भिर्बाहुमध्यतः । चतुर्भिश्च महाश्वांश्च छत्रमेकेन तेन वै

ekena muṣṭimadhye tu caturbhirbāhumadhyataḥ | caturbhiśca mahāśvāṃśca chatramekena tena vai

Sanskrit only: no published translation is held for this verse.

पंचभिर्मातलिं विद्ध्वा रथनीडं तु सप्तभिः । ध्वजदंडं त्रिभिस्तीक्ष्णैर्दानवः शिखिपत्रिभिः

paṃcabhirmātaliṃ viddhvā rathanīḍaṃ tu saptabhiḥ | dhvajadaṃḍaṃ tribhistīkṣṇairdānavaḥ śikhipatribhiḥ

Sanskrit only: no published translation is held for this verse.

आदानं तु निदानं तु लक्षमोक्षं दुरात्मनः । लाघवं तस्य संदृष्ट्वा देवता विस्मयंगताः

ādānaṃ tu nidānaṃ tu lakṣamokṣaṃ durātmanaḥ | lāghavaṃ tasya saṃdṛṣṭvā devatā vismayaṃgatāḥ

Sanskrit only: no published translation is held for this verse.

तस्य पौरुषमापश्य स राजा दानवोत्तमम् । शूरोसि कृतविद्योसि धीरोसि रणपंडितः

tasya pauruṣamāpaśya sa rājā dānavottamam | śūrosi kṛtavidyosi dhīrosi raṇapaṃḍitaḥ

Sanskrit only: no published translation is held for this verse.

इत्युक्वा दानवं तं तु धनुर्विस्फार्य भूपतिः । मार्गणैर्दशभिस्तं तु विव्याध लघुविक्रमः

ityukvā dānavaṃ taṃ tu dhanurvisphārya bhūpatiḥ | mārgaṇairdaśabhistaṃ tu vivyādha laghuvikramaḥ

Sanskrit only: no published translation is held for this verse.

त्रिभिर्ध्वजं प्रचिच्छेद स पपात धरातले । तुरगान्पातयामास चतुर्भिस्तस्य सायकैः

tribhirdhvajaṃ praciccheda sa papāta dharātale | turagānpātayāmāsa caturbhistasya sāyakaiḥ

Sanskrit only: no published translation is held for this verse.

एकेन छत्रं तस्यापि चकर्त लघुविक्रमः । दशभिः सारथिस्तस्य प्रेषितो यममंदिरम्

ekena chatraṃ tasyāpi cakarta laghuvikramaḥ | daśabhiḥ sārathistasya preṣito yamamaṃdiram

Sanskrit only: no published translation is held for this verse.

दंशनं दशभिश्छित्त्वा शरैश्च विदलीकृतः । सर्वांगेषु च त्रिंशद्भिर्विव्याध दनुजेश्वरम्

daṃśanaṃ daśabhiśchittvā śaraiśca vidalīkṛtaḥ | sarvāṃgeṣu ca triṃśadbhirvivyādha danujeśvaram

Sanskrit only: no published translation is held for this verse.

हताश्वो विरथो जातो बाणपाणिर्धनुर्धरः । अभ्यधावत्स वेगेन वर्षयन्निशितैः शरैः

hatāśvo viratho jāto bāṇapāṇirdhanurdharaḥ | abhyadhāvatsa vegena varṣayanniśitaiḥ śaraiḥ

Sanskrit only: no published translation is held for this verse.

खड्गचर्मधरो दैत्यो राजानं तमधावत । धावमानस्य हुंडस्य खड्गं चिच्छेद भूपतिः

khaḍgacarmadharo daityo rājānaṃ tamadhāvata | dhāvamānasya huṃḍasya khaḍgaṃ ciccheda bhūpatiḥ

Sanskrit only: no published translation is held for this verse.

क्षुरप्रैर्निशितैर्बाणैश्चर्म चिच्छेद भूपतिः । अथ हुंडः स दुष्टात्मा समालोक्य समंततः

kṣuraprairniśitairbāṇaiścarma ciccheda bhūpatiḥ | atha huṃḍaḥ sa duṣṭātmā samālokya samaṃtataḥ

Sanskrit only: no published translation is held for this verse.

जग्राह मुद्गरं तूर्णं मुमोच लघुविक्रमः । वज्रवेगं समायांतं ददृशे नृपतिस्तदा

jagrāha mudgaraṃ tūrṇaṃ mumoca laghuvikramaḥ | vajravegaṃ samāyāṃtaṃ dadṛśe nṛpatistadā

Sanskrit only: no published translation is held for this verse.

मुद्गरं स्वनवंतं चापातयदंबरात्ततः । दशभिर्निशितैर्बाणैः क्षुरप्रैश्च स्वविक्रमात्

mudgaraṃ svanavaṃtaṃ cāpātayadaṃbarāttataḥ | daśabhirniśitairbāṇaiḥ kṣurapraiśca svavikramāt

Sanskrit only: no published translation is held for this verse.

मुद्गरं पतितं दृष्ट्वा दशखण्डमयं भुवि । गदामुद्यम्य वेगेन राजानमभ्यधावत

mudgaraṃ patitaṃ dṛṣṭvā daśakhaṇḍamayaṃ bhuvi | gadāmudyamya vegena rājānamabhyadhāvata

Sanskrit only: no published translation is held for this verse.

खड्गेन तीक्ष्णधारेण तस्य बाहुं विचिच्छिदे । सगदं पतितं भूमौ सांगदं कटकान्वितम्

khaḍgena tīkṣṇadhāreṇa tasya bāhuṃ vicicchide | sagadaṃ patitaṃ bhūmau sāṃgadaṃ kaṭakānvitam

Sanskrit only: no published translation is held for this verse.

महारावं ततः कृत्वा वज्रस्फोटसमं तदा । रुधिरेणापि दिग्धांगो धावमानो महाहवे

mahārāvaṃ tataḥ kṛtvā vajrasphoṭasamaṃ tadā | rudhireṇāpi digdhāṃgo dhāvamāno mahāhave

Sanskrit only: no published translation is held for this verse.

क्रोधेन महताविष्टो ग्रस्तुमिच्छति भूपतिम् । दुर्निवार्यः समायातः पार्श्वं तस्य च भूपतेः

krodhena mahatāviṣṭo grastumicchati bhūpatim | durnivāryaḥ samāyātaḥ pārśvaṃ tasya ca bhūpateḥ

Sanskrit only: no published translation is held for this verse.

नहुषेण महाशक्त्या ताडितो हृदि दानवः । पतितः सहसा भूमौ वज्राहत इवाचलः

nahuṣeṇa mahāśaktyā tāḍito hṛdi dānavaḥ | patitaḥ sahasā bhūmau vajrāhata ivācalaḥ

Sanskrit only: no published translation is held for this verse.

तस्मिन्दैत्ये गते भूमावितरे दानवा गताः । विविशुः कति दुर्गेषु कति पातालमाश्रिताः

tasmindaitye gate bhūmāvitare dānavā gatāḥ | viviśuḥ kati durgeṣu kati pātālamāśritāḥ

Sanskrit only: no published translation is held for this verse.

देवाः प्रहर्षमाजग्मुर्गंधर्वाः सिद्धचारणाः । हते तस्मिन्महापापे नहुषेण महात्मना

devāḥ praharṣamājagmurgaṃdharvāḥ siddhacāraṇāḥ | hate tasminmahāpāpe nahuṣeṇa mahātmanā

Sanskrit only: no published translation is held for this verse.

तस्मिन्हते दैत्यवरे महाहवे देवाश्च सर्वे प्रमुदं प्रलेभिरे । तां देवरूपां तपसा प्रवर्द्धितां स आयुपुत्रः प्रतिलभ्य हर्षितः

tasminhate daityavare mahāhave devāśca sarve pramudaṃ pralebhire | tāṃ devarūpāṃ tapasā pravarddhitāṃ sa āyuputraḥ pratilabhya harṣitaḥ

Sanskrit only: no published translation is held for this verse.