Padma Purāṇa 2.118

कपिंजल उवाच- गंगामुखे पुरा तात रोदमाना वरांगना । नेत्राभ्यामश्रुबिंदूनि पतंति च महाजले

kapiṃjala uvāca- gaṃgāmukhe purā tāta rodamānā varāṃganā | netrābhyāmaśrubiṃdūni pataṃti ca mahājale

Sanskrit only: no published translation is held for this verse.

गंगामध्ये निमज्जंति भवंति कमलानि च । पुष्पाणि दिव्यरूपाणि सौगंधानि महांति च

gaṃgāmadhye nimajjaṃti bhavaṃti kamalāni ca | puṣpāṇi divyarūpāṇi saugaṃdhāni mahāṃti ca

Sanskrit only: no published translation is held for this verse.

तस्यास्तात सुनेत्राभ्यां किमर्थं प्रपतंति च । गंगोदके महाभाग निर्मला अश्रुबिंदवः

tasyāstāta sunetrābhyāṃ kimarthaṃ prapataṃti ca | gaṃgodake mahābhāga nirmalā aśrubiṃdavaḥ

Sanskrit only: no published translation is held for this verse.

अस्थिचर्मावशेषस्तु जटाचीरधरः पुनः । तानि सौगंधयुक्तानि पद्मानि विचिनोति सः

asthicarmāvaśeṣastu jaṭācīradharaḥ punaḥ | tāni saugaṃdhayuktāni padmāni vicinoti saḥ

Sanskrit only: no published translation is held for this verse.

हेमवर्णानि दिव्यानि नीत्वा शिवं समर्चयेत् । सा का नारी समाचक्ष्व स वा को हि महामते

hemavarṇāni divyāni nītvā śivaṃ samarcayet | sā kā nārī samācakṣva sa vā ko hi mahāmate

Sanskrit only: no published translation is held for this verse.

अर्चयित्वा शिवं सोथ कस्मात्पश्चात्प्रदेवति । एतन्मे सर्वमाचक्ष्व यद्यहं वल्लभस्तव

arcayitvā śivaṃ sotha kasmātpaścātpradevati | etanme sarvamācakṣva yadyahaṃ vallabhastava

Sanskrit only: no published translation is held for this verse.

कुंजल उवाच- शृणु वत्स प्रवक्ष्यामि वृत्तांतं देवनिर्मितम् । चरित्रं सर्वपापघ्नं विष्णोश्चैव महात्मनः

kuṃjala uvāca- śṛṇu vatsa pravakṣyāmi vṛttāṃtaṃ devanirmitam | caritraṃ sarvapāpaghnaṃ viṣṇoścaiva mahātmanaḥ

Sanskrit only: no published translation is held for this verse.

योसौ हुंडो महावीर्यो नहुषेण हतो रणे । तस्य पुत्रस्तु विख्यातो विहुंडस्तप आस्थितः

yosau huṃḍo mahāvīryo nahuṣeṇa hato raṇe | tasya putrastu vikhyāto vihuṃḍastapa āsthitaḥ

Sanskrit only: no published translation is held for this verse.

निहतं पितरं श्रुत्वा सामात्यं सपरिच्छदम् । आयुपुत्रेण वीरेण नहुषेण बलीयसा

nihataṃ pitaraṃ śrutvā sāmātyaṃ saparicchadam | āyuputreṇa vīreṇa nahuṣeṇa balīyasā

Sanskrit only: no published translation is held for this verse.

तपस्तपति सक्रोधाद्देवान्हंतुं समुद्यतः । पौरुषं तस्य दुष्टस्य तपसा वर्द्धितस्य च

tapastapati sakrodhāddevānhaṃtuṃ samudyataḥ | pauruṣaṃ tasya duṣṭasya tapasā varddhitasya ca

Sanskrit only: no published translation is held for this verse.

जानंति देवताः सर्वा दुःसहं समरांगणे । हुंडात्मजो विहुंडस्तु त्रैलोक्यं हंतुमुद्यतः

jānaṃti devatāḥ sarvā duḥsahaṃ samarāṃgaṇe | huṃḍātmajo vihuṃḍastu trailokyaṃ haṃtumudyataḥ

Sanskrit only: no published translation is held for this verse.

पितुर्वैरं करिष्यामि हनिष्ये मानवान्सुरान् । एवं समुद्यतः पापी देवब्राह्मणकंटकः

piturvairaṃ kariṣyāmi haniṣye mānavānsurān | evaṃ samudyataḥ pāpī devabrāhmaṇakaṃṭakaḥ

Sanskrit only: no published translation is held for this verse.

उपद्रवं समारेभे प्रजाः पीडयते च सः । तस्यैव तेजसा दग्धा देवाश्चेंद्रपुरोगमाः

upadravaṃ samārebhe prajāḥ pīḍayate ca saḥ | tasyaiva tejasā dagdhā devāśceṃdrapurogamāḥ

Sanskrit only: no published translation is held for this verse.

शरणं देवदेवस्य जग्मुर्विष्णोर्महात्मनः । देवदेवं जगन्नाथं शंखचक्रगदाधरम्

śaraṇaṃ devadevasya jagmurviṣṇormahātmanaḥ | devadevaṃ jagannāthaṃ śaṃkhacakragadādharam

Sanskrit only: no published translation is held for this verse.

ऊचुश्च पाहि नो नित्यं विहुंडस्य महाभयात् । श्रीविष्णुरुवाच- वर्द्धंतु देवताः सर्वाः सुसुखेन महेश्वराः

ūcuśca pāhi no nityaṃ vihuṃḍasya mahābhayāt | śrīviṣṇuruvāca- varddhaṃtu devatāḥ sarvāḥ susukhena maheśvarāḥ

Sanskrit only: no published translation is held for this verse.

विहुंडं नाशयिष्यामि पापिष्ठं देवकंटकम् । एवमाभाष्य तान्देवान्मायां कृत्वा जनार्दनः

vihuṃḍaṃ nāśayiṣyāmi pāpiṣṭhaṃ devakaṃṭakam | evamābhāṣya tāndevānmāyāṃ kṛtvā janārdanaḥ

Sanskrit only: no published translation is held for this verse.

स्वयमेवस्थितस्तत्र नंदने सुमहायशाः । मायामयं चकाराथ स्त्रीरूपं च गुणान्वितम्

svayamevasthitastatra naṃdane sumahāyaśāḥ | māyāmayaṃ cakārātha strīrūpaṃ ca guṇānvitam

Sanskrit only: no published translation is held for this verse.

विष्णुमाया महाभागा सर्वविश्वप्रमोहिनी । चकार रूपमतुलं विष्णोर्मायाप्रमोहिनी

viṣṇumāyā mahābhāgā sarvaviśvapramohinī | cakāra rūpamatulaṃ viṣṇormāyāpramohinī

Sanskrit only: no published translation is held for this verse.

विहुंडस्य वधार्थाय रूपलावण्यशालिनी । कुंजल उवाच- स देवानां वधार्थाय दिव्यमार्गं जगाम ह

vihuṃḍasya vadhārthāya rūpalāvaṇyaśālinī | kuṃjala uvāca- sa devānāṃ vadhārthāya divyamārgaṃ jagāma ha

Sanskrit only: no published translation is held for this verse.

नंदनांते ततो मायामपश्यद्दितिजेश्वरः । तया विमोहितो दैत्यः कामबाणकृतांतरः

naṃdanāṃte tato māyāmapaśyadditijeśvaraḥ | tayā vimohito daityaḥ kāmabāṇakṛtāṃtaraḥ

Sanskrit only: no published translation is held for this verse.

आत्मनाशं न जानाति कालरूपां वरस्त्रियम् । तां दृष्ट्वा नवहेमाभां रूपद्रविणशालिनीम्

ātmanāśaṃ na jānāti kālarūpāṃ varastriyam | tāṃ dṛṣṭvā navahemābhāṃ rūpadraviṇaśālinīm

Sanskrit only: no published translation is held for this verse.

लुब्धो विहुंडः पापात्मा तामुवाच वरांगनाम् । कासि कस्य वरारोहे ममचित्तप्रमाथिनि

lubdho vihuṃḍaḥ pāpātmā tāmuvāca varāṃganām | kāsi kasya varārohe mamacittapramāthini

Sanskrit only: no published translation is held for this verse.

संगमं देहि मे भद्रे रक्षरक्ष वरानने । संगमात्तव देवेशि यद्यदिच्छसि सांप्रतम्

saṃgamaṃ dehi me bhadre rakṣarakṣa varānane | saṃgamāttava deveśi yadyadicchasi sāṃpratam

Sanskrit only: no published translation is held for this verse.

तत्तद्दद्मि महाभागे दुर्लभं देवदानवैः । मायोवाच- मामेव भोक्तुमिच्छा चेद्दायं मे देहि दानव

tattaddadmi mahābhāge durlabhaṃ devadānavaiḥ | māyovāca- māmeva bhoktumicchā ceddāyaṃ me dehi dānava

Sanskrit only: no published translation is held for this verse.

सप्तकोटिमितैश्चैव पुष्पैः पूजय शंकरम् । कामोदसंभवैर्दिव्यैः सौगंधैर्देवदुर्लभैः

saptakoṭimitaiścaiva puṣpaiḥ pūjaya śaṃkaram | kāmodasaṃbhavairdivyaiḥ saugaṃdhairdevadurlabhaiḥ

Sanskrit only: no published translation is held for this verse.

तेषां पुष्पकृतां मालां मम कंठे तु दानव । आरोपय महाभाग एतद्दायं प्रदेहि मे

teṣāṃ puṣpakṛtāṃ mālāṃ mama kaṃṭhe tu dānava | āropaya mahābhāga etaddāyaṃ pradehi me

Sanskrit only: no published translation is held for this verse.

तदाहं सुप्रिया भार्या भविष्यामि न संशयः । विहुंड उवाच- एवं देवि करिष्यामि वरं दद्मि प्रयाचितम्

tadāhaṃ supriyā bhāryā bhaviṣyāmi na saṃśayaḥ | vihuṃḍa uvāca- evaṃ devi kariṣyāmi varaṃ dadmi prayācitam

Sanskrit only: no published translation is held for this verse.

वनानि यानि पुण्यानि दिव्यानि दितिजेश्वरः । बभ्राममन्मथाविष्टो न च पश्यति तं द्रुमम्

vanāni yāni puṇyāni divyāni ditijeśvaraḥ | babhrāmamanmathāviṣṭo na ca paśyati taṃ drumam

Sanskrit only: no published translation is held for this verse.

कामोदकाख्यं पप्रच्छ यत्रतत्र गतः स्वयम् । कामोदाख्यद्रुमो नास्ति वदंत्येवं महाजनाः

kāmodakākhyaṃ papraccha yatratatra gataḥ svayam | kāmodākhyadrumo nāsti vadaṃtyevaṃ mahājanāḥ

Sanskrit only: no published translation is held for this verse.

पृच्छमानः स दुष्टात्मा कामबाणैः प्रपीडितः । पप्रच्छ भार्गवं गत्वा भक्त्या नमित कंधरः

pṛcchamānaḥ sa duṣṭātmā kāmabāṇaiḥ prapīḍitaḥ | papraccha bhārgavaṃ gatvā bhaktyā namita kaṃdharaḥ

Sanskrit only: no published translation is held for this verse.

कामोदकं द्रुमं ब्रूहि कांतं पुष्पसमन्वितम् । शुक्र उवाच- कामोदः पादपो नास्ति योषिदेवास्ति दानव

kāmodakaṃ drumaṃ brūhi kāṃtaṃ puṣpasamanvitam | śukra uvāca- kāmodaḥ pādapo nāsti yoṣidevāsti dānava

Sanskrit only: no published translation is held for this verse.

यदा सा हसते चैव प्रसंगेन प्रहर्षिता । तद्धासाज्जज्ञिरे दैत्य सुगंधीनि वराण्यपि

yadā sā hasate caiva prasaṃgena praharṣitā | taddhāsājjajñire daitya sugaṃdhīni varāṇyapi

Sanskrit only: no published translation is held for this verse.

सुमान्येतानि दिव्यानि कामोदाया न संशयः । हृद्यानि पीतपुष्पाणि सौरभेण युतानि च

sumānyetāni divyāni kāmodāyā na saṃśayaḥ | hṛdyāni pītapuṣpāṇi saurabheṇa yutāni ca

Sanskrit only: no published translation is held for this verse.

तेनाप्येकेन पुष्पेण यः समर्चति शंकरम् । तस्येप्सितं महाकामं संपूरयति शंकरः

tenāpyekena puṣpeṇa yaḥ samarcati śaṃkaram | tasyepsitaṃ mahākāmaṃ saṃpūrayati śaṃkaraḥ

Sanskrit only: no published translation is held for this verse.

अस्याश्च रोदनाद्दैत्य प्रभवंति न संशयः । तादृशान्येव पुष्पाणि लोहितानि महांति च

asyāśca rodanāddaitya prabhavaṃti na saṃśayaḥ | tādṛśānyeva puṣpāṇi lohitāni mahāṃti ca

Sanskrit only: no published translation is held for this verse.

सौरभेण विना दैत्य तेषां स्पर्शं न कारयेत् । एवमाकर्णितं तेन वाक्यं शुक्रस्य भाषितम्

saurabheṇa vinā daitya teṣāṃ sparśaṃ na kārayet | evamākarṇitaṃ tena vākyaṃ śukrasya bhāṣitam

Sanskrit only: no published translation is held for this verse.

उवाच सा तु कुत्रास्ति कामोदा भृगुनंदन । शुक्र उवाच- गंगाद्वारे महापुण्ये महापातकनाशने

uvāca sā tu kutrāsti kāmodā bhṛgunaṃdana | śukra uvāca- gaṃgādvāre mahāpuṇye mahāpātakanāśane

Sanskrit only: no published translation is held for this verse.

कामोदाख्यं पुरं तत्र निर्मितं विश्वकर्मणा । कामोदपत्तने नारी दिव्यभोगैरलंकृता

kāmodākhyaṃ puraṃ tatra nirmitaṃ viśvakarmaṇā | kāmodapattane nārī divyabhogairalaṃkṛtā

Sanskrit only: no published translation is held for this verse.

तथा चाभरणैर्भाति सर्वदेवैः सुपूजिता । त्वया तत्रैव गंतव्यं पूजितव्या वराप्सराः

tathā cābharaṇairbhāti sarvadevaiḥ supūjitā | tvayā tatraiva gaṃtavyaṃ pūjitavyā varāpsarāḥ

Sanskrit only: no published translation is held for this verse.

उपायेनापि पुण्येन तां प्रहासय दानव । एवमुक्त्वा तु योगींद्र सः शुक्रो दानवं प्रति

upāyenāpi puṇyena tāṃ prahāsaya dānava | evamuktvā tu yogīṃdra saḥ śukro dānavaṃ prati

Sanskrit only: no published translation is held for this verse.

विरराम महातेजाः स्वकार्यायोद्यतोऽभवत्

virarāma mahātejāḥ svakāryāyodyato'bhavat

Sanskrit only: no published translation is held for this verse.