Library·Padma Purāṇa·2·2.121
कामोदोवाच- न विदुर्देवताः सर्वा यस्यांतं रूपमेव च । यस्मिल्लीँनस्तु सर्वोयं स चैकात्मा प्रकथ्यते
kāmodovāca- na vidurdevatāḥ sarvā yasyāṃtaṃ rūpameva ca | yasmillī~nastu sarvoyaṃ sa caikātmā prakathyate
Sanskrit only: no published translation is held for this verse.
यस्या मायाप्रपंचस्तु संसारः शृणु नारद । कस्मात्प्रयाति संसारं मम स्वामी जगत्पतिः
yasyā māyāprapaṃcastu saṃsāraḥ śṛṇu nārada | kasmātprayāti saṃsāraṃ mama svāmī jagatpatiḥ
Sanskrit only: no published translation is held for this verse.
पापैश्चापि सुपुण्यैश्च नरोबद्धस्तु कर्मभिः । संसारं सरते विप्र हरिः कस्माद्व्रजेद्वद
pāpaiścāpi supuṇyaiśca narobaddhastu karmabhiḥ | saṃsāraṃ sarate vipra hariḥ kasmādvrajedvada
Sanskrit only: no published translation is held for this verse.
नारद उवाच- शृणु देवि प्रवक्ष्यामि यत्कृतं तेन चक्रिणा । भृगोरग्रे प्रतिज्ञातं यज्ञरक्षां करोम्यहम्
nārada uvāca- śṛṇu devi pravakṣyāmi yatkṛtaṃ tena cakriṇā | bhṛgoragre pratijñātaṃ yajñarakṣāṃ karomyaham
Sanskrit only: no published translation is held for this verse.
इंद्रस्य वचनात्सद्यो गतोऽसौ दानवैः सह । योद्धुं विहाय गोविंदो भृगोश्चैव मखोत्तमम्
iṃdrasya vacanātsadyo gato'sau dānavaiḥ saha | yoddhuṃ vihāya goviṃdo bhṛgoścaiva makhottamam
Sanskrit only: no published translation is held for this verse.
मखं त्यक्त्वा गते देवे पश्चात्तैर्दानवोत्तमैः । आगत्य ध्वंसितः सर्वः स यज्ञः पापचेतनैः
makhaṃ tyaktvā gate deve paścāttairdānavottamaiḥ | āgatya dhvaṃsitaḥ sarvaḥ sa yajñaḥ pāpacetanaiḥ
Sanskrit only: no published translation is held for this verse.
हरिं क्रुद्धः स योगींद्रः शशाप भृगुरेव तम् । दशजन्मानि भुंक्ष्व त्वं मच्छापकलुषीकृतः
hariṃ kruddhaḥ sa yogīṃdraḥ śaśāpa bhṛgureva tam | daśajanmāni bhuṃkṣva tvaṃ macchāpakaluṣīkṛtaḥ
Sanskrit only: no published translation is held for this verse.
कर्मणः स्वस्य संभोगं संभोक्ष्यति जनार्दनः । तन्निमित्तं त्वया देवि दुःस्वप्नः परिवीक्षितः
karmaṇaḥ svasya saṃbhogaṃ saṃbhokṣyati janārdanaḥ | tannimittaṃ tvayā devi duḥsvapnaḥ parivīkṣitaḥ
Sanskrit only: no published translation is held for this verse.
इत्युक्त्वा तां गतो विप्रो ब्रह्मलोकं स नारदः । कृष्णस्यापि सुदुःखेन दुःखिता साभवत्तदा
ityuktvā tāṃ gato vipro brahmalokaṃ sa nāradaḥ | kṛṣṇasyāpi suduḥkhena duḥkhitā sābhavattadā
Sanskrit only: no published translation is held for this verse.
रुरोद करुणं बाला हाहेति वदती मुहुः । गङ्गातीरोपविष्टा सा जलांते शृणु नन्दन
ruroda karuṇaṃ bālā hāheti vadatī muhuḥ | gaṅgātīropaviṣṭā sā jalāṃte śṛṇu nandana
Sanskrit only: no published translation is held for this verse.
सुनेत्राभ्यां तथाश्रूणि दुःखेनापि प्रमुंचति । तान्यश्रूणि प्रमुक्तानि गंगातोये पतंत्यपि
sunetrābhyāṃ tathāśrūṇi duḥkhenāpi pramuṃcati | tānyaśrūṇi pramuktāni gaṃgātoye pataṃtyapi
Sanskrit only: no published translation is held for this verse.
जले चैव निमज्जंति तस्याश्चाप्यश्रुबिंदवः । संभवंति पुनस्तात पद्मरूपाणि तानि च
jale caiva nimajjaṃti tasyāścāpyaśrubiṃdavaḥ | saṃbhavaṃti punastāta padmarūpāṇi tāni ca
Sanskrit only: no published translation is held for this verse.
गंगातोये प्रफुल्लानि वाहितानि प्रयांति वै । ददृशे दानवश्रेष्ठो विष्णुमायाप्रमोहितः
gaṃgātoye praphullāni vāhitāni prayāṃti vai | dadṛśe dānavaśreṣṭho viṣṇumāyāpramohitaḥ
Sanskrit only: no published translation is held for this verse.
दुःखजानि न जानाति मुनिना कथितान्यपि । हर्षेण महताविष्टः परिजग्राह सोऽसुरः
duḥkhajāni na jānāti muninā kathitānyapi | harṣeṇa mahatāviṣṭaḥ parijagrāha so'suraḥ
Sanskrit only: no published translation is held for this verse.
पद्मैस्तु पुष्पितैः सोपि पूजयेद्गिरिजाप्रियम् । सप्तकोटिभिर्दैत्येंद्रो विष्णुमायाप्रमोहितः
padmaistu puṣpitaiḥ sopi pūjayedgirijāpriyam | saptakoṭibhirdaityeṃdro viṣṇumāyāpramohitaḥ
Sanskrit only: no published translation is held for this verse.
अथ क्रुद्धा जगद्धात्री शंकरं वाक्यमब्रवीत् । पश्यैतस्य विकर्म त्वं दानवस्य महामते
atha kruddhā jagaddhātrī śaṃkaraṃ vākyamabravīt | paśyaitasya vikarma tvaṃ dānavasya mahāmate
Sanskrit only: no published translation is held for this verse.
शोकोत्पन्नानि पद्मानि गंगातोयगतानि वै । अयमेष प्रगृह्णाति कामाकुलितचेतनः
śokotpannāni padmāni gaṃgātoyagatāni vai | ayameṣa pragṛhṇāti kāmākulitacetanaḥ
Sanskrit only: no published translation is held for this verse.
पूजयेच्चापि दुष्टात्मा शोकसंतापकारकैः । दुःखजैः शोकजैः पुष्पैस्तैः सुश्रेयः कथं भवेत्
pūjayeccāpi duṣṭātmā śokasaṃtāpakārakaiḥ | duḥkhajaiḥ śokajaiḥ puṣpaistaiḥ suśreyaḥ kathaṃ bhavet
Sanskrit only: no published translation is held for this verse.
यादृशेनापि भावेन मामेव परिपूजयेत् । तादृशेनापि भावेन अस्य सिद्धिर्भविष्यति
yādṛśenāpi bhāvena māmeva paripūjayet | tādṛśenāpi bhāvena asya siddhirbhaviṣyati
Sanskrit only: no published translation is held for this verse.
सत्यध्यानविहीनोयं कामोदा न्यस्तमानसः । संजातः पापचारित्रो जहि देवि स्वतेजसा
satyadhyānavihīnoyaṃ kāmodā nyastamānasaḥ | saṃjātaḥ pāpacāritro jahi devi svatejasā
Sanskrit only: no published translation is held for this verse.
एवमाकर्ण्य तद्वाक्यं शंभोश्चैव महात्मनः । अस्यैव संक्षयं शंभो करिष्ये तव शासनात्
evamākarṇya tadvākyaṃ śaṃbhoścaiva mahātmanaḥ | asyaiva saṃkṣayaṃ śaṃbho kariṣye tava śāsanāt
Sanskrit only: no published translation is held for this verse.
एवमुक्त्वा ततो देवी तस्यापि वधकांक्षया । वर्त्तते हि विहुंडस्य वधोपायं व्यचिंतयत्
evamuktvā tato devī tasyāpi vadhakāṃkṣayā | varttate hi vihuṃḍasya vadhopāyaṃ vyaciṃtayat
Sanskrit only: no published translation is held for this verse.
कृत्वा मायामयं रूपं ब्राह्मणस्य महात्मनः । पूजयेच्छंकरं नाथं सुपुष्पैः पारिजातजैः
kṛtvā māyāmayaṃ rūpaṃ brāhmaṇasya mahātmanaḥ | pūjayecchaṃkaraṃ nāthaṃ supuṣpaiḥ pārijātajaiḥ
Sanskrit only: no published translation is held for this verse.
समेत्य दानवः पापो दिव्यां पूजां विनाशयेत् । कामाकुलः सुदुःखार्तस्तद्गतो भावतत्परः
sametya dānavaḥ pāpo divyāṃ pūjāṃ vināśayet | kāmākulaḥ suduḥkhārtastadgato bhāvatatparaḥ
Sanskrit only: no published translation is held for this verse.
विष्णोश्चैव महामायां पूर्वदृष्टां स दानवः । सस्मार दानवः पापः कामबाणैः प्रपीडितः
viṣṇoścaiva mahāmāyāṃ pūrvadṛṣṭāṃ sa dānavaḥ | sasmāra dānavaḥ pāpaḥ kāmabāṇaiḥ prapīḍitaḥ
Sanskrit only: no published translation is held for this verse.
तस्याः स्मरणमात्रेण कंदर्पेण बलीयसा । विरहाकुलदुःखार्तो रोदते हि मुहुर्मुहुः
tasyāḥ smaraṇamātreṇa kaṃdarpeṇa balīyasā | virahākuladuḥkhārto rodate hi muhurmuhuḥ
Sanskrit only: no published translation is held for this verse.
कालाकृष्टः स दुष्टात्मा शोकजातानि तानि सः । परिगृह्य समायातः पूजनार्थी महेश्वरम्
kālākṛṣṭaḥ sa duṣṭātmā śokajātāni tāni saḥ | parigṛhya samāyātaḥ pūjanārthī maheśvaram
Sanskrit only: no published translation is held for this verse.
देव्या कृतां हि पूजां च सुपुष्पैः पारिजातजैः । तां निर्णाश्य सुलोभेन शोकजैः परिपूजयेत्
devyā kṛtāṃ hi pūjāṃ ca supuṣpaiḥ pārijātajaiḥ | tāṃ nirṇāśya sulobhena śokajaiḥ paripūjayet
Sanskrit only: no published translation is held for this verse.
नेत्राभ्यां तस्य दुष्टस्य बिंदवस्तेऽश्रुसंभवाः । अविरलास्ततो वत्स पतंति लिंगमस्तके
netrābhyāṃ tasya duṣṭasya biṃdavaste'śrusaṃbhavāḥ | aviralāstato vatsa pataṃti liṃgamastake
Sanskrit only: no published translation is held for this verse.
देवी ब्राह्मणरूपेण तमुवाच महामते । को भवान्पूजयेद्देवं शोकाकुलमनाः सदा
devī brāhmaṇarūpeṇa tamuvāca mahāmate | ko bhavānpūjayeddevaṃ śokākulamanāḥ sadā
Sanskrit only: no published translation is held for this verse.
पतंत्यश्रूणि देवस्य मस्तके शोकजानि ते । अपवित्राणि मे ब्रूहि एतमर्थं ममाग्रतः
pataṃtyaśrūṇi devasya mastake śokajāni te | apavitrāṇi me brūhi etamarthaṃ mamāgrataḥ
Sanskrit only: no published translation is held for this verse.
विहुंड उवाच- पूर्वं दृष्टा मया नारी सर्वसौभाग्यसंपदा । सर्वलक्षणसंपन्ना कामस्यायतनं महत्
vihuṃḍa uvāca- pūrvaṃ dṛṣṭā mayā nārī sarvasaubhāgyasaṃpadā | sarvalakṣaṇasaṃpannā kāmasyāyatanaṃ mahat
Sanskrit only: no published translation is held for this verse.
तस्या मोहेन संदग्धः कामेनाकुलतां गतः । तया प्रोक्तं हि संभोगे देहि मे दायमुत्तमम्
tasyā mohena saṃdagdhaḥ kāmenākulatāṃ gataḥ | tayā proktaṃ hi saṃbhoge dehi me dāyamuttamam
Sanskrit only: no published translation is held for this verse.
कामोदसंभवैः पुष्पैः पूजयस्व महेश्वरम् । तेषां पुष्पकृतां मालां मम कंठे परिक्षिप
kāmodasaṃbhavaiḥ puṣpaiḥ pūjayasva maheśvaram | teṣāṃ puṣpakṛtāṃ mālāṃ mama kaṃṭhe parikṣipa
Sanskrit only: no published translation is held for this verse.
कोटिभिः सप्तसंख्यातैः पूजयस्व महेश्वरम् । तदर्थं पूजयाम्येव ईश्वरं फलदायकम्
koṭibhiḥ saptasaṃkhyātaiḥ pūjayasva maheśvaram | tadarthaṃ pūjayāmyeva īśvaraṃ phaladāyakam
Sanskrit only: no published translation is held for this verse.
कामोदसंभवैः पुष्पैर्दुर्लभैर्देवदानवैः । श्रीदेव्युवाच- क्व ते भावः क्व ते ध्यानं क्व ते ज्ञानं दुरात्मनः
kāmodasaṃbhavaiḥ puṣpairdurlabhairdevadānavaiḥ | śrīdevyuvāca- kva te bhāvaḥ kva te dhyānaṃ kva te jñānaṃ durātmanaḥ
Sanskrit only: no published translation is held for this verse.
ईश्वरस्यापि संबंधो नास्ति किंचित्त्वयैव हि । कामोदाया वरं रूपं कीदृशं वद सांप्रतम्
īśvarasyāpi saṃbaṃdho nāsti kiṃcittvayaiva hi | kāmodāyā varaṃ rūpaṃ kīdṛśaṃ vada sāṃpratam
Sanskrit only: no published translation is held for this verse.
क्व लब्धानि सुपुष्पाणि तस्या हास्योद्भवानि च । विहुंड उवाच- भावं ध्यानं न जानामि न दृष्टा सा मया कदा
kva labdhāni supuṣpāṇi tasyā hāsyodbhavāni ca | vihuṃḍa uvāca- bhāvaṃ dhyānaṃ na jānāmi na dṛṣṭā sā mayā kadā
Sanskrit only: no published translation is held for this verse.
गंगातोयगतान्येव परिगृह्णामि नित्यशः । तैरहं पूजयाम्येकं शंकरं प्रवदाम्यहम्
gaṃgātoyagatānyeva parigṛhṇāmi nityaśaḥ | tairahaṃ pūjayāmyekaṃ śaṃkaraṃ pravadāmyaham
Sanskrit only: no published translation is held for this verse.
ममाग्रे कथितं विप्र शुक्रेणापि महात्मना । वचनात्तस्य देवेशमर्चयामि दिनदिने
mamāgre kathitaṃ vipra śukreṇāpi mahātmanā | vacanāttasya deveśamarcayāmi dinadine
Sanskrit only: no published translation is held for this verse.
एतत्ते सर्वमाख्यातं यच्च पृष्टोस्मि सांप्रतम् । श्रीदेव्युवाच- कामोदारोदनाज्जातैः पुष्पैस्तैर्दुःखसंभवैः
etatte sarvamākhyātaṃ yacca pṛṣṭosmi sāṃpratam | śrīdevyuvāca- kāmodārodanājjātaiḥ puṣpaistairduḥkhasaṃbhavaiḥ
Sanskrit only: no published translation is held for this verse.
लिंगमर्चयसे दुष्ट प्रभाते नित्यमेव च । यादृशेनापि भावेन पुष्पैश्च यादृशैस्त्वया
liṃgamarcayase duṣṭa prabhāte nityameva ca | yādṛśenāpi bhāvena puṣpaiśca yādṛśaistvayā
Sanskrit only: no published translation is held for this verse.
अर्चितो देवदेवेशस्तादृशं फलमाप्नुहि । दिव्यपूजां विनाश्यैवं शोकपुष्पैः प्रपूजसि
arcito devadeveśastādṛśaṃ phalamāpnuhi | divyapūjāṃ vināśyaivaṃ śokapuṣpaiḥ prapūjasi
Sanskrit only: no published translation is held for this verse.
असौ दोषस्तवैवाद्य समुत्पन्नः सुदारुणः । तस्माद्दण्डं प्रदास्यामि भुंक्ष्व स्वकर्मजं फलम्
asau doṣastavaivādya samutpannaḥ sudāruṇaḥ | tasmāddaṇḍaṃ pradāsyāmi bhuṃkṣva svakarmajaṃ phalam
Sanskrit only: no published translation is held for this verse.
तस्या वाक्यं समाकर्ण्य कालकृष्टो बभाष ताम् । रे रे दुष्ट दुराचार मम कर्मप्रदूषक
tasyā vākyaṃ samākarṇya kālakṛṣṭo babhāṣa tām | re re duṣṭa durācāra mama karmapradūṣaka
Sanskrit only: no published translation is held for this verse.
हन्मि त्वामिह खड्गेन अनेनापि न संशयः । इत्युक्त्वा ब्राह्मणं तं स निशितं खड्गमाददे
hanmi tvāmiha khaḍgena anenāpi na saṃśayaḥ | ityuktvā brāhmaṇaṃ taṃ sa niśitaṃ khaḍgamādade
Sanskrit only: no published translation is held for this verse.
हंतुकामः स दुष्टात्मा अभ्यधावत दानवः । सा देवी विप्ररूपेण संक्रुद्धा परमेश्वरी
haṃtukāmaḥ sa duṣṭātmā abhyadhāvata dānavaḥ | sā devī viprarūpeṇa saṃkruddhā parameśvarī
Sanskrit only: no published translation is held for this verse.
हन्मि त्वामिह खड्गेन अनेनापि न संशयः । स्वस्थानमागतं दृष्ट्वा हुंकारं विससर्ज ह । तेन हुंकारनादेन पतितो दानवाधमः
hanmi tvāmiha khaḍgena anenāpi na saṃśayaḥ | svasthānamāgataṃ dṛṣṭvā huṃkāraṃ visasarja ha | tena huṃkāranādena patito dānavādhamaḥ
Sanskrit only: no published translation is held for this verse.
निश्चेष्टः कामरूपेण वज्राहत इवाचलः । पतिते दानवे तस्मिन्सर्वलोकविनाशके
niśceṣṭaḥ kāmarūpeṇa vajrāhata ivācalaḥ | patite dānave tasminsarvalokavināśake
Sanskrit only: no published translation is held for this verse.
लोकाः स्वास्थ्यं गताः सर्वे दुःखतापविवर्जिताः । एतस्मात्कारणाद्वत्स सा स्त्री वै परिदेवति
lokāḥ svāsthyaṃ gatāḥ sarve duḥkhatāpavivarjitāḥ | etasmātkāraṇādvatsa sā strī vai paridevati
Sanskrit only: no published translation is held for this verse.
गंगातीरे वरारोहा दुःखव्याकुलमानसा । एतत्ते सर्वमाख्यातं यत्त्वया परिपृच्छितम्
gaṃgātīre varārohā duḥkhavyākulamānasā | etatte sarvamākhyātaṃ yattvayā paripṛcchitam
Sanskrit only: no published translation is held for this verse.
विष्णुरुवाच- एवमुक्त्वा सुपुत्रं तं कुंजलो अंडजेश्वरः । विरराम महाप्राज्ञः किञ्चिन्नोवाच भूपते
viṣṇuruvāca- evamuktvā suputraṃ taṃ kuṃjalo aṃḍajeśvaraḥ | virarāma mahāprājñaḥ kiñcinnovāca bhūpate
Sanskrit only: no published translation is held for this verse.