Padma Purāṇa 2.117

कुंजल उवाच- नहुषः प्रियया सार्द्धं तया चैव सरंभया । ऐंद्रेणापि स दिव्येन स्यंदनेन वरेण च

kuṃjala uvāca- nahuṣaḥ priyayā sārddhaṃ tayā caiva saraṃbhayā | aiṃdreṇāpi sa divyena syaṃdanena vareṇa ca

Sanskrit only: no published translation is held for this verse.

नागाह्वयं पुरं प्राप्तः सर्वशोभासमन्वितम् । दिव्यैर्मंगलकैर्युक्तं भवनैरुपशोभितम्

nāgāhvayaṃ puraṃ prāptaḥ sarvaśobhāsamanvitam | divyairmaṃgalakairyuktaṃ bhavanairupaśobhitam

Sanskrit only: no published translation is held for this verse.

हेमतोरणसंयुक्तं पताकाभिरलंकृतम् । नानावादित्रनादैश्च बंदिचारणशोभितम्

hematoraṇasaṃyuktaṃ patākābhiralaṃkṛtam | nānāvāditranādaiśca baṃdicāraṇaśobhitam

Sanskrit only: no published translation is held for this verse.

देवरूपोपमैः पुण्यैः पुरुषैः समलंकृतम् । नारीभिर्दिव्यरूपाभिर्गजाश्वैः स्यंदनैस्तथा

devarūpopamaiḥ puṇyaiḥ puruṣaiḥ samalaṃkṛtam | nārībhirdivyarūpābhirgajāśvaiḥ syaṃdanaistathā

Sanskrit only: no published translation is held for this verse.

नानामंगलशब्दैश्च वेदध्वनिसमाकुलम् । गीतवादित्रशब्दैश्च वीणावेणुस्वनैस्ततः

nānāmaṃgalaśabdaiśca vedadhvanisamākulam | gītavāditraśabdaiśca vīṇāveṇusvanaistataḥ

Sanskrit only: no published translation is held for this verse.

सर्वशोभासमाकीर्णं विवेश स पुरोत्तमम् । वेदमंगलघोषैश्च ब्राह्मणैश्चैव पूजितः

sarvaśobhāsamākīrṇaṃ viveśa sa purottamam | vedamaṃgalaghoṣaiśca brāhmaṇaiścaiva pūjitaḥ

Sanskrit only: no published translation is held for this verse.

ददृशे पितरं वीरो मातरं च सुपुण्यकाम् । हर्षेण महताविष्टः पितुः पादौ ननाम सः

dadṛśe pitaraṃ vīro mātaraṃ ca supuṇyakām | harṣeṇa mahatāviṣṭaḥ pituḥ pādau nanāma saḥ

Sanskrit only: no published translation is held for this verse.

अशोकसुंदरी सा तु तयोः पादौ पुनः पुनः । ननाम भक्त्या भावेन उभयोः सा वरानना

aśokasuṃdarī sā tu tayoḥ pādau punaḥ punaḥ | nanāma bhaktyā bhāvena ubhayoḥ sā varānanā

Sanskrit only: no published translation is held for this verse.

रंभा च सा ननामाथ प्रीतिं चैवाप्यदर्शयत् । नमस्कृत्वा समाभाष्य स्वगुरुं नृपनंदनः

raṃbhā ca sā nanāmātha prītiṃ caivāpyadarśayat | namaskṛtvā samābhāṣya svaguruṃ nṛpanaṃdanaḥ

Sanskrit only: no published translation is held for this verse.

अनामयं च पप्रच्छ मातरं पितरं प्रति । एवमुक्तो महाभागः सानंदपुलकोद्गमः

anāmayaṃ ca papraccha mātaraṃ pitaraṃ prati | evamukto mahābhāgaḥ sānaṃdapulakodgamaḥ

Sanskrit only: no published translation is held for this verse.

आयुरुवाच- अद्यैव व्याधयो नष्टा दुःखशोकावुभौ गतौ । भवतो दर्शनात्पुत्र सुतुष्ट्या हृष्यते जगत्

āyuruvāca- adyaiva vyādhayo naṣṭā duḥkhaśokāvubhau gatau | bhavato darśanātputra sutuṣṭyā hṛṣyate jagat

Sanskrit only: no published translation is held for this verse.

कृतकृत्योस्मि संजातस्त्वयि जाते महौजसि । स्ववंशोद्धरणं कृत्वा अहमेव समुद्धृतः

kṛtakṛtyosmi saṃjātastvayi jāte mahaujasi | svavaṃśoddharaṇaṃ kṛtvā ahameva samuddhṛtaḥ

Sanskrit only: no published translation is held for this verse.

इंदुमत्युवाच- पर्वणि प्राप्य इंदोस्तु तेजो दृष्ट्वा महोदधिः । वृद्धिं याति महाभाग तथाहं तव दर्शनात्

iṃdumatyuvāca- parvaṇi prāpya iṃdostu tejo dṛṣṭvā mahodadhiḥ | vṛddhiṃ yāti mahābhāga tathāhaṃ tava darśanāt

Sanskrit only: no published translation is held for this verse.

वर्द्धितास्मि सुहृष्टास्मि आनंदेन समाकुला । दर्शनात्ते महाप्राज्ञ धन्या जातास्मि मानद

varddhitāsmi suhṛṣṭāsmi ānaṃdena samākulā | darśanātte mahāprājña dhanyā jātāsmi mānada

Sanskrit only: no published translation is held for this verse.

एवं संभाष्य तं पुत्रमालिंग्य तनयोत्तमम् । शिरश्चाघ्राय तस्यापि वत्सं धेनुर्यथा स्वकम्

evaṃ saṃbhāṣya taṃ putramāliṃgya tanayottamam | śiraścāghrāya tasyāpi vatsaṃ dhenuryathā svakam

Sanskrit only: no published translation is held for this verse.

अभिनंद्य सुतं प्राप्तं नहुषं देवरूपिणम् । आशीर्भिश्चार्चयद्देवी पुण्या इंदुमती तदा

abhinaṃdya sutaṃ prāptaṃ nahuṣaṃ devarūpiṇam | āśīrbhiścārcayaddevī puṇyā iṃdumatī tadā

Sanskrit only: no published translation is held for this verse.

सूत उवाच- अथासौ मातरं पुण्यां देवीमिंदुमतीं सुतः । कथयामास वृत्तांतं यथाहरणमात्मनः

sūta uvāca- athāsau mātaraṃ puṇyāṃ devīmiṃdumatīṃ sutaḥ | kathayāmāsa vṛttāṃtaṃ yathāharaṇamātmanaḥ

Sanskrit only: no published translation is held for this verse.

स्वभार्यायास्तथोत्पत्तिं प्राप्तिं चैव महायशाः । हुंडेनापि यथा युद्धं हुंडस्यापि निपातनम्

svabhāryāyāstathotpattiṃ prāptiṃ caiva mahāyaśāḥ | huṃḍenāpi yathā yuddhaṃ huṃḍasyāpi nipātanam

Sanskrit only: no published translation is held for this verse.

समासेन समस्तं तदाख्यातं स्वयमेव हि । मातापित्रोर्यथा वृत्तं तयोरानंददायकम्

samāsena samastaṃ tadākhyātaṃ svayameva hi | mātāpitroryathā vṛttaṃ tayorānaṃdadāyakam

Sanskrit only: no published translation is held for this verse.

मातापितरावाकर्ण्य पुत्रस्य विक्रमोद्यमम् । हर्षेण महताविष्टौ संजातौ पूर्णमानसौ

mātāpitarāvākarṇya putrasya vikramodyamam | harṣeṇa mahatāviṣṭau saṃjātau pūrṇamānasau

Sanskrit only: no published translation is held for this verse.

नहुषो धनुरादाय इंद्रस्य स्यंदनेन वै । जिगाय पृथिवीं सर्वां सप्तद्वीपां सपत्तनाम्

nahuṣo dhanurādāya iṃdrasya syaṃdanena vai | jigāya pṛthivīṃ sarvāṃ saptadvīpāṃ sapattanām

Sanskrit only: no published translation is held for this verse.

पित्रे समर्पयामास वसुपूर्णां वसुंधराम् । पितरं हर्षयन्नित्यं दानधर्मैः सुकर्मभिः

pitre samarpayāmāsa vasupūrṇāṃ vasuṃdharām | pitaraṃ harṣayannityaṃ dānadharmaiḥ sukarmabhiḥ

Sanskrit only: no published translation is held for this verse.

पितरं याजयामास राजसूयादिभिस्तदा । महायज्ञैश्च दानैश्च व्रतैर्नियमसंयमैः

pitaraṃ yājayāmāsa rājasūyādibhistadā | mahāyajñaiśca dānaiśca vratairniyamasaṃyamaiḥ

Sanskrit only: no published translation is held for this verse.

सुदानैर्यशसा पुण्यैर्यज्ञैः पुण्यमहोदयैः । सुसंपूर्णौ कृतौ तौ तु पितरौ चायुसूनुना

sudānairyaśasā puṇyairyajñaiḥ puṇyamahodayaiḥ | susaṃpūrṇau kṛtau tau tu pitarau cāyusūnunā

Sanskrit only: no published translation is held for this verse.

अथ देवाः समागत्य नागाह्वयं पुरोत्तमम् । अभ्यषिंचन्महात्मानं नहुषं वीरमर्दनम्

atha devāḥ samāgatya nāgāhvayaṃ purottamam | abhyaṣiṃcanmahātmānaṃ nahuṣaṃ vīramardanam

Sanskrit only: no published translation is held for this verse.

मुनिभिश्च सुसिद्धैश्च आयुना तेन भूभुजा । अभिषिंच्य स्वराज्ये तं समेतं शिवकन्यया

munibhiśca susiddhaiśca āyunā tena bhūbhujā | abhiṣiṃcya svarājye taṃ sametaṃ śivakanyayā

Sanskrit only: no published translation is held for this verse.

भार्यायुक्तः स्वकायेन आयु राजा महायशाः । दिवं जगाम धर्मात्मा देवैः सिद्धैः सुपूजितः

bhāryāyuktaḥ svakāyena āyu rājā mahāyaśāḥ | divaṃ jagāma dharmātmā devaiḥ siddhaiḥ supūjitaḥ

Sanskrit only: no published translation is held for this verse.

ऐंद्रं पदं परित्यज्य ब्रह्मलोकं गतः पुनः । हरलोकं जगामाथ मुनिभिर्देवपूजितः

aiṃdraṃ padaṃ parityajya brahmalokaṃ gataḥ punaḥ | haralokaṃ jagāmātha munibhirdevapūjitaḥ

Sanskrit only: no published translation is held for this verse.

स्वकर्मभिर्महाराजः पुत्रस्यापि सुतेजसा । हरेर्लोकं गतः पुण्यैर्निवसत्येष भूपतिः

svakarmabhirmahārājaḥ putrasyāpi sutejasā | harerlokaṃ gataḥ puṇyairnivasatyeṣa bhūpatiḥ

Sanskrit only: no published translation is held for this verse.

पुरुषैः पुण्यकर्माख्यैरीदृशं पुण्यमुत्तमम् । जनितव्यं महाभाग किमन्यैः शोककारकैः

puruṣaiḥ puṇyakarmākhyairīdṛśaṃ puṇyamuttamam | janitavyaṃ mahābhāga kimanyaiḥ śokakārakaiḥ

Sanskrit only: no published translation is held for this verse.

यथा जातः स धर्मात्मा नहुषः पितृतारकः । कुलस्य धर्त्ता सर्वस्य नहुषो ज्ञानपंडितः

yathā jātaḥ sa dharmātmā nahuṣaḥ pitṛtārakaḥ | kulasya dharttā sarvasya nahuṣo jñānapaṃḍitaḥ

Sanskrit only: no published translation is held for this verse.

एतत्ते सर्वमाख्यातं चरित्रं तस्य भूपतेः । अन्यत्किं ते प्रवक्ष्यामि वद पुत्र कपिंजल

etatte sarvamākhyātaṃ caritraṃ tasya bhūpateḥ | anyatkiṃ te pravakṣyāmi vada putra kapiṃjala

Sanskrit only: no published translation is held for this verse.

एवंविधं पुण्यमयं पवित्रं चरित्रमेतद्यशसा समेतम् । आयोः सुतस्यापि शृणोति मर्त्यो भोगान्स भुक्त्वैति पदं मुरारेः

evaṃvidhaṃ puṇyamayaṃ pavitraṃ caritrametadyaśasā sametam | āyoḥ sutasyāpi śṛṇoti martyo bhogānsa bhuktvaiti padaṃ murāreḥ

Sanskrit only: no published translation is held for this verse.