Library·Padma Purāṇa·2·2.15
सोमशर्मोवाच- पापिनां मरणं भद्रे कीदृशैर्लक्षणैर्युतम् । तन्मे त्वं विस्तराद्ब्रूहि यदि जानासि भामिनि
somaśarmovāca- pāpināṃ maraṇaṃ bhadre kīdṛśairlakṣaṇairyutam | tanme tvaṃ vistarādbrūhi yadi jānāsi bhāmini
Sanskrit only: no published translation is held for this verse.
सुमनोवाच- श्रूयतामभिधास्यामि तस्मात्सिद्धाच्छ्रुतं मया । पापिनां मरणे कांत यादृशं लिंगमेव च
sumanovāca- śrūyatāmabhidhāsyāmi tasmātsiddhācchrutaṃ mayā | pāpināṃ maraṇe kāṃta yādṛśaṃ liṃgameva ca
Sanskrit only: no published translation is held for this verse.
महापातकिनां चैव स्थानं चेष्टां वदाम्यहम् । विण्मूत्रामेध्यसंयुक्तां भूमिं पापसमन्विताम्
mahāpātakināṃ caiva sthānaṃ ceṣṭāṃ vadāmyaham | viṇmūtrāmedhyasaṃyuktāṃ bhūmiṃ pāpasamanvitām
Sanskrit only: no published translation is held for this verse.
सतां प्राप्य सुदुष्टात्मा प्राणान्दुःखेन मुंचति । चांडालभूमिं संप्राप्य मरणं याति दुःस्थितः
satāṃ prāpya suduṣṭātmā prāṇānduḥkhena muṃcati | cāṃḍālabhūmiṃ saṃprāpya maraṇaṃ yāti duḥsthitaḥ
Sanskrit only: no published translation is held for this verse.
गर्दभाचरितां भूमिं वेश्यागेहं समाश्रितः । कल्पपालगृहं गत्वा निधनायोपगच्छति
gardabhācaritāṃ bhūmiṃ veśyāgehaṃ samāśritaḥ | kalpapālagṛhaṃ gatvā nidhanāyopagacchati
Sanskrit only: no published translation is held for this verse.
अस्थिचर्मनखैः पूर्णमाश्रितं पापकिल्बिषैः । तां प्राप्य च स दुष्टात्मा मृत्युं याति सुनिश्चितम्
asthicarmanakhaiḥ pūrṇamāśritaṃ pāpakilbiṣaiḥ | tāṃ prāpya ca sa duṣṭātmā mṛtyuṃ yāti suniścitam
Sanskrit only: no published translation is held for this verse.
अन्यां पापसमाचारां प्राप्य मृत्युं स गच्छति । अथ चेष्टां प्रवक्ष्यामि दूतानां तु तमिच्छताम्
anyāṃ pāpasamācārāṃ prāpya mṛtyuṃ sa gacchati | atha ceṣṭāṃ pravakṣyāmi dūtānāṃ tu tamicchatām
Sanskrit only: no published translation is held for this verse.
भैरवान्दारुणान्घोरानतिकृष्णान्महोदरान् । पिंगाक्षान्पीतनीलांश्च अतिश्वेतान्महोदरान्
bhairavāndāruṇānghorānatikṛṣṇānmahodarān | piṃgākṣānpītanīlāṃśca atiśvetānmahodarān
Sanskrit only: no published translation is held for this verse.
अत्युच्चान्विकरालांश्च शुष्कमांसवसोपमान् । रौद्रदंष्ट्रान्करालांश्च सिंहास्यान्सर्पहस्तकान्
atyuccānvikarālāṃśca śuṣkamāṃsavasopamān | raudradaṃṣṭrānkarālāṃśca siṃhāsyānsarpahastakān
Sanskrit only: no published translation is held for this verse.
सतान्दृष्ट्वा प्रकंपेत खिद्यते च मुहुर्मुहुः । शिवासंनादवद्घोरान्महारावान्महामते
satāndṛṣṭvā prakaṃpeta khidyate ca muhurmuhuḥ | śivāsaṃnādavadghorānmahārāvānmahāmate
Sanskrit only: no published translation is held for this verse.
मुंचंति दूतकाः सर्वे कर्णमूले तु तस्य हि । गले पाशैः प्रबद्ध्वा ते कटिं बद्ध्वा तथोदरे
muṃcaṃti dūtakāḥ sarve karṇamūle tu tasya hi | gale pāśaiḥ prabaddhvā te kaṭiṃ baddhvā tathodare
Sanskrit only: no published translation is held for this verse.
समाधृष्य निपात्यंते हाहेति वदते मुहुः । म्रियमाणस्य या चेष्टा तामेवं प्रवदाम्यहम्
samādhṛṣya nipātyaṃte hāheti vadate muhuḥ | mriyamāṇasya yā ceṣṭā tāmevaṃ pravadāmyaham
Sanskrit only: no published translation is held for this verse.
परद्रव्यापहरणं परभार्याविडंबनम् । ऋणं परस्य सर्वस्वं गृहीतं यत्तु पापिभिः
paradravyāpaharaṇaṃ parabhāryāviḍaṃbanam | ṛṇaṃ parasya sarvasvaṃ gṛhītaṃ yattu pāpibhiḥ
Sanskrit only: no published translation is held for this verse.
पुनर्नैव प्रदत्तं हि लोभास्वादविमोहतः । अन्यदेवं महापापं कुप्रतिग्रहमेव च
punarnaiva pradattaṃ hi lobhāsvādavimohataḥ | anyadevaṃ mahāpāpaṃ kupratigrahameva ca
Sanskrit only: no published translation is held for this verse.
कंठमायांति ते सर्वे म्रियमाणस्य तस्य च । यानिकानि च पापानि पूर्वमेव कृतानि च
kaṃṭhamāyāṃti te sarve mriyamāṇasya tasya ca | yānikāni ca pāpāni pūrvameva kṛtāni ca
Sanskrit only: no published translation is held for this verse.
आयांति कंठमूलं ते महापापस्य नान्यथा । दुःखमुत्पादयंत्येते कफबंधेन दारुणम्
āyāṃti kaṃṭhamūlaṃ te mahāpāpasya nānyathā | duḥkhamutpādayaṃtyete kaphabaṃdhena dāruṇam
Sanskrit only: no published translation is held for this verse.
पीडाभिर्दारुणाभिस्तु कंठो घुरघुरायते । रोदते कंपतेऽत्यर्थं मातरं पितरं पुनः
pīḍābhirdāruṇābhistu kaṃṭho ghuraghurāyate | rodate kaṃpate'tyarthaṃ mātaraṃ pitaraṃ punaḥ
Sanskrit only: no published translation is held for this verse.
स्मरते भ्रातरं तत्र भार्यां पुत्रान्पुनःपुनः । पुनर्विस्मरणं याति महापापेन मोहितः
smarate bhrātaraṃ tatra bhāryāṃ putrānpunaḥpunaḥ | punarvismaraṇaṃ yāti mahāpāpena mohitaḥ
Sanskrit only: no published translation is held for this verse.
तस्य प्राणान गच्छंति बहुपीडासमाकुलाः । पतते कंपते चैव मूर्च्छते च पुनःपुनः
tasya prāṇāna gacchaṃti bahupīḍāsamākulāḥ | patate kaṃpate caiva mūrcchate ca punaḥpunaḥ
Sanskrit only: no published translation is held for this verse.
एवं पीडासमायुक्तो दुःखं भुंक्तेति मोहितः । तस्य प्राणाः सुदुःखेन महाकष्टैः प्रचालिताः
evaṃ pīḍāsamāyukto duḥkhaṃ bhuṃkteti mohitaḥ | tasya prāṇāḥ suduḥkhena mahākaṣṭaiḥ pracālitāḥ
Sanskrit only: no published translation is held for this verse.
अपानमार्गमाश्रित्य शृणु कांत प्रयांति ते । एवं प्राणी महामुग्धो लोभमोहसमन्वितः
apānamārgamāśritya śṛṇu kāṃta prayāṃti te | evaṃ prāṇī mahāmugdho lobhamohasamanvitaḥ
Sanskrit only: no published translation is held for this verse.
नीयते यमदूतैस्तु तस्य दुःखं वदाम्यहम्
nīyate yamadūtaistu tasya duḥkhaṃ vadāmyaham
Sanskrit only: no published translation is held for this verse.