नैव क्षमसि विप्रेंद्र दासीपुत्रं हि मां कुरु । राजानं तु प्रकर्तव्यं चांडालं च महामुने
naiva kṣamasi vipreṃdra dāsīputraṃ hi māṃ kuru | rājānaṃ tu prakartavyaṃ cāṃḍālaṃ ca mahāmune
Sanskrit only: no published translation is held for this verse.
Library·Padma Purāṇa·2·2.12
Padma Purāṇa 2.12
प्रसादसुमुखो विप्र प्रणतस्य सदैव हि । दुर्वासाश्च ततः क्रुद्धो धर्मं चैव शशाप ह
prasādasumukho vipra praṇatasya sadaiva hi | durvāsāśca tataḥ kruddho dharmaṃ caiva śaśāpa ha
Sanskrit only: no published translation is held for this verse.
दुर्वासा उवाच-। राजा भव त्वं धर्माद्य दासीपुत्रश्च नान्यथा । गच्छ चांडालयोनिं च धर्म त्वं स्वेच्छया व्रज
durvāsā uvāca-| rājā bhava tvaṃ dharmādya dāsīputraśca nānyathā | gaccha cāṃḍālayoniṃ ca dharma tvaṃ svecchayā vraja
Sanskrit only: no published translation is held for this verse.
एवं शापत्रयं दत्त्वा गतोसौ द्विजसत्तमः । अनेनापि प्रसंगेन दृष्टो धर्मः पुरा किल
evaṃ śāpatrayaṃ dattvā gatosau dvijasattamaḥ | anenāpi prasaṃgena dṛṣṭo dharmaḥ purā kila
Sanskrit only: no published translation is held for this verse.
सोमशर्मोवाच-। धर्मस्तु कीदृशो जातस्तेन शप्तो महात्मना । तद्रूपं तस्य मे ब्रूहि यदि जानासि भामिनि
somaśarmovāca-| dharmastu kīdṛśo jātastena śapto mahātmanā | tadrūpaṃ tasya me brūhi yadi jānāsi bhāmini
Sanskrit only: no published translation is held for this verse.
सुमनोवाच-। भरतानां कुले जातो धर्मो भूत्वा युधिष्ठिरः । विदुरो दासीपुत्रस्तु अन्यं चैव वदाम्यहम्
sumanovāca-| bharatānāṃ kule jāto dharmo bhūtvā yudhiṣṭhiraḥ | viduro dāsīputrastu anyaṃ caiva vadāmyaham
Sanskrit only: no published translation is held for this verse.
यदा राजा हरिश्चंद्रो विश्वामित्रेण कर्षितः । तदा चांडालतां प्राप्तः स हि धर्मो महामतिः
yadā rājā hariścaṃdro viśvāmitreṇa karṣitaḥ | tadā cāṃḍālatāṃ prāptaḥ sa hi dharmo mahāmatiḥ
Sanskrit only: no published translation is held for this verse.
एवं कर्मफलं भुक्तं धर्मेणापि महात्मना । दुर्वाससो हि शापाद्वै सत्यमुक्तं तवाग्रतः
evaṃ karmaphalaṃ bhuktaṃ dharmeṇāpi mahātmanā | durvāsaso hi śāpādvai satyamuktaṃ tavāgrataḥ
Sanskrit only: no published translation is held for this verse.