Library·Padma Purāṇa·2·2.119
कपिंजल उवाच- यस्याः प्रहसनात्तात सुहृद्यानि भवंति वै । पुष्पाणि दिव्यगंधीनि दुर्लभानि सुरासुरैः
kapiṃjala uvāca- yasyāḥ prahasanāttāta suhṛdyāni bhavaṃti vai | puṣpāṇi divyagaṃdhīni durlabhāni surāsuraiḥ
Sanskrit only: no published translation is held for this verse.
कस्मात्तु देवताः सर्वाः प्रवांछंति महामते । शंकरः सुखमायाति हास्यपुष्पैः सुपूजितः
kasmāttu devatāḥ sarvāḥ pravāṃchaṃti mahāmate | śaṃkaraḥ sukhamāyāti hāsyapuṣpaiḥ supūjitaḥ
Sanskrit only: no published translation is held for this verse.
को गुणस्तस्य पुष्पस्य तन्मे कथय विस्तरात् । कामोदा सा भवेत्का तु कस्य पुत्री वरांगना
ko guṇastasya puṣpasya tanme kathaya vistarāt | kāmodā sā bhavetkā tu kasya putrī varāṃganā
Sanskrit only: no published translation is held for this verse.
हास्यात्तस्या महाभाग सुपुष्पाणि भवंति च । को गुणस्तत्कथां ब्रूहि सकलां विस्तरेण च
hāsyāttasyā mahābhāga supuṣpāṇi bhavaṃti ca | ko guṇastatkathāṃ brūhi sakalāṃ vistareṇa ca
Sanskrit only: no published translation is held for this verse.
कुंजल उवाच- पुरा देवैर्महादैत्यैः कृत्वा सौहार्दमुत्तमम् । ममंथुः सागरं क्षीरममृतार्थं समुद्यताः
kuṃjala uvāca- purā devairmahādaityaiḥ kṛtvā sauhārdamuttamam | mamaṃthuḥ sāgaraṃ kṣīramamṛtārthaṃ samudyatāḥ
Sanskrit only: no published translation is held for this verse.
मथनाद्देवदैत्यानां कन्यारत्नचतुष्टयम् । वरुणेन दर्शितं पूर्वं सोमेनैव तथा पुनः
mathanāddevadaityānāṃ kanyāratnacatuṣṭayam | varuṇena darśitaṃ pūrvaṃ somenaiva tathā punaḥ
Sanskrit only: no published translation is held for this verse.
पश्चात्संदर्शितं पुण्यममृतं कलशे स्थितम् । कन्या चतुष्टयं पूर्वं देवानां हितमिच्छति
paścātsaṃdarśitaṃ puṇyamamṛtaṃ kalaśe sthitam | kanyā catuṣṭayaṃ pūrvaṃ devānāṃ hitamicchati
Sanskrit only: no published translation is held for this verse.
सुलक्ष्मीर्नाम सा चैका द्वितीया वारुणी तथा । ज्येष्ठा नाम तथा ख्याता कामोदान्या प्रचक्षते
sulakṣmīrnāma sā caikā dvitīyā vāruṇī tathā | jyeṣṭhā nāma tathā khyātā kāmodānyā pracakṣate
Sanskrit only: no published translation is held for this verse.
तासां मध्ये वरा श्रेष्ठा पूर्वं जाता महामते । तस्माज्ज्येष्ठेति विख्याता लोके पूज्या सदैव हि
tāsāṃ madhye varā śreṣṭhā pūrvaṃ jātā mahāmate | tasmājjyeṣṭheti vikhyātā loke pūjyā sadaiva hi
Sanskrit only: no published translation is held for this verse.
वारुणीपानरूपा च पयःफेनसमुद्भवा । अमृतस्य तरंगाच्च कामोदाख्या बभूव ह
vāruṇīpānarūpā ca payaḥphenasamudbhavā | amṛtasya taraṃgācca kāmodākhyā babhūva ha
Sanskrit only: no published translation is held for this verse.
सोमो राजा तथा लक्ष्मीर्जज्ञाते अमृतादपि । त्रैलोक्यभूषणः सोमः संजातः शंकरप्रियः
somo rājā tathā lakṣmīrjajñāte amṛtādapi | trailokyabhūṣaṇaḥ somaḥ saṃjātaḥ śaṃkarapriyaḥ
Sanskrit only: no published translation is held for this verse.
मृत्युरोगहरा जाता सुराणां वारुणी तथा । ज्येष्ठासु पुण्यदा जाता लोकानां हितमिच्छताम्
mṛtyurogaharā jātā surāṇāṃ vāruṇī tathā | jyeṣṭhāsu puṇyadā jātā lokānāṃ hitamicchatām
Sanskrit only: no published translation is held for this verse.
अमृतादुत्थिता देवी कामोदा नाम पुण्यदा । विष्णोः प्रीत्यै भविष्ये तु वृक्षरूपं प्रयास्यति
amṛtādutthitā devī kāmodā nāma puṇyadā | viṣṇoḥ prītyai bhaviṣye tu vṛkṣarūpaṃ prayāsyati
Sanskrit only: no published translation is held for this verse.
विष्णुप्रीतिकरी सा तु भविष्यति सदैव हि । तुलसी नाम सा पुण्या भविष्यति न संशयः
viṣṇuprītikarī sā tu bhaviṣyati sadaiva hi | tulasī nāma sā puṇyā bhaviṣyati na saṃśayaḥ
Sanskrit only: no published translation is held for this verse.
तया सह जगन्नाथो रमिष्यति न संशयः । तुलस्याः पत्रमेकं यो नीत्वा कृष्णाय दास्यति
tayā saha jagannātho ramiṣyati na saṃśayaḥ | tulasyāḥ patramekaṃ yo nītvā kṛṣṇāya dāsyati
Sanskrit only: no published translation is held for this verse.
मेने तस्योपकाराणां किमस्मै च ददाम्यहम् । इत्येवं चिंतयेन्नित्यं तस्य प्रीतिकरो भवेत्
mene tasyopakārāṇāṃ kimasmai ca dadāmyaham | ityevaṃ ciṃtayennityaṃ tasya prītikaro bhavet
Sanskrit only: no published translation is held for this verse.
एवं कामोद नामासौ पूर्वं जाता समुद्रजा । यदा सा हसते देवी हर्षगद्गदभाषिणी
evaṃ kāmoda nāmāsau pūrvaṃ jātā samudrajā | yadā sā hasate devī harṣagadgadabhāṣiṇī
Sanskrit only: no published translation is held for this verse.
सौहृद्यानि सुगंधीनि मुखात्तस्याः पतंति वै । अम्लानानि सुपुष्पाणि यो गृह्णाति समुद्यतः
sauhṛdyāni sugaṃdhīni mukhāttasyāḥ pataṃti vai | amlānāni supuṣpāṇi yo gṛhṇāti samudyataḥ
Sanskrit only: no published translation is held for this verse.
पूजयेच्छंकरं देवं ब्रह्माणं माधवं तथा । तस्य देवाः प्रतुष्यंति यदिच्छति ददंति तत्
pūjayecchaṃkaraṃ devaṃ brahmāṇaṃ mādhavaṃ tathā | tasya devāḥ pratuṣyaṃti yadicchati dadaṃti tat
Sanskrit only: no published translation is held for this verse.
रोदित्येषा यदा सा च केन दुःखेन दुःखिता । नेत्राश्रुभ्यो हि तस्यास्तु प्रभवंति पतंति च
rodityeṣā yadā sā ca kena duḥkhena duḥkhitā | netrāśrubhyo hi tasyāstu prabhavaṃti pataṃti ca
Sanskrit only: no published translation is held for this verse.
तानि चैव महाभाग हृद्यानि सुमहांति च । सौरभेण विना तैस्तु यः पूजयति शंकरम्
tāni caiva mahābhāga hṛdyāni sumahāṃti ca | saurabheṇa vinā taistu yaḥ pūjayati śaṃkaram
Sanskrit only: no published translation is held for this verse.
तस्य दुःखं च संतापो जायते नात्र संशयः । पुष्पैस्तु तादृशैर्देवान्सकृदर्चति पापधीः
tasya duḥkhaṃ ca saṃtāpo jāyate nātra saṃśayaḥ | puṣpaistu tādṛśairdevānsakṛdarcati pāpadhīḥ
Sanskrit only: no published translation is held for this verse.
तस्य दुःखं प्रकुर्वंति देवास्तत्र न संशयः । एतत्ते सर्वमाख्यातं कामोदाख्यानमुत्तमम्
tasya duḥkhaṃ prakurvaṃti devāstatra na saṃśayaḥ | etatte sarvamākhyātaṃ kāmodākhyānamuttamam
Sanskrit only: no published translation is held for this verse.
अथ कृष्णो विचिंत्यैव दृष्ट्वा विक्रमसाहसम् । विहुंडस्यापि पापस्य उद्यमं साहसं तदा
atha kṛṣṇo viciṃtyaiva dṛṣṭvā vikramasāhasam | vihuṃḍasyāpi pāpasya udyamaṃ sāhasaṃ tadā
Sanskrit only: no published translation is held for this verse.
नारदं प्रेषयामास मोहयैनं दुरासदम् । नारदस्त्वथ संश्रुत्य वाक्यं विष्णोर्महात्मनः
nāradaṃ preṣayāmāsa mohayainaṃ durāsadam | nāradastvatha saṃśrutya vākyaṃ viṣṇormahātmanaḥ
Sanskrit only: no published translation is held for this verse.
गच्छमानं दुरात्मानं कामोदां प्रति दानवम् । गत्वा तमाह दैत्येंद्रं नारदः प्रहसन्निव
gacchamānaṃ durātmānaṃ kāmodāṃ prati dānavam | gatvā tamāha daityeṃdraṃ nāradaḥ prahasanniva
Sanskrit only: no published translation is held for this verse.
क्व यासि त्वं च दैत्येंद्र सत्वरं च समातुरः । सांप्रतं केन कार्येण कस्यार्थं केन नोदितः
kva yāsi tvaṃ ca daityeṃdra satvaraṃ ca samāturaḥ | sāṃprataṃ kena kāryeṇa kasyārthaṃ kena noditaḥ
Sanskrit only: no published translation is held for this verse.
ब्रह्मात्मजं नमस्कृत्य प्रत्युवाच कृतांजलि । कामोदपुष्पार्थमहं प्रस्थितो द्विजसत्तम
brahmātmajaṃ namaskṛtya pratyuvāca kṛtāṃjali | kāmodapuṣpārthamahaṃ prasthito dvijasattama
Sanskrit only: no published translation is held for this verse.
तमुवाच स धर्मात्मा पुष्पैः किं ते प्रयोजनम् । विप्रवर्यं पुनः प्राह कार्यकारणमात्मनः
tamuvāca sa dharmātmā puṣpaiḥ kiṃ te prayojanam | vipravaryaṃ punaḥ prāha kāryakāraṇamātmanaḥ
Sanskrit only: no published translation is held for this verse.
नंदनस्य वनोद्देशे काचिन्नारी वरानना । तस्या दर्शनमात्रेण गतोऽहं कामवश्यताम्
naṃdanasya vanoddeśe kācinnārī varānanā | tasyā darśanamātreṇa gato'haṃ kāmavaśyatām
Sanskrit only: no published translation is held for this verse.
तया प्रोक्तोऽस्मि विप्रेंद्र पुष्पैः कामोदसंभवैः । पूजयस्व महादेवं पुष्पैस्तु सप्तकोटिभिः
tayā prokto'smi vipreṃdra puṣpaiḥ kāmodasaṃbhavaiḥ | pūjayasva mahādevaṃ puṣpaistu saptakoṭibhiḥ
Sanskrit only: no published translation is held for this verse.
ततस्ते सुप्रिया भार्या भविष्यामि न संशयः । तदर्थे प्रस्थितोऽस्म्यद्य कामोदाख्यं पुरं प्रति
tataste supriyā bhāryā bhaviṣyāmi na saṃśayaḥ | tadarthe prasthito'smyadya kāmodākhyaṃ puraṃ prati
Sanskrit only: no published translation is held for this verse.
तामहं कामयिष्यामि सिंधुजां शुणु सांप्रतम् । मनोल्लासैर्महाहासैर्हासयिष्याम्यहं पुनः
tāmahaṃ kāmayiṣyāmi siṃdhujāṃ śuṇu sāṃpratam | manollāsairmahāhāsairhāsayiṣyāmyahaṃ punaḥ
Sanskrit only: no published translation is held for this verse.
प्रीता सती महाभागा हसिष्यति पुनः पुनः । तद्धास्यं गद्गदं विप्र मम कार्यप्रवर्द्धनम्
prītā satī mahābhāgā hasiṣyati punaḥ punaḥ | taddhāsyaṃ gadgadaṃ vipra mama kāryapravarddhanam
Sanskrit only: no published translation is held for this verse.
तस्माद्धास्यात्पतिष्यंति दिव्यानि कुसुमानि च । तैस्तु देवमुमाकांतं पूजयिष्यामि सांप्रतम्
tasmāddhāsyātpatiṣyaṃti divyāni kusumāni ca | taistu devamumākāṃtaṃ pūjayiṣyāmi sāṃpratam
Sanskrit only: no published translation is held for this verse.
तेन पूजाप्रदानेन तुष्टो दास्यति मे फलम् । ईश्वरः सर्वभूतेशः शंकरो लोकभावनः
tena pūjāpradānena tuṣṭo dāsyati me phalam | īśvaraḥ sarvabhūteśaḥ śaṃkaro lokabhāvanaḥ
Sanskrit only: no published translation is held for this verse.
नारद उवाच- तत्र दैत्य न गंतव्यं कामोदाख्ये पुरोत्तमे । विष्णुरस्ति सुमेधावी सर्वदैत्यक्षयावहः
nārada uvāca- tatra daitya na gaṃtavyaṃ kāmodākhye purottame | viṣṇurasti sumedhāvī sarvadaityakṣayāvahaḥ
Sanskrit only: no published translation is held for this verse.
येनोपायेन पुष्पाणि कामोदाख्यानि दानव । तव हस्ते प्रयास्यंति तमुपायं वदाम्यहम्
yenopāyena puṣpāṇi kāmodākhyāni dānava | tava haste prayāsyaṃti tamupāyaṃ vadāmyaham
Sanskrit only: no published translation is held for this verse.
गंगातोयेषु दिव्यानि पतिष्यंति न संशयः । वाहितानि जलैर्दिव्यैरागमिष्यंति सांप्रतम्
gaṃgātoyeṣu divyāni patiṣyaṃti na saṃśayaḥ | vāhitāni jalairdivyairāgamiṣyaṃti sāṃpratam
Sanskrit only: no published translation is held for this verse.
तानि त्वं तु प्रतिगृहाण सुहृद्यानि महांति च । गृहीत्वा तानि पुष्पाणि साधयस्व मनीप्सितम्
tāni tvaṃ tu pratigṛhāṇa suhṛdyāni mahāṃti ca | gṛhītvā tāni puṣpāṇi sādhayasva manīpsitam
Sanskrit only: no published translation is held for this verse.
नारदो दानवश्रेष्ठं मोहयित्वा ततः पुनः । ततश्च स तु धर्मात्मा चिंतयामास वै पुनः
nārado dānavaśreṣṭhaṃ mohayitvā tataḥ punaḥ | tataśca sa tu dharmātmā ciṃtayāmāsa vai punaḥ
Sanskrit only: no published translation is held for this verse.
कथमश्रूणि सा मुंचेत्केनोपायेन दुःखिता । चिंतयानस्य तस्यैवं क्षणं वै नारदस्य च
kathamaśrūṇi sā muṃcetkenopāyena duḥkhitā | ciṃtayānasya tasyaivaṃ kṣaṇaṃ vai nāradasya ca
Sanskrit only: no published translation is held for this verse.
ततो बुद्धिः समुत्पन्ना कामोदाख्यं पुरं गतः
tato buddhiḥ samutpannā kāmodākhyaṃ puraṃ gataḥ
Sanskrit only: no published translation is held for this verse.