Padma Purāṇa 2.116

कुंजल उवाच- अशोकसुंदरी पुण्या रंभया सह हर्षिता । नहुषं प्राप्य विक्रांतं तमुवाच तपस्विनी

kuṃjala uvāca- aśokasuṃdarī puṇyā raṃbhayā saha harṣitā | nahuṣaṃ prāpya vikrāṃtaṃ tamuvāca tapasvinī

Sanskrit only: no published translation is held for this verse.

अहं ते धर्मतः पत्नी देवैर्दिष्टा तपस्विनी । उद्वाहयस्व मां वीर यदि धर्ममिहेच्छसि

ahaṃ te dharmataḥ patnī devairdiṣṭā tapasvinī | udvāhayasva māṃ vīra yadi dharmamihecchasi

Sanskrit only: no published translation is held for this verse.

सदैव चिंत्यमाना च त्वामहं तपसि स्थिता । भवान्धर्मप्रसादेन मया प्राप्तो नृपोत्तम

sadaiva ciṃtyamānā ca tvāmahaṃ tapasi sthitā | bhavāndharmaprasādena mayā prāpto nṛpottama

Sanskrit only: no published translation is held for this verse.

नहुष उवाच- मदर्थे नियता भद्रे यदि त्वं तपसि स्थिता । गुरोर्वाक्यान्मुहूर्तेन तव भर्ता भवाम्यहम्

nahuṣa uvāca- madarthe niyatā bhadre yadi tvaṃ tapasi sthitā | gurorvākyānmuhūrtena tava bhartā bhavāmyaham

Sanskrit only: no published translation is held for this verse.

अनया रंभया सार्द्धमावां गच्छाव भामिनि । समारोप्य रथे तां तु तां रंभां तु मनोरमाम्

anayā raṃbhayā sārddhamāvāṃ gacchāva bhāmini | samāropya rathe tāṃ tu tāṃ raṃbhāṃ tu manoramām

Sanskrit only: no published translation is held for this verse.

तेनैव रथवर्येण वशिष्ठस्याश्रमं प्रति । जगाम लघुवेगेन ताभ्यां सह महायशाः

tenaiva rathavaryeṇa vaśiṣṭhasyāśramaṃ prati | jagāma laghuvegena tābhyāṃ saha mahāyaśāḥ

Sanskrit only: no published translation is held for this verse.

तमाश्रमगतं विप्रं समालोक्य प्रणम्य च । तया सार्द्धं महातेजा हर्षेण महतान्वितः

tamāśramagataṃ vipraṃ samālokya praṇamya ca | tayā sārddhaṃ mahātejā harṣeṇa mahatānvitaḥ

Sanskrit only: no published translation is held for this verse.

यथा युद्धं रणे जातं निहतो दानवाधमः । निवेदयामास सर्वं वशिष्ठाय महात्मने

yathā yuddhaṃ raṇe jātaṃ nihato dānavādhamaḥ | nivedayāmāsa sarvaṃ vaśiṣṭhāya mahātmane

Sanskrit only: no published translation is held for this verse.

वशिष्ठोऽपि समाकर्ण्य नहुषस्य विचेष्टितम् । हर्षेण महताविष्ट आशीर्भिरभिनंद्य तम्

vaśiṣṭho'pi samākarṇya nahuṣasya viceṣṭitam | harṣeṇa mahatāviṣṭa āśīrbhirabhinaṃdya tam

Sanskrit only: no published translation is held for this verse.

तिथौ लग्ने शुभे प्राप्ते तयोस्तु मुनिपुंगवः । विवाहं कारयामास अग्निब्राह्मणसन्निधौ

tithau lagne śubhe prāpte tayostu munipuṃgavaḥ | vivāhaṃ kārayāmāsa agnibrāhmaṇasannidhau

Sanskrit only: no published translation is held for this verse.

आशीर्भिरभिनंद्यैव मिथुनं प्रेषितं पुनः । मातरं पितरं पश्य द्रुतं गत्वा महामते

āśīrbhirabhinaṃdyaiva mithunaṃ preṣitaṃ punaḥ | mātaraṃ pitaraṃ paśya drutaṃ gatvā mahāmate

Sanskrit only: no published translation is held for this verse.

त्वां च दृष्ट्वा हि ते माता पितासौ तव सुव्रत । हर्षेण वृद्धिमाप्नोतु पर्वणीव तु सागरः

tvāṃ ca dṛṣṭvā hi te mātā pitāsau tava suvrata | harṣeṇa vṛddhimāpnotu parvaṇīva tu sāgaraḥ

Sanskrit only: no published translation is held for this verse.

एवं संप्रेषितो वीरो मुनिना ब्रह्मसूनुना । तेनैव रथवर्येण जगाम लघुविक्रमः

evaṃ saṃpreṣito vīro muninā brahmasūnunā | tenaiva rathavaryeṇa jagāma laghuvikramaḥ

Sanskrit only: no published translation is held for this verse.

नमस्कृत्य द्विजेंद्रं तं गतो मातलिना तदा । स्वपुरं पितरं द्रष्टुं तथैव च स्वमातरम्

namaskṛtya dvijeṃdraṃ taṃ gato mātalinā tadā | svapuraṃ pitaraṃ draṣṭuṃ tathaiva ca svamātaram

Sanskrit only: no published translation is held for this verse.

सूत उवाच- अप्सरा मेनिका नाम प्रेषिता दैवतैस्ततः । आयोर्भार्या सुदुःखेन पतिता शोकसागरे

sūta uvāca- apsarā menikā nāma preṣitā daivataistataḥ | āyorbhāryā suduḥkhena patitā śokasāgare

Sanskrit only: no published translation is held for this verse.

तामुवाच महाभागां देवीमिंदुमतीं प्रति । मुंच शोकं महाभागे तनयं पश्य सस्नुषम्

tāmuvāca mahābhāgāṃ devīmiṃdumatīṃ prati | muṃca śokaṃ mahābhāge tanayaṃ paśya sasnuṣam

Sanskrit only: no published translation is held for this verse.

निहत्य दानवं पापं तव पुत्रापहारकम् । समायांतं सभायां च वीरश्रियासमन्वितम्

nihatya dānavaṃ pāpaṃ tava putrāpahārakam | samāyāṃtaṃ sabhāyāṃ ca vīraśriyāsamanvitam

Sanskrit only: no published translation is held for this verse.

सुवृत्तं संगरे तस्य नहुषेण यथा कृतम् । तस्यै निवेदयामास इंदुमत्यै च मेनिका

suvṛttaṃ saṃgare tasya nahuṣeṇa yathā kṛtam | tasyai nivedayāmāsa iṃdumatyai ca menikā

Sanskrit only: no published translation is held for this verse.

मेनिकाया वचः श्रुत्वा हर्षेण महतान्विता । सखि सत्यं ब्रवीषि त्वमित्युवाच सगद्गदम्

menikāyā vacaḥ śrutvā harṣeṇa mahatānvitā | sakhi satyaṃ bravīṣi tvamityuvāca sagadgadam

Sanskrit only: no published translation is held for this verse.

सामृतं सुप्रियं प्रोक्तं मनःप्रोत्साहकारकम् । जीवादिकं मया देयं त्वयि सर्वस्वमेव हि

sāmṛtaṃ supriyaṃ proktaṃ manaḥprotsāhakārakam | jīvādikaṃ mayā deyaṃ tvayi sarvasvameva hi

Sanskrit only: no published translation is held for this verse.

एवमाभाष्य तां देवी राजानमिदमब्रवीत् । तव पुत्रो महाबाहुः समायातो हि सांप्रतम्

evamābhāṣya tāṃ devī rājānamidamabravīt | tava putro mahābāhuḥ samāyāto hi sāṃpratam

Sanskrit only: no published translation is held for this verse.

आख्याति च महाराज एषा मे वै वराप्सराः । भर्तारमेवमाभाष्य विरराम सुहर्षिता

ākhyāti ca mahārāja eṣā me vai varāpsarāḥ | bhartāramevamābhāṣya virarāma suharṣitā

Sanskrit only: no published translation is held for this verse.

समाकर्ण्य नृपेंद्रस्तु तामुवाच प्रियां प्रति । पुरा प्रोक्तं महाभागे मुनिना नारदेन हि

samākarṇya nṛpeṃdrastu tāmuvāca priyāṃ prati | purā proktaṃ mahābhāge muninā nāradena hi

Sanskrit only: no published translation is held for this verse.

पुत्रं प्रति न कर्तव्यं दुःखं राजंस्त्वया कदा । तं निहत्य सुवीर्येण दानवं चैष्यते सुतः

putraṃ prati na kartavyaṃ duḥkhaṃ rājaṃstvayā kadā | taṃ nihatya suvīryeṇa dānavaṃ caiṣyate sutaḥ

Sanskrit only: no published translation is held for this verse.

संजातं सत्यमेवं वै मुनिना भाषितं पुरा । अन्यथा वचनं तस्य कथं देवि भविष्यति

saṃjātaṃ satyamevaṃ vai muninā bhāṣitaṃ purā | anyathā vacanaṃ tasya kathaṃ devi bhaviṣyati

Sanskrit only: no published translation is held for this verse.

दत्तात्रेयो मुनिश्रेष्ठः साक्षाद्देवो भविष्यति । शुश्रूषितस्त्वया देवि मया च तपसा पुरा

dattātreyo muniśreṣṭhaḥ sākṣāddevo bhaviṣyati | śuśrūṣitastvayā devi mayā ca tapasā purā

Sanskrit only: no published translation is held for this verse.

पुत्ररत्नं तेन दत्तं वैष्णवांशप्रधारकम् । सदा हनिष्यति परं दानवं पापचेतनम्

putraratnaṃ tena dattaṃ vaiṣṇavāṃśapradhārakam | sadā haniṣyati paraṃ dānavaṃ pāpacetanam

Sanskrit only: no published translation is held for this verse.

सर्वदैत्यप्रहर्ता च प्रजापालो महाबलः । दत्तात्रेयेण मे दत्तो वैष्णवांशः सुतोत्तमः

sarvadaityaprahartā ca prajāpālo mahābalaḥ | dattātreyeṇa me datto vaiṣṇavāṃśaḥ sutottamaḥ

Sanskrit only: no published translation is held for this verse.

एवं संभाष्य तां देवीं राजा चेंदुमतीं तदा । महोत्सवं ततश्चक्रे पुत्रस्यागमनं प्रति

evaṃ saṃbhāṣya tāṃ devīṃ rājā ceṃdumatīṃ tadā | mahotsavaṃ tataścakre putrasyāgamanaṃ prati

Sanskrit only: no published translation is held for this verse.

हर्षेण महताविष्टो विष्णुं सस्मार वै पुनः

harṣeṇa mahatāviṣṭo viṣṇuṃ sasmāra vai punaḥ

Sanskrit only: no published translation is held for this verse.

सर्वोपपन्नं सुरवर्गयुक्तमानंदरूपं परमार्थमेकम् । क्लेशापहं सौख्यप्रदं नराणां सद्वैष्णवानामिह मोक्षदं परम्

sarvopapannaṃ suravargayuktamānaṃdarūpaṃ paramārthamekam | kleśāpahaṃ saukhyapradaṃ narāṇāṃ sadvaiṣṇavānāmiha mokṣadaṃ param

Sanskrit only: no published translation is held for this verse.