Library·Padma Purāṇa·2·2.125
सूत उवाच- वेनस्याज्ञां सुसंप्राप्य पृथुः परमधार्मिकः । संबभ्रे सर्वसंभारान्नानापुण्यान्नृपात्मजः
sūta uvāca- venasyājñāṃ susaṃprāpya pṛthuḥ paramadhārmikaḥ | saṃbabhre sarvasaṃbhārānnānāpuṇyānnṛpātmajaḥ
Sanskrit only: no published translation is held for this verse.
निमंत्र्य ब्राह्मणान्सर्वान्नानादेशोद्भवानपि । अथ वेन इयाजासावश्वमेधेन भूपतिः
nimaṃtrya brāhmaṇānsarvānnānādeśodbhavānapi | atha vena iyājāsāvaśvamedhena bhūpatiḥ
Sanskrit only: no published translation is held for this verse.
दानान्यदाद्ब्राह्मणेभ्यो नानारूपाण्यनेकशः । जगाम वैष्णवं लोकं सकायो जगतीपतिः
dānānyadādbrāhmaṇebhyo nānārūpāṇyanekaśaḥ | jagāma vaiṣṇavaṃ lokaṃ sakāyo jagatīpatiḥ
Sanskrit only: no published translation is held for this verse.
विष्णुना सह धर्मात्मा नित्यमेव प्रवर्तते । एतद्वः सर्वमाख्यातं चरित्रं तस्य भूपतेः
viṣṇunā saha dharmātmā nityameva pravartate | etadvaḥ sarvamākhyātaṃ caritraṃ tasya bhūpateḥ
Sanskrit only: no published translation is held for this verse.
सर्वपापप्रशमनं सर्वदुःखविनाशनम् । पृथुरेव स धर्मात्मा राजा पृथ्वीं प्रशासति
sarvapāpapraśamanaṃ sarvaduḥkhavināśanam | pṛthureva sa dharmātmā rājā pṛthvīṃ praśāsati
Sanskrit only: no published translation is held for this verse.
त्रैलोक्येन समं पृथ्वीं दुदोह नृपसत्तमः । प्रजास्तु रंजितास्तेन पुण्यधर्मानुकर्मभिः
trailokyena samaṃ pṛthvīṃ dudoha nṛpasattamaḥ | prajāstu raṃjitāstena puṇyadharmānukarmabhiḥ
Sanskrit only: no published translation is held for this verse.
एतत्ते सर्वमाख्यातं भूमिखण्डमनुत्तमम् । प्रथमं सृष्टिखंडं तु द्वितीयं भूमिखंडकम्
etatte sarvamākhyātaṃ bhūmikhaṇḍamanuttamam | prathamaṃ sṛṣṭikhaṃḍaṃ tu dvitīyaṃ bhūmikhaṃḍakam
Sanskrit only: no published translation is held for this verse.
भूमिखंडस्यमाहात्म्यं कथयिष्याम्यहं पुनः । अस्य खंडस्य वै श्लोकं यः शृणोति नरोत्तमः
bhūmikhaṃḍasyamāhātmyaṃ kathayiṣyāmyahaṃ punaḥ | asya khaṃḍasya vai ślokaṃ yaḥ śṛṇoti narottamaḥ
Sanskrit only: no published translation is held for this verse.
दिनस्यैकस्य वै पापं तस्य चैव प्रणश्यति । यो नरो भावसंयुक्तोऽध्यायं संशृणुते सुधीः
dinasyaikasya vai pāpaṃ tasya caiva praṇaśyati | yo naro bhāvasaṃyukto'dhyāyaṃ saṃśṛṇute sudhīḥ
Sanskrit only: no published translation is held for this verse.
तस्य पुण्यं प्रवक्ष्यामि श्रूयतां द्विजसत्तमाः । दत्तस्य गोसहस्रस्य ब्राह्मणेभ्यः सुपर्वणि
tasya puṇyaṃ pravakṣyāmi śrūyatāṃ dvijasattamāḥ | dattasya gosahasrasya brāhmaṇebhyaḥ suparvaṇi
Sanskrit only: no published translation is held for this verse.
यत्फलं तत्प्रजायेत विष्णुस्तस्य प्रसीदति । अस्य पद्मपुराणस्य पठमानस्य नित्यशः
yatphalaṃ tatprajāyeta viṣṇustasya prasīdati | asya padmapurāṇasya paṭhamānasya nityaśaḥ
Sanskrit only: no published translation is held for this verse.
कलौयुगे तु विघ्नाश्च न जायंते नरस्य वै । व्यास उवाच- कस्मात्कलौ न जायंते शृण्वानस्य च पद्मज
kalauyuge tu vighnāśca na jāyaṃte narasya vai | vyāsa uvāca- kasmātkalau na jāyaṃte śṛṇvānasya ca padmaja
Sanskrit only: no published translation is held for this verse.
नरस्य पुण्ययुक्तस्य नाना विघ्नाः सुदारुणाः । ब्रह्मोवाच- मखस्याप्यश्वमेधस्य यत्फलं परिकथ्यते
narasya puṇyayuktasya nānā vighnāḥ sudāruṇāḥ | brahmovāca- makhasyāpyaśvamedhasya yatphalaṃ parikathyate
Sanskrit only: no published translation is held for this verse.
तत्फलं दृश्यते तात पुराणे पद्मसंज्ञके । अश्वमेधमखः पुण्यः कलौ नैव प्रवर्तते
tatphalaṃ dṛśyate tāta purāṇe padmasaṃjñake | aśvamedhamakhaḥ puṇyaḥ kalau naiva pravartate
Sanskrit only: no published translation is held for this verse.
पुराणं चापि यत्तद्वदश्वमेधसमं किल । अश्वमेधस्य यत्पुण्यं स्वर्गमोक्षफलप्रदम्
purāṇaṃ cāpi yattadvadaśvamedhasamaṃ kila | aśvamedhasya yatpuṇyaṃ svargamokṣaphalapradam
Sanskrit only: no published translation is held for this verse.
न भुंजंति नराः पापाः पापमार्गेषु संस्थिताः । पुराणस्यास्य पुण्यस्य पद्मसंज्ञस्य सत्तम
na bhuṃjaṃti narāḥ pāpāḥ pāpamārgeṣu saṃsthitāḥ | purāṇasyāsya puṇyasya padmasaṃjñasya sattama
Sanskrit only: no published translation is held for this verse.
अश्वमेधसमं पुण्यं न भुंजंति कलौ नराः । कलौ युगे नरैः पापैर्गंतव्यं नरकार्णवम्
aśvamedhasamaṃ puṇyaṃ na bhuṃjaṃti kalau narāḥ | kalau yuge naraiḥ pāpairgaṃtavyaṃ narakārṇavam
Sanskrit only: no published translation is held for this verse.
कस्माच्छ्रोष्यंति तत्पुण्यं चतुर्वर्गप्रसाधनम् । येन श्रुतमिदं पुण्यं पुराणं पद्मसंज्ञकम्
kasmācchroṣyaṃti tatpuṇyaṃ caturvargaprasādhanam | yena śrutamidaṃ puṇyaṃ purāṇaṃ padmasaṃjñakam
Sanskrit only: no published translation is held for this verse.
सर्वं हि साधितं तेन चतुर्वर्गस्य साधनम् । अश्वमेधादयो यज्ञास्तस्मान्नष्टा महामते
sarvaṃ hi sādhitaṃ tena caturvargasya sādhanam | aśvamedhādayo yajñāstasmānnaṣṭā mahāmate
Sanskrit only: no published translation is held for this verse.
कलौ युगे गताः स्वर्गे सवेदाः सांगसस्वराः । यः कोपि सत्वसंपन्नः श्रद्धावान्भगवत्परः
kalau yuge gatāḥ svarge savedāḥ sāṃgasasvarāḥ | yaḥ kopi satvasaṃpannaḥ śraddhāvānbhagavatparaḥ
Sanskrit only: no published translation is held for this verse.
श्रोतुमिच्छति धर्मात्मा सपुत्रो भार्यया सह । श्रवणार्थं महाश्रद्धा पूर्वं तस्य प्रजायते
śrotumicchati dharmātmā saputro bhāryayā saha | śravaṇārthaṃ mahāśraddhā pūrvaṃ tasya prajāyate
Sanskrit only: no published translation is held for this verse.
शृण्वानस्य नरस्यापि महाविघ्नो न संचरेत् । अश्रद्धा जायते पूर्वं पाठकस्य नरस्य च
śṛṇvānasya narasyāpi mahāvighno na saṃcaret | aśraddhā jāyate pūrvaṃ pāṭhakasya narasya ca
Sanskrit only: no published translation is held for this verse.
लोभश्च जायते तस्य शृण्वानस्य द्विजोत्तम । प्रेषितो विष्णुदेवेन महामोहः स दारुणः
lobhaśca jāyate tasya śṛṇvānasya dvijottama | preṣito viṣṇudevena mahāmohaḥ sa dāruṇaḥ
Sanskrit only: no published translation is held for this verse.
अकरोत्स विनाशं तु शृण्वतश्चास्य नित्यशः । दूषकाः कुत्सकाः पापाः संभवंति दिने दिने
akarotsa vināśaṃ tu śṛṇvataścāsya nityaśaḥ | dūṣakāḥ kutsakāḥ pāpāḥ saṃbhavaṃti dine dine
Sanskrit only: no published translation is held for this verse.
ज्ञातव्यं तु सुबुद्धेन विघ्नरूपं ममाधुना । संजातं दृश्यते व्यास तथा होमं समाचरेत्
jñātavyaṃ tu subuddhena vighnarūpaṃ mamādhunā | saṃjātaṃ dṛśyate vyāsa tathā homaṃ samācaret
Sanskrit only: no published translation is held for this verse.
वैष्णवैश्च महामंत्रैर्विष्णुसूक्तैः सुपुण्यदैः । विष्णोरराटमंत्रेण सहस्रशीर्षकेण च
vaiṣṇavaiśca mahāmaṃtrairviṣṇusūktaiḥ supuṇyadaiḥ | viṣṇorarāṭamaṃtreṇa sahasraśīrṣakeṇa ca
Sanskrit only: no published translation is held for this verse.
इदं विष्णु सुमंत्रेण आब्रह्मेण पुनः पुनः । त्र्यंबकेन च मंत्रेण होममेवं समाचरेत्
idaṃ viṣṇu sumaṃtreṇa ābrahmeṇa punaḥ punaḥ | tryaṃbakena ca maṃtreṇa homamevaṃ samācaret
Sanskrit only: no published translation is held for this verse.
बृहत्साम्ना सुमंत्रेण द्वादशाक्षरकेण च । यस्य देवस्य यो होमस्तस्य मंत्रेण होमयेत्
bṛhatsāmnā sumaṃtreṇa dvādaśākṣarakeṇa ca | yasya devasya yo homastasya maṃtreṇa homayet
Sanskrit only: no published translation is held for this verse.
अष्टोत्तरतिलाज्यैश्च पालाशैः समिधैरपि । ग्रहाणामपि कर्त्तव्यं स्थापनं पूजनं द्विज
aṣṭottaratilājyaiśca pālāśaiḥ samidhairapi | grahāṇāmapi karttavyaṃ sthāpanaṃ pūjanaṃ dvija
Sanskrit only: no published translation is held for this verse.
विघ्नेशं पूजयेत्तत्र शारदां च सुरेश्वरीम् । जातवेदां महामायां चंडिकां क्षेत्रनायकम्
vighneśaṃ pūjayettatra śāradāṃ ca sureśvarīm | jātavedāṃ mahāmāyāṃ caṃḍikāṃ kṣetranāyakam
Sanskrit only: no published translation is held for this verse.
तिलैश्च तंदुलैराज्यैस्तेषां मंत्रसमुद्यतैः । एवं होमः प्रकर्त्तव्यो ब्राह्मणेभ्यो ददेद्धनम्
tilaiśca taṃdulairājyaisteṣāṃ maṃtrasamudyataiḥ | evaṃ homaḥ prakarttavyo brāhmaṇebhyo dadeddhanam
Sanskrit only: no published translation is held for this verse.
यथासंभाविकां तात दक्षिणां धेनुसंयुताम् । ततो विघ्नाः प्रणश्यंति पुराणं सिद्धिमाप्नुयात्
yathāsaṃbhāvikāṃ tāta dakṣiṇāṃ dhenusaṃyutām | tato vighnāḥ praṇaśyaṃti purāṇaṃ siddhimāpnuyāt
Sanskrit only: no published translation is held for this verse.
एवं न कुरुते यो हि तस्य विघ्नं वदाम्यहम् । तस्यांगे जायते रोगो बहुपीडाप्रदायकः
evaṃ na kurute yo hi tasya vighnaṃ vadāmyaham | tasyāṃge jāyate rogo bahupīḍāpradāyakaḥ
Sanskrit only: no published translation is held for this verse.
भार्या शोकः पुत्रशोको धनहानिः प्रजायते । नानाविधान्महारोगान्भुंजते नात्र संशयः
bhāryā śokaḥ putraśoko dhanahāniḥ prajāyate | nānāvidhānmahārogānbhuṃjate nātra saṃśayaḥ
Sanskrit only: no published translation is held for this verse.
यस्य गेहे नास्ति वित्तमुपवासं समाचरेत् । एकादशीं सुसंप्राप्य पूजयेन्मधुसूदनम्
yasya gehe nāsti vittamupavāsaṃ samācaret | ekādaśīṃ susaṃprāpya pūjayenmadhusūdanam
Sanskrit only: no published translation is held for this verse.
षोडशैश्चोपचारैश्च भावयुक्तेन चेतसा । ब्राह्मणान्भोजयेत्पश्चाद्यथावित्तानुसारतः
ṣoḍaśaiścopacāraiśca bhāvayuktena cetasā | brāhmaṇānbhojayetpaścādyathāvittānusārataḥ
Sanskrit only: no published translation is held for this verse.
केशवाय ततो दत्वा संकल्पं हविषान्वितम् । स्वयं कुर्यात्ततः प्राज्ञो भोजनं सह बांधवैः
keśavāya tato datvā saṃkalpaṃ haviṣānvitam | svayaṃ kuryāttataḥ prājño bhojanaṃ saha bāṃdhavaiḥ
Sanskrit only: no published translation is held for this verse.
पुत्रैस्तु भार्यया युक्तस्ततः सिद्धिमवाप्नुयात् । पुराणसंहितापूर्णा श्रोतव्या धर्मतत्परैः
putraistu bhāryayā yuktastataḥ siddhimavāpnuyāt | purāṇasaṃhitāpūrṇā śrotavyā dharmatatparaiḥ
Sanskrit only: no published translation is held for this verse.
चतुर्वर्गस्य वै सिद्धिर्जायते तस्य नान्यथा । सपादं लक्षमेकं तु ब्रह्माख्यं पुष्करं शृणु
caturvargasya vai siddhirjāyate tasya nānyathā | sapādaṃ lakṣamekaṃ tu brahmākhyaṃ puṣkaraṃ śṛṇu
Sanskrit only: no published translation is held for this verse.
कृते युगे तु निष्पापाः शृण्वंति मनुजा द्विज । लक्षस्यार्द्धं ततः कृत्स्नं पुराणं पद्मसंज्ञकम्
kṛte yuge tu niṣpāpāḥ śṛṇvaṃti manujā dvija | lakṣasyārddhaṃ tataḥ kṛtsnaṃ purāṇaṃ padmasaṃjñakam
Sanskrit only: no published translation is held for this verse.
श्लोकानां तु सहस्राभ्यां द्वाभ्यामेव तथाधिकम् । त्रेतायुगे तथा प्राप्ते यदा श्रोष्यंति मानवाः
ślokānāṃ tu sahasrābhyāṃ dvābhyāmeva tathādhikam | tretāyuge tathā prāpte yadā śroṣyaṃti mānavāḥ
Sanskrit only: no published translation is held for this verse.
चतुर्वर्गफलं भुक्त्वा ते यास्यंति हरिं पुनः । द्वाविंशतिसहस्राणि संहितापद्मसंज्ञिता
caturvargaphalaṃ bhuktvā te yāsyaṃti hariṃ punaḥ | dvāviṃśatisahasrāṇi saṃhitāpadmasaṃjñitā
Sanskrit only: no published translation is held for this verse.
द्वापरे कथिता विप्र ब्रह्मणा परमात्मना । द्वादशैव सहस्राणां पद्माख्या सा तु संहिता
dvāpare kathitā vipra brahmaṇā paramātmanā | dvādaśaiva sahasrāṇāṃ padmākhyā sā tu saṃhitā
Sanskrit only: no published translation is held for this verse.
कलौ युगे पठिष्यंति मानवा विष्णुतत्पराः । एकोर्थश्चैकभावश्च चतुर्ष्वपि प्रवर्तितः
kalau yuge paṭhiṣyaṃti mānavā viṣṇutatparāḥ | ekorthaścaikabhāvaśca caturṣvapi pravartitaḥ
Sanskrit only: no published translation is held for this verse.
संहितास्वेव विप्रेंद्र शेषाख्यानप्रविस्तरः । द्वादशैव सहस्राणि नाशं यास्यंति सत्तम
saṃhitāsveva vipreṃdra śeṣākhyānapravistaraḥ | dvādaśaiva sahasrāṇi nāśaṃ yāsyaṃti sattama
Sanskrit only: no published translation is held for this verse.
कलौ युगे तु संप्राप्ते प्रथमं हि भविष्यति । भूमिखंडं नरः श्रुत्वासर्वपापैः प्रमुच्यते
kalau yuge tu saṃprāpte prathamaṃ hi bhaviṣyati | bhūmikhaṃḍaṃ naraḥ śrutvāsarvapāpaiḥ pramucyate
Sanskrit only: no published translation is held for this verse.
मुच्यते सर्वदुःखेभ्यः सर्वरोगैः प्रमुच्यते । अन्यत्सर्वं परित्यज्य जपं दानं तथा श्रुतम्
mucyate sarvaduḥkhebhyaḥ sarvarogaiḥ pramucyate | anyatsarvaṃ parityajya japaṃ dānaṃ tathā śrutam
Sanskrit only: no published translation is held for this verse.
श्रोतव्यं हि प्रयत्नेन पद्माख्यं पापनाशनम् । प्रथमं सृष्टिखंडं तु द्वितीयं भूमिखंडकम्
śrotavyaṃ hi prayatnena padmākhyaṃ pāpanāśanam | prathamaṃ sṛṣṭikhaṃḍaṃ tu dvitīyaṃ bhūmikhaṃḍakam
Sanskrit only: no published translation is held for this verse.
तृतीयं स्वर्गखंडं च पातालं तु चतुर्थकम् । पंचमं चोत्तरं खंडं सर्वपापप्रणाशनम्
tṛtīyaṃ svargakhaṃḍaṃ ca pātālaṃ tu caturthakam | paṃcamaṃ cottaraṃ khaṃḍaṃ sarvapāpapraṇāśanam
Sanskrit only: no published translation is held for this verse.
यः शृणोति नरो भक्त्या पंचखंडान्यनुक्रमात् । गोप्रदानसहस्रस्य मानवो लभते फलम्
yaḥ śṛṇoti naro bhaktyā paṃcakhaṃḍānyanukramāt | gopradānasahasrasya mānavo labhate phalam
Sanskrit only: no published translation is held for this verse.
महाभाग्येन लभ्यंते पंचखंडानि भूसुराः । श्रुतानि मोक्षदानि स्युः सत्यं सत्यं न संशयः
mahābhāgyena labhyaṃte paṃcakhaṃḍāni bhūsurāḥ | śrutāni mokṣadāni syuḥ satyaṃ satyaṃ na saṃśayaḥ
Sanskrit only: no published translation is held for this verse.
इति श्रीपद्मपुराणे भूमिखंडे पंचपंचाशत्सहस्रसंहितायां वेनोपाख्याने पंचविंशत्यधिकशततमोऽध्यायः
iti śrīpadmapurāṇe bhūmikhaṃḍe paṃcapaṃcāśatsahasrasaṃhitāyāṃ venopākhyāne paṃcaviṃśatyadhikaśatatamo'dhyāyaḥ
Sanskrit only: no published translation is held for this verse.